KʼUTUNEM 58

Chatux sukʼ che ri Jehová

Ri k'o pa ri wuj

Ri oj qastzij cristianos kʼo ta kojqʼaten che uqʼijilaxik ri Jehová. Qas qetaʼm che at xuqujeʼ kabʼan wariʼ, y ri Jehová nim kril wi ri sukʼilal che kakʼutu (chasikʼij 1 Crónicas 28:9). ¿Jas jastaq kubʼano che weneʼ katux ta sukʼ che ri Dios? ¿Y jas rajawaxik kabʼano?

1. ¿Jas weneʼ kkibʼan ri winaq rech kqakʼut ta sukʼilal che ri Jehová?

E jujun taq winaq kkaj kqaya kan upatanexik ri Jehová. ¿E jachin taq riʼ ri kkaj kqaya kan upatanexik ri Jehová? E are ri winaq che kiyaʼom kan ri qastzij qʼijilanik y kkimol tzij chrij ri utinamit ri Dios rech kkisachisaj uwach ri qakojonik. Ri winaq riʼ kbʼix apóstatas chke. Xuqujeʼ kʼo jujun taq kʼamal bʼe re nikʼaj chi kojonem che kkimol tzij rech kqaya kan ri qastzij qʼijilanik. We kojtzijon kukʼ ri winaq che utz ta kkil ri utinamit ri Dios, kqasikʼij ri kiwuj o kqil ri kkiya pa Internet sibʼalaj kubʼan kʼax che ri qakojonik. Rumal laʼ ri Jesús xubʼij: «Cheʼiya kanoq. E moyabʼ kkikʼam kʼu kibʼe nikʼaj moyabʼ chik. We ri moy kukʼam ubʼe ri moy, ri e kebʼ ketzaq pa jun jul» (Mateo 15:14).

2. ¿Jas kqabʼan che ukʼutik rukʼ ri kqachaʼ ubʼanik che oj sukʼ che ri Jehová?

Sibʼalaj kqaloqʼoqʼej ri Jehová, rumal laʼ kqaya taj che ri qachak, ni ri organizaciones o ri kqachaʼ ubʼanik kʼo kril rukʼ ri qastzij taj kojonem. Ri Jehová kubʼij wariʼ che ri utinamit: «Chixel bʼik pa ri Babilonia», kraj kubʼij, ri e qastzij taj kojonem (Apocalipsis 18:2, 4).

CHANIMARISAJ RI AWETAʼMANIK

Chqilaʼ ri rajawaxik kqabʼano rech amaqʼel oj sukʼ che ri Jehová. Xuqujeʼ chqilaʼ che kqakʼut sukʼilal che ri Jehová are chiʼ kqabʼan ta jun jastaq che kʼo ubʼanik rukʼ ri qastzij taj kojonem.

3. Chachajij awibʼ chke ri winaq che kkikʼut ta ri qastzij

¿Jas kqabʼano we kqato che tajin kbʼix jujun taq jastaq chrij ri utinamit ri Jehová? Chisikʼij Proverbios 14:15 y chixtzijon chrij wariʼ:

¿Jasche rajawaxik qas kojchomanik y kqakoj ta ronojel ri kbʼix chqe?

Chisikʼij 2 Juan 9-11 y chixtzijon chrij wariʼ:

¿La utz kojtzijon kukʼ ri apóstatas?
Paneʼ qas ta kukʼ ri apóstatas kojtzijon wi; are kʼu, ¿jas kubʼan pa ri qakʼaslemal ri kkikʼutu?
¿Jas kachomaj at, jas kunaʼ riʼ ri Jehová are chiʼ kqakoj ri molom tzij che kbʼix chrij ri areʼ y ri utinamit?

4. Chakʼutuʼ sukʼilal che ri Dios chiʼ jun qachalal kqaj pa mak

¿Jas rajawaxik kqabʼano are chiʼ jun chke ri qachalal pa ri congregación kubʼan jun nimalaj mak? Chqilaʼ jun pixabʼ che xuya ri Dios chke ri israelitas ojer kanoq. Chisikʼij Levítico 5:1.

Junam rukʼ ri kubʼij wajun versículo riʼ, we kqato che jun qachalal xubʼan jun nimalaj makaj, rajawaxik kqaya ubʼixik chke ri kʼamal taq bʼe. Are kʼu, nabʼe rajawaxik kojtzijon rukʼ ri qachalal y kqabʼij che, che ktzijon kukʼ ri kʼamal taq bʼe y kubʼij chke ri makaj che xubʼano. We kubʼan taj, oj rajawaxik kojtzijon kukʼ ri kʼamal taq bʼe. Rumal che kqaj kqakʼut sukʼilal che ri Jehová. We kqaya ubʼixik ri umak jun qachalal, ¿jasche wariʼ are jun kʼutbʼal re loqʼoqʼebʼal y sukʼilal che...

... ri Jehová?
... ri winaq che xmakunik?
... ri congregación?

Wachbʼal re jun achalal che kuya tobʼanik che jun chik che xubʼan jun nimalaj makaj: 1. Ri qachalal sibʼalaj xuxibʼij ribʼ rumal taq wachbʼal che kril pa ri u teléfono. 2. Ri achalal kukʼut ri uteléfono che jun chik achalal, xuqujeʼ kunimaj ta ri pixabʼ che kyaʼ che. 3. Ri achalal kkʼut ri uteléfono chke ri kʼamal taq bʼe y kchʼaw kukʼ e areʼ. — We jun qachalal xubʼan jun itzel jastaq ¡chatoʼo!

5. Chatel lo pa ri qastzij taj kojonem

Chiwilaʼ ri VIDEO.

VIDEO: ¡Chixel lo pa ri Nimalaj Babilonia! (5:06)

Wachbʼal re ri video «¡Chixel lo pa ri Nimalaj Babilonia!». Jun tijoxel rech ri Biblia xubʼij kan che jun sacerdote che kchakun ta chi pa ri iglesia.

Chisikʼij Lucas 4:8 y Apocalipsis 18:4, 5, y chiwilaʼ ri preguntas riʼ:

¿La kʼa kʼo na ri nubʼiʼ pa ri qastzij taj kojonem?
¿La in kʼo pa jun organización che kʼo ubʼanik rukʼ ri qastzij taj kojonem?
¿La kʼo ubʼanik ri nuchak rukʼ ri qastzij taj kojonem?
¿La rajawaxik kinya kan ubʼanik nikʼaj chi jastaq che kʼo ubʼanik rukʼ ri qastzij taj kojonem?
We xabʼij «kʼolik» che ronojel ri respuestas, ¿jas rajawaxik kabʼano?

Ri más nim ubʼanik are che kqakʼut sukʼilal che ri Jehová y kkʼojiʼ jun utz retaʼmabʼal qakʼuʼx.

Jun qachalal ixoq tajin kel lo pa jun supermercado rachiʼl ri alaj ral. Keqʼax bʼi chuwach jun ixoq che tajin kutaʼ pwaq rech ktoʼ jun organización che kʼo ubʼanik rukʼ ri qastzij taj kojonem. — ¿Jas kabʼan riʼ we ktaʼ tobʼanik chawe che ubʼanik jun jastaq che kʼo ubʼanik rukʼ ri qastzij taj kojonem?

RI KKICHOMAJ JUJUN WINAQ: «Rech kintoʼ uwiʼ ri qastzij kojonem rajawaxik kwetaʼmaj ri kkibʼij ri apóstatas chkij ri testigos rech Jehová».

¿La utz wajun chomanik riʼ? ¿Jasche?

RI XQETAʼMAJ

We kqaj kojux sukʼ che ri Jehová, rajawaxik keqachilaj ta ri winaq che kkaj kojkesaj kan pa ri utinamit ri Dios.

¿La knaʼtaj chawe?

¿Jasche utz taj kqatatabʼej ri kkibʼij ri apóstatas?
We kqetaʼmaj che jun qachalal xubʼan jun nimalaj mak, ¿jas rajawaxik kqabʼano?
¿Jas rajawaxik kqabʼano rech kqaxutuj apachike jastaq che kʼo ubʼanik rukʼ ri qastzij taj kojonem?

Qʼij che xkʼis rilik ri kʼutunem:

Chabʼanaʼ wariʼ

We tajin kabʼan jun jastaq che kʼo ubʼanik rukʼ ri qastzij taj kojonem, chawilaʼ ri rajawaxik kabʼano rech kaya kan ubʼanik.

Xuqujeʼ:

Ri jun chik che kawaj kabʼano

CHAWILAʼ CHI NIKʼAJ

Chawilaʼ ri rajawaxik kabʼano are chiʼ ri winaq kkibʼij molom taq tzij chkij ri testigos rech Jehová.

«¿La qas qetaʼm ronojel ri tajin kkʼulmatajik?» (La Atalaya, agosto 2018)

¿Jas kabʼan che retaʼmaxik we jun organización o jun nimaqʼij ko ubʼanik rukʼ ri qastzij taj kojonem?

«Chojok il che ri uchak ri Jehová pa ri kʼisbʼal taq qʼij» (Ri Chajinel, octubre 2019, párrafos 16-18)

¿Jas kkibʼan ri itzel taq winaq che kkaj kkiqasaj uchuqʼabʼ ri qakojonik?

Chqachajij qibʼ chuwach ri molom taq tzij (9:32)

Chawilaʼ jas xubʼan jun sacerdote sintoísta che uyaʼik kan ri qastzij taj kojonem, pa ri kʼutunem: «Xintzukuj ri Dios are chiʼ kʼa in nitzʼ na».

«Ri Biblia xukʼex ri kikʼaslemal» (La Atalaya, 1 re julio 2011)