SALMUS
PUNTA KAQ LIBRU
(Salmus 1-41)
1 Teyta Diosta cäsukoq nunaqa kushishqam kawakun.
Mana allita ruraq nunakuna consejayanqantaqa manam cäsuntsu,
jutsa* ruraqkunawanqa manam purintsu,+ ni burlakoqkunawampis manam juntakuntsu.*+
2 Tsëpa rantinqa, Jehovä Diospa leynintam kushishqa cäsukun,+
paqasta junaqtam leyin y leyinqankunamanmi pensan.+
3 Tsëta rurarqa, yaku kuchunchö jatun plantanömi kanqa,
tiempunchömi wayunqa y raprankunapis verdillam këkanqa.
Imëkata ruranqampis allim yarqunqa.+
4 Peru jutsata* ruraqkunaqa manam tsënötsu kayan,
pëkunaqa vientu apanqan tsaki päjanömi kayan.
5 Mana allita ruraqkunaqa castïgutam chaskiyanqa;+
y allita ruraqkuna kayanqanchöqa manam jutsata* ruraqkunaqa kayanqanatsu.+
6 Allita ruraqkuna imanö kawayanqantaqa, Teyta Jehovämi rikëkan;+
peru mana cäsukoqkunapa mana alli rurëninkunataqa ushakätsinqam.+
2 ¿Imanirtan mëtsë nacion nunakunaqa wakpa këpa purir këkäyan?
¿Imanirtan llapan markachö nunakuna mana allikunata rurayänampaq pensëkäyan?+
2 Jehovä Dioswan y akranqan nunawan* guërrata rurayänampaqmi
patsachö llapan gobernantikuna alistakuyan,+
y mandakoq nunakunapis willanakur juntakäyan.+
3 Kënömi niyan: “¡Cadënankunata
y watarätsimanqantsik waskakunatapis rachir ushakätsishun!”.
4 Tsënö niyaptinmi ciëluchö këkaqqa asipanqa,
gobernar täkunanchö jamarëkaqqa asikunqam,
Teyta Jehoväqa pëkunapitam burlakunqa.
5 Tsë witsanqa cölerashqam parlapanqa,
tsënö parlaparmi alläpa mantsakätsinqa.
7 Teyta Jehovä ninqanta willayashqëki,
pëmi kënö nimarqan: “Qammi tsurï kanki+
y noqam kanampitaqa teytëki kashaq.+
8 Mañakamaptikiqa llapan nacionkunatam entregashqëki,
juknin kuchumpita juknin kuchunyaqmi patsapa duëñumpis kanki.+
10 Kananqa gobernantikuna alli pensayë,
y qamkuna juezkunapis corregiyäshunqëkita cäsukuyë.
11 Jehovä Diosta respëtuwan* sirwiyë,
kushishqa adorayë.
Cölerakurqa jinan höram* ushakätsiyäshunki.+
¡Teyta Diosman confiakoqkunaqa, llapankunapis kushishqam kayanqa!
Kë salmutaqa David qellqarqan tsurin Absalonpita qeshpir ëwakunqan witsanmi.+
3 Teyta Jehovä, ¿imanirtan pïmë chikiyäman?+
¿Imanirtan llapampis conträ churakäyan?+
2 Mëtsikaqmi noqapaq niyan:
“Pëtaqa manam Teyta Dios salvanqatsu”.+ (Sëlah).*
5 Teyta Jehovä imëpis cuidamaptinmi, patsäkunqäpita y pununqäpita
tranquïlu riyamushaq o rikchamushaq.+
6 Mëtsika mil nunakunam chikiyäman,
peru ushakätsiyämänampaq entëru lädüman churanakayämuptimpis manam mantsätsu.+
7 ¡Teyta Jehovä, shamur yanapëkallämë! ¡Salvëkallämë+ Dios Yaya!
Qammi llapan chikimaqkunata cärankunachö laqyar ushanki
y kirunkunapis shikwaqpaqmi kutanki.+
Cantaqkunata dirigeqpaq. Cuerdayoq instrumentukunata tocar cantayänampaq. David qellqanqan salmus.
4 Teyta Dios, qamqa allillata ruraqmi kanki,+ qayakamuptï wiyëkallämë,
llakikunqä höra yanapëkallämë.
Teyta Dios, llakipëkamë* y mañakamuptï wiyëkallämë.
2 Nunakuna,* ¿imëyaqraq mana kaqpita culpamar penqakatsiyämanki?
¿Imëyaqraq mana väleq cösaskunata ashir kakuyanki* y ulikuyänëkipaq o llullakuyänëkipaq imëkata pensayanki? (Sëlah).
3 Cuentata qokuyë, Teyta Jehoväqa alli ruraqkunata kuyarmi yanapanqa.
Jehovä Diosqa mañakuptï wiyamanqam.
4 Cölerashqa këkarpis ama jutsallakuyëtsu.*+
Cämëkikunachö këkar shonquykikunachö imëkata nirpis upälla kakuyë. (Sëlah).
6 Mëtsikaqmi niyan: “¿Piraq alli kawanapaq yanapamäshun?”.
Teyta Jehovä, qamqa kuyakoqmi kanki, yanapëkayämë.*+
7 Qam yanapamaptikim, atska cosëchayoq
y atska llullu vïnuyoq nunakunapitapis mas kushishqa kä.
Cantaqkunata dirigeqpaq. Nehilotpaq.* David qellqanqan salmus.
5 Teyta Jehovä, qayakamuptï wiyëkallämë,+
llakikurmi sufrikä, rikëkallämë.
2 Kamakoq Yaya, yanapëkamänëkipaq mañakamuptï wiyëkallämë,
qammanmi rogakallämü Teyta Dios.
3 Teyta Jehovä, patsa waräriptin mañakamuptï wiyëkallämë,+
llapan yarpachakunqätam willashqëki, y yanapamänëkitam shuyaräshaq.+
4 Teyta Dios, qamqa manam kushikunkitsu nunakuna mana allita rurayaptin,+
mana alli nunakunaqa manam amïguyki këta puëdiyantsu.+
6 Ulikoqkunata o llullakoqkunataqa ushakätsinkim.+
Teyta Jehovä, qamqa melanankim maqakoqkunata y engañakoqkunata.+
8 Chikimaqkunam entëru lädüchö këkäyan, Teyta Jehovä, allillata ruranäpaq yanapëkamë.
Qamta shumaq sirwinaqpaq, alli nänipa pushamaq cuenta chikimaqkunata puntäpita qarquy.+
9 Tsë nunakuna niyanqanqa manam creipaqtsu,
mana allita rurayänampaqmi shonqunkunachö pensëkäyan.
Ayata pampayänan uchkunömi shiminkunapis kicharëkan,
imëkapitapis alabakurllam këkäyan.+
10 Teyta Dios, pëkunata castiguëkullë,
mana allita rurayanqampita kikinkuna sufriyätsun.+
Imëka jutsata* rurayanqampita ama chaskïkullëtsu,
pëkunaqa manam cäsuyäshurqunkitsu.
11 Peru qamman confiakamoqkunaqa, kushishqam kayanqa,+
imëpis kushishqam qayëkachäyanqa.
Qammi imëka mana allikunapita cuidanki,
y qam yanapaptikim, jutikita kuyaqkunaqa kushishqa kayanqa.
12 Teyta Jehovä, allita ruraqkunataqa bendicinkim.
Allita rurayanqampita kushikurmi, jatun escüduwannö imëka mana allikunapita tsapanki.+
Cantaqkunata dirigeqpaq. Cuerdayoq instrumentukunata seminit nötachö tocayänampaq. David qellqanqan salmus.
6 Teyta Jehovä, cölerashqa këkarqa ama qayapëkallämëtsu,
alläpa cölerashqa këkarqa ama corregïkamëtsu.+
2 Teyta Jehovä llakipëkallämë,* kallpannaqmi këkä.
Teyta Jehovä, tullükunapis karkaryëkanmi, allina sientukunäpaq yanapëkallämë.+
5 Nuna wanurqa o wañurqa manam yarpäyäshunkinatsu.
Patsapa shonqunchö këkarqa,* ¿piraq alabashunkiman?+
6 Waqëtapis manam puëdïnatsu,+
waqar waraptïmi, cämäpis weqillana këkan.
Alläpa waqaptïmi, weqïqa mëtsika yakunöraq cuartüchö sïlläkunatapis apakuyta munan.+
7 Alläpa waqaptïmi nawïpis shumaqqa rikannatsu,+
chikimaqkuna waqatsiyämaptinmi nawïtapis oqrëkäna.
8 Mana allita ruraq nunakuna lädüpita witikuyë,
Teyta Jehovämi waqaptï wiyamanqa.+
9 Teyta Jehovämi rogakuptï cäsumanqa,+
Jehovä Diosmi mañakuptï wiyamanqa.
10 Llapan chikimaqkunam penqakushqa y mantsakashqa quedayanqa,
y mana pensayanqan höram penqakur qeshpir ëwakuyanqa.+
Benjaminpa kastampita Cus jutiyoq nuna Davidpa contran parlarqan, tsënö parlanqampitam Davidqa Jehovä Diospaq cantarqan.
2 Mana salvamaptikiqa, mallaqashqa leonkunanömi rachir ushayämanqa,+
apakayämaptimpis manachi pillapis salvamanqatsu.
3 Teyta Jehovä, culpayoq kaptïqa,
imatapis mana allita rurashqa kaptïqa,
4 yanapamaqkunata mana allipa tratashqa kaptïqa,+
o mana imanëkämaptin chikimaq nunapa cösasninta apakushqa kaptïqa,
5 chikimaq nuna taripëkamar
penqakuychö dejamätsun
y jarumar wanutsimätsun. (Sëlah).
6 Teyta Jehovä, chikimaqkunapita salvëkamanëkipaq,
cölerashqa shamur puntäman churakë.+
Justiciata noqapaq rurëkallämuy.+
7 Entëru läduykiman llapan nacionpita nunakuna churanakayämuptimpis,
qamqa altupitam llapanta vencimunki.
8 Teyta Jehovä, mëtsë markachö këkaq nunakunata castiguë.+
Teyta Jehovä, qamqa musyankim allita ruraq kanqäta,
9 Teyta Dios, mana allita ruraq nunakunata ushakäratsi, peru allita ruraqkunataqa maslla yanapëkullë.+
Qamqa allita ruraq Diosmi kanki,+ musyankim nunakuna shonqunkunachö imanö kayanqanta,+
musyankim shonqunkunachö imatapis pensëkäyanqanta y munayanqanta.*+
10 Teyta Diosqa, tsapämaq escüdunömi.+
Pëqa allita ruraq nunakunata Salvaqmi.+
11 Teyta Diosqa, justiciata ruraq juezmi,+
Teyta Diosqa, mana allita ruraq nunakunatam cada junaq juzgan.
13 Wanutsinampaqmi alli kaq armankunata alistan,
y ninayoq flëchankunatam listullatana katsin.+
14 Rikäyë taqë nunata qeshyaq warminömi, imëka mana allikunata qeshyaq këkan,
llullu wamranömi imëka desgraciakuna pachanchö winëkan,
y ulikuykunata o llullakuykunatam qeshpikun o qeshyakun.+
15 Patsachömi jatun uchkuta ruran,
tsëmanmi kikinlla ishkirin.+
16 Nuna mayinta mana allita ruranqampitam kikin sufrinqa,+
nuna mayinta waqatsinqampitam kikin waqanqa.
17 Teyta Jehovätam justiciata ruranqampita alabashaq,+
Llapanta Gobernaq Poderösu+ Jehovä Diospa jutimpaqmi cantashaq.+
Cantaqkunata dirigeqpaq. Guitit* nötachö tocayänampaq. David qellqanqan salmus.
8 Teyta Jehovä, ¡entëru patsachömi jutikiqa alläpa respetëpaq!
¡Qampaqqa ciëlupis alläpa ichikllam!*+
2 Qammi nirqunki pishi wamrakuna y chichikaq* wamrakunapis+ qampita allita parlar defendiyäshunëkipaq kaqta.
Tsëmi chikiyäshoqnikikunaqa penqakur upällalla kayanqa.
4 Tsëkunata rikarmi kënö pensä: “Wanukoqlla nunakunaqa, ¿imanatan kayan pëkunapaq alläpa yarpachakunëkipaq?
Nunapa tsurinkunaqa, ¿imanatan kayan pëkunata cuidanëkipaq?”.+
5 Nunataqa manam angelkunapita* mas puëdeqtatsu kamarqëki,
peru respetayänampaqmi gobernantitanö coronatsirqëki.
6 Llapan kamanqëkikunata mandanampaqmi churarqëki,+
tsënöllam llapan imëkatapis cargunman churarqëki.
7 Pëpa poderninmanmi churarqunki üshakunata, cabrakunata,
wäkakunata, chukaru animalkunata,+
8 volaq* animalkunata, lamarchö pescädukunata
y lamarchö kawaq llapan animalkunatapis.
9 Teyta Jehovä, ¡entëru patsachömi jutikiqa alläpa respetëpaq!
Cantaqkunata dirigeqpaq. Mut-laben* nötachö cantayänampaq. David qellqanqan salmus.
א [älef]
9 Llapan shonqüwanmi alabashqëki Teyta Jehovä,
llapan ruranqëkikunam alläpa shumaq, tsëkunapitam willakushaq.+
2 Ruranqëkikunata rikarmi kushishqa kashaq,
Llapanta Gobernaq Poderösu Dios, jutikita alabarmi cantamushaq.+
ב [bet]
3 Chikimaqkuna noqapita qeshpir ëwarqa,+
puntëkichö ishkirmi wanuyanqa o wañuyanqa.
4 Alli ruraq kanqäta musyarmi qam defendimanki,
y gobernar täkunëkiman jamëkurmi justiciata ruranki.+
ג [guímel]
5 Mëtsë nacionpita nunakunatam qayaparqunki+ y mana allita ruraqkunatam ushakätsirqunki,
y pëkunataqa* manam imëpis yarpäyanqanatsu.
6 Chikishoqnikikunataqa ushakätsirqunkim,
mana alli qorata* sutar jitareqnömi markankunatapis ushakätsirqunki,
pëkunataqa manam ni pï yarpanqanatsu.+
ה [he]
7 Peru Teyta Jehoväqa gobernar täkunanchömi imëpis këkanqa,+
tsëpita gobernamurmi justiciata ruramunqa.+
8 Pëmi justiciata rurar entëru patsachö nunakunata juzganqa,+
y llapan nacionchö nunakunata juzgarmi justiciata ruranqa.+
ו [waw]
9 Nuna mayinkuna sufritsiyaptin sufreq nunakunataqa Teyta Jehovä defendinkim,+
llakishqa kayanqan höram yanapanki.+
10 Jutikita llapan reqeqkunam qamman confiakayämunqa
Teyta Jehovä+ ashishoqnikikunataqa manam imëpis dejankitsu.+
ז [zayin]
11 Sion jirkachö kawaq Jehovä Diosta, cantarnin alabayë,
llapan ruranqankunata nunakunata musyatsiyë.+
12 Teyta Diosmi sufreq nunakunapa biennin yarqunqa,+ pëman waqar qayakuyanqantaqa manam qonqanqatsu
y sufritseq nunakunataqa llapantam ushakätsinqa.+
ח [jet]
13 Teyta Jehovä, qammi wanuypita o wañuypita salvamëta* puëdinki,
tsënölla kanampis llakipëkallämë,*
chikimaqnïkunam alläpa sufritsiyäman.+
14 Sion markapa punkunman* churakëkurmi llapan ruranqëkikunata willakushaq,+
y salvamanqëkipitam kushikushaq.+
ט [tet]
15 Nacionkunachö nunakunaqa kikinkuna rurayanqan uchkuman jeqaqnömi kayan,
jukpaq churayanqan trampata jaroqnömi kayan.+
16 Teyta Jehovätaqa reqiyan nunakunata imëpis juzgar castiganqampitam.+
Mana allita ruraq nunaqa kikin ruranqan trampallamanmi ishkishqa.+
(Higayon.* Sëlah).
י [yod]
17 Mana allita ruraq nunakunaqa llapampis Sepultürachömi* ushayanqa,
tsënöllam Teyta Diosta qonqëkoq entëru nacionkunachö nunakunatapis pasanqa.
כ [kaf]
19 ¡Teyta Jehovä, jinan höra shamuy! Ama dejënatsu nunakuna munëninta rurayänanta.
Entëru nacionchö nunakunata kikiki juzguë.+
20 Jehovä Dios, pëkunata mantsakätsi,+
mëtsë nacionchö nunakuna musyayätsun wanoqlla o wañoqlla kayanqanta. (Sëlah).
ל [lämed]
10 Teyta Jehovä, ¿imanirtan karuchö këkanki?
¿Imanirtan llakikunqä höra qamta rikaqnatsu?+
2 Mana alli nunaqa, orgullösu karmi defendikuyta mana puëdeq nunata sufritsin,+
peru jukta sufritsita munëkarpis kikinllam sufrinqa.+
3 Mana alli nunaqa, mana allikunata rurëta munanqampitam alabakun,+
y kikinllapaq imatapis asheq nunakunatam alabapan,
נ [nun]
y manam Teyta Jehovätapis respetantsu.
4 Mana alli nunaqa, orgullösu karmi, shumaqqa musyapakurintsu,
“manam Diosqa kantsu”+ nirmi imëpis pensëkan.
5 Teyta Dios, mana alli nunaqa munanqankuna alli yarquptimpis,+
manam entiendinqatsu juzgar ninqëkikunata.+
Mana alli nunaqa llapan chikeqninkunapitam burlakun.
6 Shonqunllachömi nin:
“Noqaqa imëpis allillam këkäshaq,
manam ni ima desgraciapis pasamanqatsu”.+
פ [pe]
7 Pëqa pitapis maldicirlla, uliparlla o llullaparlla y juraparllam këkan,+
imëpis pleytuta ashirllam këkan y lluta parlarmi wakinkunatapis llakitsin.+
8 Markakunapa amänunman ëwëkurmi atacanampaq shuyaran,
tsëchömi culpannaq nunata illaqpita wanutsin.+
ע [ayin]
Pitapis illaqpita wanutsinampaqmi rikëkan.+
9 Animalta yachëllapa* leon shuyaraqnömi shuyaran,
defendikuyta mana puëdeq nunata shuyaran,+
atarräyawan tsareqnömi defendikuyta mana puëdeq nunata prësurin.+
10 Chakinman ishkirmi prësunqan nunaqa ushakäreqnö tikrarin,
defendikuyta mana puëdeqkunaqa poderninchömi quedariyan.
11 Mana alli nunaqa shonqunchömi kënö nin:
“Diosqa qonqëkushqam,+ mananam yarpannatsu.
Pëqa manam imatapis rikantsu”.+
ק [qof]
12 Teyta Jehovä kanan höra shamuy,+ makikita pallarkur* salvëkullë.+
Defendikuyta mana puëdeqkunataqa ama qonqëkullëtsu.+
13 Teyta Dios, ¿imanirtan mana alli nunaqa respetashunkinatsu?
Shonqunllachömi nishunki: “Qamqa manam juzgamankitsu”.
ר [resh]
14 Peru Teyta Dios qamqa musyankim nunakuna desgraciapa pasar waqayanqanta.
Tsëta rikarmi yanapanki.+
ש [shin]
16 Teyta Jehovämi imëyaqpis Gobernanti kanqa.+
Entëru patsachö nacionkunaqa ushakäyashqanam.+
ת [taw]
17 Allita ruraq nunakuna mañakayämuptinqa, qamqa wiyankim Teyta Jehovä.+
Valienti kayänampaqmi yanapanki,+ y pëkunapaqmi imë hörapis yarparëkanki.+
18 Papäninnaqkunapaq y nuna mayinkuna sufritsiyanqan nunakunapaqmi justiciata ruranki,+
tsënöpam allpapita rurashqa nunaqa, nuna mayinta sufritsinqanatsu.+
Cantaqkunata dirigeqpaq. David qellqanqan salmus.
11 Noqaqa Teyta Jehovämanmi confiakü,+
tsënö confiakuykaptïmi qamkunaqa kënö niyämanki:
“¡Pishqunö jirkakunapa qeshpir ëwakuy!
2 Rikë, mana alli nunakunaqa flechakuyänantam listuta këkätsiyan.
Mana rikäyänan sitiuman churakëkurmi,
allita ruraq nunakunata flëchayänampaq listu këkäyan.
3 Mana allita ruraq nuna, munanqanta ruraptinmi,
alli ruraq nunaqa ni ima rurëta puëdinnatsu”.
Tsëpitam llapanta rikëkämun,
alli rikämurmi nunakuna imanö kayanqanta musyëkan.+
5 Teyta Jehoväqa rikëkanmi, alli ruraq nuna imanö kanqanta y mana alli ruraq nuna imanö kanqanta.+
Mana allikunata rurëta gustaq nunataqa chikinmi.+
6 Mana alli nunapaqqa imëka trampatam churan,
ninatawan azufritam tamyatsinqa+ y achachaq vientuwanmi castiganqa.
Cantaqkunata dirigeqpaq. Seminit nötachö tocayänampaq. David qellqanqan salmus.
12 Teyta Jehovä salvëkallämë, confiakuypaq nunakunaqa manam kayannatsu,
alli ruraq nunakunaqa ushakäyashqam.
2 Nunakunaqa ulipänakurllam o llullapänakurllam kayan.
Imatapis munarqa jukta juktaran alabapäyan, peru shonqunkunachöqa engañëkäyanmi.+
3 Teyta Jehoväqa, alabakoqkunata
y wakinkunata janan shonqulla alabapaqkunatam ushakätsinqa.+
4 Pëkunaqa kënömi niyan: “Noqantsiknöqa piraq parlëta yachanman.
Imata nimashqapis imëkanöpam creiratsishun. ¿Piraq imatapis nimäshun?”.+
5 Tsënö niyaptimpis Teyta Jehoväqa kënömi nin: “Humildi nunakunata
y waktsa nunakunatam sufrikätsiyan,+
y pëkunaqa waqarmi këkäyan.
Peru despreciar sufritsiyänantaqa manam dejashaqnatsu, ëwëkurmi salvamushaq”.
6 Teyta Jehovä parlanqankunaqa alläpa limpium,+
hornuchö* qanchis kutipa alliyätsishqa pläta metalnöraqmi.
7 Teyta Jehovä, kë mana alli nunakuna mana sufritsiyänampaqmi humildi nunakunata
y waktsa nunakunata imëpis cuidanki.+
8 Nunakunaqa imëka mana allikunatam rurayan
y mëtsëchömi munayanqanta libri rurakuyan.+
Cantaqkunata dirigeqpaq. David qellqanqan salmus.
13 Teyta Jehovä, ¿imëyaqraq qonqëkamanki? ¿Mananatsuraq imëpis yarpämankina?
¿Imëyaqraq rikämëtapis munankitsu?*+
2 ¿Imëyaqraq alläpa yarpachakurlla kashaq?
¿Imëyaqraq cada junaq shonqüllachö llakikur kashaq?
¿Imëyaqraq chikimaq nunakunaqa noqapita mas puëdeq kayanqa?+
3 Teyta Jehovä, qammi Diosnï kanki, rikëkallämë y mañakamuptï wiyëkallämë.
Mana wanunäpaq o wañunäpaq kallpayoqta tikrëkatsimë.*
4 Tsënöpa chikimaq nuna, “vencirqömi” nir mana alabakunampaq,
ama permititsu chikimaq nunakuna vencimar noqapita asikuyänanta.+
6 Teyta Jehovätaqa bendicimanqampitam alabarnin cantapäshaq.+
Cantaqkunata dirigeqpaq. David qellqanqan salmus.
Mana allillatam imëpis rurayan y rurayanqankunaqa melanëpaqmi.
Manam ni mëqampis allitaqa rurantsu.+
2 Peru Teyta Jehoväqa ciëlupitam nunakunata rikëkämun.
Entiendikoq kayanqanta y Teyta Jehoväta cäsukuyanqantapis rikëkämunmi.+
3 Llapan nunakunapis mana allim tikrayashqa,+
mana allillatam rurakuyan.
Manam ni jukllëllapis allitaqa rurantsu.
4 ¿Manaku ni mëqanllapis cuentata qokun mana allita rurëkanqanta?
Tantata ushëpa ushar mikoq cuentam, Teyta Diosta sirweqkunata ushakätsiyan.
Manam Jehovä Diostaqa yarpäyantsu.
5 Tsënö këkarmi pëkunaqa alläpa mantsakäyanqa,+
peru Teyta Jehoväqa allita ruraq nunakunatam yanapëkan.
6 Mana allita ruraq nunakuna, qamkunaqa manam dejayankitsu sufrikaq nunakuna* imatapis rurayänanta,
peru Teyta Jehovämi sï pëkunata yanapan.+
7 ¡Sion jirkapita shamur Israel nunakunata Teyta Dios salvëkullätsun!+
Mëtsë markakunachö prësu këkaq sirweqninkunata Jehovä Dios kutitsimuptin,
Jacob kushikutsun y Israelpis alläpa kushikutsun.
David qellqanqan salmus.
15 Teyta Jehovä, ¿imanö nunatataq wayikiman chaskinki?
¿Imanö nunatan sagrädu jirkëkichö täkunqa?*+
2 Tsëchöqa këta puëdiyan, ninqëkikunata cäsukoqkuna,+
alli kaqllata imëpis ruraqkuna,+
shonqunkunachö rasumpa kaqta parlaqkuna,+
3 nuna mayinta mana calumniaqkuna,+
nuna mayinta mana allikunata mana ruraqkuna,+
amïgunkunapaq mana rimaqkuna,+
4 mana allita ruraq nunakunata mana chaskeqkuna,+
Teyta Jehoväta kuyaq* nunakunata respetaqkuna,
perdinan kaptimpis änikunqanta cumpleqkuna,+
5 qellëta prestakurpis wachëninta mana cobraqkuna,+
y jutsannaq* nunata culpatsanampaq imatapis mana chaskipakoqkunam.+
Tsënö allikunata ruraq nunakunaqa imëpis kushishqam kawakuyanqa.+
David qellqanqan salmus.*
16 Teyta Dios salvëkallämë, qammanmi defendimänëkipaq shamurqö.+
2 Teyta Jehovätam nirqö: “Teyta Jehovä, alläpa alli kaptikim noqaqa imëka allikunata tarï.
4 Santukunata adoraqkunaqa imëkatam sufriyan.+
Peru noqaqa manam tsë santukunapa jutinkunata parlashaqtsu,
ni yawartapis altarninman jichashaqtsu.+
5 Teyta Jehovä, qam bendicimaptikim imëkatapis tarï,+ y cöpäpis juntam këkan.*+
Qammi herenciäta cuidanki.
6 Alli markakunatam noqapaq rakirqunki,
herenciäwanqa kushishqam këkä.+
7 Shumaq consejamanqampitam Teyta Jehoväta alabashaq.+
Paqaskunapa shonqüllachö* yarpachakurmi cuentata qokurqö pë corregimanqanqa alli kanqanta.+
8 Teyta Jehovätaqa, puntächö këkaqtanömi imëpis rikä.+
Derëcha lädüchö pë këkaptinqa, manam imapis pasamanqatsu.+
9 Tsëmi alläpa kushishqa këkä y shonqüpis kushishqam këkan,
tranquïlum kawakü.
10 Qamqa manam Sepultürachö* dejamankitsu.+
Y manam permitinkitsu llapan shonqunwan sirwishoqniki ismur ushakänanta.*+
11 Imanö kawakunäpaqmi yachatsimanki.+
Läduykichö* karqa alläpa kushishqam kä.+
Derëcha läduykichö kaqkunaqa imëpis kushishqam kayan.
Teyta Diosman David mañakunqan.
17 Teytallä Jehovä, justiciata ruramunëkipaq rogakamuptï wiyëkallämë,
yanapëkamänëkipaq qayakamuptï wiyëkallämë.
Teyta Dios, llapan shonqüwanmi mañakëkämü.+
2 Teyta Dios, juzgamanqëki höraqa imanö kanqäta yarpëkullë,+
allita ruranqäkunata ama qonqëkullëtsu.
3 Qamqa allim musyanki shonqü imanö kanqanta, paqaspapis rikarqunkim imanö kanqäta,+
qammi yanapamarqunki limpiu shonquyoq kanäpaq.+
Musyankim ima mana allitapis mana pensanqäta,
y pitapis shimïwan mana ofendinqäta.
4 Palabrëkita cäsukurmi, ladronkuna rurayanqantaqa wakinkunanö
rurätsu.+
5 Yanapëkamë ninqëkita cäsukunäpaq
y mana alli rurëkunaman mana ishkinäpaq.+
6 Teyta Dios, imëpis wiyamaptikim rogakallämü.+
7 Qamqa alläpam kuyamanki, yanapëkallämë Teyta Dios.+
Yanapanëkipaq derëcha läduykiman shamoqkunataqa,
contrëki churakaq nunakunapitam salvanki.
8 Nawi nïñëkitanö cuidëkallämë.+
Wawankunata älan rurinman pishqu pakaqnö noqatapis pakëkallämë.+
9 Chikimaq nunam ataquëkäman, defendïkallämë.
Entëru lädüpam chikimaq nunakuna wanutsiyämänampaq ataquëkäyäman, salvëkallämë.+
10 Manam llakipäkuyta* yachayannatsu,
alabakurmi imëkata parlayan.
11 Kananqa entëru lädukunachömi atacayämänampaq këkäyan,+
imëkanöpapis venciyämëtam munayan.
12 Mallaqashqa leonnömi rachikacharkayämëta munayan,
malta leonnömi yachëllapa shuyarëkäyäman.
13 Teyta Jehovä, chikimaqkunawan pelyanëkipaq shamuykullë
y llapanta ushakätsi,+
tsë nunakunapita espädëkiwan salvëkallämë.
14 Kamakoq Yaya Jehovä, kë patsachö mana alli nunakunapita salvëkallämë.
Pëkunaqa imatapis kikinkunallapaq ashirmi këkäyan,+
qammi imëka allikunata qaranki+
y tsë qaranqëkillatam tsurinkunatapis herenciankuna dejapäyan.
15 Peru noqataqa allita ruraq kaptïmi bendicimanki.*
Pununqäpita riyarkamurqa o rikcharkamurqa lädüchö këkanqëkita musyarmi alläpa kushikü.+
Cantaqkunata dirigeqpaq. Jehovä Diosta sirweq David qellqanqan salmus. Kë canciontam Jehovä Diospaq David cantarqan llapan chikeqninkunapita y Saulpita Jehovä salvaptin. Kënömi cantarqan:+
18 Teyta Jehovä, qamtam alläpa kuyaq, qammi kallpayoqta tikratsimanki.+
2 Jehovä Dios, qammi tsapämaq jatun qaqa cuenta kanki, alli segurashqa marka cuenta y salvamaqnï kanki.+
Teyta Dios tsapämaq qaqa cuenta,+ escüdu cuentam kanki, qammanmi tsapämänëkipaq cörripa shamü.
Alläpa puëdeq Teyta Dios, qamllam imëpis salvamanki.*
Qamllam tsapämaq, alli següru sitiunö kanki.+
3 Teyta Jehovä qamllatam alabashqëki, qammanmi imëpis mañakamü,
llapan chikimaqkunapitam salvamanki.+
4 Wanuypis o wañuypis imëka waskawannömi watamëta munarqan,+
mana väleq nunakuna mëtsikaq chärayämuptinmi, apakoq yakutanöraq mantsarqä.+
5 Sepultürapis* waskawan watarkur qarachämaqnömi karqan,
wanuypis o wañuypis ushakätsikoq trampatam churamurqan.+
6 Alläpa yarpachakurmi Jehovä Diosman qayakurqä,
yanapamänampaqmi kutin kutin Diosnïman rogakurqä.
7 Tsëmi Teyta Dios cöleraptin,
patsapis wakman këman kuyurqan,+
jirkakunapa cimientumpis mana pärëpam karkaryar kuyurqan.+
8 Kikin Teyta Diosmi shanshëkaq o shankëkaq carbonta aqtumurqan,
shimimpitam ushakätsikoq nina yarqamurqan,
y senqampitanam qoyëpis o qoshnipis yarqamurqan.+
9 Teyta Dios urämuptinmi ciëlupis patsaman doblakämurqan,+
10 Juk querubinta montashqam volar* shamurqan.+
Juk angelpa älanchönömi urämurqan.+
12 Entërumpa tillapyaptinmi,
shanshëkaq o shankëkaq carbonpis tamyanöraq shikwamurqan y pukutëwan runtu tamyam karqan.
13 Llapanta Gobernaq Poderösu Jehovämi ciëluchö räyukunata bunrurütsimurqan,+
shanshëkaq o shankëkaq carbonwan runtu tamyam ciëlupita shikwamurqan,
y Teyta Dios fuertipa parlamunqantam nunakuna wiyayarqan.+
14 Flëchamuptinmi chikeqninkunaqa mëtsëpa ëwakuyarqan;+
y räyuta bunrurütsimuptinmi nunakunaqa alläpa mantsakäyarqan.+
15 Teyta Jehovä cöleraptinmi mayu* rurimpis rikakäramurqan,+
y senqanwan pükamuptinmi, patsapa cimientumpis rikakäramurqan.+
16 Pëmi altupita makinta makyamarqan,
y mëtsika yaku rurimpitam sutarkamarqan.+
17 Noqapita mas puëdeq chikimaqpitam salvamarqan,+
mas puëdeq kayaptimpis llapan chikimaqkunapitam salvamarqan.+
18 Pëkunaqa desgraciapa pasanqä junaqmi atacayämarqan,+
peru Jehovä Diosmi yanapamarqan.
19 Kuyamarmi salvamarqan,
y següru sitiumanmi apamarqan.+
21 Jehovä Dios mandamanqanta cäsukurmi kawarqö,
y manam pëta imëpis dejarqötsu, dejaptïqa jutsachi* kanman karqan.
22 Llapan mandamientunkunatam yarparëkä,
y leynintaqa imëpis respetashaqmi.
26 Allita ruraq nunakunapaqqa imëpis allitam ruranki,+
28 Teyta Jehovä, aktsï* cuentam noqapaqqa kanki,
ampichönö o tsakëchönö* këkaptïmi, qamqa Teyta Dios aktsipämanki.+
29 Teyta Dios, yanapamaptikim asaltanti soldädukunawampis pelyëta puëdï;+
kallpëkiwan yanapamaptikim markakunapa murällan janampapis pasëta puëdï.+
Pëman confiakoqkunataqa escüdu cuentam tsapan.+
31 Teyta Jehovänöqa manam juk diosqa kantsu.+ Pënöqa manam ni pï kantsu.
Diosnintsikqa tsapäkoq qaqa cuentam.+
33 Pë yanapamaptinmi luychunöraq cörrita puëdï;
feyu jirkakunapa purirpis manam ishkïtsu.+
34 Guërrachö alli pelyanäpaqmi yachatsiman;
cobripita flëchakuna arcutapis doblëta puëdïmi.
35 Qamqa escüdu cuentam imëkapitapis salvamanki,+
derëcha makikiwanmi yanapamanki,
y humildi karmi puëdeq kanäta munanki.+
37 Chikimaqnïkunatam qatipar taripäshaq;
llapankunata wanuskatsir-ran kutimushaq.
38 Mana sharkayämunampaqmi ushakätsishaq;+
chaki puntäman ishkishqatam jaruräshaq.
39 Qammi pelyanäpaq kallpayoqta tikratsimanki;
puntämanmi chikimaqnïkunata ishkitsimunki.+
41 Yanapayänanta munar qayakuyaptimpis, manam pillapis yanapashqatsu;
Teyta Jehoväman qayakuyaptimpis manam cäsushqatsu.
42 Vientu apakunampaqmi, polvuyanqanyaq allpata aqaqnö pëkunata ushakätsishaq;
cällichö leqitatanömi, pëkunata waqtaman jitashaq.
43 Marka mayïkuna rimayämaptimpis qammi defendimanki.+
44 Forastërukunam makinkunatapis choqpakur* noqaman rogakur shayämunqa;
pï kanqäta willayaptinqa, upällam cäsuyämanqa.+
45 Juk nacionpita nunakunaqa manam valienti tukuyanqanatsu;
alli murallashqa markankunapitam mantsëkämarpis noqaman shayämunqa.
46 ¡Teyta Jehovällam kawaq Diosqa! ¡Qaqa cuenta tsapämaq Dios Yaya, alabashqa këkullätsun!+
¡Alabashqa këkullätsun salvamaq Teyta Diosllä!+
47 Teyta Diosmi conträ sharkoqkunata castigan;+
llapan nacion nunakunatapis mandädümanmi churamun;
48 llapan cölerashqa chikimaqkunapitam salvaman.
Qammi Teyta Dios, conträkuna shayämuptimpis mas puëdeqta tikratsimanki;+
qammi maqakoq nunakunapita salvamanki.
49 Tsëmi Teyta Jehovä, llapan nacion nunakuna musyayänampaq alabashqëki,+
y cantarmi jutikita alabashaq.+
50 Qammi churanqëki gobernantita salvarqunki,*+
akranqëki+ gobernanti Davidta y llapan familiantam,
alläpa kuyanki.+
Cantaqkunata dirigeqpaq. David qellqanqan salmus.
19 Teyta Dios poderösu kanqantaqa, ciëluchö llapan këkaqkunam musyatsikuyan,+
y altuchö kaqkunam musyatsikuyan Teyta Dios llapanta kamanqanta.+
2 Tsëkuna musyatsikuyanqanqa, mana ushakaq yakunömi cada junaq këkan,
y cada paqasmi Teyta Dios yachaq kanqanta musyatsikuyan.
3 Manam parlayantsu
ni manam voznimpis wiyakantsu,
4 peru entëru patsachömi willakuyashqa,
patsapa juknin kuchumpita juknin kuchunyaqmi musyatsikuyashqa.+
Teyta Diosmi, intipaq o rupaypaq ciëluchö carpa* wayin rurapushqa.
5 Tsëmi intiqa o rupayqa shumaq cuartumpita noviu yarqamoqnö chipapar-raq yarqamun,
kallpasapa nuna imëpis purinqan nänipa kushishqa cörreqnömi kushishqa yarqamun.
6 Patsapa juknin kuchumpa yarqamurmi, juknin kuchumpa jeqarkun,+
y achachënintaqa manam imapis tsapantsu.
7 Teyta Jehoväpa leyninqa llapampis allilla karmi+ kallpayoqta tikratsimantsik.+
Teyta Jehovä mandakunqankunaqa confiakuypaq karmi+ mana yachaqkunata yachaqta tikratsin.+
8 Teyta Jehoväpa leyninkunaqa llapampis alli karmi shonquntsikta kushitsin.+
Teyta Jehoväpa mandamientunkunaqa limpiu karmi, mana musyaqtapis yachaqta tikratsimantsik.+
9 Llapan shonquntsikwan Teyta Jehoväta respetëqa*+ sagrädum, tsënö respetaq nunakunaqa imëpis respetëkäyanqallam.
Teyta Jehoväpa leyninkunaqa* imëpis allillam.+
10 Tsëkunaqa örupita mas shumaqmi,
mëtsika alli örupitapis mas munapëpaqmi.+
Abëjapa mielnimpitapis masmi mishkin,+ panalpita shutuykaq mielpitapis masmi mishkin.
11 Teyta Dios, tsë leykunawanmi sirwishoqnikita musyatsinki mana allita mana ruranampaq,+
y cäsukoqkunaqa, mëtsika bendiciontam chaskiyan.+
12 Peru jutsata* rurëkanqantaqa, ¿piraq cuentata qokunman?+
Cuentata mana qokur jutsata ruranqäpita perdonëkallämë.
13 Teyta Dios, yachaq tukur imatapis ruraptïqa michëkallämë.+
Mana alli munënïkuna vencimänanta ama dejëkullëtsu.+
Qam yanapamaptikim munanqëkinö limpiu shonquyoqna kashaq,+
y mananam imëka mana allikunata rurar kashaqnatsu.
14 Teyta Jehovä, parlanqäkuna y shonqüllachö pensanqäkuna munanqëkinö kallätsun.+
Noqapaqqa, tsapämaq qaqa cuentam kanki,+ y qammi Salvamaqnï* kanki.+
Cantaqkunata dirigeqpaq. David qellqanqan salmus.
20 Mana allikunapa pasanqëki höra qayakuptiki, Teyta Jehovä wiyëkulläshuy.
Jutimpa qayakuptiki Jacobpa Diosnin salvëkulläshuy.+
3 Qarëkunata pëpaq apanqëkita yarpëkullätsun,
qarëkunata rupatsiptiki kushikutsun. (Sëlah).
4 Shonquyki munanqanta rurëkamutsun,+
yanapashuptiki imata rurëta munanqëkipis rurakätsun.
5 Teyta Diosnintsik salvamanqantsikpitam kushishqa qayëkachäshun,+
Llapan mañakunqëkita Teyta Jehovä ruramutsun.
6 Kananqa allim musyä akranqan nunata Teyta Jehovä salvanqanta.+
Qayakuptinqa derëcha makinwanmi sagrädu ciëlupita salvamun.+
7 Wakinkunaqa guërrapaq carrëtankunaman y cawallunkunamanmi confiakuyan,+
peru noqantsikqa Diosnintsik Jehovämanmi jutimpa mañakuntsik.+
9 Yanapamänapaq qayakunqantsik junaqmi Teyta Dios wiyamäshun.+
¡Teyta Jehovä, gobernaqta salvëkullë!+
Cantaqkunata dirigeqpaq. David qellqanqan salmus.
21 Teyta Jehovä, kallpëkiwan yanapaptikim gobernantiqa kushikun.+
¡Imëpis salvanqëkipitam alläpa kushikun!+
2 Llapan munanqanchömi yanaparqunki.+
Llapan mañashunqëkitam rurarqunki. (Selah).
3 Imëkachömi bendicirqunki,
alli kaq örupita rurashqa corönatam coronatsirqunki.+
4 Mana wanunampaq o wañunampaq rogakamuptinmi,+
imëpis mana wanunampaq yanaparqunki.
5 Qam salvaptikim mas puëdeq tikran,+
y qam yanapaptikim llapampis respetayan.
7 Teyta Jehovä, gobernantiqa qammanmi confiakamun.+
Alläpa kuyaptikim imapis pasanqatsu, qammi Llapanta Gobernaq Poderösu Dios kanki.+
8 Teyta Dios qampitaqa manam ni mëqan chikishoqnikipis qeshpir ëwakunqatsu,
derëcha makikiwan ashirmi llapan chikishoqnikita tarinki.
9 Qamqa achachëkaq hornuman jitarkoqnömi, citanqëki tiempuchö llapankunata ushakätsinki.
Teyta Jehovä, cölerarmi llapankunata castiganki y ninawanmi ushakätsinki.+
10 Pëkunapa kastankunataqa llapantam ushakätsinki,
patsachöqa manam jukllëllapis quedanqatsu.
12 Flëchanëkipaq arcuykiwan apuntaptikim,
pëkunaqa mantsakar qeshpir ëwakuyanqa.+
13 Teyta Jehovä shamuykullë, poderösu kanqëkita juklla musyayätsun.
Poderösu kanqëkipaqmi alabarniki cantayämushaq.*
Cantaqkunata dirigeqpaq. “Patsa waräriptin luychu yarqamunqan höra” niyanqan cancion.* David qellqanqan salmus.
22 Dios Yaya, Dios Yaya, ¿imanirtan dejaramarqunki?+
¿Imanirtan salvëkallämankitsu?
¿Imanirtan këläya sufrir qayakëkämuptï wiyamankitsu?+
2 Teyta Dios, paqasta junaqtam
qayakamü, peru manam wiyamankitsu.+
3 Qamqa Teyta Dios alläpa limpium kanki.+
Israel nunakunam alabayäshunki.
5 Qamman qayakayämuptinqa salvaqmi kanki,
qamman confiakayämuptinqa manam dejaqtsu kanki.+
6 Peru noqallätaqa kurutanömi rikäyäman, manam nunatanötsu,
tsëmi nunakunaqa penqapäyäman y markachö täkoqkunapis* despreciayäman.+
7 Rikäramarqa llapanmi noqapita asikuyan,+
despreciamarmi peqankunata o umankunata kuyutsiyan y burlakurmi niyan:+
8 “Jehovämanshi confiakun.
¡Mä rasumpa kuyarqa salvatsun y yanapatsun ari!”.+
9 Dios Yaya, qam munaptikim yurikurqä,+
qam cuidamaptikim mamäpa mellqaninchöpis kushishqa karqä.
10 Yurikunqä junaqpitam cuidamarqëki,
y mamäpa pachanllachöraq këkaptïmi qamqa Diosnïna karqëki.
11 ¿Imanirtan Teyta Dios karuchö këkanki? Imëka problëmakunapa pasanäpaqnam këkä.+
Karullachö kaptikiqa, ¿piraq yanapamanqa?+
12 Chikimaqkunam waqrakoq törunö entëru lädüpa tumapäyäman,+
Basanchö kallpasapa törukunanömi entëru lädüpa tumapäyäman.+
14 Patsaman jichëkushqa yakunömi këkä,
tullükunapis qotukashqa cuentam këkan,
Wanunäpaqmi sepultüraman jitarkamanki.+
16 Chikimaqkunaqa kanikoq allqunömi entëru lädüpa tumapäyäman,+
juk grüpu pureq asaltantikunanömi entëru lädüman churakäyämun.+
Mallaqashqa leonnömi makïtapis chakïtapis rachir ushayämun.+
17 Tullükunapis rikakäramushqam,+
chikimaqkunaqa alläpam rikaräyäman.
19 ¿Imanirtan Teyta Jehovä karuchö këkanki?+
Qammi kallpayoqta tikratsimanki, jinan höra shamur yanapëkamë.+
20 Espädawan mana wanutsiyämänampaq salvëkamë.
Chikimaqkunaqa kanikoq allqunömi kayan, pëkunapita salvëkamë.+
21 Leonpa shimimpitanö+ y waqrakoq törupa waqrampitanö defendïkallämë,
qayakamunqäta wiyëkallämë y salvëkallämë.
23 ¡Qamkuna Teyta Diosta respetaqkuna,* Jehoväta alabëkuyë!
¡Qamkuna Jacobpa kastankuna, Teyta Diosta alabëkuyë!+
¡Qamkuna Israelpa kastankuna, Teyta Diosta respetayë!
24 Teyta Diosqa sufrikaqkunata manam despreciashqatsu ni dejashqatsu,+
tsëpa rantinqa yanapashqam+
y rogakur qayakuyaptimpis wiyashqam.+
25 Mëtsika sirwishoqnikikuna juntakäyanqanchömi alabashqëki,+
y äninqaqtapis respetashoqnikikuna* rikëkäyaptinmi cumplishaq.
26 Humildi nunakunam pacha junta mikuyanqa,+
Teyta Jehoväta sirweqkunam alabayanqa,+
y mana wanushpam kawakuyanqa.
27 Entëru patsachö nunakunam, Teyta Jehoväta yarpäyanqa y sirwir qallayanqa.
Mëtsë nacionpita familiakunam Teyta Diosta adorayanqa.+
28 Jehovä Diosllam gobernantiqa,+
pëllam mëtsë nacionchöpis gobernan.
29 Tsëmi patsachö rïcu nunakuna mikur qonqurikuyanqa,
sepultüraman* llapan ëwaqkunam pëpa puntanman qonqurikuyanqa.
Y manam mëqampis maslla kawanampaq ima rurëta puëdinqatsu.
30 Noqapa kastäkunam Teyta Diosta sirwiyanqa,
y pëkunapa kastankunatam Teyta Jehoväpita parlapäyanqa.
31 Shamurmi Teyta Dios ruranqankunata willakuyanqa.
Qepa yureqkunatam pë llapan ruranqanta willayanqa.
David qellqanqan salmus.
2 Alli qewakuna kanqan sitiuchömi mitsiman,
atska yaku kanqanmanmi jamarinäpaq pushaman.+
jutin alli kananta munarmi, alli nänipa pushamaq cuenta allikunata ruranäpaq yanapaman.+
Tukruykiwan shumaq pushamaptikim ni imatapis mantsashaqtsu.
Y aqtsämampis aceititam jichamunki.+
6 Wanunqäyaqmi o wañunqäyaqmi noqawan alli kanki y alläpam kuyamanki.+
Wanukunqäyaqmi wayikichö kalläshaq Teyta Jehovä.+
David qellqanqan salmus.
24 Teyta Jehoväpam kë patsa, kë patsachö imëka kaqkuna+ y patsachö llapan kawaqkuna.
Pëllapam muruna chakrakunapis.
3 ¿Imanö nunatan Teyta Jehoväpa jirkanman ëwëta puëdin?+
¿Imanö nunatan sagrädu sitiunchö këta puëdin?
4 Tsëchöqa këta puëdin culpannaq y alli shonquyoq nunallam.+
Peru jutïchö* jurar änikurpis mana cumpleqqa
y pitapis engañanampaq juraqqa manam tsëchö këta puëdintsu.+
5 Alli ruraq nunataqa Teyta Jehovämi bendicinqa,+
allikunata ruranqanta rikarmi Teyta Dios salvanqa.+
6 Pëkunam Teyta Diosta yachatsinampaq ashiyan,
pëkunam Jacobpa Diosninta ashiyan. (Sëlah).
7 ¡Poderösu Gobernanti yëkamunampaq punkukunata mas kichayë!+
¡Unë markakunapa punkunkunatapis kichayë!+
8 ¿Pitan poderösu Gobernantiqa?
9 ¡Poderösu Gobernanti yëkamunampaq punkukunata mas kichayë!+
¡Unë markakunapa punkunkunatapis kichayë!
10 ¿Pitan pëqa? ¿Pitan poderösu Gobernantiqa?
Pëqa angelkunata mandaq Jehovämi, pëmi poderösu Gobernantiqa.+ (Sëlah).
David qellqanqan cancion
א [älef]
25 Teyta Jehovä, qammanmi llapan shonqüwan rogakamü.
ב [bet]
2 Qammanmi confiakamü Teyta Dios,+
ama permitillëtsu penqakushqa quedanäta+
ni chikimaqnïkuna asipäyämänanta.+
ג [guïmel]
3 Qamman confiakamoqkunaqa manam penqakushqatsu ushayanqa.+
Peru nuna mayinkunata traicionaqkunaqa penqakuychömi ushayanqa.+
ד [dälet]
ה [he]
ו [waw]
Imë hörapis qamllamanmi confiakamü.
ז [zayin]
ח [jet]
7 Jövin këkar jutsa* ruranqäkunata y pantanqäkunata qonqëkullë.
ט [tet]
8 Teyta Jehoväqa alläpa allim y imëpis allillatam ruran.+
tsëmi jutsa* ruraqkunatapis allikunata rurayänampaq yachatsin.+
י [yod]
כ [kaf]
10 Teyta Jehovä mandakunqanta nunakuna cäsukuyaptin+
y conträtu ruranqanta respetayaptinqa,+
Teyta Diosqa alläpa kuyakoq karmi
pëkunapaq imëkata ruran y manam imëpis dejantsu.
ל [lämed]
מ [mem]
נ [nun]
ס [sämekh]
14 Teyta Jehoväta respetaqkunallam* pëwanqa alli amïgu kayanqa,+
y pëmi ruranqan acuerduta musyatsinqa.+
ע [ayin]
פ [pe]
16 Teyta Dios rikëkallämë,
manam pillapis yanaparkamantsu
qam yanaparkallämë.
צ [sadë]
17 Imëkapitam shonqüchö llakikü,+
mana llakikunäpaq yanapëkamë.
ר [resh]
19 Teyta Dios, chikimaqnïkunaqa mëtsikaqmi kayan,
pëkunaqa alläpam chikiyäman y sufritsiyäman.
ש [shin]
ת [taw]
21 Teyta Dios, mananam jutsata* ruränatsu,
kananqa allillatanam rurä,
22 Teyta Dios, Israelqa alläpam sufrikan, salvëkullë.
David qellqanqan cancion.
26 Teyta Jehovä, juzguëkallämë,
noqalläqa qam munanqëkinömi kawakurqö.+
Qammanmi imëpis confiakamü Teyta Jehovä.+
2 Teyta Jehovä, rikëkamë cäsukoq o mana cäsukoq kanqäta,
musyëkullë shonqü imanö kanqanta y imata pensanqätapis.+
3 Teyta Dios, alläpa kuyakoq kanqëkitam yarparä,
tsëmi munanqëkinö kawakü.+
4 Ulikoq o llullakoq nunakunataqa manam parlapätsu,+
Janan shonqulla alli tukoq nunakunawanqa manam amïgutsu kä.
6 Teyta Jehovä, culpannaq nuna makinta yakuwan aweqnömi* makïta awishaq,
y altarniki kuchumpam alabarniki tumamushaq.
7 Tsënöpam wiyayanqa alläpa agradecikunqaqta,+
llapan kamanqëkipitam willakushaq.
8 Teyta Jehovä, täkunqëki* wayiqa alläpa shumaqmi,+
tsë wayita rikarmi, llapan nunakuna puëdeq kanqëkita musyayan.+
9 Jutsata* ruraq nunakuna këkäyanqampaqa ama pushamëtsu,+
asesïnukunatawan y maqakoqkunatawanqa ama wanutsimëtsu.
10 Pëkunapa makinkunaqa mana allita rurëllachömi ocupädu këkan,
derëcha makinkunawanmi jukpa biennin yarquyänampaq imëkata chaskipakuyan.
11 Peru noqaqa allita rurarmi kawakushaq,
salvëkallämë,* yanapëkallämë Teyta Dios.
12 Manam imapis ishkitsimänampaq kantsu,+
sirwishoqnikikuna juntakäyanqanchömi alabashqëki Teyta Jehovä.+
David qellqanqan cancion.
Teyta Jehoväqa alli segurashqa markanömi noqapaq,+
¿pitaraq mantsäman?
3 Mëtsika soldädukuna entëru lädüman churanakayämuptimpis manam mantsashaqtsu.+
Guërrata rurar noqawan pelyayaptimpis, Teyta Diosllamanmi confiakushaq.
4 Teyta Jehovätam jukta mañakurqö, tsëtam alläpa munä.
Teyta Jehoväpa wayinchömi wanukunqäyaq kawakuyta munä,+
tsëchöqa Teyta Jehovä alli kanqantam rikä
y alläpa shumaq templuntam kushishqa rikarä.+
5 Llakikuy tiempuchöqa, pëmi següru sitiuman alli pakëkamanqa,+
pillapis mana yëkunan carpa* wayinchömi pakarätsimanqa,+
y chikimaqkuna mana imanayämänampaqmi jatun rumi jananman churamanqa.+
6 Lädüchö këkaq chikimaqkunata vencinäpaqmi yanapaman,
tsëmi kushishqa qayëkachar altarninchö pëpaq qarëkunata rupatsishaq,
Teyta Jehoväta alabarmi kushishqa cantashaq.
8 Shonqüchömi yarpëkä kënö nimanqëkita: “Yanapanaqpaq noqata ashimë”.*
Tsëmi, Teyta Jehovä, yanapamänëkipaq ashishqëki.+
Ama dejëkamëtsu Dios Yaya,
qamllam imëpis salvamanki.
11 Teyta Jehovä, munanqëkinö kawanäpaq yachëkatsimë,*+
chikimaqkuna mana imanayämänampaq munanqëkinö kawanäpaq yanapëkamë.*
12 Chikimaqkunapa makinchöqa ama dejëkamëtsu,+
pëkunaqa chikimarmi mana kaqpita acusayäman+
y maqayämänampaqmi jurayäman.
13 Teyta Jehoväqa alläpa allim,
pëman mana markäkushqa o yärakushqa karqa,
manam kawëkämantsu karqan.+
David qellqanqan cancion.
28 Teyta Jehovä, qammi tsapämaqnï qaqa cuenta kanki,+
qammanmi imëpis qayakamü,
rogakamuptï wiyëkallämë.
Mana parlapämaptikiqa wanushqakunanöchi tikrarishaq.+
2 Yanapamänëkipaq waqarnin rogakamuptï wiyëkallämë,
carpa* wayikichö Alläpa Sagrädu Cuartuman makïta pallarkur* mañakamuptï rikëkallämë.+
3 Mana alli ruraqkunatawanqa ama castiguëkallämëtsu,+
pëkunaqa shonqunkunachö chikipëkarmi, nuna mayinkunata allitupar parlapäyan.+
5 Teyta Jehovä, mana alli nunakunaqa imëka ruranqëkita rikëkarpis+ mana kaqpaqmi churayan,+
pëkunataqa ushakätsi, amana kawayätsunnatsu.
6 Teyta Jehovämi mañakunqäta wiyamashqa,
alabashqa këkullätsun.
7 Teyta Jehovämi kallpayoqta tikratsiman+ y escüdunömi tsapäman,+
pëmanmi llapan shonqüwan confiakü.+
Pë yanapamaptinmi kushishqa këkä,
tsëmi cantar alabashaq.
8 Teyta Jehovämi sirweqninkunata kallpayoqta tikratsin,
alli segurashqa markanömi tsapan, y akranqan nunatam salvan.+
9 Teyta Dios, sirwishoqnikikunata salvëkullë, pëkunaqa herenciëkim kayan, bendicïkullë,+
juk mitsikoq üshankunata cuidanqannö cuidëkullë y mellqanikillachö imëpis puritsi.+
David qellqanqan salmus.
29 Qamkuna, puëdeq nunakuna, Teyta Jehoväta alabayë,
puëdeq y kallpayoq kanqampita Jehovä Diosta alabayë.+
2 Teyta Jehoväpa jutinta alabayë,
Teyta Jehoväpa puntanman alli vistishqa qonqurikuyë.
3 Teyta Jehoväpa vozninqa yaku janampapis wiyakämunmi,
Teyta Diospa vozninqa räyu pashtaqnöran wiyakämun.+
Teyta Jehoväqa pukutë* jananchömi këkan.+
4 Teyta Jehoväpa vozninqa poderösum,+
Teyta Jehoväpa vozninqa alläpa shumaqmi.
5 Teyta Jehoväpa vozninqa Lïbanuchö cedrukunatam pakin,
awmi, Jehoväpa vozninqa Lïbanuchö cedrukunatam ishkiratsin.+
7 Teyta Jehovä vozninwanqa, räyupis mantsëpaqmi atsikyämun.+
8 Jehoväpa vozninta wiyarqa tsunyaq jirkapis karkaryanmi,+
Teyta Jehoväpa vozninqa Cades+ jirkatapis karkaryätsinmi.
9 Teyta Jehoväpa vozninta wiyarmi luychupis manaraq höranchö wacharin
y montikunapa rämankunapis pakir usharin.+
Templunchö këkaqkunam, “¡Teyta Diosta alabayë!” nir qayëkachäyan.
10 Teyta Jehoväpa jamakunanqa mëtsika yaku jananchömi* këkan, y tsëchömi mandakur jamarëkan.+
Teyta Jehoväqa jamakunanchömi tëkan, tsëpitam imëyaqpis gobernamunqa.+
11 Teyta Jehoväqa sirweqninkunatam kallpayoqta tikratsinqa,+
Teyta Jehoväqa alli kawakuyänampaqmi sirweqninkunata bendicinqa.+
Teyta Diospaq wayita usharatsir cantayanqan. David qellqanqan salmus.
30 Teyta Jehovä, qammi salvamarqunki, tsëmi alabashqëki,
manam permitirqëkitsu chikimaqkuna asipäyämänanta.+
2 Teyta Jehovä, waqarmi qayakamurqä, tsëmi kallpayoqta tikratsimarqëki.+
3 Teyta Jehovä, Sepultürachö* këkaqtanam salvamarqëki,+
sepultürachö dejaramänëkipa rantinmi kawëkaqta këkätsimanki.+
5 Teyta Diosqa imëpis kuyakoqmi kanqa,+ cölerarpis juk rätullam cöleran.+
Capazchi llakishqa kar tardipaqa waqantsik, peru kushishqanam waräramuntsik.+
6 Kushishqa kawakurmi, “manam imapis imanamanqatsu” nirqä.
8 Teyta Jehovä, kutin kutinmi qayakamurqä,+
Teyta Jehovä, yanapëkamänëkipaqmi rogakamurqä.
9 Wanur o wañur sepultürachö allpa tikrarqa, ¿imapaqnaraq sirwïman?+
Allpaqa manam alabashunkitsu,+ ni alläpa alli kanqëkitapis willakuntsu.+
10 Teyta Jehovä, yanapëkamë.+
Jehovä Dios, yanapamaqnï këkullë.+
11 Qam yanapamaptikim, kananqa waqanäpa rantin tushur këkä,
chukru tëlakunata* vistikurkur llakishqa kanäpa rantinmi kushishqa këkä.
12 Tsëmi upälla kakunäpa rantin cantar alabashqëki,
Teyta Jehovä, imëyaqpis alabashqëkim.
Cantaqkunata dirigeqpaq. David qellqanqan salmus.
Qamqa alli ruraqmi kanki, salvëkamë.+
2 Qayakamuptï wiyëkamë,
y jinan höra shamur salvëkamë,+
jatun jirkanö y alli murallashqa markanö tsapëkamë.+
3 Teyta Dios, qammi kanki tsapämaq jatun qaqanö y alli següru markanö.+
Jutikirëkurmi+ allita ruranäpaq yanapamanki y cuidamanki.+
5 Makikichömi vïdäta dejëkallämü,+
qammi salvamarqunki Teyta Jehovä,
qamqa rasumpa kaqllatam parlanki y cumplinkim.+
6 Mana väleq santukunataqa chikïmi,
noqaqa qammanmi confiakamü Teyta Jehovä.
7 Qamqa sufrinqä y llakikunqä höram yanapamanki,+
tsëmi alläpa kuyakoq kanqëkipita imëpis kushishqa kä.
8 Teyta Dios, chikimaqkunapitam salvamarqëki,
y alli següru sitiumanmi pushamarqëki.
9 Teytallä Jehovä, kallpannaqmi këkä, yanapëkallämë,
alläpa yarpachakur waqaptïmi nawïpis alliqa rikannatsu,+ cuerpüpis qeshyananmi.+
10 Alläpa llakikurmi allinatsu këkä,+
alläpa waqarmi awkinyärïna,+
jutsata* ruranqäpitam kallpäpis ushakärin
y tullükunapis manam allinatsu.+
11 Llapan chikimaqkunam noqapita burlakuyan,+
vecïnükunaran masqa.
Llapan reqimaqkunapis mantsayämanmi,
purikaqta rikäramarqa qeshpirmi ëwakuyan.+
12 Wanushqatanönam o wañushqatanönam qonqëkayämashqa, manam yarpäyämannatsu,
pakir ushakashqa mankanömi këkä.
13 Imëka mana allita rurayämänampaq yachatsinakuyaptinmi+ alläpa mantsakä.
Llapankuna juntakëkurmi wanutsiyämänampaq parlayan.+
15 Qampa makikichömi këkällä,
chikimaqkunapita y wanutsiyämänampaq ashimaqkunapita salvëkallämë.+
16 Dios Yaya, qamqa alläpa kuyakoqmi kanki,
noqalläqa sirwishoqnikim kallä.
Alli nawikipa rikëkallämë, salvëkallämë.+
17 Teyta Jehovä, qammanmi qayakëkämü, ama penqakuychö dejëkallämëtsu.+
18 Allita ruraq nunakunapaqmi ulikuyan o llullakuyan.
Puëdeq tukurmi y alli tukurmi parlar despreciayan.
Tsënö nunakunapa shiminkuna wichqakätsun.+
19 ¡Teyta Dios, qamqa alläpa allim kanki!+
Tsëmi cäsuyäshoqnikikunata*+ y defendinëkipaq qamman shamoqkunata yanapanki.+
20 Mana alli nunakuna mana imanayänampaqmi, kuyanqëki nunakunata alli següru sitiuman pakanki,+
mana qayapäyänampaqmi alli següru wayikiman pakanki.+
21 Teyta Jehovä, alabashqa këkullë.
Këkanqä markata ushakätsiyänampaq entëru lädupa chikimaqkuna churanakushqa kayaptimpis,+ qammi alläpa kuyakoq kar salvamarqëki.+
22 Alläpa mantsakarmi nirqä:
“Kananqa rikëkämaptikichi wanutsiyämanqa”.+
Peru qamman rogakamur mañakamuptïqa, wiyamarmi salvamarqëki.+
Peru orgullösu+ kaqkunataqa castiganmi.
David qellqanqan salmus. Maskil.*
32 Mana allita ruranqampita y jutsata* ruranqampita, Teyta Dios perdonanqan nunaqa kushishqam kawakun.+
2 Teyta Jehovä jutsannaqtana* rikanqan nunaqa kushishqam kawakun,+
manam nuna mayinta ulipanqatsu o llullapanqatsu.
3 Jutsa* ruranqäta mana willakurmi, paqasta junaqta llakikurqä,
tsëmi tullükunapis allinatsu karqan.+
4 Jutsata* ruranqäpita cölerashqa këkanqëkita musyanqämi, paqasta junaqta lasämaq qepinö karqan.+
Usya witsanchö achachëwan yaku ushakäreqnömi kallpäpis ushakarqan. (Sëlah).
5 Tsënam, “jutsallakunqäta* Teyta Jehoväta willëkushaq” nir pensarqä.+
Tsëmi jutsallakunqäta willarqaq y manam pakarqänatsu.+
Y qamqa perdonamarqëkim.+ (Sëlah).
Tsëmi problëmankuna lloqlla* yakunöraq kaptimpis mantsakäyanqatsu.
7 Mana allikunapa pasanqä höraqa qammanmi tsapämänëkipaq shamü,
qammi llakikunqä hörakunapis yanapamanki.+
Salvamanqëkipitam mëtsikaq nunakuna kushishqa qayëkachäyanqa.+ (Sëlah).
8 Qammi nirqëki:
“Mana yachaqtapis yachaqtam tikratsishqëki y munanqänö kawakunëkipaqmi yanapashqëki.+
Shumaq consejanaqpaqmi imë hörapis rikëkashqëki.+
9 Peru ama cawallunö o mulanöqa mana cäsukoq kayankitsu.
Tsë animalkunataqa frënuwan y bosalwanraqmi sujetayan”.+
10 Mana alli nunakunaqa imëka sufrimientupam pasayan,
peru Teyta Jehoväqa pëman confiakoqkunata alläpam kuyan.+
11 Allita ruraq nunakuna, Jehovä Dios imëkata ruramunqampita kushikuyë,
alli shonquyoq nunakuna, kushishqa qayëkachäyë.
33 Qamkuna, allita ruraq nunakuna, Jehovä Dios imëkata ruramunqampita kushishqa qayëkachäyë.+
Alli shonquyoq nunakuna, qamkuna alabayanqëkiqa alläpa shumaqmi.
2 Taksha arpata tocar Jehovä Diosta agradecikuyë,
jatun arpata tocarnin cantar alabayë.
3 Mushoq cancionta pëpaq cantayë,+
kushishqa qayëkachar instrumentukunata shumaq tocayë.
4 Teyta Jehovä ninqankunaqa imëpis allillam,+
llapan ruranqampis confiakuypaqmi.
5 Teyta Diosqa alli ruraqmi, y pitapis juzgarqa justiciatam ruran.+
Teyta Jehovä alläpa kuyakoq kanqantaqa, kë patsachö imëkata ruranqanchömi rikantsik.+
6 Ciëlu rurakänampaq Teyta Jehovä niptinmi ciëlu rurakarqan,+
y poderninmi* ciëluchö llapan kaqkunata rurarqan.
7 Lamar yakutapis pözumannömi juk sitiullaman qochakätsin,+
laqcheqsëkaq yakutanam jatusaq pözukunachö katsin.
8 Patsachö llapan kaqkuna Teyta Jehoväta respetayätsun,+
imëkata wayoq patsachö kawaq nunakuna, Teyta Diosta alläpa respetayätsun.
10 Mëtsë nacionchö nunakuna mana allikunata rurayänampaq pensëkäyaptimpis,+ Teyta Jehoväqa manam permitishqatsu.
Manam dejashqatsu mëtsë markachö nunakuna munayanqanta rurakuyänanta.+
11 Peru Teyta Jehoväqa imatapis rurëta munanqantaqa imëpis ruranqam,+
shonqunchö pensanqantaqa manam ni imëpis cambianqatsu.
12 Teyta Diosmi sirweqninkuna kayänampaq nunakunata akrashqa.+
¡Teyta Jehovä Diosninkuna kaptinmi, tsë nunakunaqa kushishqa kawakuyan!+
13 Teyta Jehoväqa ciëlupitam rikarëkämun,
nunakuna imanö kayanqantam rikëkämun.+
14 Ciëlupitam patsachö nunakuna imanö kayanqanta rikëkämun.
15 Pëmi llapan nunakunapa shonqunta ruran,
y llapan rurayanqantam musyëkan.+
16 Manam mëqan gobernantitapis soldädunkunatsu salvan,+
y alli pelyëta yachaq soldädupis manam kikimpa kallpanwantsu salvakun.+
17 Salvakuyänampaq cawallukunaman confiakuyanqampis manam välintsu,+
cawalluqa kallpayoq karpis manam chikeqninkunapita salvëta puëdintsu.
18 ¡Peru cuentata qokuyë! Teyta Jehoväqa alläpa kuyakoqmi,
yanapanampaq shuyarëkaqkunatam rikëkan
19 Tsënöqa rikëkan wanuypita o wañuypita salvanampaqmi,
y mallaqë tiempuchöpis kawëkaqta katsinampaqmi.+
20 Noqantsikqa Teyta Jehovä salvamänapaq kaqmanmi confiakuntsik,
pëmi yanapamantsik y escüdu cuentam imëkapita tsapämantsik.+
21 Imëkata ruramunqampitam kushishqa këkantsik,
y sagrädu jutinmanmi confiakuntsik.+
22 Teyta Jehovä, qamtam shuyarëkäyaq.+
Qamqa alläpa kuyakoqmi kanki, imëpis kuyëkayämë.+
Abimëlecman apayaptinmi David löcutukurqan,+ tsëmi Abimëlecqa qarqurqan. Tsëta yarparmi Davidqa kë cancionta qellqarqan.
א [älef]
34 Imë hörapis Teyta Jehovätam alabashaq,
mana dejëpam imëpis alabashaq.
ב [bet]
ג [guïmel]
3 Teyta Jehoväta llapantsik juntu alabashun,+
jutintapis kushishqa alabashun.
ד [dälet]
4 Jehovä Diostam tapurqä, y pëqa contestamarqanmi.+
Yanapamaptinmi imatapis mantsarqänatsu.+
ה [he]
5 Yanapanampaq Teyta Diosta asheqkunaqa kushishqam kayanqa,
y manam imëpis penqakushqaqa puriyanqatsu.
ז [zayin]
6 Noqalläqa humildi nunam kallä, Teyta Jehovämanmi mañakurqä y pëqa wiyamarqanmi.
Llakikur këkaptïmi yanapamarqan.+
ח [jet]
7 Teyta Jehoväpa angelninqa, Teyta Diosta respetaqkunata* cuidarmi entëru lädunkunapa purikan,+
y mana allikunapitam salvan.+
ט [tet]
8 Kikikikuna rikäyë y musyayë Jehovä Dios alli kanqanta.+
Defendinampaq pëman ëwaq nunaqa, imëpis kushishqam kawakun.
י [yod]
9 Teyta Dios akranqan limpiu nunakuna, Jehoväta respetayë,*
pëta respetaqkunapaqa manam imankunapis pishintsu.+
כ [kaf]
10 Puëdeq këkarmi leonkunapis, mikuyänampaq mana kaptin mallaqäyan,
peru Teyta Jehoväman confiakoqkunapaqa manam imankunapis pishinqatsu.+
ל [lämed]
מ [mem]
12 ¿Mëqëkitan kushishqa kawakuyanki?
¿Manatsuraq imëyaqpis tsënölla kawakuyta munayankiman?+
נ [nun]
ס [sämekh]
14 Mana alli rurëkunata dejar alli kaqllatana rurë,+
nuna mayikiwan shumaqna kawakuy, tsënö kawakuytaqa ama imëpis dejëtsu.+
ע [ayin]
15 Alli ruraqkunataqa Teyta Jehovämi imëpis rikarëkan,+
rogakur mañakuyaptinqa yanapanampaqmi imëpis wiyan.+
פ [pe]
16 Peru mana allikunata ruraqkunataqa cölerashqam Teyta Jehovä rikarëkan,
y llapantam ushakätsinqa y mananam pillapis yarpanqanatsu.+
צ [sadë]
17 Allita ruraq nunakuna qayakuyaptinmi, Teyta Jehoväqa wiyarqan,+
y llakikur këkäyaptinmi yanaparqan.+
ק [qof]
18 Teyta Jehoväqa alläpa llakishqa këkaqkunapa lädunchömi këkan.+
Llakishqa kar ima rurëtapis mana puëdeqkunatam yanapan.+
ר [resh]
19 Alli ruraq nunakunaqa imëka mana allikunapam pasayan,+
peru Teyta Jehovämi imëkapa pasayaptimpis yanapan.+
ש [shin]
ת [taw]
21 Mana alli nunakunaqa, mana allikunata rurayanqampitam sufrir wanuyanqa o wañuyanqa,
y allita ruraq nunakunata chikiyanqampitam castïguta chaskiyanqa.
22 Teyta Jehoväqa sirweqninkunatam salvan.
Imëkapita tsapänampaq pëman ëwaqkunataqa manam castiganqatsu.+
David qellqanqan salmus.
2 Taksha escüduwan*+ y jatun escüduwan tsapëkallämë,+
3 Teyta Dios, chikimaqnïkunam ashikäyäman,
lanzëkiwan y hachëkiwan vencïkullë,+
“noqam salvashqëki” nïkallämë.+
4 Wanutsimëta munaqkuna penqakushqa quedayätsun,+
wanutsimëta munaqkuna penqakushqa ëwakuyätsun.
5 Teyta Jehoväpa angelnin pëkunata qarqutsun.
Vientupis imëka tsaki päjatanö apakutsun.+
6 Teyta Jehoväpa angelnin qatipaptin näninkunapis rikakätsuntsu y lutska* tikratsun.
7 Pëkunaqa mana imanëkaptïmi prësuyämänampaq trampata churayashqa,
y ishkinäpaqmi patsatapis uchkuyashqa.
8 Mana pensayanqan höra pëkunata ima desgraciapis pasëkutsun,
churayanqan trampaman kikinkuna jeqayätsun y tsëchö ushakäyätsun.+
9 Peru noqaqa Teyta Jehovä ruranqankunata rikarmi kushishqa kashaq
y salvamanqampitam imëpis kushikushaq.
10 Llapan shonqüwanmi nishaq:
“¡Teyta Jehovä, qamnöqa manam pillapis kantsu!
Qammi puëdeq nunakunapita, defendikuyta mana puëdeqkunata salvanki+
y waktsakunatapis mana suwapäyänampaqmi defendinki”.+
12 Yanapëkaptïpis conträmi shäriyan,+
y llakishqatam japalläta dejarayäman.
13 Peru pëkuna qeshyayaptinqa, chukru tëlata janäman churakurmi llakikur imatapis mikoqnatsu kä.
Pëkunapaq mañakunqäta Teyta Dios mana wiyamaptinqa,
14 amïgü wanukuptin o wawqï wanukuptin waqaqnömi waqar pureq kä,
mamänï wanukuptin llakeqnömi alläpa llakikoq kä.
15 Peru noqa desgraciapa pasaptïqa kushikuyarqanmi,
illaqpita maqayämänampaqmi juntakäyarqan.
Mana kaqpitam imëkata qayapäyämarqan.
16 Teyta Diosta mana respetaqkunam* despreciamar burlakuyan,*
y noqawan cölerashqa karmi kirunkunatapis rikapätsiyäman.+
17 Teyta Jehovä, ¿imëyaqraq karullapita rikarëkämanki?+
Salvëkallämë,+ kë nunakunaqa leonnöchi wanuratsiyämanqa.+
18 Salvamaptikiqa sirwishoqnikikuna juntakäyanqanchömi agradecikushqëki,+
mëtsikaq kayanqanchömi alabashqëki.
19 Mana imanëkapti chikimaqkuna kushishqa kayänanta permititsu,+
ama tsë nunakuna cölerashqa qemtsipäyämänanta dejëtsu.+
20 Pëkunaqa pitapis cölerashqam parlapäyan,
humildi nunakunata engañarmi imëka mana allikunata rurayan.+
21 Llapampis acusayämanmi,
y “kananqa rikarquntsikmi” nirmi burlakuyan.
22 Tsënö niyämanqantaqa wiyarqunkim Teyta Jehovä,
ama upällaqa quedakuytsu,+
Teyta Jehovä, ama karullapitaqa rikarämëtsu.+
23 Ama qonqëkallämëtsu, shamur yanapëkamë,
Teyta Jehovä, juzgayämaptin defendïkamë.
24 Qammi alli juez kanki, juzguëkallämë Teyta Jehovä,+
ama chikimaqkuna noqapita asikuyänanta permititsu.
25 Ama kikinkunapura kënö parlayätsuntsu:
“Kushishqam këkantsik. Pensanqantsiknömi pasakushqa y ushakätsirquntsikmi”.+
26 Desgraciapa pasaptï kushikuyanqampita, tsë nunakunata penqakatsi,
puëdeq tukur imëkata rurayämanqampita penqakatsi.
27 Peru allikunata ruranqäpita biennï yarqoqkuna kushikuyätsun,
y kënö imëpis niyätsun:
“Teyta Jehovä alabashqa këkutsun,
pëqa sirweqninkuna alli kawakuyanqampitam kushikun”.+
Cantaqkunata dirigeqpaq. Teyta Jehoväta sirweq David qellqanqan salmus.
36 Mana alli nunaqa, shonqunchö mana allita yarparmi, mana allikunallata ruran,
y Teyta Diostaqa manam ni ichikllapis mantsantsu.+
2 Tsëmi wakimpitapis mas alli kanqanta pensar mana alli ruranqantaqa cuentata qokuntsu,
dejanampa rantinmi masta ruran.+
3 Imëkata parlarmi nuna mayinta llakitsir engañan,
y allikunata ruranampaqqa manam pensëta yachantsu.
4 Cämanchö këkarpis mana allita rurananllapaqmi yarparëkan.
Mana allikunata rurarllam kawakuyta munan.
Mana alli rurëtaqa alläpam gustëkun.
5 Teyta Jehovä, alläpa kuyakoq kanqëkiqa ciëluyaqmi chan,+
y änikunqëkita cumplinqëkiqa pukutëkuna këkanqanyaqmi chan.
Teyta Jehovä, qammi animaltapis, nunatapis wätanki.*+
7 Teyta Dios, alläpa kuyakoq kanqëkiqa kushikuypaqmi,+
qamman nunakuna shayämuptinqa, wawankunata älan rurinman pishqu pakaqnömi pakanki.+
8 Qam permitiptikim wayikiman yëkuykur pachankuna juntanqanyaq imëkata mikupakuyan,+
y imëka mishkeqkunata upupakurmi kayan.+
11 Ama orgullösukuna maqar ushayämätsuntsu,
y chikimaqkunapis qarqayämatsuntsu.
12 Mana allita ruraqkunataqa venciyashqanam.
Mana allita ruraqkunaqa jitarëkäyanmi, manam sharkuyta puëdiyannatsu.+
David qellqanqan cancion.
א [älef]
37 Mana alli nunakuna imanö kayanqanta rikar ama cölerakuytsu,
y mana allikunata rurayanqanta rikar munapëtsu.+
2 Pëkunaqa qewa tsakeqnömi ushakäyanqa,+
llullu qewa tsakireqnömi wanuyanqa o wañuyanqa.
ב [bet]
4 Teyta Jehoväta sirwir kushishqa kë,
tsëqa shonquyki llapan munanqantam ruramunqa.
ג [guïmel]
6 Pëmi permitinqa allikunata ruranqëki patsa waraqnö atsikyänampaq,
y pullan junaq höra inti o rupay atsikyaqnö rikakunampaq.
ד [dälet]
7 Teyta Jehoväpa puntanchö upällalla kë,+
y ruramunampaq kaqta pacienciawan shuyarë.
Juk nuna imatapis mana allita ruranampaq pensaptinqa ama cölerakuytsu.+
ה [he]
8 Ama cölerakoq këtsu, alläpa cölerarqa ama pitapis qayapëtsu.+
Tsënö cölerarqa mana allitapis rurarinkimanmi.*
9 Teyta Diosmi mana alli nunakunataqa ushakätsinqa,+
peru Teyta Jehoväman confiakoqkunapaqqa kë patsam herenciankuna kanqa.+
ו [waw]
10 Ichikllanam faltan mana alli nunakuna ushakäyänampaq,+
pëkuna kayanqan kaqman rikachakurpis manam rikankinatsu.+
11 Alli shonquyoq nunakunapaqmi kë patsa herenciankuna kanqa.+
Tsëchömi imëpis yamë y tranquïlu kawakuyanqa.+
ז [zayin]
12 Mana alli nunakunaqa willanakurmi,+ alli ruraq nunata imëkata rurayan.
Y cölerarmi kirunkunatapis rikapätsiyan.
13 Teyta Jehoväqa musyanmi mana alli nunakuna imë ushakäyänampaq kaqta,
tsëmi pëkunapita asikun.+
ח [jet]
14 Mana alli nunakunaqa,
sufrikaqkunata, waktsakunata y Teyta Dios munanqannö kawakoqkunata wanutsiyänampaqmi espädankunata alistayan
y flëchankunawan apuntayan.
15 Peru kikinkunapa espädankunallawanmi wanuyanqa+
y arcunkunapis pakirmi ushakanqa.
ט [tet]
16 Mas alliqa waktsallapis alli nuna kayanqanmi,
peru mana alli nuna kayaptinqa, imëkayoq kayanqampis manam välintsu.+
17 Mana alli nunapaqa, puëdeq këninmi ushakärinqa,
peru alli ruraqtaqa Jehovä Diosmi yanapanqa.
י [yod]
18 Limpiu shonquyoq nunakuna imapa pasëkäyanqantaqa Teyta Jehovä musyanmi
y chaskiyanqan herenciaqa manam imëpis ushakanqatsu.+
19 Mana allikuna pasanqan tiempupis manam penqakushqatsu quedayanqa
y alläpa mallaqë kanqan witsampis mikuyänampaq mëtsikam kanqa.
כ [kaf]
20 Peru mana alli nunakunaqa ushakäyanqam,+
Teyta Jehoväpa chikeqninkunaqa qewanö shumaq këkarpis ushakäyanqam,
qoyënömi o qoshninömi ushakäyanqa.
ל [lámed]
21 Mana alli nunaqa prestakurirpis manam kutitsikuntsu,
22 Teyta Dios bendicinqan nunakunapa herencianqa kë patsam kanqa,
peru maldicinqan nunakunaqa ushakäyanqam.+
מ [mem]
נ [nun]
25 Jövin kanqäpita awkinyanqäyaqpis
manam rikarqötsu alli nunata Teyta Dios dejarinqanta,+
ni manam tsurinkunatapis mikuyta mañakur purikäyaqta rikarqötsu.+
26 Alli nunaqa imata prestakurpis manam pagayänanta shuyarantsu,+
tsurinkunatapis Teyta Diosmi bendicinqa.
ס [sämekh]
27 Mana alli rurëkunata dejar alli kaqllatana rurë,+
tsëta rurarqa imëyaqpis kawakunkim.
28 Teyta Jehovätaqa gustanmi allikunata rurayanqan
y pëta kuyaqkunataqa manam dejantsu.+
ע [ayin]
29 Allita ruraq nunakunapaqqa kë patsam herenciankuna kanqa,+
y tsëchömi imëyaqpis alli kawakuyanqa.+
פ [pe]
30 Alli nunaqa imatapis alli pensëkurmi parlan,
y parlakurpis allillatam parlan.+
צ [sadë]
32 Mana alli nunaqa, alli nunata wanutsinampaqmi mëta ëwaptimpis rikarëkan.
ק [qof]
34 Teyta Jehoväman confiakur pë munashqannö kawakuy,
tsëta ruraptikim kë patsachö imëyaqpis kawakunëkipaq bendicishunki.
Mana alli nunakuna ushakäyanqantaqa+ rikankim.+
ר [resh]
35 Imanömi juk plantaqa alli allpachö kar shumaq wëtan,
tsënömi mana alli nunatapis rikarqö, munanqanta rurar kushishqa kawakunqanta.+
ש [shin]
37 Alli shonquyoq nuna imanö kawakunqanta rikë,
alli nuna imanö kanqanta alkäbulla kë.+
Tsë nunaqa, shamoq tiempuchöpis allim kawakunqa.+
ת [taw]
39 Peru alli nunakunataqa Teyta Jehovämi salvanqa,+
y mana alli tiempuchöpis alli segurashqa markanömi tsapanqa.+
40 Teyta Jehovämi pëkunataqa yanapanqa y salvanqa.+
Defendinampaq pëta asheqkunatam,
mana alli nunakunapa makimpita salvanqa.+
David qellqanqan salmus. Imëpis yarpäyänampaq.
38 Teyta Jehovä, cölerashqa këkarqa ama qayapëkallämëtsu,
alläpa cölerashqa këkarqa ama corregïkamëtsu.+
2 Castigamaptikim sufrikä,
y flëchëkiwanmi cuerpütapis pasaqpaq chätsimarqunki.+
5 Mana cäsukur jutsata* ruranqäqa alläpa melanëpaqmi,
mana alliyaq herïda asyaqnömi këkan.
6 Alläpa llakishqam këkä, imanö këtapis manam puëdïnatsu.
Patsa waranqampita tardiyanqanyaqmi llakishqalla kakü.
7 Imëka nina rupëkämaqtanömi sientï,
y entëru cuerpüpis alläpam nanëkun.+
8 Manam imata ruranäpaqpis valornï kantsu,
alläpa llakikurmi* waqarlla kakü.
9 Teyta Jehovä llapan munanqätam qamqa musyëkanki,
y llakikur waqanqätapis wiyëkankim.
10 Alläpa llakikuptïmi shonqüpis pashtëta munan,
kallpäpis ushakärishqam, nawïpis manam rikannatsu.+
11 Sufrinqäta rikarmi amïgükunapis rikämëta munayannatsu,
y vecïnükunapis manam witipäyämannatsu.
12 Conträ këkaqkunaqa wanutsiyämänampaqmi imëka trampata churayämun,
chikimaqkunaqa ushakätsiyämänampaqmi parlayan.+
Imë höra karpis wanutsiyämänampaqmi willanakuyan.
14 Sordu nunanö
y müdu* nunanömi këkä.
16 Kënömi nirqä: “Ama chikimaqkuna asipäyämätsuntsu,
y mana allipa pasanqä höra ama puëdeqtupäyämätsuntsu”.
19 Peru chikimaqkunaqa alläpa puëdeqmi kayan,
mana imanëkaptïmi mëtsikaq chikiyäman.
20 Yanapëkaptïpis conträmi shäriyarqan,
alli nuna kaptïmi chikiyämarqan.
21 ¿Imanirtan Teyta Jehovä karuchö këkanki?
Karuchö kaptikiqa, ¿piraq yanapamanqa?+
22 Kanan höra shamur yanapëkallämë,
Teyta Jehovä, qammi salvamaqnï kanki.+
Cantaqkunata dirigeqpaq. Jedutun.*+ David qellqanqan Salmus.
39 Kënömi pensarqä: “Imatapis parlanäpaqqa alliraqmi pensashaq,+
chikimaqnïkuna këkäyaptin llutankunata mana parlanäpaqmi
shimïman bozalta churaq cuenta upälla kakushaq”.+
2 Alläpa llakishqa karpis upällam kakurqä+
y allita ni mana allitapis manam parlarqätsu.
3 Upälla këtaqa manam aguantarqänatsu,
shonqüpis ninanömi rawrarqan o lunyarqan
y pensaptïmi shonqü achacharqan.
Tsëmi kënö nirqä:
4 “Teyta Jehovä, musyëkatsimë vïdä imanö ushanampaq kaqta
y ëka tiempulla kawanäpaq kaqta.+
Tsënöpam musyashaq pöcu tiempu kawaq kanqäta.
Nunakunaqa jamaninö ushakäreqllam kayä.+ (Sëlah).
6 Nunaqa wäninö o llantuynö pasareqllam.
Kawëkarqa imëkatam munayan
y manam musyayantsu tarinqan cösaskunawan pï quedakunampaq kaqta.+
7 Tsënö këkaptinqa Teyta Jehovä, ¿imamanraq confiaküman?
Noqaqa qamllamanmi confiakamü.
10 Makikiwan astamaptiki manam aguantänatsu,
amana castiguëkamënatsu.
11 Mana alli nunatam, mana allita ruranqampita castigar correginki,+
cösasninkunatapis puyunömi ushanki.
Nunaqa jamaninöllam ushakärin.+ (Sëlah).
13 Amana cölerashqa rikarämënatsu,
manaraq ëwakur y manaraq ushakarmi kushishqa kawëta munä”.
Cantaqkunata dirigeqpaq. David qellqanqan salmus.
40 Teyta Jehovätam yanapëkamänampaq pacienciawan shuyararqä,
y salvëkamänampaq qayakuptïmi wiyamarqan.+
2 Alläpa feyu* uchkuchö këkaptïmi salvamarqan,
alläpa leqitayoq feyu pözupitam sutamarqan.
Qaqa jananmanmi chakïkunata churarkamurqan
y firmi patsamanmi shäkurirqä.*
3 Alabanäpaqmi juk mushoq cancionta Teyta Dios yachatsimarqan,+
salvamanqanta musyarmi mëtsikaq respetar Teyta Jehoväman confiakuyanqa.
4 Teyta Jehoväman confiakoq nunaqa kushishqam kanqa,
mana alli nunakunapa y ulikoqkunapa o llullakoqkunapa consëjuntaqa manam ashintsu.
Alli kawakuyänäta munarmi imëpis noqakunaman pensëkanki,
qamwanqa manam ni pï igualantsu.+
Kamanqëkikunaqa mëtsikam
y yupëta munarpis o willakuyta munarpis manachi puëdïmantsu.+
6 Animalkunata pishtëkur rupatsiyämuptin y qarëkunata apayämuptimpis qamqa manam munarqëkitsu,+
qammi yanapamarqëki leynikita y mandamientuykikunata cäsukunäpaq.+
Qamqa manam mañakurqëkitsu jutsankunapita* animalkunata rupatsiyämunampaq ni qarëkunata apayämunampaq.+
7 Tsënam nirqä: “Rikë, shamurqömi.
Rölluchömi* noqapaq qellqarëkan.+
9 Sirwishoqnikikuna juntakäyanqanchömi, allikuna ruranqëkipita willakur këkä.+
Manam upällatsu kakü,+
Teyta Jehovä, qamqa musyankim parlakunqäta.
10 Allita ruraq kanqëkipitaqa manam upällatsu kakü,
parlanqëkita cumplinqëkita y salvakoq kanqëkitaqa willakuykällam,
sirwishoqnikikuna juntakäyanqanchömi alläpa kuyakoq kanqëkita y rasumpa kaqta parlanqëkita willakur këkä”.+
11 Teyta Jehovä, llakipëkallämë* y defendïkallämë,
qamqa alläpa kuyakoqmi kanki y manam imëpis dejamankitsu.+
Imëka jutsatam rurarqö, tsëmi alli kawëta puëdïtsu.+
Jutsa ruranqäkuna aqtsänö mëtsika kaptinmi alläpa llakikü.
13 Teytallä Jehovä, salvëkallämë.+
Teyta Jehovä, kanan höra shamur yanapëkallämë.+
14 Wanutsimëta munaqkuna llapampis penqakushqa quedayätsun.
Desgraciapa pasaptï kushipämaqkuna penqakushqa ëwakuyätsun.
15 Pëkunaqa, “¡alliraq, tsëtam munarqëki!” nirmi noqapita burlakuyan.
Tsënö niyanqampitaqa alläpa penqakuyätsun.
16 Peru qamta reqiyäshoqnikikunaqa+ llapan ruranqëkipita kushikuyätsun.+
Salvakoq kanqëkipita imëpis kënö niyätsun:
“Teyta Jehoväqa alabashqa këkullätsun”.+
17 Peru noqaqa manam ima rurëtapis puëdïtsu, waktsam kallä.
Teytallä Jehovä, ama qonqëkallämëtsu.
Qammi imëpis yanapamanki y salvamanki.+
Jinan höra shamur yanapëkallämë.+
Cantaqkunata dirigeqpaq. David qellqanqan salmus.
41 Waktsakunata yanapaq nunaqa kushishqam kanqa,+
Teyta Jehovämi mana alli tiempuchö sufriptimpis yanapanqa.
2 Tsënö nunataqa Teyta Jehovämi, mana allikunapita tsapanqa y kawëkaqta katsinqa.
3 Qeshyëkaptimpis Teyta Jehovämi kallpan kanampaq yanapanqa,+
cämanchö qeshyar këkaptimpis cuidanqam.
4 Kënömi nirqä: “Teyta Jehovä, yanapëkallämë.+
Mandakunqëkita mana cäsukurmi jutsata* rurarqö,+ allina sientikunäpaq yanapëkamë”.+
5 Peru chikimaqkunaqa, “taqëqa ¿imëraq wanunqa o wañunqa? Llapampis jukllana qonqëkuyanman” niyanmi noqapaq.
6 Watukamaq shamurqä, alli shiminkunapam imëkata ulipäyäman o llullapäyäman.
Tsëpita ëwakurnam, noqa parlanqäkunataqa jukmampa tumarkatsirna willakurëkäyan.
7 Imëka mana allikunata rurayämänampaqmi parlëkäyan,
y llapan juntakëkurmi kënö rimayäman:
9 Alli kawakuyanqä, confiakunqä+ y juntu mikur kayanqä nunapis kananqa chikimanmi.+
10 Peru Teyta Jehovä, yanapëkallämë,
sharkatsimë chikimaqnïta maqanäpaq.
11 Chikimaqnï mana vencimaptinqa,
kuyamar yanapëkämanqëkitam musyashaq.+
12 Teyta Dios, noqaqa nimanqëkitam imëpis cumplï, tsëmi yanapamanki;+
rikënikichömi imëpis katsimanki.+
13 Israelpa Diosnin Jehovä,
imëyaqpis alabashqa këkullätsun.+
Tsënö kallätsun.*
ISHKË KAQ LIBRU
(Salmus 42-72)
Cantaqkunata dirigeqpaq. Maskil.* Corëpa kastankuna qellqayanqan.+
42 Teyta Dios, luychu* yakunar yakuta asheqnöran,
noqapis qamta asheq.
2 Imëllaraq Teyta Dios, puntëkiman shallämüman.+
Alläpa yakunar yakuta asheqnöraqmi qamta ashikaq.+
3 Paqasta junaqtam waqakurlla kakü,
tsëmi nunakunaqa noqapita burlakur, “¿Diosnikiqa mëtaq?” niyäman.+
4 Teyta Dios, atskaq nunakunawan wayikiman unë shamunqäta yarparëkämi.
Pëkunapa puntankunatam kushishqa cantarëkar y agradecikur shamoq kä.
Chäramurqa fiestata rurar kushishqa qayëkachar këkaqkunawanmi, noqapis kushishqa karqä.+
5 ¿Imanirtan alläpa yarpachakü?+
¿Imanirtan shütëtapis puëdïnatsu?+
Noqaqa Teyta Dios yanapamänantam shuyaräshaq,
Salvamaqnï Diostaqa yapëmi alabashaq.+
6 Teyta Dios, alläpam yarpachakü,+
tsëmi Jordanchö, Hermon jirkachö y Mizar jirkachö këkarpis qamllaman yarpä.+
7 Mëtsika yaku waqaqta y paqtsakuna büllaqtam wiyëkä,
mëtsika yaku shamurmi janäpa pasashqa.+
8 Junaqpam Teyta Jehovä kuyamanqa.*
Paqaspanam Teyta Diosta alabar cantashaq,
kawatsimaq Diosnïmanmi mañakushaq.+
9 Qaqa cuenta tsapämaq Diosnïtam kënö tapushaq:
“¿Imanirtan qonqëkamarqunki?+
¿Imanirtan chikimaqkuna waqatsiyämänanta permitinki?”.+
10 Chikimaqkunam jurapämar imëkata niyäman,
llapan junaqkunam noqapita burlakur, “¿Diosnikiqa mëtaq?” niyäman.+
11 ¿Imanirtan alläpa yarpachakü?
¿Imanirtan shütëtapis puëdïnatsu?
Mana allikunata ruraq y ulikoq o llullakoq nunapita salvëkallämë.
2 Qammi Diosnï kanki,
qammi alli segurashqa markanö tsapämanki.+
¿Imanirtan dejaramarqunki?
¿Imanirtan chikimaqnïkuna waqatsiyämänanta permitinki?+
3 Teyta Dios, alli kawakunäpaq rasumpa kaqta yachëkatsimë,+
sagrädu jirkëkiman y carpa* wayikiman aktsikiwan pushëkamë.+
4 Tsënö pushamaptikim altarnikiman chäshaq,+
qamta sirwirnikim kushishqa kä.
Teyta Dios, tsëchömi arpata tocar alabashqëki.+
5 ¿Imanirtan alläpa yarpachakü?
¿Imanirtan shütëtapis puëdïnatsu?
Cantaqkunata dirigeqpaq. Corëpa kastankuna qellqayanqan. Maskil.*+
44 Teyta Dios, unë kastäkunam willayämarqan,+
pëkuna kawayanqan tiempuchö imëkatapis espantëpaqta ruranqëkita.
2 Poderösu karmi tsë nacionchö kawaqkunata qarqurqëki,+
llapankunatam ushakätsirqëki y qarqurqëki,+
tsëpitanam unë kastäkunata tsë markakunaman churarqëki.+
3 Pëkunaqa manam kikinkunapa espädankunawan vencirtsu, tsë markakunapa duëñun tikrayarqan,+
ni manam kikinkunapa kallpankunawantsu tsë nunakunata venciyarqan.+
Qammi, pëkunata kuyar derëcha makikiwan+ y podernikiwan yanaparqëki.+
4 Qammi gobernamaqnï kanki.+
Chikeqninkunata vencinampaq Jacobta yanapëkullë.
5 Qam yanapayämaptikim chikiyämaqkunaqa qeshpir ëwakuyanqa,+
qampa jutikichömi conträkuna churakaqkunata llapanta ushakätsiyäshaq.+
6 Noqaqa manam confiakütsu flechana arcü ni espädä salvamänampaq kaqman.+
7 Teyta Dios, qammi chikiyämaqkunapita salvayämarqëki,+
qammi pëkunata penqakatsirqëki.
8 Patsa waranqampita tardiyanqanyaqmi Teyta Dios alabayashqëki,
jutikitam imëyaqpis alabayäshaq. (Sëlah).
9 Peru kananqa Teyta Dios, dejarayämarqunkim y penqakatsiyämankim,
soldädükunatapis mananam yanapankinatsu.
10 Kananqa chikimaqnïkunapita qeshpirmi ëwakuyä,+
tsëmi imëka munayanqanta apakuyan.
11 Üshatanö wanutsiyämänampaqmi dejarayämarqunki,
y mëtsë nacionmanmi qarqayämarqunki.+
12 Sirwishoqnikikunam kayä, peru despreciayämarmi barätullachö rantikayämarqunki,+
y manam imatapis ganarqunkitsu.
13 Tsënöpam vecïnükunapis despreciayäman,
y llapan reqiyämaqnïkunam burlakur noqakunapita asikuyan.
14 Qam permitiptikim mëtsë nacionchö nunakuna despreciayäman,+
penqapäyämarmi peqankunata o umankunatapis kuyutsir asipäyäman.
15 Imë hörapis penqakushqallam kakü,
penqakuptïmi cäräpis pukayanraq.
16 Tsënöqa penqakullä, chikiyämaqnïkuna imëkata parlayämaptinmi,
pëkunaqa imëkatam rurayämëta munayan.
17 Tsë llapankunapa pasëkarpis qamtaqa Teyta Dios manam qonqayarqoqtsu,
y ruranqëki acuerdutapis cumplikäyällam.+
18 Shonqükunachöqa qamllatam kuyayaq,
y imatapis qam munanqëkinömi rurëkäyä.
19 Qammi dejayämarqunki chikimaqkuna venciyämänampaq,
y chukaru animalkuna mikuyämänampaq dejayämashqa kaptikim alläpa llakikur këkäyä.
20 Teyta Dios, jutikita qonqëkushqa kayaptï
o juk nacion nunakunapa santunkunaman makïkunata pallarkur* mañakushqa kayaptïqa,
21 rikämunkimanmi karqan.
Qamqa musyankim shonqükunachö imanö kayanqäta.+
22 Qampa sirweqniki kayaptïmi, imë hörapis wanutsiyäman o wañutsiyäman.
Pëkunapaqqa, pishtayänampaq rakiyanqan üshankunanömi kayä.+
23 Teyta Jehovä, ¿imanirtan punukur kakunki?+
Riyarkamï o rikcharkamuy, ama dejarayämëtsu.+
24 ¿Imanirtan rikäyämëta munankinatsu?
¿Imanirtan këläya sufrikäyaptï y imëkata rurëkäyämaptin qonqëkayämarqunki?
25 Chikimaqkunapaqqa patsachö jaruyanqan allpanönam kayä,
patsachö jitarëkaq cuenta karmi ima rurëtapis puëdiyätsu.+
Cantaqkunata dirigeqpaq. “Liriu wëta” niyanqan cancion. Maskil.* Corëpa+ kastankuna qellqayanqan. Kuyanqanta cantapanqan.
Copiëta yachaq nunapa lapicërunnö,*+ parlakunqä shumaq këkullätsun.+
2 Nunakunapa tsurinkunapitaqa qammi kuyëllapaq kanki,
parlanqëki wiyakuy munë kaptinmi,+
Teyta Dios bendicishunqëkiqa imëpis ushakanqatsu.+
3 Poderösum kanki,+ tseqllëkiman espädëkita churë.+
Qamqa alläpa poderösu y alläpa respetashqam kanki.+
4 Qamqa poderösum kanki, guërrachö vencir vencir ëwë,+
cawalluykita montakurkur rasumpa kaqta, alli rurëkunata y humildikunata defendir pelyë.+
Qamqa poderösu karmi imëka espantëpaqkunata ruranki.
5 Flëchëkikunaqa alli afilashqam këkan.+ Tsëmi chikiyäshoqnikikunapa shonqunkunatapis pasarin
y mëtsë markapita nunakunam wanur ishkiyan.+
6 Kikin Diosmi imëyaqpis gobernanëkipaq churashunki,+
qamqa gobernaqkuna mandakuyanqan tukrutam katsinki y gobernarqa justiciatam ruranki.+
7 Qamtaqa allikuna rurëmi gustashunki+ y mana allikuna rurëtaqa melanankim,+
tsëmi Teyta Diosqa peqëkiman o umëkiman aceitita jichamur akrashurqunki,+
y wakin gobernaqkunapaq kushikunqampitapis qampaqmi masqa kushikushqa.+
8 Röpëkipis mïrrallana, äloellana* y casiallanam shumaq pukutëkan o mushkuykan.
Marfilwan* adornashqa palaciupitam, cuerdayoq instrumentukunata qampaq tocayämun.
9 Qamwan ëwaq shipashkunaqa, wakinqa gobernantikunapa tsurinkunam kayan.
Casakunqëki reynapis, Ofirpita apayanqan öruwan shumaq adornashqam derëcha läduykichö këkan.+
10 Hïja, kananqa parlapanqaqta shumaq wiyamë,
amana marka mayikikunapaq ni familiëkikunapaqpis yarparënatsu.
12 Tïru* markapitam, qarëkunata aparkur nunakuna shayämunqa,
rïcu nunakunam, pëkunawan alli kanëkita munayanqa.
13 Gobernantipa warmi tsurinmi, öruwan adornashqa röpayoq chipapar palaciuchö këkan.
14 Alläpa shumaq vistishqatam* gobernantiman pushayanqa,
ollquwan manaraq kashqa pëwan ëwaq shipashkunapis gobernaq këkanqanmanmi yëkuyanqa.
15 Y alläpa kushishqam llapankuna palaciuman yëkuyanqa.
16 Unë kastëkikunapa derëchuntam tsurikikuna chaskiyanqa,
pëkunatam, patsachö mandakoqkuna kayänampaq churanki.+
17 Shamoq watakunachö yureq nunakunatam llapan ruranqëkikunata willashaq.+
Tsëmi mëtsë markakunachö nunakuna imëpis alabayäshunki.
Cantaqkunata dirigeqpaq. Corëpa+ kastankuna qellqayanqan. Alamot nötachö cantayänampaq cancion.
46 Teyta Diosmi imëkapita tsapämantsik y kallpayoqta tikratsimantsik.+
Pëqa imëka mana allikunapa pasashqapis yanapamänampaq imëpis listu këkan.+
2 Tsëmi patsa kuyuptimpis
y jirkakuna lamar rurinman ishkiyaptimpis mantsakäshuntsu.+
3 Ni manam mantsakäshuntsu lamar yaku bunyaptimpis,+
ni laqcheqsar pushuqaptin
ni jirkakunata kuyutsiptimpis. (Sëlah).
4 Juk mayum* kan, tsë mayupita rakikar ëwaq yakum Teyta Diospa markanchö täkoqkunata* kushitsin,+
y Llapanta Gobernaq Poderösu Diospa carpa* wayintapis alläpam shumaqyätsin.
5 Teyta Dios markanchö këkaptinqa,+ manam markantaqa ushakätsita puëdiyanqatsu,
pëmi patsa waranqan höra salvanampaq shamunqa.+
6 Teyta Dios parlaptinmi, mëtsë nacionchö nunakuna imanö këtapis puëdiyarqantsu y gobiernukunam ushakäyarqan.
Y kë patsapis kuyurirqanmi.+
7 Angelkunata mandaq Teyta Jehovämi noqantsikwan këkan,+
Jacobpa Diosninmi imëkapitapis tsapämantsik. (Sëlah).
8 Teyta Jehovä ruranqankunata shamur rikäyë,
alläpa espantakuypaqmi.
9 Pëmi patsachö guërrakunata ushakätsin,+
flechakunata y lanzatapis pakirmi ushakätsin.
Soldädukunapa carrëtankunatapis* ninawanmi ushakätsin.
10 Teyta Diosmi kënö nin:
“Kananqa mandädüchöna kayë, noqam Dios kä,
llapan nacionkuna+ y entëru patsachö nunakunam noqata alabayämanqa”.+
11 Angelkunata mandaq Jehovämi noqantsikwan këkan,+
Jacobpa Diosninmi imëkapitapis tsapämantsik.+ (Sëlah).
Cantaqkunata dirigeqpaq. Corëpa+ kastankuna qellqayanqan salmus.
47 Mëtsë markachö nunakuna, Teyta Diosnintsikta paqchir o taqllakur alabayë,
kushishqa büllar alabayë.
2 Llapanta Gobernaq Poderösu Diosqa, Teyta Jehovämi, pëwanqa manam ni pï igualantsu,+
pëllam entëru patsachö Gobernanti.+
3 Pëmi mëtsë markakunachö nunakunata podernintsikman churamun,
y llapan nacionchö nunakunata vencinapaqmi yanapamantsik.+
4 Teyta Diosmi herenciantsik entregamarquntsik.+
Pëmi Jacobta kuyarqan, tsëmi Jacobqa kushishqa karqan.+ (Sëlah).
5 Kushishqa qayëkachëkäyaptin y trompëtata* toquëkäyaptinmi,
Teyta Jehoväqa täkunanman mandakunampaq jamakushqa.
6 Teyta Diosnintsikpaq müsicata tocayë, alabar cantayë,
gobernamaqnintsikpaq cantayë, alabar cantayë.
7 Teyta Diosnintsikmi entëru patsachö gobernan,+
alli pensëkur cantar alabayë.
8 Teyta Diosmi entëru nacionchö nunakunapa Gobernaqnin tikrashqa,+
sagrädu gobernar täkunanchömi mandakur jamarëkan.
9 Mëtsë markakunachö mandakoqkunam, Abrahanpa Diosninta sirweqkunawan juntakäyashqa.
Entëru patsachö mandakoqkunam, Teyta Diospa poderninchöna këkäyan.
Pëmi kananqa llapampa mandakoqnin tikrashqa.+
Corëpa+ kastankuna qellqayanqan cancion.
48 Teyta Jehoväqa alläpa poderösum,
pëllam markanchö y sagrädu jirkanchöpis alabashqa kanan.
Tsëta rikarmi entëru patsachö nunakuna kushikuyan.
3 Alli rurashqa törrinkunata rikarmi nunakunaqa musyayan
Teyta Diosqa imëkapita tsapäkoq kanqanta.+
4 Juntakëkurmi gobernantikunaqa tsë markaman ëwayarqan.
5 Peru tsë markata rikëkurqa alläpa mantsakarmi qeshpir ëwakuyarqan.
6 Alläpa mantsakarmi karkaryäyarqan
y wamran yuriptin nanatsikoq warminömi waqayarqan.
7 Teyta Dios, inti o rupay yarqamunan lädupita shamoq vientuwanmi Tarsischö barcukunatapis ushakätsinki.
8 Angelkunata mandaq Diosnïkuna Jehovä,
kananqa llapan wiyayanqätam markëkichö kikïkuna rikäyarqö,
tsë markataqa imëpis mana ushakänampaqmi alli rurarqunki.+ (Sëlah).
9 Teyta Dios, templuykiman yëkurmi,
alläpa kuyakoq kanqëkiman pensayä.+
10 Imanömi jutikita mëtsëchö musyayan,
tsënöllam entëru patsachö alabayäshunki.+
Qamqa poderösu karmi imëpis justiciata ruranki.+
11 Sion jirka kushikutsun.+
Judächö markakunapis justiciata ruranqëkipita kushikuyätsun.+
12 Sion jirka entërumpa tumayë y törrinkunata yupayë.+
13 Qepa yureqkunata willayänëkipaq, murällankunata y alli rurashqa törrinkunata alli rikäyë.+
14 Kanan salvamaqnintsik Teyta Diosmi, imëyaqpis Diosnintsik kanqa.+
Pëmi imëpis yanapamäshun.+
Cantaqkunata dirigeqpaq. Corëpa+ kastankuna qellqayanqan salmus.
2 Rïcu kar, waktsa kar,
mandakoq kar o mana mandakoq karpis
shumaq wiyayämë.
3 Kananmi cuentata qokuyänëkipaq parlapäyashqëki,+
llapan pensanqätam niyashqëki.
4 Shumaqmi yachatsiyashqëki,*
arpata tocarmi entienditsiyashqëki.
5 Chikimaqkunaqa imëka mana allikunatam ruramëta munayan,
peru ¿imanirtan mantsäman?+
6 Nunakunaqa imëkankunaman confiakurpis+ y rïcu kayanqampita alabakurpis...,+
7 manam nuna mayintaqa salvëta puëdintsu,
ni Diosnintsiktapis salvanampaq paguëta puëdintsu.+
8 (Mëläya rïcu kaptimpis, qellëninqa manam välintsu vïdanta rantinampaq).
9 Manam pagakuyta puëdintsu nuna mayin imëyaqpis kawakunampaq.
Nunaqa ushakaqllam.+
10 Yachaqpis mana yachaqpis y mana entiendikoq nunapis wanunqantaqa llapantsikmi rikantsik.+
Llapan kapunqankunatam jukpaq dejarin.+
11 Kawëkarqa wayinkunapis y carpa* wayinkunapis mana ushakänantam munayan,
chakrankunatapis kikimpa jutintam churayan.
12 Peru nunaqa rïcu karpis y alläpa respetayaptimpis manam wanuypita salvakunqatsu.+
Animalnöllam wanur ushakan.+
13 Tsënömi ushakäyan mana entiendikoq nunakuna+
y pëkuna rurayanqanta qateqkunapis. (Sëlah)
14 Pëkunaqa pishtayänampaq rakiyanqan üshanömi wanuyanqa o wañuyanqa.*
Üshankunata juk mitsikoq apakoqnömi pëkunataqa wanuy apakunqa.+
Y patsa waräriptinqa alli ruraq nunakunapa mandädunchömi kayanqa.
Mana alli nunaqa ushakanqam.+
Wanurqa Sepultürachömi*+ ushakanqa y manam juk palaciuchötsu kanqa.+
16 Juk nunata rïcuyaqta y shumaq wayiyoqta rikarqa ama mantsakëtsu.
18 Kawëkarqa imëka tarinqankunapitam alabakun.+
(Nunakunapis kapushunqëkipitam alabapäyäshunki).+
19 Peru tsënö këkarmi unë kastankunanö wanun
y mananam masqa atsikyaq patsata rikannatsu.
20 Nunaqa rïcu karpis y alläpa respetayaptimpis,
këkunata mana entiendirqa+ animalnöllam wanur ushakärin.
Asaf+ qellqayanqan salmus.
2 Sion jirkapitam Teyta Diosqa chipapämun,
tsë jirkaqa alläpa shumaqmi.+
Entëru lädunchömi räyupis janraran
y tamyanqampis mantsakëpaqmi wiyakan.+
4 Sirweqninkunata juzganampaqmi, ciëluchö kaqkunata y patsachö+ kaqkunata qayëkatsir kënö nin:+
5 “Llapan shonqunkunawan sirwimaqkunata qayatsiyämuy,
animalkunata pishtar noqawan acuerduta ruraqkunata”.+
6 Teyta Diosmi Juezqa,
tsëmi ciëluchö kaqkunapis justicia ruranqanta willakuyan.+ (Seläh).
7 Teyta Diosmi kënö nin:
“Sirwimaq Israel nunakuna wiyayämë,
kananmi niyashqëki mana allikunata rurayanqëkita.+
Noqam Diosnikikuna kä.+
8 Manam qarëkunata ni animalkunata pishtëkur rupatsiyämunqëkipita corregiyashqëkitsu.+
9 Noqaqa manam wätakunqëki töruykita ni cabrëkitapis wanätsu.*+
10 Noqallapam mëtsë montikunachö y mëtsë jirkakunachö këkaq chukaru animalkunapis.+
11 Mëtsë jirkakunachö pishqukunatam reqï+
y llapan animalkunam noqapa.
12 Kë patsa y patsachö imëka wayunqankunapis noqapam.
Tsëmi mallaqarpis qamtaqa ni imata mañakümantsu.+
13 Noqaqa manam töru ëtsatatsu mikü
ni cabrapa yawarnintatsu upü.+
14 Tsëkunata qaramanqëkinöqa, noqa Llapanta Gobernaq Poderösu Diosnikita, alabamarmi agradecikamänëki+
y llapan änimanqëkitam cumplinëki.+
15 Mana allikunapa pasayanqëki tiempu qayamë+
y noqam salvashqëki.
Tsëmi alabamanki”.+
16 Peru mana alli nunataqa Teyta Diosmi kënö ninqa:
“¿Qamqa imanirtan mandakunqäkunapaq+ y ruranqä acuerdupaqpis parlar purikanki?+
17 Mëtsika kutim qamtaqa corregirqoq y parlaparqoq,
peru manam cäsukunkitsu.+
18 Qamqa ladronkunatam chaskipanki,+
y majankunata engañaqkunawampis juntakankim.
19 Ulikurkurmi o llullakurkurmi pitapis mëtapis parlapanki,
nunakunata engañëqa alläpam gustëkushunki.+
20 Wawqikipaqpis mana allikunatam parlanki,+
tsë mamallapita këkarmi pantanqankunatapis willakur purinki.
21 Tsëkunata ruranqëkita rikarnin upälla kakuptïmi pensarqunki noqapis qamnölla kanqäta.
Peru kananmi sï corregishqëki,
ruranqëkikuna imanir mana alli kanqantam nishqëki.+
22 Kananqa mana cäsumaq nunakuna,
kë ninaqpaq kaqman shumaq pensayë.+
Manaqa llapëkitam ushakätsiyashqëki
y manam ni pï salvayäshunkitsu.
23 Noqapaq apayämunqëki mas alli qarëqa, agradecikamar alabayämanqëkim,+
y munanqänö kawakuyanqëkim.
Tsënö nunatam noqaqa salvashaq”.+
Cantaqkunata dirigeqpaq. Bat-Sebawan+ David jutsata* rurayanqampitam Diospa willakoqnin Natan corregirqan. Tsëmi David kë salmuta qellqarqan.
51 Dios Yaya, qamqa alläpa kuyakoqmi kanki, yanapëkallämë.+
Llakipämar* jutsa* ruranqäta qonqëkullë.+
2 Juk nuna imatapis yakuwan alli limpiu aweqnö,* ruranqä jutsapita* limpiuta tikrëkatsimë,+
mana allita ruranqäpita perdonëkallämë.+
4 Chikinqëki jutsata* rurarmi qamta llakitsirqoq,+
tsëmi nimanqëkipis
y juzgamanqëkipis rasun kaqlla.+
6 Qamqa, nunakuna shonqunkunachö alli kayanqanta rikarqa kushikunkim,+
tsëmi alli nuna kanäpaq y yachaq kanäpaq yanapëkamänëkita munä.*
7 Jutsäpita* limpiu kanäpaq hisöpu plantawan tsaqtsuykamë,+
tsënöpam jutsata rurashqa karpis rashtanö* yuraq tikrashaq.+
8 Kushishqa cantaqkunata y qayëkachaqkunata wiyar yapë kushikunäpaq yanapëkallämë.
Tsëqa castigamashqa kaptikipis* yapëmi kushishqa kashaq.+
11 Ama puntëkipita qarqëkamëtsu
y podernikiwan imëpis yanapëkallämë.
12 Salvamaptiki kushikunqänö yapë kushishqa kanäpaq yanapëkallämë,+
qamta cäsunäpaq yanapëkallämë.
14 Teyta Dios, qammi salvamaqnï kanki.+
Nuna mayïta wanutsir jutsata* mana ruranäpaq yanapëkallämë,+
tsëmi allita ruraq kanqëkita kushishqa willakushaq.+
15 Teyta Jehovä, parlakaramunäta permitïkallämë,
tsënöpam alabashqëki.+
16 Teyta Dios, animalkunata pishtëkur rupatsimunäta munaptikiqa rupëkatsimümanchi,+
peru qamqa manam tsëta munankitsu, y qarëkunata rupatsimuptïpis manam kushikunkitsu.+
17 Qamqa kushikunki, jutsata* ruranqäpita arrepentikuptï y shonqüchö llakikuptïmi.
Shonqunkunachö llakikoqkunataqa manam despreciankitsu.+
18 Teyta Dios, Siontapis llakipëkullë*
y alli següru kanampaq Jerusalenpa murällankunatapis altsëkatsi.
19 Teyta Dios, tsënöpam kushikunki alli ruraq nunakuna animalkunata pishtëkur rupatsiyämuptin
y wakin qarëkunatapis rupatsiyämuptin.
Töruta pishtarmi altarnikichö rupatsiyämunqa.+
Cantaqkunata dirigeqpaq. Maskil.* Ahimëlecpa+ wayinmanmi Davidqa chashqa karqan, tsëtam Doeg jutiyoq edomïta nunaqa Saulta willarqan. Tsëta willakunqampitam Davidqa kë salmuta qellqarqan.
52 Teyta Diosnintsikqa alläpa kuyakoqmi y kuyakoq këtaqa manam imëpis dejantsu.+
Puëdeq nuna, ¿imanirtan mana allikunata ruranqëkipita alabakunki?+
2 Qalluykiqa alli afilashqa cuchillunömi,+
mana allikunata rurananllapaqmi imëpis parlëkan y pïmëtam imëkata creitsin.+
3 Qamqa allikunata ruranëkipa rantinmi, mana allikunata rurëllaman yarparäkuykanki.
Rasumpa kaqta parlanëkipa rantinmi imëpis ulikunki o llullakunki. (Sëlah).
4 Parlanqëkiwanqa pïmëtam llakitsinki,
ulikuytaqa o llullakuytaqa alläpam yachëkunki.
5 Tsënö kanqëkipitam Teyta Diosqa,
juk plantata sutarir jitareqnö wayikipita jitarishunki.+
Ushakätsishunkim y mananam kë patsachöqa imëpis kawankinatsu.+ (Sëlah).
7 “Këmi tsë nuna, tsapëkunampaq Diosnintsikman confiakunampa rantin kikinllaman confiakoq nuna.+
Riquëzankunamanmi confiakurqan,+
y mana allikunata rurananllapaqmi imë hörapis yarparëkarqan”.
8 Peru noqaqa, Teyta Diospa wayinchömi atska rämayoq olïvu plantanö kashaq.
Alläpa kuyakoq Teyta Diosmanmi+ noqaqa imëpis confiakushaq.
9 Teyta Dios, qamtam alabashqëki, qammi imata karpis ruranki.+
Sirwishoqnikikunapa puntanchömi jutikiman confiakamushaq,+
qamqa alläpa allim kanki.
Cantaqkunata dirigeqpaq. Llakishqa cantayänampaq. Maskil.* David qellqanqan salmus.
Mana allitam imëpis rurayan, rurayanqankunaqa melanëpaqmi.
Manam ni mëqampis allitaqa rurantsu.+
2 Peru Teyta Diosqa ciëlupitam nunakunata rikarëkämun,+
mëqampis entiendeq kanqanta o Jehoväta cäsukunqanta.+
3 Llapan nunakunapis mana allim tikrayashqa,
mana allillatam rurayan
y manam jukllëllapis allitaqa rurantsu.+
4 ¿Manaku ni mëqanllapis cuentata qokun mana allita rurëkanqanta?
Tantata ushëpa ushar mikoq cuentam, Teyta Diosta sirweqkunata ushakätsiyan.
Manam Jehovä Diostaqa yarpäyantsu.+
5 Tsënö këkarmi pëkunaqa alläpa mantsakäyanqa,
imëpis mana mantsakäyanqannömi alläpa mantsakäyanqa.*
Chikiyäshoqniki* nunakunapa tullunkunataqa Teyta Diosmi mëtsëman jitar ushanqa.
Teyta Jehovä despreciashqa kaptinmi Israel nunakuna, qamkunapis pëkunata penqakatsiyanki.
6 ¡Sion jirkapita shamur Israel nunakunata Teyta Jehovä salvëkullätsun!+
Mëtsë markakunachö prësu këkaq sirweqninkunata kutitsimuptin,
Jacob kushikutsun y Israelpis alläpa kushikutsun.
Cantaqkunata dirigeqpaq. Cuerdayoq instrumentukunata tocar cantayänampaq. Maskil.* David qellqanqan salmus. Zif markachö nunakunam Saul kaqman ëwarnin kënö niyarqan: “Davidqa markäkunachömi këkan”.+ Tsënö willakuyanqampitam Davidqa kë salmuta qellqarqan.
2 Dios Yaya, mañakamuptï wiyëkamë,+
rogakamuptï cäsuykamë.
Teyta Dios, pëkunaqa manam respetayäshunkitsu.+ (Sëlah).
4 ¡Rikäyë! Teyta Diosmi noqataqa yanapaman,+
yanapamaq nunakunatapis Teyta Jehovämi yanapëkan.
5 Chikimaq nunakunaqa imëka mana allitam rurayämashqa, peru Teyta Diosqa rurayämanqannöllam pëkunatapis castiganqa.+
Teyta Dios, qamqa änikunqëkita cumplinkim, pëkunata ushakätsi.*+
6 Teyta Dios, animalkunata pishtëkurmi qampaq kushishqa rupatsimushaq.+
Teyta Jehovä, shumaq jutikitam alabashaq.+
7 Teyta Diosqa, imëka sufrimientupa pasaptïmi yanapaman,+
tsëmi chikimaqkuna ushakäyaptin kushishqa rikaräshaq.+
Cantaqkunata dirigeqpaq. Cuerdayoq instrumentukunata tocar cantayänampaq. Maskil.* David qellqanqan salmus.
3 Tsënöqa këkä chikimaqkuna qayapäyämaptin
y imëkata rurayämänampaq jurapäyämaptinmi.
Alläpa cölerashqam imëka problëmata rurayäman.+
5 Alläpa mantsakashqa karmi,
imanö këtapis mana puëdir karkaryëkä.
6 Seguïdum kënö pensä: “Palumapanö älasnï kaptinqa volarchi* ëwaküman,
y alli següru sitiuchöchi kawaküman.
8 Alläpa vientuptin y alläpa tamyaptinqa,
machëkunamanchi yëküman”.
9 Chikimaq nunakunaqa pelyakurlla y maqanakurllam kawakuyan.
Pensayanqanta rurarpis ama yarqapakuyätsuntsu, parlarnimpis ama entiendinakuyätsuntsu* Teyta Jehovä.+
10 Paqaspa junaqpam murälla janampa puriyan,
rurichöqa imëka mana allikunatam rurayan, chikinakurllam kawakuyan.+
11 Imëkatam ushakätsiyan,
nunakuna juntakëkurqa, sufritsinakur y engañanakurllam kayan.+
12 Manam chikimaq nunatsu imëkata insultaman,
chikimaq nuna insultamaptinqa aguantëkümanchi.+
Manam conträ këkaq nunatsu contraman,
conträ këkaq nuna chikimaptinqa qeshpirchi ëwaküman.
13 Peru qammi, noqanö respetashqa nuna këkar conträ churakarqunki.+
Alli reqinqä nuna y amïgü këkarmi tsëta ruramarqunki.+
14 Alli amïgum karqantsik,
Diosnintsikpa wayinmampis wakinkunawan juntum yëkoq kantsik.
15 Chikimaqkunaqa juklla ushakäyätsun,+
kawëkaqta pampayätsun,*
pëkunaqa alläpa mana allita ruraq nunam kayan.
16 Peru noqaqa Teyta Jehovämanmi qayakushaq,
pëmi salvamanqa.+
17 Patsa waraptin, tardiyaptin y paqaspapis imanö këta mana puëdirmi yarpachakur waqakurlla kakü,+
peru Teyta Diosqa wiyamanmi.+
18 Conträkunam atacayämänampaq mëtsikaq shamuykäyan,
peru Teyta Diosmi pëkunapita salvamar, tranquïlu kawakunäpaq yanapamanqa.+
19 Teyta Diosqa mañakuptï wiyamanqam,
unë witsampita mandakur+ jamakunanchö tëkaqmi,
tsë mana alli nunakunata castiganqa.+ (Sëlah).
Teyta Diosta mana respetaq nunakunaqa, munayanqanllatam imëpis rurayanqa.+
20 Tsë nunaqa* amïgunkunatam atacarqan.+
Y manam acuerdu rurayanqanta respetarqantsu.+
22 Llapan llakikunqëkita y yarpachakunqëkita,
Teyta Jehoväpa makinman churëkuy,+
pëqa, alli nuna mana alliman ishkinanta manam permitinqatsu.+
23 Peru mana alli nunakunataqa sepultürachömi ushakätsinki Teyta Dios.+
Asesïnu, ulikoq y llullakoq nunakunaqa jövinllaraq këkar wanuyätsun.+
Peru noqaqa qammanmi confiakamushaq.
Cantaqkunata Dirigeqpaq. “Karuchö upälla këkaq paluma” niyanqan tönuchö cantayänampaq. David qellqanqan salmus. Miktam. Filisteukunam Davidta Gat+ markachö prësuyarqan, tsëta yarparmi pëqa kë cancionta cantarqan.
56 Teyta Dios yanapëkallämë, mana alli nunakunam wanutsiyämänampaq qatikachäyäman.
Entëru junaqmi imëkata ruramar sufritsiyäman.
2 Puëdeq tukurmi patsa waranqampita tardiyanqanyaq
imëkata rurar sufritsiyäman.
3 Pëkunata mantsarmi+ qamman confiakamü Teyta Dios.+
4 Noqaqa Teyta Diosmanmi confiakü,
palabrampitam pëta alabä.
Manam pitapis mantsätsu, ¿imataraq nunaqa ruramanqa?+
5 Patsa waranqampita tardiyanqanyaqmi imëka problëmata rurayäman,
mana allikunata rurayämänampaqmi imë hörapis pensëkäyan.+
7 Tsënö kayanqampita Teyta Dios castiguëkullë.
Entëru nacionchö nunakunata cölerar ushakätsi.+
8 Teyta Dios, qamqa musyëkankim markäpita qeshpir ëwakur imanö sufrinqäta.+
Qarapita poronguykiman weqilläta winëkullë.+
Qamqa llapan sufrinqätam libruykiman apuntarqunki.+
9 Teyta Diosman yanapamänampaq mañakuptïqa, chikimaqkunaqa qeshpirmi ëwakuyanqa.+
Teyta Dios yanapamänampaq kaqtaqa segürum këkä.+
10 Noqaqa Teyta Jehovämanmi confiakü.
Palabrampitam alabä.
11 Teyta Diosmanmi confiakü, manam imatapis mantsätsu.+
¿Imataraq nunaqa ruramanqa?+
13 Teyta Dios, qammi wanunäpaq o wañunäpaq kaqpita salvamarqunki,+
mana alliman ishkinäpaq kaqpitam salvamarqunki.+
Tsënöpam kawëkä y qamtapis sirwikaq.+
Cantaqkunata dirigeqpaq. “Ama ushakätsitsu” niyanqan tönuchö cantayänampaq. David qellqanqan salmus. Miktam. Davidqa Saulpita qeshpir ëwakurmi juk machëman yëkurqan,+ tsëmi kë cancionta cantarqan.
57 Yanapëkallämë Teyta Dios,
yanapëkallämë, defendimänëkipaqmi qamman shamurqö.+
Wawankunata älan rurinman wallpa pakaqnö, imëka mana allikuna pasanqanyaq pakëkallämë.+
2 Chikimaqkunata ushakätsinampaqmi, Llapanta Gobernaq Poderösu Diosman qayakü.
Rasumpa kaq Diostam rogakü.
3 Teyta Diosmi ciëlupita salvamar yanapamanqa,+
ataquëkämaqkunatam castiganqa. (Sëlah).
Tsënöqa yanapamanqa alläpa kuyakoq y confiakuypaq karmi.+
4 Wanutsimëta munaq nunakuna entëru lädüpa kayaptinmi,
leonkunapa rurinchö këkaqnö këkä.+
Kirunkunaqa imëka lanzanö y flëchanömi,
y qallunkunapis alli afilashqa espädanömi.+
5 Teyta Dios, ciëluchöpis y patsachöpis qamllam alläpa puëdeq kanki,
tsënö kanqëkita llapankuna musyayätsun.+
6 Ishkinäpaq trampata rurayämushqa,
tsëmi alläpa yarpachakü.+
Jeqanäpaqmi patsata uchkuyashqa,
peru tsëmanqa kikinkunallam ishkiyashqa.+ (Sëlah).
7 Teyta Dios, shonqüchöqa qamllatam kuyaq,+
manam imëpis dejashqëkitsu.
Tsëmi alabarniki tocar cantamushaq.
8 Tempränullam riyakushaq o rikchakushaq,
arpata y cuerdayoq instrumentukunatam qampaq tocamushaq,
tsëmi tempränulla shärikushaq.+
9 Teyta Jehovä, mëtsë marka nunakuna wiyëkäyaptinmi alabashqëki.+
Mëtsë nacionchö nunakuna wiyëkäyaptinmi qampaq cantamushaq.*+
10 Teyta Dios, qamqa alläpa kuyakoqmi kanki. Kuyakoq kanqëkiqa ciëluyaqmi chan,+
y änikunqëkita cumplinqëkiqa pukutëkuna këkanqanyaqmi chan.
11 Teyta Dios, ciëluchöpis y patsachöpis qamllam alläpa puëdeq kanki,
tsënö kanqëkita llapankuna musyayätsun.+
Cantaqkunata dirigeqpaq. “Ama ushakätsitsu” niyanqan tönuchö cantayänampaq. David qellqanqan salmus. Miktam.
58 Mana alli nunakuna, jukkuna mana allikunata rurayaptin manam imatapis niyankitsu.+
Manam justicia rurëta yachayankitsu.+
2 Qamkunaqa mana allikunata rurayänëkillapaqmi yarparëkäyanki,+
mëtsëchöpis mana allikunallatam rurayanki.+
3 Mana alli nunakunaqa yurikuyanqampitam mana alli kayan,
alläpam ulikuyan o llullakuyan y oqrakashqanömi puriyampis.
4 Parlayanqankunaqa culebrapa venënunnömi,+
pëkunaqa cobra niyanqan culebranömi upatukuyan.
5 Manam parlapaqninkunata wiyayantsu,
ni yachaq brüju imëkata ruraptimpis cäsuyantsu.
6 Mana alli nunakunaqa leonkunanömi* kayan,
Teyta Jehovä, chakallwankunata* y kirunkunatapis pakipuy.
7 Ëwëkaq yaku tsakireqnö ushakäyätsun,
flëchanwan Teyta Dios llapanta wanutsitsun.
8 Ëwëkar lakatu* tsakireqnö achachëwan ushakäyätsun,
wanushqa yureq wamranö atsikyaq patsata rikäyätsuntsu.
9 Mankankunapis manaraq qoñuptinmi+ fuerti vientu apakoqnö,
tullpankunachö tsaritsiyanqan kashata y rämatapis sutar jitanqa.
10 Mana alli nunakunata Teyta Dios castigaqta rikarmi, alli nunakunaqa kushikuyanqa,+
y yawarninkunatapis jarurmi ushayanqa.+
11 Tsëta rikaq nunakunam kënö niyanqa:
“Kë patsachö nunakunataqa Teyta Diosmi juzgan,+ alli ruraq nunakunaqa bendiciontam chaskiyan”.+
Cantaqkunata dirigeqpaq. “Ama ushakätsitsu” niyanqan tönuchö cantayänampaq. Miktam. Davidta wanutsita munarninmi+ Saulqa soldädunkunata mandarqan Davidta wayinchö cuidayänampaq, tsëmi Davidqa kë salmuta qellqarqan.
2 Mana allita ruraq nunakunapita
y maqakoqkunapita salvëkamë.
3 Mëtsëman churanakuykurmi shuyaräyäman.+
Puëdeq nunakunam atacayäman.
Teyta Jehovä, tsënö rurayämänampaqqa manam ima jutsatapis* rurarqötsu.+
4 Mana allikunata mana rurëkaptïmi, maqayämänampaq cörripa shayämun.
Teyta Dios, yanapëkamänëkipaqmi qamman rogakamü.
5 Angelkunata mandaq Jehovä, qammi israelïtakunapa Diosnin kanki.+
Mëtsë nacionkunachö nunakuna imanö kayanqanta rikëkullë.
Traicionëru nunataqa mana llakipar* castiguëkuy.+ (Sëlah).
7 Pëkunaqa imëka mana allikunatam niyan,
espädawan tuksikoqnömi parlayan.+
Y “¿piraq wiyamäshun?” niyanmi.+
8 Peru qamqa Teyta Jehovä, pëkunapitam asikunki,+
y mëtsë nacionkunachö nunakunapitapis burlakunkim.+
9 Teyta Dios, qammi kallpayoqta tikratsimanki, qammi imëka mana allipitapis tsapämanki.+
Alkäbum këkäshaq y qamllamanmi confiakamushaq.+
11 Teyta Dios, chikimaqkunataqa amaraq wanutsitsu, poderösu kar oqrakashqanö puriyänanta permitïkuy.
Tsënöpam marka mayïkuna ruranqëkita rikäyanqa.
Teyta Jehovä, qamqa tsapäkoq escüdu cuentam kanki.+
12 Pëkunaqa orgullösu karmi shiminkunawan jutsata* rurayashqa,
nuna mayinkunatam maldiciyashqa y imëkata parlarmi engañayashqa.+
Tsënö kayanqampita kikinkuna sufriyätsun.
13 Pëkunata cölerar ushakätsi,+ amana masqa kawayätsunnatsu.
Jacobpa kastankunata y entëru patsachö nunakunatapis,
qam gobernanqëkita musyayätsun.+ (Sëlah).
14 Pëkuna cada paqas shayämutsun,
y kanikoq allqunö cällikunapa puëdeq tukur puriyätsun.+
15 Wakpa këpa mikuyta ashir puriyätsun.+
Mikuyaptimpis ama pachankuna juntatsuntsu, punuyänampaqpis ama sitiuta tariyätsuntsu.
16 Noqaqa Teyta Dios, puëdeq kanqëkipitam alabar qampaq cantamushaq.+
Patsa waräriptinmi, alläpa kuyakoq kanqëkita parlashaq.
Qammi imëka mana allipitapis tsapämanki.+
Llakikunqä hörakunaqa, yanapëkamänëkipaqmi qamman qayakamü.+
17 Teyta Dios, qammi kallpayoqta tikratsimanki, qampaqmi cantamushaq.*+
Qammi imëka mana allikunapita tsapämanki, alläpa kuyakoq karmi, imëpis kuyamanki.+
Cantaqkunata dirigeqpaq. “Yarpäyänampaq Liriu wëtakunata” niyanqan tönuchö cantayänampaq. Miktam. David qellqanqan salmus. Yachatsiyänampaq. Këtaqa David qellqarqan Aram-Naharäim y Aram-Zobä nunakunawan pelyayanqanta yarparkur y kutïkur döci mil edomïta nunakunata Kachi Pampachö+ Joab wanutsinqanta yarparmi.
60 Teyta Dios, despreciayämarqunkim, venciyämänantam permitirqunki.+
Noqakunawanmi alläpa cölerashqa këkanki, peru kananqa yapë chaskïkayämë.
2 Teyta Dios qammi patsata kuyutsirqunki,
murällankunaqa rachir ushashqa karmi ishkir ushëkan, altsëkullë.
3 Imëka sufrimientumanmi churayämarqunki,
tsëmi vïnuwan machashqa nunakunanö këkäyä.+
4 Respetayäshoqnikikunata chikeqninkuna flechayaptinqa,
manaraq chätsiyaptin qeshpir ëwakuyänampaq musyëkatsinki.* (Sëlah).
5 Kuyanqëkikuna salvakuyänampaqqa,
derëcha makikiwan noqakunata salvëkayämë y qayakayämuptï wiyëkayämë.+
6 Teyta Diosqa alläpa limpium* y kënömi nishqa:
“Siquem markatam sirwimaqnïkunata herenciankuna kushishqa entregashaq,+
7 Galaadpis y Manasespis noqapam.+
8 Moabqa, makïta yakuwan awikunä* tazon cuentam.+
Edommannam llanqïta jitashaq.+
Y filisteukunata vencirnam kushishqa qayëkachäshaq”.+
9 ¿Piraq pushamanqa entëru lädupa soldädukuna churanakushqa këkaq markaman?*
¿Piraq Edomyaq pushamanqa?+
10 Teyta Dios qamchi pushayämanki. Qamchi venciyänäpaq yanapayämanki.
¿Peru imanöraq yanapayämanki dejayämashqa këkarqa? Mananam soldädükunatapis yanapankinatsu.+
11 Nunakuna yanapayämanqanqa manam imapaqpis välintsu,
Teyta Dios, mana allikunapa pasayanqä höra qam yanapëkayämë.+
Cantaqkunata dirigeqpaq. Cuerdayoq instrumentukunata tocarnin cantayänampaq. David qellqanqan salmus.
61 Dios Yayallä, yanapamänëkipaqmi qayakëkämü, wiyëkallämë,
rogakëkämümi cäsuykallämë.+
2 Shonqüchö alläpa llakikur y imanö këtapis mana puëdirqa,
karu markachö këkarpis, yanapamänëkipaqmi waqar mañakamushaq.+
Imapis mana imanamänampaq, qaqa jananman churëkamë.+
3 Qammi imëka mana allikunapita tsapämanki,
alli rurashqa törrinömi, chikimaqnïkunapita tsapämanki.+
4 Wayikichömi visïta cuenta imëyaqpis täkushaq,*+
älëkiwan tsapämänëkipaqmi qamman shamushaq.+ (Sëlah).
6 Gobernantitam mas watakuna kawanampaq yanapanki,+
tsëmi pëqa mëtsika watakuna kawanqa.
7 Teyta Dios, pëmi imëyaqpis puntëkichö gobernanqa,+
imapis mana pasanampaq alläpa kuyëkuy, ama dejëkullëtsu.+
Cantaqkunata dirigeqpaq. Jedutun. David qellqanqan salmus.
62 Teyta Diostam yanapëkamänampaq tranquïlu shuyëkä,
pëmi salvamanqa.+
2 Teyta Diosqa qaqa cuentam, pëmi salvamaqnï, pëmanmi tsapämänampaq ëwä,+
ima pasakuptimpis manam mantsakäshaqtsu.+
3 Mana alli nunakunaqa juk nunata wanutsita munar, ¿imëyaqraq qatikachäyanqa?+
Qamkunaqa ishkinëkaq perqanö y rumipita perqashqa ishkinëkaq perqanömi alläpa mantsëpaq kayanki.
4 Tsë nunakunaqa manam respetashqa kananta munayantsu,
ulikurqa o llullakurqa kushishqam kayan.
Shonqunkunachö chikikarpis allitukurmi parlapäyan.+ (Sëlah).
6 Teyta Diosqa qaqa cuentam, pëmi salvamaqnï,
pëmanmi tsapämänampaq ëwä, ima pasakuptimpis manam mantsakäshaqtsu.+
7 Teyta Diosmi salvamaqnï, pë yanapamaptinmi respetashqa kä,
pëqa alli fuerti qaqanömi, Diosnïmi, y pëmi tsapämaqnï.+
Pëmi imëkapita tsapämantsik.+ (Sëlah).
9 Nunakunaqa jamaninöllam ushakäriyan,+
manam confiakuypaqtsu kayan.
Llapankunata balanzaman churarkuptikiqa manam jamaninöllapis lasäyantsu.+
10 Ama nuna mayikipa imantapis amälas aparnin
y suwarnin alli kanëkipaq kaqta pensëtsu,
ni rïcuyarpis ama kapushunqëkimanqa confiakuytsu.+
David qellqanqan salmus. Këtaqa qellqarqan Judächö+ këkaq tsunyaq jirkakunachö kanqanta yarparkurmi.
63 Dios Yaya, qammi Diosnï kallanki.
Alläpa yakunar yakuta+ asheqnöraqmi qamta ashikaq.*+
Kë tsaki sitiuchö alläpa yakunar yakuta asheqnöran qamta ashï.+
2 Respetashqa y poderösu kanqëkita musyarmi,
sagrädu sitiuykiman rikarämü.+
4 Wanukunqäyaqmi alabashqëki,
makïta pallarïkurmi* jutikita alabashaq.
5 Bendicimarqa, mas allin kaqtam qaramanki,
tsëmi agradecikur kushishqa alabaq.+
7 Qammi yanapamanki.+
Wawankunata älan rurinchö wallpa pakaqnö imëkapita tsapämaptikim alläpa kushishqa qayëkachëkä.+
9 Peru wanutsimëta munaqkunaqa
kikinkunam ushakäyanqa.
10 Atoqkuna* mikuyänampaqmi,
espädawan wanutsiyanqa.
11 Peru gobernantiqa Teyta Dios yanapaptinmi kushikunqa.
Nunakunam Teyta Diospa jutinchö änikur alabayanqa.
Mana rasumpa kaqta parlaqkunaqa, manam ni ima nitapis puëdiyanqatsu.
Cantaqkunata dirigeqpaq. David qellqanqan salmus.
64 Teyta Dios, qayakamuptï wiyëkallämë,+
chikimaqkunaqa mantsëpaqmi kayan, salvëkallämë.
2 Wanutsiyämänampaq willanakuykaq nunakunapita salvëkallämë,+
mana alli nunakunapita defendïkallämë.
3 Conträ parlayanqanqa, fïlu espädanöraqmi shonqüman chan.
Flëchawan flëchaqnömi, imëka mana allikunata niyäman.
4 Mana culpayoq nunatam imëkata niyan,
mana mantsarmi imëkapita culpatsayan.
5 Mana allita rurayänanllapaqmi parlëkäyan,
yachëllapa trampata churayänampaqmi pensayan.
Y “manam cuentata qokuyanqatsu” niyanmi.+
6 Mana allikunata, juknöpa juknöpa rurayänampaqmi pensayan,
pakëllapam tsëkunata rurayänampaq willanakuyan.+
Mana allita rurayänampaq pensëkäyanqantaqa manam musyëta puëdintsiktsu.
7 Peru tsënö këkäyaptinmi Teyta Diosqa flëchëkunqa,+
illaqpitam chëkatsinqa.
8 Kikinkuna parlayanqanllam mana alliman chätsinqa.+
Tsëmi rikaqnin nunakunaqa penqaparnin, peqankunata o umankunata kuyutsiyanqa.
9 Tsëta rikëkurmi nunakunaqa mantsakäyanqa,
Teyta Dios ruranqanta entiendirmi willakuyanqa.+
10 Alli ruraq nunakunaqa, Teyta Jehovä yanapaptinmi kushikur pëman tsapänampaq ëwayanqa.+
Alli shonquyoqkunaqa, Teyta Dios yanapanqampitam kushishqa parlayanqa.
Cantaqkunata dirigeqpaq. David qellqanqan salmus. Cancion.
2 Teyta Dios, qamqa mañakayämuptin wiyankim, qammanmi llapan nunakuna shayämunqa.+
5 Teyta Dios, qamqa alli ruraqmi kanki, mañakayämuptïqa imëka allikunawanmi bendiciyämanki.+
Qammi salvamaqnïkuna kanki.
Qammanmi entëru patsachö nunakuna+
y lamar kuchunchö kawaqkunapis confiakayämun.
6 Teyta Dios, qamqa alläpa poderösum kanki,
jirkakunatapis mana kuyunampaqmi kamarqunki.+
7 Lamar yakutapis laqcheqsar büllëkaqtam päratsinki.+
Mëtsë nacionchö nunakunatapis qammi upällatsinki.+
8 Ruranqëkikunata rikarmi, mas karu markakunachö nunakuna espantakuyanqa.+
Patsapa juknin kuchumpita juknin kuchunyaq* täkoq* nunakunam kushishqa cantayanqa.
9 Teyta Dios qam patsata bendiciptikim,
imëkapis shumaq wayun.+
Yakupis mëtsikam kan.
Patsata tsënö kamashqa kaptikim,
nunakunaqa imëka gränukunata cosechayan.+
10 Barbechayanqan chakrankunatapis tamyawanmi oqütsinki.
Qammi bendicinki muruyanqan shumaq wayunampaqpis.+
11 Corönatseqnö bendiciptikim cada wata alli cosëcha kan.
Qam ëwanqëki kaqpaqa imëkapis allim yarqun.+
13 Jirka pachankunachöpis mëtsika üshakunam këkan.
Ura pampakunachöpis trïgum entëruchö këkan.+
Tsëmi kushishqa kar qayëkachäyan y kushishqa cantayan.+
Cantaqkunata dirigeqpaq. Cancion.
66 Kë patsachö nunakuna, Teyta Diosta llapëki alabayë.+
2 Müsicata tocar jutinta alabayë,
adorar alabayë.+
3 Teyta Diosta kënö niyë: “¡Llapan ruranqëkikunaqa alläpa shumaqmi!+
Poderösu kaptikim, chikiyäshoqniki nunakunapis,
mantsayäshurniki puntëkiman qonqurikayämun.+
4 Patsachö llapan nunakunam,
puntëkiman qonqurikamur cantar alabayäshunki.+
Jutikita alabarmi cantayanqa”.+ (Sëlah).
5 Teyta Dios ruranqankunata rikäyänëkipaq shayämuy.
Nunakunapaq ruranqankunaqa alläpa espantakuypaqmi.+
6 Teyta Diosmi lamarta tsakiratsirqan.+
Tsënöllam sirweqninkuna tsimpayänampaq mayuta* tsakitsirqan.+
Tsënö yanapamanqantsikpitam alläpa kushikurqantsik.+
7 Teyta Diosqa alläpa poderösum, pëmi imëyaqpis gobernamunqa.+
Pëqa mëtsë nacionchö nunakuna imanö portakuyanqantam rikëkämun.+
Mana cäsukoqkunaqa ama alabakur puriyätsuntsu.+ (Sëlah).
8 Mëtsë markakunachö nunakuna, Teyta Diosnintsikta alabayë.+
Alabayanqëkitaqa mëtsëchö wiyayätsun.
9 Teyta Diosmi kawëkaqta katsimantsik.+
Pëmi imëka mana allipita cuidamantsik.+
10 Teyta Dios imanö kayanqätam alli rikäyämarqunki.+
Pläta metalta ninawan tsullutsir mana allinta jitaqnömi, mas alli nuna kayänäpaq yanapayämarqunki.
11 Qam permitiptikim trampaman ishkiyarqö,
alläpa lasaq qepita janäkunaman churamoq cuentam sufritsiyämarqunki.
12 Nuna mayïkuna dominayämanantam permitirqunki,
ninapa y yakupam pasatsiyämarqunki.
Tsëpitaraqmi tranquïlu kawakuyänäpaq alli sitiuman pushayämarqunki.
13 Qampaq rupatsimunäpaqmi qarëkunata aparkur wayikiman yëkamushaq.+
Äninqaqtaqa cumplimushaqmi.+
14 Llakikunqä hörakuna äninqaqtaqa,
llapantam cumplimushaq.+
15 Wira* animalkunata pishtëkurmi qampaq rupatsimushaq;
carnëruta, töruta y chïvuta* rupatsirmi,
qampaq qoyätsimushaq o qoshnïtsimushaq. (Sëlah).
16 Teyta Diosta respetaqkuna* llapëki shayämuy.
Teyta Dios imanö yanapamanqantam willayashqëki.+
17 Teyta Diostam qayarqä y alabarqä.
18 Mana allita rurëkar upälla kakushqa kaptïqa,
manachi Teyta Jehoväqa wiyamanmantsu karqan.+
20 Mañakunqäta wiyamaq
y alläpa kuyamaq Teyta Dios alabashqa këkullätsun.
Cantaqkunata dirigeqpaq. Cuerdayoq instrumentukunata tocarnin cantayänampaq. Cancion.
67 Teyta Dios, qammi yanapayämanki, bendiciyämanki,
noqakunawanqa kushishqam kanki.+ (Sëlah).
2 Tsënöpam llapan nunakuna musyayanqa sirwishoqnikikunata yanapanqëkita,+
llapan nacionchö nunakunam musyayanqa salvakoq kanqëkita.+
3 Teyta Dios, mëtsë markakunachö nunakuna alabayäshuy,
llapankuna alabayäshuy.
4 Mëtsë markachö nunakunata juzgar justiciata ruraptiki,+
mëtsë nacionchö nunakuna alläpa kushikuyätsun.+
Qammi entëru patsachö nunakunata gobernanki. (Sëlah).
5 Teyta Dios, mëtsë markakunachö nunakuna alabayäshuy,
llapankuna alabayäshuy.
6 Teyta Diosnintsik bendicimashqam,
patsachöqa imëka wayunqa.+
Cantaqkunata dirigeqpaq. David qellqanqan salmus. Cancion.
68 Teyta Dios sharkutsun, chikeqninkuna mantsakar ëwakuyätsun,
llapan chikeqninkuna puntampita qeshpir ëwakuyätsun.+
2 Teyta Dios, qoyëta o qoshnita vientu apakoqnö, karuman apakuy,
ninachö cëra tsulloqnö llapan mana alli nunakuna ushakäyätsun.+
3 Peru allita ruraqkunaqa kushishqa kayätsun,+
Teyta Diospa puntanchö alläpa kushishqa kayätsun.
Kushikurnin saltëkachäyätsun.
4 Teyta Diospaq cantayë, jutinta alabar cantayë,*+
tsunyaq pampakunachö* cawallun montashqa purikaqta cantapäyë.
Pëpaqa Jehovämi* jutin,+ puntanchö kushishqa kayë.
6 Mana pïnin kaq waktsakunataqa Teyta Diosmi wayiyoq kayänampaq yanapan.+
Prësu këkaqkunata librarmi alli kawakuyänampaq yanapan.+
Peru mana cäsukoqkunaqa imapis mana kanqan tsunyaq sitiuchömi kawayanqa.+
7 Teyta Dios, sirwiyäshoqnikikunata pushar,*+
tsunyaq jirkapa ëwaptikim, (Sëlah)
8 patsapis kuyurqan.+
Tsëchö qam kaptikim tamyapis tamyamurqan y Sinaï jirkapis kuyurqan.
Qammi Israelpa Diosnin kanki.+
9 Allipam tamyatsimurqëki Teyta Dios,
sirwiyäshoqnikikunata kallpayoq kayänampaq yanaparqëki.
10 Qam munaptikim carpa* wayikunachö kushishqa kawakuyarqan.+
Waktsakunatam llakiparnin* wanayanqankunawan* yanaparqëki.
11 Teyta Jehovä mandakushqa kaptikim,
alli noticiakunata willakoq warmikunaqa mëtsika soldädukunanömi kayan.+
12 Gobernantikunapis y soldädukunapis mantsakarmi qeshpir ëwakuyan.+
Wayichö quedaqkunaqa guërrachö ganar apayämunqan cösaskunatam chaskiyan.+
13 Campamentu* lädunchö ninawan qoñükur quedakushqa karpis,
palumanö shumaq adornukunatam chaskiyanki.
Tsë adornukunapa älanqa pläta metalpitam kanqa, y plümannam alli kaq örupita kanqa.
14 Kë markakunachö gobernantikunata, Llapanta Puëdeq Teyta Dios mëtsëpa qarquriptinqa,+
Zalmon jirkachömi rashtarqan.*
15 Basan jirkaqa+ Teyta Diospa jirkanmi,
tsëchöqa altu puntayoq mëtsika jirkakunam kan.
16 Altu puntayoq jirkakuna, ¿imanirtan Teyta Diospa jirkanta chikipar rikapäyanki?+
Tsë jirkatam Teyta Diosqa täkunampaq* akrashqa.
Tsëchömi Teyta Jehoväqa, imëyaqpis täkunqa.+
17 Teyta Diospaqa, mëtsikam guërrapaq carrëtankuna, manam yuparpis ushashwantsu.*+
Teyta Jehoväqa Sinaï jirkapitam sagrädu sitiunman shamushqa.+
Teyta Jehovä,* nunakunatam qarëtanö apakurqëki,
awmi, mana cäsukoq nunakunatapis pëkunawan kanëkipaqmi apakurqëki.+
19 Teyta Jehovä alabashqa këkullätsun.
Pëmi llakikushqapis y yarpachakushqapis cada junaq yanapamantsik,+ pëmi salvamaqnintsik. (Sëlah).
20 Noqantsikpaqqa Llapanta Gobernaq Teyta Jehovällam salvamaqnintsik.+
Rasumpa Dios karmi wanuypitapis salvamantsik.+
21 Teyta Diosmi chikeqninkunapa peqankunata o umankunata pakipunqa,
y jutsa* rurëta mana dejaqkunapa peqankunatapis pakipunqam.*+
22 Teyta Jehovämi kënö nishqa:
“Yapëmi Basanpita+ y lamar rurimpitapis kutitsimushaq,
23 tsëmi chikeqnikikunapa yawarninta jarur ushanki,+
y allquykikunapis tsë yawartam laqwayanqa”.
24 Teyta Dios vencir ëwanqëkita y sagrädu sitiuykiman yëkunqëkitaqa llapankunam rikäyäshunki.
Qammi Gobernamaqnïkuna kanki.+
25 Puntatam cantaqkuna ëwayan,
qepantanam panderëtata+ tocaq shipashkuna ëwayan,
mas qepantanam cuerdayoq instrumentuta+ tocaqkuna ëwayan.
26 Mëtsika nunakuna juntarëkäyanqanchö Teyta Diosta alabayë,
Israel kashqa kaptinmi qamkunaqa kawëkäyanki, llapëkikuna Teyta Jehoväta alabayë.+
27 Tsëchömi këkan Benjamin,+ pëqa jövin karpis llapantam mandëkan.
Tsëchömi Judächö mandakoqkuna këkäyan cantëkaq mëtsika nunakunawan.
Tsëchömi këkäyan Zabulonchö y Neftalïchö mandakoqkunapis.
28 Teyta Diosmi nishqa puëdeqta tikratsishunëkipaq.
Teyta Dios, qamqa poderösu karmi yanapayämarqëki, kanampis llapankuna musyayätsun poderösu kanqëkita.+
30 Teyta Diosqa cäña rurinchö chukaru animalkunata, törukunata+
y mallwa törukunatam mantsakätsin.
Tsënöqa ruran mëtsë markapita nunakuna qonqurikuyänampaq, y pläta qellëta apayänampaqmi.*
Peru guërrallachö kakoq nunakunataqa mëtsëpam qarqunqa.
31 Egiptupitam broncipita rurashqa cösaskunata apayämunqa,*+
Cus nunakunapis Teyta Diostam punta puntata qarëkunata qarayanqa.
32 Patsachö gobernantikuna Teyta Diospaq cantayë,+
cantar Teyta Jehoväta alabayë,* (Sëlah)
33 cawallun montashqa ciëluchö purikaqta cantapäyë.+
Teyta Dios parlanqanqa alläpa fuertim räyunöran wiyakan.
34 Poderösu kanqampita Teyta Diosta alabayë.+
Pëmi Israelchöqa gobernanti,
y poderösu kanqanqa ciëluchömi rikakun.
35 Sagrädu täkunanchömi Teyta Diosqa espantakuypaq këkan.+
Pëmi Israelpa Diosnin,
Pëmi nunakunata kallpayoqta y poderyoqta tikratsin.+
Teyta Dios alabashqa këkullätsun.
Cantaqkunata dirigeqpaq. “Liriu wëtakuna” niyanqan cancion. David qellqanqan salmus.
69 Teyta Dios, salvëkallämë, yaku rurinchömi wanuykäna.+
2 Mëtsika leqitachömi hundikashqa këkä,
manam yarqunäpaq tsaki patsata tarïtsu.+
Mëtsika yaku rurinchömi këkä, mëtsika yakum apakamashqa.+
3 Salvëkamänampaq mañakur alläpa qayëkachaptïmi kallpäpis kannatsu,+ kunkäpis qasmayärishqanam.
Salvëkamänampaqmi Teyta Diosman mana dejëpa rikachakuykä,
tsëmi nawïpis rikannatsu.+
4 Mana imanëkaptïmi chikimaqkunaqa+ aqtsänö mëtsika kayan,
wanutsimëta munaq chikimaqkunaqa,
traicionërum kayan y mëtsikaqmi kayan.
Mana suwakushqa këkaptïmi kutitsinäpaq obligayämarqan.
5 Teyta Dios, qamqa mana cäsukur jutsata* ruranqätaqa musyëkankim,
llapantam rikëkanki.
6 Angelkunata mandaq Jehovä, qammi Llapanta Gobernaq kanki,
ama noqa jutsata* ruranqäpita qamman confiakamoqkunata penqapäyätsuntsu.
Israelpa Diosnin, ama culpayoq kanqäpita,
qamta ashiyäshoqnikikunapita burlakuyätsuntsu.
8 Wawqïkunapis mana reqishqa nunatanömi rikäyäman,
y mamänïpa wamrankunapis forastëru nunatanömi rikäyäman.+
9 Teyta Dios, wayikitaqa alläpam kuyä, tsëmi shonqüqa nina rupaqnöran achachan.+
Qamta insultayäshunqëkitam noqa chaskirqö.+
10 Waqarnin ayunaptïmi penqapäyämarqan.
11 Chukru tëlata vistikurkuptïmi,
pëkunaqa despreciayämarqan.
12 Marka yëkunan punkuchö jamakoq nunakunapis noqallapaqmi parlar kayan,
borrächukunapis penqakatsimarmi cantapäyäman.
13 Teyta Jehovä, mañakamuptï wananqä* hörachö wiyëkallämë.+
14 Mëtsika leqitachömi hundikashqa këkä,
ama dejëkämëtsu maschi hundikärishaq, salvëkallämë.
Atska yaku rurinchömi këkä, salvëkallämë.+
Llapan chikimaqkunapita salvëkallämë.
15 Mëtsika yaku shamur apakamänanta,
ni mëtsika yaku rurinman hundikänäta ama dejëkullëtsu.+
Ama permitïkullëtsu pözu* rurinchö këkaptï, pözupa shimin wichqakänanta.+
16 Teyta Jehovä, qamqa alläpa alli y alläpa kuyakoqmi kanki, mañakamuptï wiyëkallämë.+
Qamqa llakipäkoqmi* kanki, rikëkallämë.+
17 Sirwishoqnikitaqa ama dejëkallämëtsu,+
alläpa llakishqa karmi mañakëkämü, kanan höra wiyëkallämë.+
18 Teyta Dios, shamur chikimaqkunapita salvëkallämë.
19 Qamqa, allim musyanki, despreciayämanqanta, penqakatsiyämanqanta y mana kaqpaq churayämanqanta.+
Qamqa, llapan chikimaqkunatam rikëkanki.
20 Despreciayämaptinmi shonqüpis rachishqanö këkan, manachi imëpis alliyanqatsu.
Llakipäyämänanta* shuyaraptïpis manam ni pï shoqamashqatsu.+
Llakipar shumaq parlapämänampaqmi pillatapis ashirqä, peru manam tarirqätsu.+
21 Llakipäyämänampa* rantinmi, mallaqaptï venënuta qarayämarqan,+
y yakunaptïnam vinagrita uputsiyämarqan.+
22 Alli allita mikuyänampaq juntakäyanqan
y imëkata tariyanqampis trampa cuenta pëkunapaq katsun.+
23 Ama nawinkuna rikätsunnatsu
y qam mantsakätsiptiki mantsakëwan mana pärëpa karkaryäyätsun.*
24 Teyta Dios cölerarnin pëkunata castiguëkullë,
castïguykiwan sufriyätsun.+
26 Pëkunaqa castiganqëki nunatam qatikachäyan,
castiganqëki nunakuna sufriyaptinmi kushiparnin parlayan.
27 Jutsata* rurayanqampita culpayoqna këkäyaptimpis pëkunata maslla culpatsë,
ama ni ichikllapis perdonëtsu.
28 Kawëkaqkunapa jutinkuna qellqarëkanqan librupita* jutinkunata borrari,+
amana alli ruraq nunakunapa jutinkunawan juntu qellqarätsunnatsu.+
29 Peru noqallätaqa, poderösu Teyta Dios, imëka mana allikunapita tsapëkallämë.
Alläpam sufrikä y nanatsikurmi këkä.+
30 Teyta Diospa jutinta alabarmi noqaqa cantashaq,
Teyta Diosta agradecikurmi alabashaq.
31 Tsëta ruranqämi Teyta Jehoväpaqqa, töruta pishtar rupatsinqäpitapis mas alli kanqa,
waqrayoq y shilluyoq mallwa törupitapis mas väleqmi kanqa.+
32 Tsëta rikarmi alli nunakuna kushikuyanqa,
Teyta Diosta ashikaq nunakuna, kallpayoqna tikrayë.
33 Teyta Jehoväqa, waktsakuna waqayanqanta wiyëkanmi,+
y juk nacionkunaman apakuyanqan sirweqninkunatapis manam qonqëkunqatsu.+
34 Teyta Diosta alabayätsun
ciëlupis, patsapis,+ lamarpis y tsëchö llapan kawaqkunapis.
35 Teyta Diosmi Sionta salvanqa+
y Judächö markakunatam altsatsinqa.
Tsëchömi sirweqninkuna kawakuyanqa y pëkunam duëñun kayanqa.
36 Sirweqninkunapa kastankunam herenciankuna chaskiyanqa,+
y Teyta Diospa jutinta kuyaqkunam tsëchö kawakuyanqa.+
Cantaqkunata dirigeqpaq. David qellqanqan salmus. Imëpis yarpäyänampaq.
70 Teyta Diosllä, salvëkallämë.
Teyta Jehovä, kanan höra shamur yanapëkallämë.+
2 Wanutsimëta munaqkuna llapampis penqakushqa quedayätsun.
Desgraciapa pasaptï kushipämaqkuna penqakushqa ëwakuyätsun.
3 Pëkunaqa, “¡alliraq, tsëtam munarqëki!” nirmi noqapita burlakuyan.
Tsënö niyanqampitaqa alläpa penqakuyätsun.
4 Peru qamta reqiyäshoqnikikunaqa llapan ruranqëkipita kushikuyätsun.+
Salvakoq kanqëkipita imëpis kënö niyätsun:
“Teyta Dios alabashqa këkullätsun”.
Qammi imëpis yanapamanki y salvamanki.+
Jinan höra shamur yanapëkallämë.+
71 Teyta Jehovä, qammanmi defendimänëkipaq shamü,
ama permitïkuytsu noqapita asikuyänanta.+
2 Qamqa alli ruraqmi kanki, salvëkamë,
qayakamuptï wiyëkallämë y salvëkallämë.+
3 Teyta Dios, imëpis yëkamunäpaq qaqa jananchö alli rurashqa wayinö këkullë.
Qamqa jatun qaqanö y alli següru markanömi noqapaq kanki,
salvëkamänampaq pillatapis mandëkamuy.+
4 Teyta Dios, mana alli nunakunapita salvëkallämë,+
sufritsimaqkunapita defendïkallämë.
5 Llapanta Gobernaq Jehovä, qamtam yanapëkamänëkipaq shuyarëkaq,
jövin kanqäpitam qamman confiakamurqö.+
6 Dios Yaya, qam munaptikim yurikurqä,
y yurikunqä junaqpitam cuidamarqëki.+
Tsëmi qamtaqa imë hörapis alabaq.
7 Teyta Dios, qammi imëkapita tsapämanki,
tsëta rikarmi mëtsika nunakuna espantakuyan.
8 Alabashqa kanqëkipita+
y alläpa shumaq kanqëkipitaqa, cada junaqmi parlëkä.
10 Chikimaqkunam conträ parlëkäyan,
wanutsimëta munaqkunam imëkata rurayämänampaq willanakuyan.+
11 Kënömi niyan: “Manam pillapis kannatsu salvanampaq,
Diospis manam yanapannatsu, qatipar prësuyämuy”.+
12 Teyta Dios, ¿imanirtan karuchö këkanki?
Kanan höra shamur yanapëkallämë.+
13 Conträ churakaqkunaqa penqakushqa kayätsun y ushakäyätsun.+
Mana allikuna pasamänanta munaqkunapis,
kikinkuna penqakushqa quedayätsun.+
14 Peru noqaqa qamllatam shuyarashqëki,
waran waranmi masraq alabashqëki.
15 Teyta Dios, allikunata ruranqëkipita
y salvamanqëkipitam cada junaq parlashaq.+
Qamqa mëtsika kutim salvamarqunki, manam yuparpis ushämantsu.+
16 Llapanta Gobernaq Jehovä,
poderösu kar ruranqëkikunapitam ëwar willakushaq.
Qamlla justiciata ruraq kanqëkipitam parlashaq.
17 Teyta Dios, qammi jövin kanqäpita yachatsimarqunki,+
llapan ruranqëkikunam alläpa shumaq, tsëkunapitam kananyaqpis willakuykä.+
18 Teyta Dios, awkinyäriptï y yuraq aqtsana kaptïpis ama dejallämankitsu,+
permitïkullanki qepa yurikoq nunakunata poderösu kanqëkipita parlapänäpaq,
qepa yureqkunata puëdeq kanqëkita willanäpaq.+
19 Teyta Dios, imëkata ruranqëkikunaqa mëtsikam, ciëluyaqmi chashqa.+
Imëkatapis alläpa shumaqtam rurarqunki.
Qamtaqa Teyta Dios, ¿piraq igualashunkiman?+
20 Imëka sufrimientupa pasatsimashqa karpis,
yapë kawarkatsillämë.+
Mëtsika yaku rurimpita sutarkallämë.+
21 Yapë respetashqa kanäpaq permitïkullë,
imëka mana allikunapita tsapëkallämë y shoqëkallämë.
22 Tsëmi Teyta Dios, imëpis mana dejamanqëkipita,
cuerdayoq instrumentukunata tocar alabashqëki,+
arpata tocarmi alabashqëki,
qammi Israelpa limpiu Diosnin kanki.
24 Wanutsimëta munaqkunaqa kikinkunam penqakushqa quedayanqa,+
Salomonpaq parlaq salmus.
72 Teyta Dios, gobernanti alli juzganampaq leynikita yachëkatsillë,
gobernantipa tsurinta yachëkatsillë munanqëkinö allita ruranampaq.+
2 Justiciata rurar sirwishoqnikikunata defendïkutsun,
alli shonquyoq humildi sirwishoqnikikunata defendïkutsun.+
3 Sirwishoqnikikuna alli kawakuyänampaq jirkakuna yanapayätsun,
tsënölla taksha jirkakunapis justiciata rurar yanapayätsun.
5 Teyta Dios, imanömi intiqa o rupayqa imëpis ushakantsu,
tsënöllam pëkunaqa imëpis respetayäshunki.
Imanömi killapis ushakantsu, tsënöllam respetayäshuynikitaqa* imëpis dejayanqatsu.+
7 Pë gobernaptinqa, alli nunakunaqa shumaq wëtëkaq+ plantanömi kayanqa,
imanömi killa imëpis ushakantsu, tsënömi alli kawakuyanqanqa imëpis ushakanqatsu.+
8 Pëqa, lamar kuchumpita juknin kuchunyaqmi gobernanqa
10 Tarsischö y islakunachö gobernaqkunam impuestuta pagayanqa,+
Säbachö y Sebächö gobernaqkunam qarëkunata apayanqa.+
11 Entëru patsachö gobernaqkunam puntanman qonqurikuyanqa
y mëtsë nacionchö nunakunam sirweqnin kayanqa.
12 Pëmi salvanampaq mañakoq waktsakunata, humildikunata
y yanapayänanta munar qayakoqkunata salvanqa.
14 Pëkunapa vïdanta alläpa valorarmi
sufritseqninkunapita y maqaqninkunapita salvanqa.
15 Gobernantiqa atska tiempupa kawatsun,
Säbapita apayanqa öruta chaskitsun,+
pëpaq nunakuna Teyta Diosman mañakuyätsun y cada junaq bendicionta chaskitsun.
Gobernanti murunqampis Lïbanuchönömi alli wayunqa,+
y markakunachö nunakunapis plantakunanömi mëtsika kayanqa.+
17 Jutintaqa ama imëpis qonqayätsuntsu,+
inti o rupay imëpis mana ushakaqnö, reqishqa kënimpis ama ushakätsuntsu.
Pë yanapaptin nunakuna bendicionta chaskiyätsun,+
mëtsë nacionchö nunakuna pëpaq kushishqa parlayätsun.
Tsënö kallätsun.*
20 Këchömi usharin Jesëpa+ tsurin David Teyta Diosman mañakunqan.
KIMA KAQ LIBRU
(Salmus 73-89)
Asaf qellqanqan salmus.+
73 Teyta Diosqa israelïtakunawan y limpiu shonquyoq nunakunawanqa alläpa allim.+
2 Tsënö këkaptimpis, noqaqa alli kaq nänipitam cäsi yarqukurirqä,
cäsim mana allikunaman ishkirqä.+
3 Mana allikuna y orgullösukuna alli kawayanqanta rikarmi,
pëkunanö këta mana puëdir chikirqä.+
4 Pëkunaqa sänu sänum puriyaq,
mana sufrirllam wanuyan o wañuyan,+
5 manam wakin nunakunanötsu+ yarpachakuyan,
ni manam sufriyantsu.+
6 Orgullösu kayanqanqa wallqaräyanqan wallqanömi rikakun,+
nuna mayinkunata maqar ushayanqanqa, vistiräyanqan röpanömi cläru rikakun.
7 Wira* kayaptinmi* nawinkunapis saltananraq.
Shonqunkunachö munayanqampitapis mastam tariyashqa.
8 Pëkunaqa alläpam burlakuyan, imëka mana allikunatam parlayan,+
nuna mayinkunatapis puëdeq tukurmi imëka mana allita rurayänampaq jurapäyan.+
9 Pëkunaqa ciëlunö jatun kayanqanta pensarmi, yachaq tukur parlayan,
mëtsëchömi alabakur puriyan.
10 Tsëmi Teyta Diosta sirweqkunapis pëkuna rurayanqanta qatir,
mëtsika yakunkunata upuyan.
11 Mana alli nunakunaqa kënömi niyan: “¿Imanöraq Diosqa musyanman imapis pasëkanqankunata?
Llapanta Gobernaq Poderösu Dios kanqantam niyan, peru ¿rasumpatsuraq musyanman?”.+
12 Mana alli nunakunaqa tsënömi kayan, imatapis fäcil-llam rurariyan.+
Cada junaqmi mas rïcuyäyan.+
13 Limpiu shonqüwan kawakunqäqa manam imapaqpis välishqatsu,
15 Peru tsënö kanqäta willakurqa,
sirwishoqnikikunatachi traicionäman karqan.
16 Manam entiendirqätsu mana alli nunakuna imanir tsënö kayanqanta,
tsëmi llakikurqä...
17 Peru sagrädu sitiuykiman yëkurqa,
mana alli nunakunata ima pasanampaq kaqtam entiendirqä Teyta Dios.
19 ¡Pëkunata ima pasanqanta rikëqa mantsakëpaqmi!
¡Jukllam ushakäyashqa!+ ¡Awmi, jukllam ushakäyashqa!
20 Teyta Jehovä, pëkunata juzgarqa,
juk nuna suëñunqanta qonqareqnömi pëkunata qonqarinki.*
21 Peru noqaqa cölerashqam këkarqä,+
shonqütapis nanëkaqtanömi sientirqä.
22 Noqaqa mana entiendeq nunam karqä.
Puntëkichöqa animalnö, imatapis mana musyaq nunam karqä.
23 Peru kananqa, qammanmi mas confiakamü,
derëcha makïpitam jancharëkämanki.+
25 Qamllam ciëluchöqa Diosnï kanki,
y kë patsachöpis qamllatam asheq.+
26 Teyta Diosmi noqapaqqa herenciä, y qaqa cuenta tsapämaqnï.
Tsëmi kallpä ushakaptin y shonqü llakikuptimpis mantsakäshaqtsu.+
27 Teyta Dios, qamta mana ashiyäshoqnikikunaqa wanuyanqam o wañuyanqam.
Dejariyäshurniki santukunata adoraqkunataqa* ushakätsinkim.+
28 Peru noqapaqqa, Diosnintsikta adorë y pëman mañakuymi alläpa alli.+
Llapanta Gobernaq Teyta Jehovämi imëkapita tsapämaqnï.
Tsëmi llapan ruranqankunapita willakushaq.+
74 Teyta Dios, ¿imanirtan qonqëkayämarqunki?+
Noqakunaqa qewëkichö mikuykaq üshëkikunanömi kayä, ¿imanirtan noqakunawan alläpa cölerashqa këkanki?+
2 Ama qonqëkullëtsu unëna akranqëki sirwishoqnikikunata,+
herenciëki kanampaq salvanqëki sirwishoqnikikunata.+
Y täkunqëki* Sion jirkatapis ama qonqëkullëtsu.+
3 Mëtsika watapanam ushakashqa këkan, ëwar rikëkullë.+
Sagrädu sitiuchömi chikiyäshoqnikikuna llapanta ushakätsiyashqa.+
4 Chikiyäshoqnikikunaqa templuyki rurinchömi alläpa cölerar parlayashqa,+
tsëmanmi llapan nunakuna rikänampaq bandërankunata churayashqa.
5 Pëkunaqa montikunata hächawan mutoq nunakunanömi kayarqan.
6 Llapan adornukunatam+ hächawan y fiërrukunawan ushakätsiyarqan.
7 Templuykimanmi ninata tsaritsiyashqa,+ manam wayikita respetayarqantsu.
Jutikipa reqishqa këkaptimpis ishkitsirmi ushayarqan.
8 Pëkuna y pëkunapa kastankunam shonqunkunallachö kënö niyarqan:
“Diosta adorayänan llapan sitiukunata ninawan rupatsishun”.
9 Tsëmi mëchö kanqampis musyëtsu, llapanmi borrakashqa,
manam jukllëllapis willakoqniki kantsu.
Y manam musyayätsu imëyaq tsënö kanampaq kaqta.
10 Teyta Dios, ¿imëyaqraq chikishoqnikiqa qampaq mana allikunata parlanqa?+
¿Imëpis tsënöllatsuraq jutikita respetanqatsu?+
11 ¿Imanirtan derëcha makikiwan castigankitsu?+
Derëcha makikiwan castigar juklla ushakätsi.
12 Peru Teyta Dios, qammi unë witsampitapis Gobernamaq kanki,
qammi kë patsachö sirwishoqnikikunata salvanki.+
13 Alläpa poderösu karmi, lamar yakutapis ishkëman rakirqëki,+
y lamarchö mantsëpaq animalkunapa peqankunatapis o umankunatapis pakirmi usharqëki.
14 Qammi Leviatampa* peqanta o umanta pakir usharqëki,
tsëtam tsunyaq jirkachö nunakuna mikuyänampaq qararqëki.
15 Yaku mana kanqan sitiukunachömi mëtsika yakuta yuritsirqëki,+
16 Qammi kamarqëki junaqta, paqastapis
y qammi kamarqëki aktsita, intitapis o rupaytapis.+
17 Qammi patsachö lindërukunata churarqunki imëkapis kanampaq.+
Qammi kamarqëki usya tiemputa y tamya tiemputapis.+
18 Teyta Jehovä, chikishoqnikikuna imëkata insultayäshunqëkita yarpë,
19 Noqalläqa imëka kullkushnömi mantsakä, ama chikimaqkunapa makinchö dejaramëtsu.
Pëkunaqa chukaru animalnömi mantsëpaq kayan, sirwishoqnikikunata ama qonqëkullëtsu, alläpam sufrikäyan.
20 Teyta Dios, kë patsachöqa mëchöpis ampiranqanchöqa o tsakanqanchöqa* mana alli nunakunallam mëtsika kayan,
conträtu ruranqëkita yarpëkullë.
21 Sufreqkunaqa ama llakishqa ëwakuyätsuntsu,+
mana alli rikashqakuna y waktsakuna jutikita alabayätsun.+
23 Teyta Dios, chikiyäshoqnikikuna imëkata niyäshunqëkita yarpë,
qampita mas puëdeq kayanqanta pensarmi parlëkachäyan.
Cantaqkunata dirigeqpaq. “Ama ushakätsitsu” niyanqan tönuchö cantayänampaq. Asaf+ cantanqan salmus.
75 Alläpam agradecikuyaq Teyta Dios, qamtam agradecikuyaq.
Qamqa noqakunawanmi këkanki,+
y nunakunam llapan kamanqëkipita willakuyan.
2 Qammi ninki: “Noqaqa juzganäpaqmi tiemputa rakï
y allim juzgä.
3 Llapan nunakuna mantsakäyaptin y patsa kuyuptimpis,
noqam patsapa columnankunata tsararqä”. (Sëlah).
4 Orgullösukunatam, “ama alabakuyëtsu” nirqä.
Y mana alli nunakunatam, “ama puëdeq kayanqëkipita alabakuyëtsu” nirqä.
5 Ama puëdeq kayanqëkipita gälakuyëtsu.
Ama alläpaqa puëdeq kayanqëkipita alabakuyëtsu.
6 Nuna respetashqa kanqanqa,
manam inti o rupay yarqamunan lädupitatsu ni jeqanan lädupitatsu ni sur lädupitatsu shamun.
7 Tsëqa Teyta Diospitam shamun, pëllam alli Juezqa.+
Pëmi nunata respetashqata tikratsin o castigampis.+
8 Teyta Jehovämi vïnuyoq cöpata aptarëkan,+
imëkawan takushqa karmi tsë vïnuqa pushuqëkan,
y patsamanmi jicharkamunqana.
Tsëtam mana alli nunakunaqa llapanta upukurkuyanqa.+
9 Peru noqaqa Teyta Dios ruranqankunapitam imëpis willakushaq,
Jacobpa Diosnintam cantar alabashaq.
10 Teyta Diosmi kënö nin: “Mana alli nunakunapa puëdeq kënintam ushakätsishaq,
y alli nunakunatam mas puëdeqta tikratsishaq”.
Cantaqkunata dirigeqpaq. Cuerdayoq instrumentukunata tocarnin cantayänampaq. Asaf+ qellqanqan salmus. Cancion.
3 Tsëchömi ushakätsirqan ninayoq flëchakunata, escüdukunata, espädakunata y guërrapaq llapan armakunatapis.+ (Sëlah).
4 Teyta Dios, qamqa alläpam chipapanki,
mëtsika chukaru animalkuna pärayanqan jirkakunapitapis mas shumaqmi kanki.
5 Valienti soldädukunapa imëkankunatam apakuyarqan,+
guërrachö alli pelyaq soldädukunapis punukarmi defendikuyta puëdiyarqantsu.+
6 Jacobpa Diosnin, qam qayapaptikim
carrëta manejaqkuna y cawallukunapis punukashqa quedayarqan.+
7 Teyta Dios, qamqa alläpa poderösum kanki.+
Qam cöleraptikiqa, ¿piraq tsarakuyta puëdinman?+
8 Castiganëkipaq kaqtam ciëlupita musyatsikamurqëki,+
tsëmi patsachö nunakunaqa mantsakar upälla kakuyarqan.+
9 Teyta Diosmi mana alli nunakunata castigarqan
y patsachö alli shonquyoqkunatam salvarqan.+ (Sëlah).
10 Nunakuna cölerakuyanqanqa, qam alabashqa kanëkipaqmi kanqa,+
mas cölerayaptimpis qamllam respetashqaqa kanki.
11 Teyta Jehoväta äniyanqëkita cumpliyë.+
Jerusalenpa amänun markachö kawaq nunakuna, Teyta Diosta respetar* qarëkunata apayämuy.+
12 Teyta Diosmi orgullösu mandakoqkunata penqakatsin,
pëmi patsachö mandakoqkunata mantsakätsin.
Cantaqkunata dirigeqpaq. Jedutun. Asaf+ qellqanqan salmus.
77 Teyta Diosmanmi fuertipa qayakushaq yanapamänampaq.
Pëqa rogakur mañakuptï wiyamanqam.+
2 Llakikuptïqa manam imapis shoqamantsu.
3 Teyta Diosman yarparmi alläpa llakikü.
Manam imanö këtapis puëdïtsu,+ kallpäpis ushakärishqanam.+ (Sëlah).
4 Qamman pensarmi punuytapis puëdïtsu,
y alläpa yarpachakurmi ima nitapis puëdïtsu.
5 Unë witsanchö pasakunqankunatam yarpäri,+
tsë pasakunqankunapitaqa mëtsika watakunanam pasashqa.
6 Qampaq cantamunqä cancionkunatam* paqaskunapa yarpä,+
shonqüchömi alli pensä,+
tapukunqäkunapa respuestankunata entiendinqäyaqmi alli pensashaq.
7 Teyta Jehoväqa, ¿mananatsuraq imëpis yarpämäshun?+
¿Mananatsuraq imëpis yanapamäshun?+
8 ¿Alläpa kuyakoq këkarpis mananatsuraq kuyamantsik?
Änikunqankunapis, ¿mananatsuraq cumplikanqana?
9 Teyta Diosqa, ¿yanapamänantsikpaq kaqta qonqëkushqatsuraq?+
¿O cölerashqa kartsuraq llakipämantsiknatsu?* (Sëlah).
10 Noqaqa imëpis kënömi nï:
“Llapanta Gobernaq Poderösu Diosnintsik puntatanöna manana kuyamanqantsikpitam masqa llakikü”.+
11 Noqaqa Teyta Jehovä* llapan ruranqankunatam yarpäshaq.
Teyta Dios, unë witsankunachö espantëpaq ruranqëkikunatam yarpäshaq.
12 Llapan ruranqëkikunamanmi alli pensashaq.
Imatapis imanir ruranqëkikunamanmi alli pensashaq.+
13 Teyta Dios, llapan ruranqëkikunapis allillam,
¿piraq qamwanqa igualanman?+
14 Teyta Dios, qamllam rasumpa Diosqa kanki, imëkatapis mantsakëpaqtam ruranki.+
Mëtsë markakunachö nunakunapis poderösu kanqëkitam musyayan.+
15 Poderösu karmi sirwishoqnikikunata salvarqunki.+
Pëkunaqa Jacobpa y Josëpa tsurinkunam kayan. (Sëlah).
16 Teyta Dios, yakum rikëkushurqëki,
y rikëkushurnikiqa alläpam mantsakarqan.+
Mas honduchö kaq yakupis mantsakarmi karkaryarqan.
17 Pukutëpitam tamyamurqan.
Pukutarëkaq ciëluchömi räyupis bunrurümurqan.
Y flëchanöran räyupis mëtsëpa tillapyämurqan.+
18 Räyu bunrurümunqanqa,+ carrëtakunapa ruëdannöraqmi wiyakämurqan.
Peru ëwanqëki rastruqa manam quedarqantsu.
Maskil.* Asaf+ qellqanqan salmus.
78 Marka mayilläkuna, kananmi shumaq yachatsiyashqëki,
parlanqäta cäsuyämë.
2 Kananqa noqam yachatsiyashqëki. Qamkunaqa manam musyayankitsu unë witsankuna pasanqanta.
Tsëkunatam kananqa shumaq entienditsiyashqëki.+
3 Papänïkuna willayämashqa kayaptinmi tsëkunata musyayä.+
4 Tsëkunatam tsurikikunata willayäshaq,
qepa yureqkunatam musyatsiyäshaq.+
Teyta Jehovä imëka allikunata ruranqanta,+
poderösu kanqanta y espantëpaq ruranqankunatam willayäshaq.+
5 Teyta Diosmi leykunata patsätsirqan Jacobpa y Israelpa kastankunapaq.
Unë kastantsikkunatam mandarqan tsëkunapita tsurinkunata yachatsiyänampaq.+
6 Tsëkunata yachatsiyaptinmi qepa yurikoq nunakuna,
qepa yurikoq tsurinkuna musyayänan karqan.+
Y pëkunapis tsurinkunatam yachatsiyänan karqan.+
7 Tsënö yachatsiyaptinmi Teyta Diosman confiakuyänan karqan,
Teyta Dios llapan ruranqankunatam yarpäyänan karqan.+
Y mandakunqankunatam cäsukuyänan karqan.+
8 Tsënö yachatsiyaptinmi unë kastankunanöqa kayanmantsu karqan.
Unë kastankunaqa mana cäsukoq y munëninkunallata rurakoqmi kayarqan.+
Janan shonqullam Teyta Diosta kuyayaq,+ tsëpitaqa qonqëkuyaqmi.
9 Efrainpa kastankunaqa flechanankunayoq këkarpis,
guërra junaqqa qeshpirmi ëwakuyaq.
11 Pëkunaqa, Teyta Dios imëka ruranqankunatam qonqëkuyarqan,+
espantëpaq milagrukunata ruranqanta rikashqa këkarpis manam yarpäyarqantsu.+
12 Unë kastëkikunam rikäyarqan
Egiptuchö këkaq Zoan markachö+ espantëpaqkunata Teyta Dios ruranqanta.+
13 Pasayänampaqmi lamar yakuta ishkëman rakirqan,
yakuqa ishkan lädunkunachömi jatusaq perqakunanö tikrarqan.+
14 Junaqpam pukutëwan pusharqan,
y paqaspanam ninawan aktsir pusharqan.+
15 Yakunäyaptinmi tsunyaq jirkachö qaqata pakirqan,
tsëmi jatun qochapita yakuta upoqnö, yakunëninkunapis pasanqanyaq yakuta upuyarqan.+
17 Tsënö yanapëkaptimpis pëkunaqa masran jutsata* rurayarqan,
manam Llapanta Gobernaq Poderösu Diosta tsunyaq sitiuchö cäsuyarqantsu.+
18 Munayanqanllata mikuyta munarmi shonqunkunachöqa Teyta Diosta mana kaqpaq churayarqan.+
19 Teyta Diospa contran parlarmi kënö niyarqan:
“¿Imanöraq kë tsunyaq sitiuchöqa mikuyta qaramäshun?”.+
20 Tsëpitanam kënö niyarqan:
“Musyantsikmi mayutanöraq*+ qaqapita yakuta yarqatsimunqanta.
Peru ¿mëpitaraq mikuytaqa qaramäshun?
¿Mëpitaraq llapantsikpaqqa ëtsata apamunqa?”.+
21 Tsënö niyanqanta wiyarmi Teyta Jehoväqa cölerarqan.+
22 Pëkunaqa manam Teyta Diosman markäkuyarqantsu o yärakuyarqantsu,+
manam ichikllapis creiyarqantsu salvëta puëdinampaq kaqta.
23 Tsënö kayaptimpis, Teyta Diosqa pukutëtam mandarqan,
y ciëlu punkutam kicharqan.
25 Pacha junta mikuyänampaqmi+ ciëlupita mikuyta shikwatsimurqan.*+
26 Poderösu karmi inti o rupay yarqamunan lädupita y sur lädupita fuertipa vientutsimurqan.+
27 Ëtsatam mëtsikata shikwatsimurqan,
lamar kuchunchö arënatanömi, codornizkunata mëtsikata shikwatsimurqan.
28 Campamentunkuna këkanqanmanmi shikwarqan,
carpa* wayinkunapa entëru lädunmanmi shikwarqan.
29 Tsëmi pëkunaqa melanäyanqanyaq mikuyarqan,
tsënömi Teyta Diosqa munayanqanta qararqan.+
30 Peru ëtsanëninkunapis manaraq pasaptinmi,
ëtsankuna amukushqallaraq këkäyaptin Teyta Diosqa cölerarqan.
31 Tsënö cölerarmi+ Teyta Diosqa mas kallpayoq nunakunata wanutsirqan,+
Israelchö jövin kaqkunatam ushakätsirqan.
32 Tsënö rurëkanqanta rikëkarpis pëkunaqa masran jutsata* rurayarqan.+
Imëkata rurëkanqanta rikëkarpis manam pëman markäkuyarqantsu o yärakuyarqantsu.+
33 Tsëmi pükëkoq cuenta llapankunata ushakätsirqan.+
Mana pensayanqan desgraciakunapa pasarmi ushakäyarqan.
34 Peru wakinkunata wanutsir qallëkuptinqa yapëmi ashiyaq,+
arrepentikurmi Teyta Diosta yapë ashiyaq.
35 Qaqa cuenta+ kanqanta yarparkur y salvaqninkuna+ kanqanta yarparkurmi,
Llapanta Gobernaq Poderösu Diostaqa ashiyaq.
36 Tsënö këkarpis pëkunaqa Teyta Diostam ulipäyarqan o llullapäyarqan,
janan shonqullam imëkatapis niyaq.
37 Manam llapan shonqunkunawantsu Teyta Diosta sirwiyarqan,+
y manam ruranqan acuerdutapis cumpliyarqantsu.+
Mëtsika kuti cölerashqa karpis,+
manam castigarqantsu.
39 Tsënöqa ushakätsirqantsu nunalla kayanqanta yarparmi,+
vientunö pasareqlla kayanqanta musyarmi.
40 Mëtsika kutim tsunyaq sitiukunachö Teyta Diosta cäsuyarqantsu,+
mëtsika kutim tsunyaq sitiukunachö Teyta Diosta llakitsiyarqan.+
41 Manam Teyta Diosman ichikllapis confiakuyarqantsu,+
tsënömi Israelpa Limpiu Diosninta llakitsiyarqan.
42 Poderösu kanqantam qonqëkuyarqan,
y manam yarpäyarqantsu chikeqninkunapita salvanqan junaqta.+
43 Manam yarpäyarqantsu Egiptuchö señalkunata ruranqanta,+
Zoan markachö milagrukunata ruranqanta,
44 ni yakuta upuyta mana puëdiyänampaq,
45 Manam yarpäyarqantsu, egipciu nunakunata kaninampaq kanikoq jatusaq chuspikunata mandanqanta,+
46 Chakrachö mikuykunata ushanampaqmi mallaqashqa chukllushkunata* mandarqan,
tsëkunam llapan murukuyanqanta ushayarqan.+
47 Üvasninkunatam runtu tamyawan ushakätsirqan,+
sicömoru hïgusninkunatam ruminö runtuwan ushakätsirqan.
48 Cargakuyänan animalninkunatam runtuwan wanutsirqan,+
y wakin animalninkunatapis räyuwanmi* ushakätsirqan.
49 Alläpa cölerarmi castigar sufritsirqan,
mëtsika angelkunatam mandarqan castiganampaq.
50 Y cölerarmi castigarqan,
y imëka qeshyawanmi sufritsirqan y wanutsirqan.
51 Tsëpitanam llapan mayor tsurinkunata Egiptuchö wanutsirqan,+
Campa carpa* wayinkunachö punta yurikoqkunatam llapanta ushakätsirqan.
52 Tsëpitanam juk mitsikoq üshankunata pushamoqnö,+
sirweqnin israelïtakunata Egiptupita yarqatsimurqan
y tsunyaq jirkapam pushamurqan.
53 Shumaq cuidarmi pushamurqan,
tsëmi israelïtakunaqa ni imata mantsayarqantsu.+
Teyta Dios lamar yakuwan tsaparkuptinmi chikeqninkunaqa ushakäyarqan.+
54 Tsëpitanam pëkunapaq akranqan* markaman pusharqan.+
Tsë markakunata entreganampaqqa,
kikinmi poderösu kar tsëchö nunakunata vencirqan.+
Tsëpitanam markankunata y chakrankunatapis medir medir herencian entregarqan,+
y wayitapis entregarqanmi.+
56 Peru israelïtakunaqa, Llapanta Gobernaq Poderösu Diosta mana kaqpaq churarmi cäsuyarqantsu.+
Mandakunqankunatapis manam cumpliyarqantsu.+
57 Pëkunaqa Teyta Diostam dejariyarqan,
y unë kastankunanömi contran churakäyarqan.+
Flechakuyänan makwa arcunömi confiakuypaqtsu kayarqan.+
58 Kutin kutinmi sagrädu altu sitiunkunachö santukunata adorar+
y qerupita rurashqa santukunata adorar cöleratsiyarqan.+
59 Tsëkunata rurayanqanta rikarmi Teyta Diosqa alläpa cölerarqan.+
Tsëmi israelïtakunataqa dejarqan.
60 Tsëpitanam nunakunawan juntu+ kanqan Silö markachö carpa* wayintapis dejarqan,+
61 Sagrädu Cäjanta chikeqninkuna apakuyänantam permitirqan,
poderösu kanqanta rikätsikoq cäjata apakuyänantam dejarqan.+
63 Ollqu jövinkunatapis ninam usharqan.
Tsëmi casakuyanqankunachö cantayanqan cancionkunatapis, ollquwan manaraq kashqa* shipashkunapaq cantayarqannatsu.
65 Tsënam Teyta Jehoväqa, punukashqanö këkanqampita riyarkamurqan o rikcharkamurqan.+
Juk puëdeq nuna+ vïnuta upurir punukashqa këkanqampita riyarkamoqnömi rikcharkamurqan.
67 Josëpa kastankunataqa despreciarqanmi,
Efrainpa kastankunatapis manam akrarqantsu.
70 Sirweqnin Davidtam akrarqan,+
pëtaqa pushamurqan üshakunata mitsikuykaptinmi,+
71 wawayoq üshakunata cuidëkaptin.
Tsëpitam Jacobpa kastankunata, Israelpa kastankunata cuidanampaq churarqan.+
Tsë nunakunaqa Teyta Diospa herencianmi kayarqan.+
Asaf+ qellqanqan salmus.
79 Teyta Dios, sirwishoqnikikunata entreganqëki markakunamanmi juk nacion nunakuna yëkayämushqa.+
Manam sagrädu templuykitapis respetayashqatsu.+
Jerusalentapis ushakätsiyashqam.+
2 Sirwiyäshoqnikikunata y kuyayäshoqnikikunata wanutsirmi,
wiskurkuna y chukaru animalkuna mikunampaq dejayashqa.+
3 Yawarninkunatapis Jerusalenpa entëru lädunmanmi yakutanö jichayashqa,
y ayankunata pampanampaqpis manam ni pï kawëkar quedashqatsu.+
4 Tsëta rikarmi vecïnükunapis noqakunapita burlakuyan,+
llapan reqiyämaqkunam penqapäyäman y asipäyäman.
5 ¿Imëyaqraq Teyta Jehovä noqakunawan cölerashqa kakunki?
¿Manatsuraq imëllapis cölerëki pasanqa?+
¿Imëyaqraq alläpa cölerashqa kakunki?+
6 Cölerashqa karqa, mana reqiyäshoqniki juk nacion nunakunata
y jutikita mana alabaq gobernantikunata castiguë.+
7 Pëkunaqa Jacobpa kastankunatam ushakätsiyashqa,
markankunatapis ushakätsiyashqam.+
8 Teyta Dios, ama unë kastäkuna jutsata* rurayanqampita castigayämëtsu,+
chikiyämaqkunam alläpa penqakatsiyämashqa.
10 Tsënöpam mëtsë nacionchö nunakunaqa, “¿mëchötan Diosninkuna këkan?”+ nir parlayanqatsu.
Sirwishoqnikikunata wanutseqkunataqa rikëkäyaptï castiguëkullë.
Y mëtsë nacionchö nunakunapis tsëta musyayätsun.+
11 Prësurëkaq nuna llakikunqanta wiyëkullë.+
Qamqa alläpa poderösum kanki,
wanutsiyänampaq condenayanqan nunata salvëkullë.+
13 Tsëmi noqakunaqa Teyta Dios imëpis agradecikuyashqëki
y alabashqa kanqëkitam imëyaqpis willakuyäshaq.+
Noqakunaqa sirwishoqnikikunam kayä,
qewëkichö mikoq üshëkikunam kayä.+
Cantaqkunata dirigeqpaq. “Liriu wëta” niyanqan cancion. Yarpäyänampaq. Asaf+ qellqanqan salmus.
80 Teyta Dios, qamqa üsha mitseqnömi Israelta cuidanki, wiyëkallämë,
üshatanö Josëta pushëkaq, wiyëkallämë.+
4 Angelkunata mandaq Teyta Jehovä, sirwishoqnikikunam kayä, ¿imëyaqraq cölerashqa kar mañakayämunqäta wiyayämankitsu?+
5 Cada junaq tantata qarayämaqnömi, cada junaq waqatsiyämanki,
weqïkunatapis yakutanömi uputsiyämanki.
6 Poderninkunachö kayänäta munarmi vecïnükunaqa chikinakur pelyayan,
chikiyämaqkunaqa noqakunapita alläpa burlakurmi puriyan.+
9 Monti juntashqa chakrata shumaq limpiëkurmi plantarqëki,
10 Jatunyarmi jirkakunatapis tsaparqan,
y plantanqëki cedrukunatapis rämanmi tsaparqan.
12 ¿Imanirtan üvasnikita corralaraq rumipita murällata juchutsirqunki?*+
Llapan pasaqkunam tsëpa yëkur munayanqanta pallar apakuyan.+
14 Angelkunata mandaq Teyta Dios kutikallämuy,
këkanqëki ciëlupita rikëkallämuy.
Üvasnikita cuidëkullë.+
15 Derëcha makikiwan plantanqëki üvasta cuidëkullë,+
tseqllimoqnintapis* qammi alli fuertita tikratsirqëki, pëtapis rikëkullë.+
16 Ninawanmi rupatsiyashqa,+ walluyashqam,
cölerashqa parlapaptikim nunakuna wanuyan o wañuyan.
18 Tsënöpam Teyta Dios, dejayashqëkitsu,
jutikita alabayänäpaq kawëkaqta katsiyämë.
Cantaqkunata dirigeqpaq. Guitit* nötachö tocayänampaq. Asaf+ qellqanqan salmus.
81 Teyta Diosmi kallpayoqta tikratsimantsik,+
kushishqa pëpaq cantayë.
Kushishqa qayëkachäyë,
Jacobpa Diosninta alabayë.
2 Panderëtata tocayaptin shumaq wiyakaq arpata y cuerdayoq instrumentukunata tocar qallayë.
4 Israel nunakuna, tsëta rurayänëkipaqmi
Jacobpa Diosnin mandayäshurqunki.+
5 Tsëta imëpis ruranampaqmi Josëta mandarqan,+
tsëtaqa Teyta Dios mandarqan egipciu nunakunapa contran ëwanqan paqasmi.+
Kënö nimaqtam wiyarqä, peru manam pï parlapëkämanqanta musyarqätsu:
6 “Lasaq qepita y lasaq canastata aparmi alläpa trabajarqëki,+
tsëpitam noqa Diosnikikuna qamkunata salvamurqä.*
7 Mantsakar qayakamuptikim qamkunata salvarqä.*+
Räyukuna janrarëkaq pukutë rurimpitam qamkunata parlaparqä.*+
Noqaman confiakunqëkita o mana confiakunqëkita musyëta munarmi
Meribä* yaku kuchunchö pruëbaman qamkunata churarqä.+ (Sëlah).
8 Sirwimaqnïkuna wiyayämë, kananmi consejayashqëki.
Israel nunakuna, ¡shumaq wiyayämaptikiqa ima alliraq kanman!+
9 Ama santukunata katsiyëtsu.
Ama juk nacion nunakuna adorayanqan santukunata adorayëtsu.+
10 Noqa Jehovämi, Diosnikikunaqa kä.
11 Peru sirwimaqnïkunaqa manam parlapanqäta wiyakuyarqantsu,
Israelïtakunaqa manam cäsuyämarqantsu.+
12 Tsëmi mana cäsukoq shonqunkuna ninqanta rurakuyänampaq dejarqä,
y pëkunaqa munayanqantam rurayarqan.+
13 Sirwimaqnïkuna wiyakuyaptinqa, ¡ima alliraq kanman!+
Noqa mandanqänö israelïtakuna kawakuyaptinqa, ¡ima alliraq kanman!+
14 Tsënö wiyakuyaptinqa, chikeqninkunatam ras o sas vencïman,
contran churakaqkunatam castigar ushäman.+
15 Teyta Jehoväta mantsaqkunaqa, karkaryarmi puntanman ëwayanqa,
y ushakäyanqam.
16 Peru Teyta Diospa sirweqninkunaqa mas alli kaq trïgutam mikuyanqa,+
y qaqakunachö abëjakunapa mielnintapis pacha juntam mikuyanqa”.+
Asaf+ qellqanqan salmus.
2 “¿Qamkunaqa imëyaqraq munayanqëkinö juzgar kakuyanki?+
¿Imëyaqraq mana allita ruraq nunapa favornin yarquyanki?+
3 Waktsakunata, papäninnaqkunata defendiyë.+
Familiannaq kaqkunapaq y waktsakunapaq justiciata rurayë.+
4 Yanapayë waktsakunata y imannaqkunata,
mana alli nunakunapa makimpita salvayë”.
5 Tsë juezkunaqa* manam imatapis musyayantsu ni entiendiyantsu;+
ampichö o tsakëchö* wakpa këpa pureq cuentam këkäyan.
Pëkunaqa manam justicia rurëta yachayantsu,
ni leykunatapis respetayantsu.+
6 “Pëkunatam kënö nirqö:* ‘Noqam Llapanta Gobernaq Poderösu Dios kä
7 Peru tsënö këkarpis nunakunanömi ushakäyanki.+
¡Dirigentikunanömi wanuyanki!’”.+
Cancion. Asaf+ qellqanqan salmus.
83 Teyta Dios, ama upällaqa kakuytsu,+ ama wiyaräkullëtsu,
imata karpis rurëkullë.
2 Rikë, chikiyäshoqnikikunam pelyapaq alistakuyan,+
contrëki churakaqkunam puëdeq tukurnin mana kaqpaq churayäshunki.
3 Sirwiyäshoqnikikunata chikir cuidanqëki nunakunata ushakätsita munarmi,
imëkata willanakuyan.
4 Kënömi niyan: “Nacion mana kayänampaq y Israelpa jutintapis ni pï mana yarpäyänampaq,
ëwëkur pëkunata ushakätsishun”.+
5 Imëka mana allita rurayänampaqmi willanakuyashqa,
6 Juntakaqkunaqa kayan edomïtakuna, ismaelïtakuna, moabïtakuna,+ hagrïta nunakuna,+
7 Guebal nunakuna, ammonïtakuna,+ amalequïtakuna, filisteukuna+ y Tïru+ nunakunam.
10 Pëkunataqa En-dor+ markachömi ushakätsirqëki,
y tsëchömi wanupaq ismuyarqan.
11 Mandakoqninkuna, Orebnö y Zeebnö+ wanuyätsun o wañuyätsun,
dirigentinkunapis Zëbahnö y Zalmunänö+ wanuyätsun.
12 Pëkunaqa kënömi nishqa kayarqan: “Aku, Dios täkunqan* markakunapa duëñun tikranapaq”.
13 Teyta Dios, mëtsëpa vientu apakunampaq,
pëkunata tsakishqa cardontanö+ y tsakishqa päjatanö* tikraratsi.
14 Montikunata nina ushaqnö,
jirkakunachö imëkata nina rupaqnö,+
15 tamyawan y räyuwan qatikachë,+
fuerti vientuwan mantsakätsi.+
16 Teyta Jehovä, jutikita ashiyänampaq,
alläpa penqakatsi,
17 Penqakushqa y mantsakashqa imëyaqpis kayätsun,
penqakushqa kayätsun y ushakäyätsun.
18 Llapan nunakuna musyayätsun jutiki Jehovä kanqanta,+
entëru patsa janampa qamlla Llapanta Gobernaq Poderösu Dios kanqëkita musyayätsun.+
Cantaqkunata dirigeqpaq. Guitit* nötachö tocayänampaq. Corëpa kastankuna+ qellqayanqan salmus.
2 Teyta Jehovä, wayikipa patiunkunachö këtaqa alläpam munëkü.
¡Tsëchö këpaqqa alläpam löcuyäkü!+
Imëyaqpis kawaq Dios, qamtaqa llapan shonqüwan y llapan kallpäwanmi alabaq
3 Angelkunata mandaq Teyta Jehovä,
wayikichöqa altarniki lädunmampam,
pishqukunapis punuyan y wayanïtakunapis qeshunkuna rurëkur wawankunata cuidayan.
¡Qammi Diosnï y Gobernantï kanki!
4 Wayikichö kaqkunaqa, ¡imanö kushishqaraq kayan!+
Pëkunaqa imëpis alabëkäyäshunkim.+ (Sëlah).
5 Kallpayoqta tikratsinqëki nunakunaqa, alläpa kushishqachi kayan.+
Wayikiman shamoq nänipa shamoq nunakunapis alläpachi kushikuyan
6 Kushishqa shamurmi, Bacä montikuna urëtapis* mëtsika yakutanö pasayämun.
Y tamyapis bendiceqnömi tsë kinrë tsaki patsakunata oqürin.*
7 Karuta shayämuptimpis manam kallpankuna ushakantsu,+
y Sionmanmi puntëkiman chäyämun.
8 Angelkunata mandaq Teyta Jehovä, mañakamuptï wiyëkallämë.
Jacobpa Diosnin, wiyëkallämë. (Sëlah).
10 Teyta Dios, juk junaqllapis patiuykichö kanqämi,
juk lädukunachö mil junaq kanqäpitaqa mas alli.+
Mana alli nunakunapa shumaq wayinkunachö kanäpa rantinqa,
wayikiman yëkamoq punkuchö kanqämi mas alliqa.
Pëmi yanapamantsik y respetashqata tikratsimantsik.
Cäsukur kawaqkunataqa, Teyta Jehoväqa imëka allikunatam qaranqa.+
12 Angelkunata mandaq Teyta Jehovä,
qamman confiakamoq nunaqa kushishqam kawakun.+
Cantaqkunata dirigeqpaq. Corëpa kastankuna+ qellqayanqan salmus.
85 Teyta Jehovä, markëkichö nunakunawanqa alläpa allim karqunki,+
prësu apakushqa kayaptimpis Jacobpa kastankunataqa kutitsimurqunkim.+
2 Sirwishoqnikikuna mana allita rurayanqantaqa perdonarqunkim.
Llapan jutsankunatam* perdonarqunki.+ (Sëlah).
3 Cölerashqa kanqëkipis pasarirqanmi,
y manam cölerashqallatsu kakurqëki.+
5 ¿Imëyaqpis cölerashqatsuraq noqakunawanqa kanki?+
¿Manatsuraq imëpis perdonayämanki?
6 ¿Manatsuraq yapë kushishqa kawakuyänäpaq yanapayämanki?*+
7 Teyta Jehovä, qamqa alläpa kuyakoqmi kanki,+ salvëkayämë.
8 Llapan shonqunkunawan sirweqninkunatam Teyta Jehoväqa parlapanqa
y pëkunata parlapanqantam kushishqa wiyëta munä.
Pëkunaqa allikunata rurarmi kushishqa kawayanqa.+
Peru sirweqninkunaqa, ama puntatanö kikinkunallaman confiakuyätsuntsu.+
9 Teyta Diosqa, pëta respetaqkunata* salvanampaqmi imë hörapis listu këkan,+
tsëmi markantsikchöqa pëllata alabayanqa.
10 Nunakunaqa rasumpam kuyanakuyanqa, manam dejanakuyanqatsu,
justiciatam rurayanqa y imëpis allim kawakuyanqa.+
11 Nunakuna mana dejanakuyanqanqa, mëtsika planta jeqamoqnömi kanqa
y Teyta Dios justiciata ruranqanqa ciëluchö atsikyaq aktsinömi atsikyämunqa.+
13 Alli rurëqa Teyta Diospa puntanta ëwanqannöllam,+
sirweqninkunapa puntantapis ëwanqa.
Teyta Diosman David mañakunqan.
2 Qamtaqa manam imëpis dejarqoqtsu,
wanutsiyämänanta ama dejëkullëtsu,+
salvëkallämë, qammi Diosnï kallanki,
tsëmi qamman confiakamü.+
4 Teytallä Jehovä, yanapëkamänëkipaqmi qamman mañakamü,
kushishqa kanäpaq yanapëkallämë.
5 Teytallä Jehovä, alli kaptiki+ y perdonakoq kaptikim+ mañakamü.
Qamman llapan qayakamoqkunataqa alläpam kuyanki.+
8 Teyta Jehovä, qamnöqa manam ni ima diospis kantsu.+
Qam ruranqëkikunatanöqa manam ni pï rurashqatsu.+
9 Teyta Jehovä, qammi nacionkunatapis kamarqunki.
y llapankuna shamurmi puntëkiman qonqurikamur+ jutikita alabayanqa.+
10 Qamllam poderösu kanki,
qam ruranqëkitaqa manam ni pï rurëta puëdintsu.+
Qamllam Teyta Diosqa kanki.+
11 Teyta Jehovä, munanqëkinö kawakunäpaq yachëkatsimë.*+
Yachatsimanqëkinömi kawakulläshaq.+
Llapan shonqüwan jutikita respetanäpaq yanapëkallämë.*+
12 Teyta Jehovä, qammi Diosnï kanki.
Qamtam llapan shonqüwan alabaq.+
Jutikitam imëpis alabashaq.
14 Teyta Dios, orgullösu nunakunam conträ churakäyan.+
Mana llakipäkoq* nunakunam wanutsimëta o wañutsimëta munayan.
Pëkunaqa manam qamtapis respetayäshunkitsu.+
15 Peru qamqa Teyta Jehovä, llakipäkoq,* alläpa alli, pacienciakoq, alläpa kuyakoq
y parlanqëkitapis cumpleq Diosmi kanki.+
16 Rikëkallämë y yanapëkallämë.+
Kallpayoqta tikrëkatsillämë,+
sirwishoqniki warmipa wamranmi kallä, salvëkallämë.
17 Chikimaqkuna musyayänampaq,
noqawan alli kanqëkita rikäyätsun,
y pëkunata penqakatsi.
Qammi Teyta Jehovä yanapamanki y shoqamanki.
Corëpa kastankuna+ qellqayanqan salmus. Cancion.
87 Markampa cimientuntaqa, sagrädu jirkakunamanmi alli patsätsishqa.+
3 Teyta Diospa markan, imëka allikunatam qampaq parlëkuyan.+ (Sëlah).
4 Reqiyämanqan nacionkunachömi, Rahabpis+ y Babiloniapis kanqa.
Cus nunakunawanmi Filistëa nunakuna y Tïru nunakunapis këkäyan.
Pëkunapaqmi kënö niyanqa: “Kë nunaqa tsëchömi yurirqan”
5 Sionpaq parlarnam niyanqa:
“Kë nunakunaqa llapampis tsëchömi yuriyarqan”.
Llapanta Gobernaq Poderösu Diosqa,
mana ushakänampaqmi Sionta patsätsinqa.
6 Nunakunapa jutinkunata apuntarqa, Teyta Jehoväqa kënömi ninqa:
“Kë nunaqa tsëchömi yurirqan”. (Sëlah).
7 Rondëpa* churanakuykur cantaqkuna+ y tushoqkunam+ kënö niyanqa:
“Imëka bendicionkunata chaskinqäkunaqa Sionpitam shamun”.+
Cancion. Corëpa kastankuna+ qellqayanqan. Cantaqkunata dirigeqpaq. Llakishqa cantayänampaq. Cambianakuypa cantayanqan. Ezrahïta Heman+ qellqanqan. Maskil.*
5 Manana yarpanqëki y manana yanapanqëki nunanömi kallä.
Ayakuna rurinchö jitarëkaqnö y sepultüra rurinchö jitarëkaqnömi sientikü.
6 Ampeq o tsakaq* mëtsikan hondu uchkumanmi jitarkamarqunki.
7 Lasaq qepitanö y lamarpa ölankuna nitirkamaqtanömi cölerëkita sientï.+ (Sëlah).
8 Qam munaptikim reqimaqkunapis noqapita karupäyashqa.+
Manam rikämëtapis munayantsu.
Manam ni mëpa qeshpir ëwakuyta puëdïtsu, prësurëkaqnömi sientikü.
9 Alläpa sufrir waqaptïmi nawïpis rikannatsu.+
10 Sepultürachöqa, ¿ruranqëki milagrukunata rikäyanqatsuraq?
Wanushqana këkarqa, ¿sharkayämunqatsuraq alabayäshunëkipaq?+ (Sëlah).
11 Pamparäyanqanchöqa, ¿alläpa kuyakoq kanqëkita parlayanqatsuraq?
Ushakäyanqan sitiuchöqa, ¿parlanqëkita cumpleq kanqëkita willakuyanqatsuraq?
12 Ampichönö o tsakëchönö* këkarqa, ¿imëka espantëpaq ruranqëki cösaskunata rikäyanqatsuraq?
Wanukurnin llapantapis qonqashqana këkarqa, ¿justicia ruranqëkita musyayanqatsuraq?+
14 Teyta Jehovä, ¿imanirtan dejaramarqunki?+
¿Imanirtan rikämëtapis munankinatsu?+
15 Jövin kanqäpitam alläpa sufrirqö y cäsim wanurqöpis.+
Dejamaptikim alläpa sufrirqö,
alläpa mantsakashqam këkä.
16 Cölerashqa karmi alläpa sufrikätsimanki.+
Imëkata ruranqëkiwanmi alläpa mantsakätsimanki,
ushakänäpaq kaqtam pensä.
17 Castigamänëkipaq imëkata ruranqëkiqa entëru lädüpa shamoq yakunömi,
entëru lädüpa yëkamoq yakunömi.
18 Qammi amïgükunapita y marka mayïkunapita rakimarqunki,+
kananqa japallämi ampichö o tsakëchö* këkä.
Maskil.* Ezrahïta Etan+ qellqanqan.
89 Alläpa kuyakoq kar imëkata ruranqëkikunapitam, Teyta Jehovä cantapashqëki.
Llapan nunakuna musyayänampaqmi, parlanqëkita cumpleq kanqëkita imëpis willakushaq.
2 Noqaqa kënömi nirqö: “Qamqa alläpa kuyakoqmi imëpis kanki.+
Parlanqëkita cumplinqëkipis ciëlunömi imëpis ushakanqatsu”.
4 ‘Mandakunqëki imëpis mana ushakänampaqmi,+
kastëki nunata churashaq imëyaqpis gobernanampaq’”.*+ (Sëlah).
5 Imëkakunata ruranqëkipitam Teyta Jehovä ciëluchö kaqkuna* alabayäshunki.
Parlanqëkita cumpleq kanqëkipitam ciëluchö juntarëkaqkuna* alabayäshunki.
6 Ciëluchö këkaqkunaqa, ¿mëqantan Teyta Jehoväwan igualanman?+
Diospa tsurinkunaqa*+ manam mëqampis Jehoväwan igualantsu.
7 Ciëluchö juntarëkaqkunaqa* Teyta Diosta alläpam respetayan.+
Teyta Diosqa ciëluchö kaqkunapaq* alläpa poderösu y alläpa respetëpaqmi.+
8 Angelkunata mandaq Teyta Jehovä, qamqa alläpa poderösum kanki.
Teyta Jehovä,* qamnöqa manam ni pï kantsu.+
Parlanqëkitaqa qamqa imëpis cumplinkim.+
9 Lamar yakutapis qamqa dominankim.+
Fuertipa laqcheqsaptimpis päraratsinkim.+
10 Rahabtapis*+ wanushqatanömi rachir usharqunki.+
Poderösu karmi llapan chikiyäshoqnikikunatapis mëtsëpa qarqurqunki.+
11 Teyta Dios, qampam ciëlupis, patsapis,+ imëkata wayoq chakrakunapis
y patsachö llapan kaqkunapis;+
tsë llapantam qam kamarqunki.
12 Norti läduta y sur lädutapis qammi kamarqunki.
Tabor+ jirkawan Hermon+ jirkapis kushishqam jutikita alabayan.
14 Qam gobernarqa imëpis allillatam ruranki y justiciatam ruranki.+
Imëpis alläpa kuyakoqmi kanki, y llapan parlanqëkitam cumplinki.+
15 Kushishqa alabayäshoqniki nunakunaqa, kushishqam kayan.+
Teyta Jehovä, pëkunaqa aktsikichömi* puriyan.
16 Patsa waranqampitam jutikiman confiakur kushishqa kayan.
Justiciata ruraptikim pëkuna respetashqa kayan.
17 Qam yanapaptikim sirwishoqnikikunaqa puëdeq y shumaq kayan.+
Qam yanapayämaptikim mas puëdeq tikrayä.+
18 Escüdükunataqa Teyta Jehoväpitam chaskiyarqö.
Y gobernamaqnïkunatapis Israelpa Limpiu Diosninmi churamushqa.+
19 Tsë kutim llapan shonqunkunawan sirwiyäshoqnikikunata revelar kënö nirqëki:
22 Manam ni mëqan chikeqnimpis impuestuta paganampaq obliganqatsu.
Y mana alli nunapis manam sufritsinqatsu.+
24 Pëta rasumpa kuyarmi äninqäta cumplishaq,+
y jutïrëkurmi poderyoq tikranqa.
25 Pëmi lamarchö y mayukunachöpis* mandakunqa.+
26 Pëmi qayamar kënö nimanqa:
‘Qammi Teytä, Diosnï y qaqanö tsapämaqnï kanki’.+
29 Pëpa kastankunaqa imëyaqpis këkäyanqam,
y gobiernunqa ciëlu mana ushakaqnömi ushakanqatsu.+
30 Tsurinkuna leynïta mana cäsukuyaptin,
mandakunqänö mana kawayaptin,
31 leynïta mana kaqpaq churayaptin,
y mandakunqäta mana cäsukur,
32 munëninkunata rurakuyaptinqa
tukrüwanmi wirushaq,+
y jutsata* rurayanqampitam astashaq.
33 Peru pëtaqa imëpis kuyëkäshaqllam,+
y äninqätapis cumplishaqmi.
35 Noqaqa limpiu Diosmi kä,
parlanqätaqa imëpis cumplïmi.
Tsëmi Davidtaqa ulipätsu o llullapätsu.+
36 Pëpa kastankunaqa imëpis këkäyanqallam,+
y gobiernunqa inti o rupay mana ushakanqannömi imëpis këkanqa.+
37 Ciëluchö killa imëpis këkanqannömi imëpis ushakanqatsu”.* (Sëlah).
38 Peru Teyta Dios, akranqëki nunatam cölerar dejarqunki,+
y manam yanapankinatsu.
39 Pëwan ruranqëki acuerdutapis mana kaqpaqmi churarqunki,
corönantapis patsamanmi jitarqunki.
41 Tsëpa llapan pasaqkunam munayanqanta apakuyashqa,
amänun markakunachö nunakunaqa alläpam penqapäyan.+
42 Qam mana yanapaptikim chikeqkunaqa venciyashqa,+
y kushishqam këkäyan.
43 Qam mana yanapaptikim espädankunapis sirwishqatsu,
y guërrachöpis mantsarmi qepaman kutiyashqa.
44 Manam ni pï respetashqanatsu,
y mandakur jamakunantapis patsamanmi jitarqunki.
45 Imëka mana allikunapa pasarmi jövinlla këkarpis awkisyashqa,
y alläpa penqakuymanmi churarqunki. (Sëlah).
46 Teyta Jehovä, ¿imëyaqraq rikämëtapis munankitsu?+
¿Mananatsuraq yarpämanki?
¿Imëyaqraq cölerashqalla kakunki?
47 Teyta Dios yarpë, wallka tiempulla kawaq nunam kallä,+
¿tsëllapaqku nunakunata kamarqëki?
48 Llapan nunakunapis wanukoqllam kayan,+
manam salvakuyta puëdiyantsu,
llapankunapis Sepultüramanmi* ëwayan. (Sëlah).
49 Teyta Jehovä, mana dejanëkipaq Davidta äninqëkita y alläpa kuyakoq kar unë ruranqëkikunata, ¿imanirtan kananqa rikäyänatsu?+
50 Teyta Jehovä, yarpë, sirwiyäshoqnikikunatam puëdeqtupar imëkata niyan.
Mëtsë markakunachö nunakuna imëkata niyämanqantaqa manam aguantänatsu.
51 Teyta Jehovä, chikiyäshoqnikikunam imëkata parlayan,
akranqëki nunatam mëpa ëwaptimpis imëkata insultayan.
52 Imëyaqpis Teyta Jehovä alabashqa këkullätsun. Tsënö kallätsun.*+
CHUSKU KAQ LIBRU
(Salmus 90-106)
Dios Yayapa sirweqnin Moises Teyta Diosman mañakunqan.+
90 Teytallä Jehovä, qammi noqakunapaqqa alli segurashqa törrinö*+ imëpis karqunki.
2 Kë patsata manaraq kamar,
jirkakunapis manaraq kaptin y muruna chakrakunapis manaraq kaptinmi
qamqa Teyta Diosna karqëki.+
Qammi imëpitapis y imëyaqpis Teyta Dios kanki.+
3 Qam munaptikim nunakunaqa allpaman kutiyan.
Qammi ninki: “Nunakunapa tsurinkuna allpaman kutiyë”.+
5 Nunakunataqa yaku apaqnömi illaqpita ushakätsinki,+
pëkunaqa juk suëñuynöllam pasariyan.
Patsa warämuptin, tseqllimoq plantanömi kayan.+
6 Shumaq verdirar y wëtar warämurpis,
tardipaqqa tsakireq plantanömi kayan.+
7 Qam cöleraptikiqa alläpam mantsakäyä,+
y wanurmi o wañurmi ushakäyä.
9 Qam cölerashqa kaptikim wanur ushakäyänäpaqna këkäyä,
noqakunaqa jamaninö ushakäreqllam kayä.
10 Nunakunaqa setenta watallam kawayä
y mas fuerti kaqkunam ochenta wataman chäyan,+
tsënö kawarpis sufrirlla y llakikurllam kawayä.
Tsë watakunaqa jukllam pasarin y wanurmi ushakäyä.+
11 Imanömi alläpa respetashqa kanki, tsënöllam cöleranqëkipis alläpa mantsëpaq,
tsëmi nunakunaqa cöleranqëkita allillaqa entiendiyantsu.+
12 Teyta Dios, alli pensëkurmi shumaq kawakuyäshaq,
Sirwishoqnikikunam kayä, llakipëkayämë.*+
14 Patsa waräriptinlla imëka allikunata rurar,+ alläpa kuyakoq kaqëkita rikätsiyämë,
tsënöpam kushishqa cantayäshaq y wanukuyanqäyaq o wañukuyanqäyaq kushishqa kayäshaq.+
15 Teyta Dios, imëkata sufritsiyämanqëkipita y imëkapa pasatsiyämanqëkipita,+
kananqa kushishqa kayänäpaq yanapëkayämë.+
16 Imëkata ruranqëkikunata sirwishoqnikikuna rikäyätsun,
y tsurinkunapis poderösu kanqëkita rikäyätsun.+
17 Teyta Jehovä, bendicïkayämë,
llapan rurayanqäta bendicïkamuy.
Trabajayanqäta imëkanöpa bendicïkamuy.+
91 Llapanta Gobernaq Poderösu Diospa alli següru y mana ni pï musyanan sitiunchö kawaq nunataqa,+
Llapanta Puëdeq Teyta Diosmi, wawankunata älan rurinman wallpa pakaqnö pakëkunqa.+
2 Teyta Jehovätam kënö nishaq: “Qammi tsapämaqnï kanki, qammi alli següru markanö kanki,+
qammi Diosnï kanki, qammanmi confiakamü”.+
3 Pëmi pishqu tsareqpa trampampita,
y wanutsikoq plägapita salvashunki.
4 Wawankunata plüman rurinman wallpa tsapaqnömi tsapäshunki.+
Älan rurinman yëkuptikiqa manam imapis imanashunkinatsu.
5 Manam mantsankitsu paqaspa peligrukunata,+
ni junaqpa flëchayanqan flëchakunata+
6 ni paqaspa pureq plägata,
ni pullan junaq wanuyanqanta o wañuyanqanta rikarpis.
7 Izquierda läduykichömi, mil nunakuna wanur ushakäyanqa,
y derëcha läduykichönam, diez mil nunakuna wanur ushakäyanqa,
peru qamtaqa manam ni imapis imanashunkitsu.+
8 Rikëkaptikim tsë llapan pasanqa,
rikankim mana alli nunakuna imanö ushakäyaqta.
9 Qamqa, “Teyta Jehovämi tsapämaqnï” nirmi,
Llapanta Gobernaq Poderösu Diosta imëkapita tsapäshunëkipaq ashirqunki.+
10 Manam ima desgraciapis qammanqa chämunqatsu,+
ni manam ima pläga wayikiman chämunqatsu.
13 Mallwa leon janampa y cobra nir reqiyanqan culebra janampam purinki.
Mantsëpaq leonta y jatun culebratam jarunki.+
14 Teyta Diosmi kënö nirqan: “Pëqa kuyamanmi, salvashaqmi,+
jutïtapis musyanmi, tsëmi imëka mana allipita tsapäshaq.+
15 Qayamaptimpis wiyashaqmi.+
Llakikunqan hörakunapis lädunchömi këkäshaq.+
Noqam salvashaq y respetashqatam tikratsishaq.
Salmus. Säbadu junaqpaq cancion.
92 Teyta Jehovä, alläpa allim qamta agradecikuyanqäqa,+
Llapanta Gobernaq Poderösu Dios, jutikita* alabayanqäqa alläpa allim.
2 Alläpa allim cada patsa waraptin, alläpa kuyakoq kanqëkita willakuyanqäqa,+
y änikunqëkita cumpleq kanqëkita cada paqas willakuyanqäpis.
3 Tsënö kanqëkita chunka cuerdayoq instrumentuta tocar, kima cuerdayoq ichikllan guitärrata tocar
y arpata tocar willakuyanqäqa alläpa allim.+
4 Teyta Jehovä, imëkata ruranqëkikunawanmi kushishqa këkä.
Tsëmi llapan ruranqëkikunata rikar kushishqa alabaq.
5 Teyta Jehovä, ruranqëkikunaqa alläpa espantakuypaqmi.+
Qamqa alläpa yachaqmi kanki.+
6 Mana cäsukoq nunakunaqa, manam tsëta musyayantsu,
upa nunakunapis manam entiendiyantsu.+
7 Mana alli qoranö* mana alli nunakuna atska karpis
y mana allita rurayanqankunawan kushishqa karpis
llapankuna ushakäyänampaqmi këkäyan.+
8 Peru Teyta Jehovä, qamllam imëyaqpis llapampa janampaqa këkanki.
9 Chikishoqnikikuna imanö perdiyanqanta rikë Teyta Jehovä,
imanö ushakäyanqanta rikë.
Mana allita ruraqkunaqa mëtsëpam qeshpir ëwakuyanqa.+
10 Peru noqataqa chukaru törutanömi valientita tikratsimanki.
Alli aceititam cuerpüman jichashaq.+
11 Chikimaqkunata venciskirmi kushishqa rikaräshaq.+
Atacayämaq mana alli nunakuna ushakäyanqantam musyarishaq.
13 Pëkunaqa Jehoväpa wayinchömi, plantashqa plantanö këkäyan,
Teyta Diospa patiunkunachömi, shumaq wëtaq plantanö këkäyan.+
14 Awkinna këkarpis* alli wayoq plantanömi kayanqa.+
Kallpayoq y alli saloryoq karmi,+
15 Teyta Jehovä alli ruraq kanqanta willakuyta dejayanqatsu.
Pëmi noqapaqqa qaqa cuenta,+ imëpis allillatam ruran.
93 ¡Teyta Jehovämi Gobernanti këman chashqa!+
Alläpa poderösu kanqanqa juk gobernantipa chipapaq röpannömi.
Teyta Jehoväqa, kallpayoq kënintapis wachukutanömi tseqllanchö katsin.
Kë patsatapis* allim patsätsishqa
y manam ni pï kuyutsita puëdintsu.
2 Teyta Dios, qamqa mandakur täkunëkitapis alli unënam patsätsirqunki.+
Qamqa imëpis këkarqunkillam.+
3 Teyta Jehovä, mayukunam* atskayashqa,
mayukunam mirashqa kar bunrurur ëwan,
mayukunam atskayashqa kar büllar ëwan.
4 Ciëluchö këkaq Teyta Jehovä, qamqa alläpa poderösum kanki.+
Mëtsika yaku bunrurur ëwaqpitapis mas puëdeqmi kanki.
Lamar yaku fuertipa laqcheqsaqpitapis mas puëdeqmi kanki.+
5 Mandakunqëkikunaqa confiakuypaqmi.+
Teyta Jehovä, wayikiqa alläpa shumaqmi,+ imëpis sagrädullam kanqa.
94 Teyta Jehovä, qamqa mana allita ruraq nunakunata castigaq Diosmi kanki,+
reqiyäshunëkipaq mana alli ruraq nunakunata castiguëkullë.
3 Teyta Jehovä, ¿imëyaqraq mana alli nunakunaqa mana allikunata rurar kushishqa kayanqa?+
4 Mana alli nunakunaqa shiminkunaman chanqantam parlayan,
imëkatam alabakuyan.
5 Teyta Jehovä, sirwiyäshoqnikikunatam imëka mana allikunata rurayan,+
sirwiyäshoqnikikunatam sufritsiyan.
6 Viudakunata, forastërukunata
y papäninnaqkunata wanutsiyan o wañutsiyan.
8 Qamkuna mana cäsukoqkuna, upakuna wiyayämë,
¿imëyaqraq juiciunnaq kayanki?+
9 Rinritapis rurëkarqa, ¿manatsuraq wiyanqa?
Nawitapis rurëkarqa, ¿manatsuraq rikanqa?+
10 Mëtsë nacion nunakunata corregikarqa, ¿manatsuraq qamkunatapis qayapäyäshunki?+
Pëmi nunakunataqa yachaqta tikratsin.+
11 Teyta Jehoväqa musyanmi nunakuna imata pensëkäyanqanta,
y musyanmi jamaninö ushakäreqlla kayanqanta.+
13 Tsënöpam mana alli nunakunata ushakätsinqëkiyaq,
mana alli tiempukunachöpis tranquïlu kawakun.+
15 Juezkunaqa yapëmi justiciata rurayanqa,
y alli shonquyoq nunakunam cäsukuyanqa.
16 Mana alli nunakunapa contran sharkuptï, ¿piraq favornï kanqa?
Mana alli nunakunapa contran sharkuptï, ¿piraq yanapamanqa?
17 Teyta Jehovä mana yanapamaptinqa unënam ushakäman karqan.+
20 Mana alli gobernantikunawanqa* imatapis manam rurankitsu,
pëkunaqa mana allikunata rurayänampaqmi leyta utilizäyan.+
22 Peru noqapaqqa, Teyta Jehovämi tsapämaq alli següru sitiunö kanqa,
Diosnïqa tsapämaq qaqa cuentam kanqa.+
23 Teyta Dios munaptinmi, mana alli nunakuna rurayanqanqa kikinkunallapaq mana alli kanqa,+
mana allikunata rurayanqanllawanmi ushakäyanqa.
Teyta Jehovämi ushakätsinqa.+
95 Qayëkacharnin Teyta Jehoväta kushishqa alabanapaq shayämuy. Pëmi qaqanö tsapämaqnintsik.
Pëmi salvamarquntsik, kushishqa pëpaq cantashun.+
2 Agradecikur kushishqa puntanman ëwashun.+
Guërrata ganar cantayanqannö kushishqa pëpaq cantashun.
3 Teyta Jehoväwanqa manam ni pï igualantsu. Pënöqa manam ni pï gobernantipis kantsu.
Pëqa llapan dioskunapitapis mas puëdeqmi.+
4 Pëmi patsa rurintapis poderninchö katsin,
mas altu jirkakunapis pëpam.+
6 Puntanman qonqurikur adoranantsikpaq shayämuy.
Kamamaqnintsik Teyta Jehoväpa puntanman qonqurikushun.+
7 Pëmi Diosnintsik,
noqantsikqa qewanchö mikoq üshanmi kantsik.+
Cuidamanqantsik üshanmi kantsik.
Teyta Diosmi kënö nin: “Kanan parlapëkanqaqta wiyamarqa,+
8 ama tsunyaq sitiuchönö kayëtsu;
ama Meribächö*+ ni Masächö*+ kayanqëkinö munënikikunata rurakoq kayëtsu.
9 Tsëchömi unë kastëkikunaqa pacienciäta* ushakätsita munayarqan.+
Imëka ruranqäta rikëkarpis mana kaqpaqmi churayämarqan.+
10 Tsëmi pëkunataqa cuarenta watapa rikëtapis munarqätsu y kënömi nirqä:
‘Kë nunakunaqa shonqunkuna munanqanllatam rurakuyta munayan
y manam yachatsinqätaqa cäsuyämantsu’.
11 Tsëmi cölerar nirqä:*
‘Pëkunaqa manam jamanqä junaq jamayanqatsu’”.+
96 Teyta Jehoväpaq mushoq cancionta cantayë.+
¡Entëru Patsachö nunakuna Jehovä Diospaq cantayätsun!+
2 Teyta Jehoväpaq cantayë, jutinta alabayë.
Salvakoq kanqanta cada junaq willakuyë.+
3 Puëdeq kanqanta entëru nacionkunachö willakuyë,
imëka rurashqankunata entëru markakunachö willakuyë.+
4 Teyta Jehovällam puëdeq Diosqa, pëllatam alabanantsik.
Pëwanqa manam ni ima diospis igualantsu, tsëmi pëllata respetanantsik.
5 Wakin markakunapa diosninkunaqa manam imapaqpis välintsu.+
Peru ciëluchö imëka kaqkunataqa Jehovä Diosmi kamashqa.+
6 Pëllam respetashqa Diosqa, y imëkata ruranqampis alläpa shumaqmi.+
Pë kanqanchöqa alläpa kallpayoq y shumaqmi kayan.+
7 Mëtsë markachö familiakuna Jehovä Diosta alabayë,
puëdeq y kallpayoq kanqampita Jehovä Diosta alabayë.+
8 Teyta Jehoväpa jutinta alabayë,+
imëka qarëkunata aparkur patiunkunaman yëkuyë.
9 Jehovä Diospa puntanman alli vistishqa qonqurikuyë.*
Patsachö llapan nunakuna, puntanchö mantsakar karkaryäyë,
10 llapan nacionkunachö kënö willakuyë: “Kananqa Jehovä Diosmi gobernamäshun.+
Kë patsaqa* alli segürum këkan y manam kuyutsita puëdiyantsu.
Pëmi justiciata rurar mëtsë markachö nunakunata juzganqa”.+
11 Ciëlupis patsapis kushikuyätsun,
lamarpis y tsëchö këkaqkunapis kushikur bunrurüyätsun,+
12 Chakrakunapis y tsëchö kaqkunapis kushikuyätsun.+
Montikunapis kushikur Teyta Diospaq cantayätsun,+
13 Jehovä Diospa puntanchö kushikur cantayätsun.
Pëmi shamuykan* patsachö nunakunata juzganampaq.
Pëmi justiciata rurar entëru patsachö nunakunata juzganqa+
y patsachö nunakunata juzgarqa, alli kaqllatam ruranqa.+
4 Räyukunata tillapyätsiptinmi entëru patsa atsikyarqan,
tsëmi patsaqa kuyurqan.+
5 Teyta Jehoväpa puntanchö,+
entëru patsata Gobernaqpa puntanchöqa jirkakunapis wiranömi* tsullur ushakäyan.
6 Ciëlukunam justiciata ruranqanta willakuyan,
mëtsë markachö nunakunam poderösu kanqanta rikäyan.+
7 Nuna ruranqan santukunata sirweqkuna,+
y mana musyaq santunkunapita alabakur pureqkuna penqakushqa quedayätsun.+
Puëdeq dioskuna, Teyta Diospa puntanman qonqurikuyë.*+
justiciata ruranqëkipitam kushishqa këkäyan.+
9 Teyta Jehovä, entëru patsa janampaqa qamllam Llapanta Gobernaq Poderösu Dios kanki.
Qamllam, llapampitapis mas puëdeq Dios kanki, qamwanqa manam ima diospis igualantsu.+
10 Teyta Jehoväta kuyaqkuna, mana alli rurëkunataqa chikiyë.+
11 Alli nunakunapaqqa aktsim atsikyashqa,+
alli shonquyoq nunakunaqa kushishqam kawakuyan.
12 Alli ruraq nunakuna imëpis kushishqa kayänëkipaq, Teyta Jehoväta adorëta ama dejayëtsu,
sagrädu jutimpita agradecikuyë.
Salmus.
Derëcha y sagrädu rikranwanmi salvashqa.*+
2 Teyta Jehovämi salvakoq kanqanta musyatsikushqa.+
Justiciata ruraq kanqantam mëtsë nacionkunata musyatsishqa.+
3 Israelta alläpa kuyanqanta y änikunqanta cumpleq kanqantam yarpashqa.+
Patsapa entëru kuchunkunachöpis Teyta Dios salvakoq kanqantaqa* musyayashqam.+
4 Entëru patsachö nunakuna, Teyta Jehoväta qayëkachar alabayë.*
Kushishqa kayë, kushishqa kayanqëkipita qayëkachäyë y cantar alabayë.*+
5 Arpata tocar Teyta Jehoväpaq cantayë,
arpata tocar shumaq cancionkunata cantayë.
6 Trompëtakunata tocar, waqrakunata tocar+
Gobernanti Jehoväpa puntanchö kushishqa qayëkachäyë.
7 Lamarpis y tsëchö kaqkunapis bunrurüyätsun,
patsapis* y tsëchö kawaqkunapis kushishqa alabayätsun.
8 Mayukunapis* kushishqa paqchiyätsun o taqllayätsun.
Jirkakunapis kushishqa qayëkachäyätsun+
9 Teyta Jehoväpa puntanchö. Pëmi entëru patsachö nunakunata juzganampaq shamuykan.*
99 Querubinkunapa jananchö* mandakur këkaq Teyta Jehovämi,+ gobernanti këman chashqa.+
Mëtsë markachö nunakuna mantsakar karkaryäyätsun y patsapis kuyutsun.
2 Sionchömi Teyta Jehoväqa alläpa puëdeq
y mëtsë markakunapa janampam këkan.+
3 Alläpa respetashqa
y limpiu jutikita alabayätsun.+
4 Pëqa poderösu gobernantim,
justicia rurëtam gustan+ y alli kaqtam ruran.
Jacobpaqmi justiciata y alli kaqta rurarqunki.+
Pëqa limpiu Diosmi.+
6 Moiseswan Aaronqa, sirweqnin sacerdötikunam kayarqan,+
y Samuelqa Teyta Diosmanmi jutimpa qayakoq.+
Teyta Jehovämanmi qayakuyaq
y pëqa contestaqmi.+
8 Teyta Jehovä, mañakuyäshuptiki wiyarqunkim.+
Jutsata* rurayanqampita castigarpis+ perdonarqunkim.+
9 Teytantsik Jehoväta alabayë.+
Agradecikur cantayanqan cancion.
100 Entëru patsachö nunakuna, Teyta Jehoväta qayëkachar alabayë.+
2 Teyta Jehoväta kushishqa sirwiyë,+
qayëkachar puntanman kushishqa yëkuyë.
Sirweqninkunam kantsik, qewanchö mikoq üshankunam kantsik.+
Agradecikur jutinta alabayë.+
David qellqanqan salmus.
101 Alläpa kuyakoq y alli ruraq kanqëkipitam qampaq cantamushaq,
Teyta Jehovä, qamta alabarnikim cantamushaq.*
2 Alli pensëkurmi imatapis rurashaq, alli kaqtam rurashaq.
¿Imëraq yanapamanki?
Wayïchöqa allita rurarllam kawakushaq.+
3 Mana allikunataqa manam ichikllapis rikäshaqtsu,
allikunata rurayänampa rantin, mana allikunata rurayaptinqa chikïmi.+
Tsënö nunakunawanqa manam juntakütsu.
4 Mana alli nunakunamanqa manam witipätsu,
mana alli rurëkunataqa manam rurashaqtsu.
5 Pakëllapa nuna mayinkunata calumniaqtaqa upällätsishaqmi,+
orgullösu nunakuna munëninta rurakuyänantaqa,
manam dejashaqtsu.
6 Teyta Dios munanqannö kawakoqkunatam ashishaq,
pëkunawan juntum kawashaq.
Allillata rurar kawakoq nunam sirwimanqa.
7 Engañakoq nunaqa manam jukllëllapis wayïchö kanqatsu,
y ulikoq o llullakoq nunataqa manam rikëtapis munashaqtsu.
8 Cada patsa warëmi mana alli nunakunataqa upällatsishaq.
Tsënömi mana allita ruraq nunakunataqa, Teyta Jehoväpa markampita ushakätsishaq.+
Llakitsiyaptin imanö këtapis mana puëdir Teyta Diosman mañakunqan. Teyta Jehovätam llapan yarpachakunqanta willan.+
2 Llakishqa kanqä höra ama dejëkamëtsu.+
Qayakamuptï wiyëkamë,
tsë höra yanapëkallämë.+
3 Kawënïpis qoyënömi o qoshninömi ushakärin,
y tullükunapis hornuchö rupashqanömi këkan.+
4 Planta lapikar tsakireqnömi shonqü këkan,+
y mikunäpaqpis manam gänasnï kantsu.
6 Tsunyaq sitiuchö pelïcanu niyanqan pishqunömi kallä,
raqäkunachö päraq tukunömi kakullä.
8 Chikimaqnïkunaqa imë hörapis insultayämanmi,+
noqapita asikoqkunaqa, jutïta parlarmi wakinkunata maldiciyan.
10 Tsënöqa këkä noqawan cölerashqa kaptikim,
juk läduman jitamänëkillapaqmi yanapamarqunkipis.
13 Qamqa shamurmi Sion jirkata llakipëkunki,*+
yanapanëki tiempum chämushqa,+
citanqëki tiempun chäramushqa.+
15 Teyta Jehovä, mëtsë nacionchö nunakunam jutikita respetayanqa,*
y patsachö gobernantikunam puëdeq kaptiki respetayäshunki.+
19 Teyta Jehoväqa sagrädu sitiumpitam rikëkämun,+
pëqa ciëlupitam entëru patsata rikëkämun,
20 carcelarëkaqkuna mañakuyanqanta wiyanampaq+
y wanuyänampaq condenashqakunata salvanampaq.+
21 Tsënöpa Sionchö+ Teyta Jehoväpa jutinta willakuyänampaq,
y Jerusalenchö alabashqa kanampaq.
22 Tsëqa pasanqa mëtsë markapita nunakuna y gobernantikuna juntakar Teyta Jehoväta sirwiyaptinmi.+
23 Pëmi kallpätapis ushakätsishqa,
wallka tiempulla kawanäpaqmi permitimashqa.
24 Tsëmi nirqä:
“Teyta Dios, jövinllaraq këkaptïqa ama wanuykatsimëtsu,
qamqa imëyaqpis kawakoq Diosmi kanki.+
25 Qamqa unëpitam patsapa cimientunta patsätsirqëki,
y makikiwanmi ciëlutapis rurarqëki.+
26 Patsawan ciëlu ushakaptimpis qamqa këkankillam.
Röpanö makwayarmi ushakäyanqa, y röpata cambiaqnömi cambianki.
Qam munarqa ushakätsinkim.
27 Peru qamqa imëpis kanqëkinöllam këkanki, y manam imëpis ushakankitsu.+
28 Sirwishoqnikikunapa tsurinkunaqa tranquïlum kawakuyanqa,
y pëkunapa kastankunapis puntëkichömi imëyaqpis kawakuyanqa”.+
David qellqanqan salmus.
103 Teyta Jehovätam alabashaq,
llapan shonqüwanmi sagrädu jutinta alabashaq.
2 Teyta Jehovätam alabashaq,
noqata yanapamar imëkata ruranqantaqa manam qonqashaqtsu.+
4 Teyta Diosqa wanuypitam salvashunki.+
Alläpam kuyashunki y llakipäshunki.*+
7 Teyta Diosqa nunakuna imanö kawakuyänampaqmi Moisesta entienditsirqan,+
israelïtakunatam imëkata ruranqanta rikätsirqan.+
10 Manam jutsata* ruranqantsikmannötsu Teyta Diosqa castigamarquntsik,+
ni manam mana allita ruranqantsikmannötsu castigamarquntsik.+
11 Imanömi ciëlupis patsapita altuchö këkan,
tsënöllam Teyta Dios alläpa kuyakoq kanqampis respetaqninkunapaqqa* alläpa jatun.+
12 Imanömi inti o rupay yarqamunan lädupita, jeqanan lädu alläpa karuchö këkan,
13 Imanömi juk papä wamrankunata llakipan,*
tsënöllam Teyta Jehoväqa respetaqninkunatapis* alläpa llakipan.+
15 Nunapa vïdanqa plantanöllam ushakärin.+
Chakrakunachö wëtanöllam,+
16 vientu pükariptinqa ushakärin.
Kanqanchöqa manam imapis quedannatsu.
17 Peru Teyta Jehoväqa respetaqninkunata* imëpis kuyëkanqallam,+
y sirweqninkunapa tsurinkunapaq
y willkankunapaqpis justiciatam ruranqa.+
18 Tsënöllam llapan mandakunqanta cäsukoqkunawan
y ruranqan acuerduta cumpleqkunawampis ruranqa.+
19 Teyta Jehovämi imëyaqpis gobernanampaq ciëluchö jamakunanta patsätsishqa.+
Pëllam imëyaqpis llapanta gobernanqa.+
20 Pë ninqanta ruraqkuna y llapan mandakunqanta cäsukoqkuna,+
puëdeq angelkuna Teyta Jehoväta alabayë.+
22 Llapan kamanqankuna, mëtsëchöpis Teyta Jehoväta alabayë.
Noqapis llapan shonqüwanmi Teyta Jehoväta alabashaq.
Röpata nuna vistikoqnnömi, alläpa puëdeq këta y chipapaq këta vistikunki.+
2 Teyta Dios, entëru läduykipa alläpa chipapaq aktsiqa imëka röpëkinömi.+
Ciëlukunatapis tëlatanömi mashtanki.+
3 Teyta Diosqa ciëluchö këkaq yaku jananchömi wayimpa terrädun churashqa.+
4 Angelninkunatam puëdeqta tikratsin,
y sirweqninkunatam rawrëkaq o lunyëkaq ninaman tikratsin.+
6 Patsataqa mantawannömi yakuwan tsaparkurqëki.+
Jirkakunatapis yakuwanmi tsaparkurqëki.
7 Qam qayapaptikim yakupis juklla witikurqan;+
parlanqëki räyunöraq kaptinmi qeshpir ëwakurqan.
8 Qam munanqëkinömi, jirkakunapis mas altu tikrayarqan+
y pampakunapis mas urachömi quedayarqan.
9 Yakuqa señalanqëkillachönam karqan,+
mananam tsaki patsata tsaparqannatsu.
10 Qam mandaptikim yakuqa qochakunapita pampakunapa ëwan;
y jirkakunapitapis urämun.
11 Tsë yakutam chukaru animalkuna upuyan
y chukaru ashnupis tsë yakuta upurmi yakunëninta pasaratsin.
12 Pishqukunaqa montikunachömi qeshunkuna rurayan;
y rämankunachömi cantayan.
13 Teyta Dios, këkanqëkipitam jirkakunata regamunki.+
Llapan ruranqëkikunam junta patsachö këkan.+
14 Teyta Diosmi animalkuna mikuyänampaq qewata winatsin,
nunakuna mikuyänampaqpis plantakunata winatsin,+
y patsapis imëkatam wayun.
15 Vïnuta upurmi nunakuna kushikuyan,+
aceitinam cäranta chipapätsin,
y pacha junta mikurmi kallpayoq kayan.+
16 Teyta Jehovä plantanqan plantakunaqa atska yakuyoq karmi shumaq këkan;
Lïbanuchö plantanqan cedrukunapis shumaqmi këkan.
17 Tsëchömi pishqukunapis qeshunkuna rurayan.
Y ciguëñakunapis+ enebrukunachömi pärayan.
19 Teyta Diosqa killata rurashqa, tiemputa musyayänampaqmi;
intipis o rupaypis imë höra jeqanampaq kaqta musyanmi.+
20 Qam munaptikim patsapis tardiyar paqasyärin;+
tsëran montikunapita chukaru animalkunapis yarqayämun.
22 Inti o rupay yarqaramuptinqa
machëninkunamanmi punoq kutiyan.
23 Nunaqa trabajaqmi ëwan;
patsa tardiyanqanyaqmi alli trabajan.
24 Teyta Jehovä, ¡kamanqëkikunataqa manachi yuparpis ushämantsu!+
Yachaq karmi imëkatapis rurarqunki.+
Patsachöqa llapan kamanqëkikunam junta këkan.
25 Lamarpis alläpa jatunmi,
tsëchömi yupëtapis mana puëdipaq takshapis, jatumpis mëtsika animalkuna kayan.+
27 Llapan animalkunam qamta shuyaräyäshunki,
höranchö mikuyninkuna qaranëkipaq.+
29 Mana yanapaptikiqa mantsakashqam quedayan.
Jamaninta tsapariptikiqa wanurmi o wañurmi allpaman tikrayan.+
30 Jamanin kanampaq qam permitiptikim kawayan;+
patsatapis mushoqyätsinkim.
31 Teyta Jehoväqa imëpis puëdeqmi kanqa.
Teyta Jehoväqa llapan ruranqampitam kushikun.+
32 Teyta Dios patsaman rikämuptinqa patsapis kuyurinmi;
jirkakunata yatëkuptinqa ruparmi pukutënöraq qoyëpis o qoshnipis sharkun.*+
34 Pensanqäkunaqa Teyta Dios munanqannö katsun.
Teyta Jehovä ruranqankunata rikarmi kushikü.
35 Jutsata* ruraq nunakunaqa mananam kayanqanatsu, y mana allita ruraqkunapis ushakäyanqam.+
Teyta Jehovätam alabashaq.*
¡Teyta Jehoväta* alabayë!
105 Teyta Jehoväta agradecikuyë, jutinchö mañakuyë,+
imëkata ruranqankunapita mëtsë markakunachö willakuyë.+
3 Llapan shonquykikunawan respetashqa jutimpaq parlayë,+
4 Poderösu Jehovä Diosta sirwiyë.*+
Yanapayäshunëkipaq pëta ashiyë.
5 Imëkatapis alläpa shumaqta ruranqanta,
milagrukuna ruranqanta y imanö juzganqanta yarpäyë.+
6 Qamkuna, Abrahanpa kastankuna,+
Jacobpa tsurinkuna tsëta yarpäyë, sirweqninkuna y akranqankunam kayanki.+
9 Abrahantawan+ Isaacta+ äninqantaqa yarpanmi.
10 Pëqa Jacobtam änirqan imëpis cumplinampaq,
Israeltam änirqan ruranqan acuerdu imëyaqpis kanampaq.
12 Tsë witsanqa wallkaqllam kayarqan,+ awmi, wallkaqllam kayarqan,
y tsë markakunachöqa forastërullam kayarqan.+
13 Pëkunaqa nacionnin nacionninmi puriyarqan,
y gobernantikunapa markankunachömi puriyarqan.+
14 Tsënö këkäyaptimpis nunakuna sufritsiyänantaqa manam munarqantsu.+
Y gobernantikunatam kënö qayaparqan:+
16 Entëru nacionchö alläpa mallaqë kanantam Teyta Dios permitirqan,
17 Teyta Diosqa Israelpa puntanta juk nuna ëwanampaqmi mandarqan.
Josëtam+ esclävu kanampaq rantikuyarqan.
19 Tsënöqa karqan Teyta Dios ninqan cumplikanqanyaqmi.+
Teyta Jehovä parlanqanqa limpiuyätsirqanmi.
20 Tsë nacionchö gobernantim carcelpita yarqunampaq mandakurqan
y libritam dejarirqan.+
21 Wayinta y llapan kapunqankunata rikänampaqmi churarqan.+
22 Tsënöllam mandakurqan dirigentinkunapis pëpa mandädunchö kayänampaq,
autoridäyoq nunakunatapis yachatsinampaqmi nirqan.+
23 Tsëpitanam Israelqa Egiptuta ëwakurqan,+
Jacobqa, Campa nacionninchömi forastërunö kawakurqan.
24 Teyta Diosqa, sirweqninkuna mëtsika kayänantam permitirqan.+
Tsëmi chikeqninkunapitapis mas atska kar mantsëpaqna kayarqan.+
25 Egiptu nunakunam Teyta Diospa sirweqninkunata chikiyarqan,
tsënöqa karqan Teyta Dios permitiptinmi, tsëmi contran tikrayarqan.+
28 Teyta Diosmi tsë nacionta ampiman o tsakëman* tikratsirqan.+
Llapan mandanqankunatam cäsukuyarqan.*
29 Yakutam yawarman tikratsirqan,
tsëmi llapan pescädukuna wanuyarqan.+
31 Teyta Dios mandaptinmi kanikoq jatusaq chuspikuna
y ichisaq chuspikunapis entëru Egiptuman juntayarqan.+
33 Tsë runtum üvas plantankunata,
hïgus plantankunata y llapan montikunata ushakätsirqan.
34 Teyta Dios mandaptinmi chukllushkunaqa* entëruman juntariyarqan,
älankunapis manaraq yureq chukllushkuna.+
35 Tsëkunam entëru nacionchö llapan plantakunata ushayarqan,
chakrachö muruyanqantapis pasëpam* ushayarqan.
36 Teyta Diosqa, entëru nacionchö nunakunapa mayor tsurinkunatam wanutsirqan,+
nunakunapa mayor tsurinkunata y animalkunapa punta yureq wawankunatam ushakätsirqan.
37 Teyta Dios pushamuptinmi israelïtakunaqa plätata, öruta aparkur Egiptupita yarqayämurqan,+
y llapankunapis alli kallpayoqmi yarqayämurqan.
38 Alläpa mantsakashqam Egiptuchö nunakunaqa këkäyarqan.
Peru israelïtakuna ëwakuyaptinqa kushishqam quedayarqan.+
39 Teyta Diosmi israelïtakunata tsapänampaq pukutëta churarqan,+
y paqaspanam aktsinampaq rawrëkaq o lunyëkaq ninata churarqan.+
40 Pëkuna mañakuyaptinmi codornizkunata mandarqan,+
ciëlupita mikuyta shikwatsimuptinmi pacha junta kayarqan.+
42 Teyta Diosqa, sirweqnin Abrahanta äninqanta cumplirmi tsë llapanta rurarqan.+
43 Teyta Diosqa, Egiptupitam sirweqninkunata salvamurqan, y pëkunaqa kushishqam yarqayämurqan.+
Akranqan israelïtakunaqa qayëkacharmi alläpa kushikuyarqan.
44 Y juk nacion nunakunapa markankunatam entregarqan,+
tsë nunakunapa imëkankunawanmi israelïtakunaqa quedakuyarqan.+
45 Teyta Diosmi mandakunqankunata cumpliyänampaq
y leyninkunata cäsukuyänampaq israelïtakunata yanaparqan.+
Teyta Jehoväta* alabayë.
106 ¡Teyta Jehoväta* alabayë!
Allikunata ruranqampita Teyta Jehoväta agradecikuyë.+
Pëqa imëpis alläpa kuyakoqllam këkan.+
2 Teyta Jehovä, ¿piraq willakunman poderösu kar ruranqëkikunapita
o ruranqëkikuna alläpa shumaq y alabëpaq kanqanta?+
3 Justiciata y alli kaqllata ruraqkunam,
imëpis kushishqa kawakuyan.+
4 Sirwiyäshoqnikikunata yanaparqa, noqatapis yarpëkamanki Teyta Jehovä.+
Qamqa salvakoqmi kanki, cuidëkallämanki,
5 akrashqëki nunakunata yanaparqa, noqatapis yanapëkallämanki.+
Pëkuna kushikuyanqannömi kushikushaq.
Y sirwishoqnikikunawan juntum kushishqa alabashqëki.
6 Teyta Dios unë kastäkunanömi jutsata* rurayarqö.+
Llutantam rurayarqö, mana allikunatam rurayarqö.+
7 Egiptuchö unë kastäkunaqa, pëkunapaq imëkata rurëkaptikipis
mana kaqpaqmi churayäshurqëki y alläpa kuyakoq kanqëkitam qonqëkuyarqan.
Tsëmi Puka lamar kuchunchö contrëki churakäyarqan.+
9 Puka lamarta qayapëkuptinmi, yakuqa tsakiskirqan.
Llapankunatam tsaki patsapa pasatsirqan.+
11 Chikeqninkunataqa yakum tsaparkurqan,
manam jukllëllapis kawëkar quedarqantsu.+
12 Tsëta rikarmi unë awilükunaqa änikunqanman markäkuyarqan o yärakuyarqan,+
y cantarmi alabayarqan.+
13 Peru tsëpitaqa llapan ruranqantam qonqëkuyarqan.+
Imata rurayänampaqpis manam Teyta Diosraq parlapänanta* shuyäyarqantsu.
14 Tsunyaq jirkachö këkarqa munëninkunatam rurayarqan,+
Teyta Diospa pacienciantam ushakätsita munayarqan.+
15 Mañakuyanqanta rurarpis, Teyta Diosqa qeshyawanmi castigarqan,
tsëmi uyuyar wanuyarqan.+
17 Tsëmi patsa kichakäriptin Datan jeqarkurqan,
y Abiramwan këkaqkunatapis patsam tsaparkurqan.+
18 Yanapaqninkunatapis ninam ruparqan;
mana alli nunakunaqa nina rupaptinmi wanuyarqan o wañuyarqan.+
19 Horeb jirkachömi metalta tsulluykatsir mallwa töruta rurayarqan,
tsë santuman qonqurikurmi adorayarqan.+
20 Poderösu Diosta adorayänampa rantinmi,
pëkunaqa, qewa mikoq töru niraqta rurëkur adorayarqan.+
21 Pëkunapaq Egiptuchö imëka ruranqanta rikashqa këkarpis,+
salvaqnin Teyta Diostaqa qonqëkuyarqanmi.+
22 Teyta Diosqa, Campa+ nacionninchömi imëkakunata rurarqan;
Puka lamar+ kuchunchömi espantëpaqkunata rurarqan.
23 Teyta Diosqa pëkunata ushakätsitam munarqan.
Tsënam akranqan Moisesqa, pëkunata mana ushakätsinampaq rogakurqan,
tsëmi ushakätsirqantsu.+
24 Pëkunaqa Teyta Dios äninqan markakunatapis manam munayarqannatsu;+
änikunqanmampis manam markäkuyarqantsu o yärakuyarqantsu.+
25 Carpa* wayinkunachömi reclamakur kayarqan.+
Jehovä parlapanqantapis manam cäsuyarqantsu.+
26 Tsëmi Teyta Diosqa,
pëkunata tsunyaq jirkachö ushakätsinampaq nirqan.+
27 Y pëkunapa kastankunata chikeq nacionkuna wanutsiyänampaq
y mëtsë nacionkunapa ëwakuyänampaqmi nirqan.+
28 Tsëpitanam pëkunaqa, Peor niyanqan sitiuchö Baal santuta adorayarqan;+
y wanushqakunapaq cosinayanqan mikuytam mikuyarqan.
31 Tsëta ruranqampitam Finehastaqa,
alli ruraq nuna kanqampita imëpis yarpäyanqa.+
32 Pëkunaqa Meribä* yaku kuchunchömi Teyta Diosta yapë cöleratsiyarqan.
Pëkuna tsënö kayanqampitam Moisespis castïguta chaskirqan.+
36 Tsë nunakunapa santunkunatam adorayarqan.+
Tsëkunata rurarmi imëka mana alliman chäyarqan.+
37 Demoniukunata adorarmi warmi wamrankunata
y ollqu wamrankunata rupatsiyaq.+
38 Culpannaq nunakunatam wanutsiyarqan.+
Canaanchö santukunata+ adorarmi warmi wamrankunata
y ollqu wamrankunata rupatsiyarqan.
Tsënö mana allita rurayaptinmi tsë markakunaqa limpiunatsu kayarqan.
39 Mana allikunata rurarninmi melanëpaqna kayarqan.
Teyta Diosta dejarmi* santukunatana adorayarqan.+
40 Tsëmi Teyta Jehoväqa sirweqninkunata castigarqan.
Akranqan nunakunatam melanarqan.
42 Chikeqnin nunakunam sufritsiyaq,
y pëkunapa poderninchömi kayaq.
43 Teyta Diosqa, kutin kutinmi salvaq.+
Peru pëkunaqa mana cäsukurmi mana allikunata rurayaq,+
45 Tsënö sufriyanqanta rikarmi, acuerdu rurayanqantapis yarpäreq.
Y alläpa kuyakoq karmi llakipaq.*+
47 Teyta Jehovä, Diosnïkunam kanki, salvëkayämë.+
Mëtsë nacionchömi rakikar ushashqa këkäyä,
markäkunaman kutïkatsiyämë.+
Tsënöpam sagrädu jutikipita agradecikur kushishqa alabayashqëki.+
48 Israelpa Diosnin Jehovä imëyaqpis alabashqa këkullätsun.+
Y mëtsë nacionchö nunakuna,
“¡Tsënö kallätsun!”* niyätsun.
¡Teyta Jehoväta* alabayë!
PITSQA KAQ LIBRU
(Salmos 107-150)
2 Tsënö niyätsun Teyta Jehovä salvanqan nunakuna,
chikeqninkunapita salvamunqan nunakuna,+
3 mëtsë nacionpita kutitsimunqan nunakuna,+
inti o rupay jeqanan y yarqamunan lädupita,
norti lädupita y sur lädupita kutitsimunqan nunakuna.+
4 Pëkunaqa oqrakashqanömi tsunyaq sitiuchö wakpa këpa puriyarqan,
manam tariyarqantsu kawakuyänampaq markaman ëwaq nänita.
5 Mallaqäyarqanmi y yakunäyarqanmi,
y alläpa purishqa kayaptinmi kallpankunapis karqannatsu.
6 Imanö këtapis mana puëdirmi Teyta Jehoväman rogakur mañakuyarqan.+
Pëqa tsënö sufrikäyaptinmi salvarqan.+
7 Teyta Diosqa, alli nänipam pusharqan.+
Tsëmi kawakuyänampaq markaman chäyarqan.+
8 Alläpa kuyakoq kanqampita y nunakunapaq imëkata ruranqampita,+
Teyta Jehoväta llapan nunakuna agradecikuyätsun.+
9 Pëmi yakunëkaq nunata yakun qarashqa,
y mallaqëkaq nunatam alli allita mikutsishqa.+
10 Wakinkunaqa wanuyänampaqnam këkäyarqan,
alli cadenashqa prësurarmi alläpa sufriyarqan.
11 Tsënöqa sufriyarqan Teyta Dios ninqanta mana cäsukuyanqampitam,
Llapanta Gobernaq Poderösu Diosta mana respetayanqampitam.+
12 Humildi këta yachakuyänampaqmi Teyta Diosqa imëkapa pasayänanta permitirqan+
y mana allikunaman ishkiriyaptinqa manam ni pï yanaparqantsu.
13 Imanö këtapis mana puëdirmi Teyta Jehoväman rogakur mañakuyarqan.
Pëqa tsënö sufrikäyaptinmi salvarqan.
14 Wanuyänampaqna këkäyaptinmi salvarqan,
y cadenashqa këkäyaptinmi librarqan.+
15 Alläpa kuyakoq kanqampita+ y nunakunapaq imëkata ruranqampita,
Teyta Jehoväta llapan nunakuna agradecikuyätsun.
16 Pëmi cobripita rurashqa punkukunata ushakätsishqa,
y fiërrupita rurashqa trancankunatapis pakirmi ushashqa.+
17 Pëkunaqa upam kayarqan,
tsëmi jutsata* rurayanqampita+ y mana allikunata rurayanqampita sufriyarqan.+
18 Pëkunaqa mikuypa gustuntapis manam tariyarqantsu
y ushakäyänampaqnam këkäyarqan.
19 Imanö këtapis mana puëdirmi Teyta Jehoväman rogakur mañakuyarqan.
Pëqa tsënö sufrikäyaptinmi salvarqan.
20 Teyta Diosqa parlaparmi alliyätsirqan,+
y sepultürapitanam salvamurqan.
21 Alläpa kuyakoq kanqampita y nunakunapaq imëkata ruranqampita,
Teyta Jehoväta llapan nunakuna agradecikuyätsun.
22 Agradecikur qarëkunata rupatsiyätsun,+
y llapan ruranqampita qayëkachar kushishqa willakuyätsun.
23 Barcuwan viajaqkuna
y lamarllapa juk nacionpita imëkata apamur trabajaqkunam,+
24 Teyta Jehovä lamarchö imëkakunata kamanqanta rikäyashqa.+
25 Tsëchömi rikäyashqa,
parlariptinlla alläpa vientuwan lamar yaku laqcheqsaqta.+
26 Barcuwan pureqkunatam yaku laqcheqsar altuman pallarkun.*
Tsëpita kutirkatsimurnam yaku rurinman illakäratsin,
y mantsakarmi ima rurëtapis puëdiyantsu.
27 Machashqanömi wakman këman ishkiyan,
barcuwan alli purita yacharpis manam ima rurëta puëdiyantsu.+
28 Tsëmi pëkunaqa imanö këtapis mana puëdir, yanapëkunampaq Teyta Jehoväman mañakuyan,+
y pëqa alläpa sufrikäyaptinmi salvan.
29 Alläpa vientuta päratsiptinmi,
laqcheqsëkaq lamarpis päran.+
30 Laqcheqsëkaq yaku pärariptinmi pëkunaqa kushikuyan.
Teyta Diosqa chëta munayanqan puertumanmi pushan.
31 Alläpa kuyakoq kanqampita y nunakunapaq imëkata ruranqampita,
Teyta Jehoväta llapan nunakuna agradecikuyätsun.+
32 Mëtsika nunakuna juntarëkäyanqanchö alabayätsun,+
dirigeqkuna niyanqannö alabayätsun.
33 Teyta Diosqa mayukunatam* tsaki patsaman tikratsin,
y yaku kanqan sitiukunatapis tsaki patsaman tikratsin.+
34 Alli wayoq chakrakunata kachiman tikratsiptinmi ni imapis wayunnatsu.+
Tsëtaqa ruran tsëchö kawaqkuna mana allita rurayaptinmi.
35 Yaku mana kanqan sitiukunachömi plantayoq qochakunata* yuritsin.
Tsaki chakrakunachömi pukyukunata yuritsin.+
38 Teyta Diosmi bendicin, tsëmi mëtsika familiayoq tikrayan,
y animalninkunapis mëtsikam miran.+
39 Chikeqninkuna sufritsiyaptin
y imëka desgraciapa pasarmi wallkaqllana quedayan.
40 Teyta Diosmi gobernaqkunata penqakatsin,
y tsunyaq sitiukunachö oqrakashqa puriyänantam permitin.+
41 Peru waktsakunataqa, nuna mayinkuna mana sufritsiyänampaqmi Teyta Dios cuidan,+
y familiankunapis mëtsika üshanö kayänantam permitin.
42 Tsëta rikarmi allita ruraq nunakunaqa kushikuyan,+
peru mana allita ruraq nunakunaqa upällam kayan.+
43 Yachaq nunaqa këkunamanmi yarparanqa,+
alläpa kuyakoq kar Teyta Jehovä llapan ruranqankunamanmi pensanqa.+
David qellqanqan salmus. Cancion.
108 Teyta Dios, shonqüchöqa qamllatam kuyaq. Manam imëpis qonqashqëkitsu.
Llapan shonqüwanmi alabarniki tocar cantamushaq.+
2 Tempränullam riyakushaq o rikchakushaq, arpata+ y cuerdayoq instrumentukunatam qampaq tocamushaq.
Tsëmi tempränulla shärikushaq.
3 Teyta Jehovä, mëtsë marka nunakuna wiyëkäyaptinmi alabashqëki.
Mëtsë nacionchö nunakuna wiyëkäyaptinmi qampaq cantamushaq.*
4 Teyta Dios, qamqa alläpa kuyakoqmi kanki.
Kuyakoq kanqëkiqa ciëluyaqmi chan,+
y änikunqëkita cumplinqëkiqa pukutëkuna këkanqanyaqmi chan.
5 Teyta Dios, ciëluchöpis y patsachöpis qamllam alläpa puëdeq kanki.
Tsënö kanqëkitaqa llapankuna musyayätsun.+
6 Kuyanqëki nunakuna salvakuyänampaq derëcha makikiwan noqakunata salvëkayämë y qayakayämuptï wiyëkayämë.*+
7 Teyta Diosqa alläpa limpium,* y kënömi nishqa:
“Siquem markatam sirwimaqnïkunata herenciankuna kushishqa entregashaq.+
Y Sucot pampatapis* medir medirmi entregashaq.+
9 Moabqa makïta yakuwan awikunä* tazon cuentam.+
Edommannam llanqïta jitashaq.+
Filisteukunata vencirnam kushishqa qayëkachäshaq”.+
10 ¿Piraq pushamanqa alli murallashqa markaman?
¿Piraq Edomyaq pushamanqa?+
11 Teyta Dios qamchi pushayämanki. Qamchi venciyänäpaq yanapayämanki.
¿Peru imanöraq yanapayämanki dejayämashqa këkarqa? Mananam soldädükunatapis yanapankinatsu.+
12 Nunakuna yanapayämanqanqa manam imapaqpis välintsu.+
Teyta Dios, mana allikunapa pasayanqa höra qam yanapëkayämë.+
Cantaqkunata dirigeqpaq. David qellqanqan salmus.
109 Teyta Dios, qamtam alabaq,+ ama upällaqa quedakuytsu.
2 Ulikuyta o llullakuyta gustaq mana alli nunam conträ parlan.
Ulikurmi noqapaq imëkata nin.+
3 Imatapis mana nikaptïmi,
cölerashqa shamur imëkata qayapäman.+
4 Kuyakoq kaptïmi chikiyäman.+
Peru noqaqa Teyta Dios, qammanmi mañakamü.
5 Yanapëkaptïpis conträmi shäriyan.+
Kuyakoq kaptïmi chikiyäman.+
6 Chikimaq nunaman, mana alli nunata mandë
derëcha lädunchö acusar kanampaq.
7 Juzgaqkuna condenayätsun.
Teyta Diosman mañakunqampis jutsa* katsun.+
Ruranampaq kaqta jukna ruratsun.+
9 Tsurinkunapis papäninnaq quedayätsun.
Warmimpis viuda quedatsun.
10 Tsurinkunaqa mëtsëchö mikuyta mañapakur puriyätsun.
Ishkishqa wayinkunapita yarqur mikuyta ashiyätsun.
11 Prestaqninkuna imëkankunatapis apakuyätsun.*
Imëka tarinqantapis forastëru nunakuna apakuyätsun.
12 Pëwanqa ama ni pï alli katsuntsu.*
Papäninnaq tsurinkunatapis llakipäyätsuntsu.*
13 Pëpa kastankunapis ushakäyätsun.*+
Jutintapis juklla qonqëkuyätsun.
14 Unë kastankuna jutsata* ruranqantapis Teyta Jehovä ama qonqatsuntsu.+
Mamänin jutsata ruranqampis borrakätsuntsu.
15 Mana alli rurayanqanta Teyta Jehovä imëpis yarpätsun.
Jutinkunatapis qonqëkuyätsun.+
16 Tsë nunaqa manam llakipäkuyta* yacharqantsu.+
17 Maldicikoq kanqampitam, maldicionta kikin chaskirqan.
Nuna mayimpaq bendicion kananta mana munanqampitam, kikimpaqpis bendicion karqantsu.
18 Maldicionqa entëruntam tsaparkurqan.
Cuerpunmanmi yakunö yëkurqan.
Y tullunkunamanmi aceitinö yëkurqan.
19 Maldiciyanqanqa imëka vistiranqan röpanö+
y wachakaranqan wachukunö katsun.
20 Conträ churakaqkunata y conträ parlaqkunataqa,+
tsënömi Teyta Jehovä castigan.
21 Llapanta Gobernaq Teyta Jehovä,
jutiki alabashqa kanampaq noqalläta yanapëkallämë.+
Qamqa alläpa kuyakoqmi kanki, salvëkallämë.+
22 Noqaqa manam ima rurëtapis puëdïtsu. Waktsam kallä.+
Shonqüpis alläpam nanan.+
23 Wäni o llantuy pasareqnömi ushakärï.
Röpapita tapsiyanqan chukllushnömi* kallä.
24 Mana mikuptïmi qonqüpis o qonqurnïpis kallpannaqna këkan.
Uyu karmi qaräwan tullullana këkä.
25 Imëkatam insultayäman.+
Rikäramarmi despreciamar peqankunata o umankunata kuyutsir asikuyan.+
26 Teyta Jehovä, qammi Diosnï kanki, yanapëkamë.
Alläpa kuyakoqmi kanki, salvëkallämë.
27 Llapan ruranqëkita musyayätsun.
Teyta Jehovä, qammi kë llapanta rurarqunki.
28 Maldiciyämaptin qam bendicïkamë.
Conträ sharkoqkuna penqakushqa quedayätsun.
Peru noqaqa sirweqniki karmi alläpa kushikushaq.
29 Conträ churakaqkunaqa penqakuyätsun.
Imëpis penqakushqalla puriyätsun.+
30 Teyta Jehovätaqa llapan shonqüwanmi alabashaq.
Atska nunakuna këkäyanqanchömi alabashaq.+
31 Teyta Diosqa, waktsa nunapa derëcha lädunchömi këkanqa
condenayaptin salvanampaq.
David qellqanqan salmus.
110 Jehovä Diosmi Mandakoq Teytalläta kënö nirqan:
2 Teyta Jehovämi, mandakur katsinqan tukrunta pallarkamunqa* Sionpita qallëkur mëtsëyaq gobernanëkipaq,* kënömi nishunki:
“Chikiyäshoqnikikunapa puntanchömi, gobernanki”.*+
3 Soldäduykikunata guërraman pushanqëki junaqmi sirwiyäshoqnikikunaqa,
voluntäninkunapita yanapakoq shayämunqa.
Patsa waranqampitam imëka shullyanöraq* mëtsika jövinkuna shayämunqa,
pëkunaqa noqapaq akrashqam kayan y alläpa shumaqmi kayan.
4 Teyta Jehovämi kënö nishurqëki:
“Qammi Melquisedecnö+ imëyaqpis sacerdöti kanki”.+
Tsë änishunqëkitaqa imëpis cumplinqam.
5 Teyta Jehovämi derëcha läduykichö këkanqa.+
Cöleranqan junaqmi llapan gobernantikunata ushakätsinqa.+
6 Mëtsë nacionchö nunakunatam juzgar castiganqa.+
Mëtsëchömi ayakuna jitaräkunqa.+
Jatun* nacionchö mandakoqtam ushakätsinqa.
7 Mandamaqnïqa nänipa ëwëkarmi, ëwëkaq yakuta upunqa.
Tsëmi umanta o pëqanta pallarkur* ëwanqa.
111 ¡Teyta Jehoväta* alabayë!+
א [älef]
Allita ruraq nunakuna juntakäyanqanchö y mëtsika nunakuna kayanqanchömi,
ב [bet]
Teyta Jehoväta llapan shonqüwan alabashaq.+
ג [guïmel]
2 Teyta Jehovä ruranqankunaqa espantakuypaqmi.+
ד [dälet]
Tsëta rikar kushikoqkunam imanö kanqanta musyëta munayan.+
ה [he]
3 Llapan ruranqampis alläpa shumaqmi.
ו [waw]
Justiciata ruranqanqa manam imëpis ushakantsu.+
ז [zayin]
4 Espantëpaqkunata Teyta Dios ruranqantaqa, manam nunakuna qonqayantsu.+
ח [jet]
Teyta Jehoväqa alläpa allim y llakipäkoqmi.*+
ט [tet]
5 Respetaqkunatam* pacha juntata katsin.+
י [yod]
Ruranqan acuerdutam imëpis yarparan.+
כ [kaf]
מ [mem]
7 Teyta Dios parlanqanqa rasumpa kaqllam y ruranqampis allillam.+
נ [nun]
Llapan mandakunqankunaqa confiakuypaqmi.+
ס [sämekh]
8 Kanampis y imëpis confiakuypaqmi.
ע [ayin]
Parlanqanqa rasun kaqllam y llapan ruranqampis allillam.+
פ [pe]
9 Pëqa sirweqninkunatam salvashqa.+
צ [sadë]
Ruranqan acuerdu imëpis mana ushakänampaqmi mandakushqa.
ק [qof]
Jutinqa alläpa shumaqmi y alläpa limpium.+
ר [resh]
10 Yachaq këtaqa qallantsik, Teyta Jehoväta respetarmi.*+
ש [shin]
Mandakunqanta cäsukoq nunaqa alli pensëta yachaq nunam.+
ת [taw]
Teyta Diosqa imëyaqpis alabashqam kanqa.
112 ¡Teyta Jehoväta* alabayë!+
א [älef]
Teyta Jehoväta respetaq* nunaqa kushishqam kawakun.+
ב [bet]
Y mandakunqantapis kushishqam cumplin.+
ג [guïmel]
2 Pëpa kastankunaqa puëdeqmi kayanqa.
ד [dälet]
Alli nunakunapa kastankunaqa bendiciontam chaskiyanqa.+
ה [he]
3 Wayinchöqa mëtsikam imëkankuna kan.
ו [waw]
Imëka allikunata ruranqampis manam ushakantsu.
ז [zayin]
4 Allita ruraq nunakunapaqqa, Teyta Diosta respetaq nunaqa, paqaspa aktsinömi atsikyan.+
ח [jet]
Llapankunapaqmi alläpa alli, llakipäkoq*+ y allita ruran.
ט [tet]
5 Alli nunaqa faltapakoqkunatam llakipar* imatapis mañëkun, tsëkunata ruranqampitam imëka allikunata tarin.+
י [yod]
Ima asuntuta arreglarpis allillatam ruran.
כ [kaf]
6 Imapis pasaptinqa manam mantsakanqatsu.+
ל [lämed]
Alli ruraq nunataqa imëpis yarpäyanqam.+
מ [mem]
7 Mana alli noticiakunata willayaptimpis manam mantsakanqatsu.+
נ [nun]
Teyta Jehoväman confiakurmi tranquïlulla këkanqa.+
ס [sämekh]
8 Valienti karmi mantsakanqatsu.+
ע [ayin]
Chikeqninkuna ushakäyaptimpis kushishqam rikaranqa.+
פ [pe]
9 Pëqa alli karmi waktsakunata y pïmëtapis qarëkun.+
צ [sadë]
Imëka allikunata ruranqampis manam ushakanqatsu.+
ק [qof]
Puëdeqmi tikranqa y pïmëmi respetanqa.
ר [resh]
10 Tsëta rikëkurmi mana alli nunaqa cöleranqa.
ש [shin]
Kiruntapis ruchuchütsinqam, y tsëpitanam wanur o wañur ushakärinqa.
ת [taw]
Mana alli nuna imatapis munanqanqa manam rurakanqatsu.+
113 ¡Teyta Jehoväta* alabayë!
Sirweqninkuna, Teyta Jehoväta alabayë.
Teyta Jehoväpa jutinta alabayë.
2 Kanampita qallëkur imëyaqpis,
Teyta Jehoväpa jutin alabashqa katsun.+
3 Inti o rupay yarqamunan lädupita jeqanan läduyaq,
Teyta Jehoväpa jutinta alabayätsun.+
4 Teyta Jehoväqa llapan nacionkuna janampam këkan.+
Puëdeq kanqampis ciëlu janampam këkan.+
5 Teyta Diosnintsik Jehovänöqa manam ni pï kantsu.+
Pëqa ciëlupitapis mas altuchömi këkan.
6 Teyta Diosqa, këkanqampitam ciëluta y patsata rikëkämun.+
7 Tsënöqa rikëkämun waktsa nunata yanapanampaqmi.
Faltapakoq nunata yanaparmi,+
8 mandakoq nunakunatawan juntu jamatsin,
markachö mandakoqkunatawan juntu.
9 Qolloq warmitam wayin kanampaq yanapan.
Y kushishqa kanampaqmi wamrankuna kananta permitin.+
¡Teyta Jehoväta* alabayë!
114 Egiptupitam, Israel yarqamurqan.+
Jacobpa kastankunam, juk idiömata parlaq nunakunapita yarqayämurqan.
2 Judäqa sagrädu sitiun karqan
y Israelmi gobernantin karqan.+
4 Jatun jirkakunam carnërunö saltayarqan,+
y taksha jirkakunam mallwa üshanö saltayarqan.
5 Lamar yaku, ¿imanirtan qeshpir ëwakurqëki?+
Jordan mayu, ¿imanirtan witikurqëki?+
6 Jatun jirkakuna, ¿imanirtan carnërunö saltayarqëki?
Taksha jirkakuna, ¿imanirtan mallwa üshanö saltayarqëki?
7 Patsa, Teyta Diospa puntanchö karkaryë,
Jacobpa Diosnimpa puntanchö karkaryë,+
8 Pëqa qaqakunachömi plantayoq qochakunata yuritsin
y pedernal rumikunapitapis yakutam yarqatsimun.+
115 Noqalläkunaqa manam imatapis mereciyätsu Teyta Jehovä, manam mereciyätsu,
tsëpa rantinqa jutiki alabashqa katsun.+
Qammi alläpa kuyakoq kanki y ninqëkitapis cumplinkim.+
2 Tsëmi mëtsë nacionchö nunakunaqa,
“¿mëchötan Diosnikikuna këkan?” nir parlayanqatsu.+
3 Diosnïkunaqa ciëluchömi këkan,
pëqa llapan munanqantam ruran.
4 Mëtsë nacionchö adorayanqan santukunaqa plätapita y örupita rurashqam.
Tsëkunataqa nunallam rurashqa.+
5 Tsë santukunaqa, shimin kaptimpis manam parlayantsu;+
nawin kaptimpis manam rikäyantsu;
6 rinrin kaptimpis manam wiyayantsu;
senqan kaptimpis manam muskiyantsu;
7 makinkuna kaptimpis manam yatëta puëdiyantsu;
chakinkuna kaptimpis manam puriyantsu;+
kunkan kaptimpis manam ni ima voz wiyakantsu.+
8 Santukunata ruraqkuna y tsë santukunaman confiakoqkunaqa,+
tsë santukunanömi imapaqpis mana väleq tikrayanqa.+
9 Teyta Jehoväman confiakuy Israel.+
Pëmi yanapashunki y escüdu cuenta tsapäshunki.+
10 Aaronpa+ kastankuna, Teyta Jehoväman confiakuyë.
Pëmi yanapayäshunki y escüdu cuenta tsapäyäshunki.
11 Teyta Jehoväta respetaqkuna,* Jehoväman confiakuyë.+
Pëmi yanapashunki y escüdunömi tsapäshunki.+
12 Teyta Jehoväqa yarpämantsikmi, y bendicimäshunmi.
Israelpa kastankunatam bendicinqa,+
Aaronpa kastakunatapis bendicinqam.
14 Teyta Jehovä bendiciyäshuptikim,
qamkunapis y tsurikikunapis mirayanki.+
15 Teyta Jehoväpita bendicionta chaskiyätsun.+
Pëmi ciëlutapis y patsatapis kamarqan.+
18 Peru noqantsikqa kanampita qallëkurmi,
Teyta Jehoväta* imëyaqpis alabashun.
¡Teyta Jehoväta* alabayë!
116 Teyta Jehoväqa qayakuptï wiyamanmi, rogakuptï yanapamanmi.
Tsëmi pëtaqa kuyä.+
3 Wanuypis o wañuypis imëka waskawannömi watamëta munarqan.
Wanunäpaqnam këkarqä.+
Alläpam llakikurqä y yarpachakurqä.+
4 Tsëmi Teyta Jehoväman kënö nir rogakurqä:+
“Teyta Jehovä salvëkallämë”.
5 Teyta Jehoväqa alläpa allim, imëkatapis allillata ruraqmi.+
Teyta Diosnintsikqa llakipäkoqmi.*+
6 Teyta Jehoväqa, mana yachaqkunatam cuidan.+
Alläpa llakishqa këkaptïmi yanapamarqan.
7 Teyta Jehoväqa kuyamarmi yanapamashqa.
Kananqa yapëmi tranquïlu këkä.
8 Waqanäpaq kaqpita
y mana alliman ishkinäpaq kaqpitam salvamarqunki.
Wanuypitapis o wañuypitapis salvamarqunkim.+
9 Kawëkarqa Teyta Jehovätam sirwikäshaq.
10 Teyta Diosman markäkurmi o yärakurmi parlarqä.+
Alläpam sufrirqä.
11 Alläpa mantsakarmi nirqä:
“Llapan nunakunapis ulim o llullam kayan”.+
12 Imëkanöpa Teyta Jehovä yanapamanqantaqa,
¿imanöraq kutitsishaq?
13 Cöpachö qaramanqantam chaskishaq.
Teyta Jehoväpa jutintam parlashaq.
16 Sirweqniki karmi, Teyta Jehovä rogakamü.
Sirwishoqniki warmipa wawanmi kallä.
Qammi cadenashqa këkaptï salvamarqunki.+
17 Agradecikurnikim qarëkunata rupatsimushaq.+
Teyta Jehovä, jutikitam parlashaq.
19 Tsëtaqa cumplishaq Jerusalen markachömi;
Teyta Jehoväpa templumpa patiunkunachö.+
117 Mëtsë nacionchö nunakuna, Teyta Jehoväta alabayë.+
Mëtsë markakunachö nunakuna, Teyta Diosta alabayë.+
2 Pëqa alläpam kuyamantsik.+
Teyta Jehoväqa manam ni imëpis+ dejamäshuntsu.+
118 Allillata ruranqampita Teyta Jehoväta agradecikuyë.+
Pëqa imëpis alläpa kuyakoqllam këkan.
2 Kananqa Israel,
“pëqa imëpis alläpa kuyakoqllam këkan” nitsun.
3 Kananqa Aaronpa kastankuna,
“pëqa imëpis alläpa kuyakoqllam këkan” niyätsun.
4 Kananqa Teyta Jehoväta respetaqkuna,*
“pëqa imëpis alläpa kuyakoqllam këkan” niyätsun.
5 Alläpa yarpachakurmi Teyta Jehoväman* qayakurqä.
Teyta Jehoväqa* wiyamarqanmi, y alli següru* sitiumanmi pushamarqan.+
6 Teyta Jehovämi yanapëkäman, manam imatapis mantsashaqtsu.+
Nunaqa manam imanamanqatsu.+
7 Teyta Jehovämi yanapëkäman,* pëmi yanapaman.+
Tsëmi chikimaqkuna ushakäyaptin kushishqa rikaräshaq.+
8 Nunakunaman confiakunantsikpa rantinqa,
Teyta Jehoväman confiakunqantsikmi mas alliqa.+
9 Mandakoq nunakunaman confiakunantsikpa rantinqa,
Teyta Jehoväman confiakunqantsikmi mas alliqa.+
10 Mëtsë nacionpita nunakunam atacayämarqan.
Peru Teyta Jehoväpa jutinchö pärapuptïmi qeshpir ëwakuyarqan.+
11 Awmi, atacayämarqanmi, entëru lädupam atacayämarqan.
Peru Teyta Jehoväpa jutinchö pärapuptïmi qeshpir ëwakuyarqan.
12 Mëtsika abëjanömi atacayämarqan.
Kashaman nina prendirkur juklla upireqnömi ushakäyarqan.
Peru Teyta Jehoväpa jutinchö pärapuptïmi qeshpir ëwakuyarqan.+
13 Ishkinäpaqmi fuertipa tanqayämarqan.*
Peru Teyta Jehovämi yanapamarqan.
15 Teyta Dios chikeqninkunata vencishqa kaptinmi,
alli nunakunaqa carpa* wayinkunachö kushishqa qayëkachar këkäyan.
Teyta Jehoväpa derëcha kaq rikranqa alläpa poderösum.+
16 Teyta Jehoväpa derëcha kaq rikranqa venciskirmi pallarirëkan.*
Teyta Jehoväpa derëcha kaq rikranqa alläpa poderösum.+
17 Noqaqa manam wanushaqtsu, kawëkäshaqmi.
Tsëmi Teyta Jehovä* llapan ruranqanta willakushaq.+
18 Teyta Jehoväqa* fuertipam castigamarqan.+
Peru manam wanutsimarqantsu.+
20 Këmi Teyta Jehoväpa punkun.
Këpam alli ruraq nunakuna yëkuyanqa.+
21 Teyta Dios, mañakamuptï wiyamashqa kaptiki
y salvamashqa kaptikim alabashqëki.+
23 Këqa Teyta Jehoväpitam shamushqa.+
Noqantsikpaqqa alläpa shumaqmi.+
24 Tsë junaqtaqa Teyta Jehovämi patsätsishqa.
Tsë junaqqa alläpa kushishqam kashun.
25 Teyta Jehovä, salvayämänëkipaqmi rogakayämü.
Teyta Jehovä, chikimaqkunata venciyänäpaq yanapëkayämë.
26 Teyta Jehovä bendicïkullätsun pëpa jutinchö shamoqta.+
Teyta Jehoväpa wayimpitam mañakayämushaq qamkunata bendiciyäshunëkipaq.
27 Jehovämi Diosnintsik,
pëmi aktsimantsik.+
28 Teyta Dios, qammi Diosnï kanki. Qamtam alabayashqëki.
Teyta Dios, noqaqa qamtam alabashqëki.+
29 Allillata ruranqampita Teyta Jehoväta agradecikuyë.+
Pëqa imëpis alläpa kuyakoqllam këkan.+
א [älef]
2 Teyta Dios consejaptin cäsukoqkuna
y yachatsinanta llapan shonqunkunawan asheqkunaqa+ kushishqam kayan.+
3 Mana allikunataqa manam rurayantsu,
Teyta Dios munanqannömi kawakuyan.+
4 Teyta Dios, qammi niyämarqunki
mandakunqëkita llapanta cumpliyänäpaq.+
5 Ima alliraq këkunman,+
¡mandakunqëkita cäsukur imëpis kawakuptïqa!
6 Tsëqa mandakunqëkikunata yachakur,
manachi penqakümantsu.+
7 Teyta Dios, leynikikunaqa* allillam,
tsëpita yachakurmi limpiu shonqüwan alabashqëki.
8 Mandakunqëkitaqa cäsukushaqmi,
ama imëpis dejallämëtsu.
ב [bet]
9 ¿Imanöraq juk jövin mana allikunata mana rurar kawanman?
Imëpis allillata rurar y palabrëkita cäsukurmi.+
10 Teyta Dios, yachatsimänëkipaqmi llapan shonqüwan ashï.
Mandamientuykita imëpis cäsukunäpaq yanapëkamë.+
12 Teyta Jehovä, alabashqa këkullë.
Mandakunqëkikunata yachëkatsillämë.
13 Noqaqa llapan mandamientuykikunatam willakurqö.
15 Yachatsimanqëkimanmi alli pensashaq.*+
Munanqëkinö kawakunäpaqmi imë hörapis yarpäshaq.+
16 Leynikikunataqa kuyämi.
Palabrëkitaqa manam qonqashaqtsu.+
ג [guïmel]
18 Teyta Dios yanapëkallämë,
leynikichö qellqarëkaqta shumaq entiendinäpaq.
19 Kë patsachöqa forastërullam kallä,+
mandamientuykikunata entiendïkatsimë.
20 Juzgarnin condenanqëkitaqa,
¡imanömi musyëta munëkü!
21 Orgullösukunata y mandakunqëkita mana cäsukoqkunatam
qayapanki.+
22 Despreciamar burlapämaqkunapita librëkamë.
Noqaqa leynikitam* cäsukurqö.
23 Mandakoqkuna juntakëkur rimayämaptimpis,
noqaqa mandamientuykikunamanmi alli pensä.*
ד [dälet]
25 Mana allikunapa pasarmi wanushqanöna o wañushqanöna patsachö+ jitarëkä.
Änikunqëkinö* salvëkamë mana wanunäpaq.+
26 Llapan ruranqäta willapteqmi qamqa wiyamarqëki.
Mandamientuykikunata yachëkatsimë.+
27 Teyta Dios, yachatsimanqëkita alli entiendinäpaq yanapëkamë,
tsënöpam llapan ruranqëkiman alli pensashaq y munanqëkinö kawakushaq.+
28 Alläpa llakishqa karmi punuytapis tarïtsu,
änikunqëkinö* kallpayoqta tikrëkatsimë.
29 Mana alli rurëkunapita salvëkamë.+
Leynikita yachatsimar yanapëkamë.
30 Qam munanqëkinömi kawakushaq.+
Qamqa imëpis allim juzganki.
31 Teyta Jehovä, leynikikunataqa imëpis cäsukümi.+
Ama penqakuychö quedalläshaqtsu.+
32 Mandamientuykikunatam imëpis cäsukushaq.
Qammi maslla entiendinäpaq yanapamanki.*
ה [he]
33 Teyta Jehovä, mandamientuykikunata yachëkatsimë.+
Noqaqa wanukunqäyaqmi cumplishaq.+
34 Entiendïkatsimë
leynikita cäsukunäpaq
y llapan shonqüwan cumplinäpaq.
35 Mandamientuykikunata cäsukur kawakunäpaq yanapëkamë,+
tsëta cäsukurmi kushishqa kawakü.
36 Munënïllata mana ashinäpaq,
y leynikita llapan shonqüwan cäsukunäpaq yanapëkamë.+
39 Penqakuychö quedashqa karmi mantsakashqa këkä, yanapëkallämë.
Qamqa allim juzganki.+
40 Mandakunqëkitaqa alläpam kuyä, qamqa alli ruraqmi kanki,
ama wanunäta o wañunäta permitïkuytsu.
ו [waw]
42 Tsënöpam insultamaq nunata upällatsishaq,
noqaqa palabrëkimanmi confiakü.
43 Rasumpa kaqta willakunäpaq yanapëkamë.
Noqaqa justiciata ruranëkipaq kaqtam shuyarä.
44 Leynikitaqa cumplishaqmi,+
imëpis cumplishaqmi.
45 Mandakunqëkikunata cäsukurmi
mëta ëwarpis alli kawashaq.+
46 Leynikipita gobernantikunata parlaparpis,
manam penqakushaqtsu.+
47 Mandamientuykikunataqa kuyämi.
Awmi, rasumpam kuyä.+
48 Mandamientuykikunata kuyarmi, makïta pallarkur* mañakamushaq.+
Mandakunqëkikunamanmi alli pensashaq.*+
ז [zayin]
49 Änimanqëkita ama qonqëkullëtsu,
tsëtam shuyëkä.
50 Änikunqëkikunaman yarparanqämi mana allipa pasaptï yanapaman.+
Ninqëkikunaman confiakurmi kananyaq kawëkä.
51 Orgullösukuna noqapita alläpa burlakuyaptimpis,
leynikitaqa cumplikällam.+
53 Leynikikunata mana alli nunakuna mana cäsukuyaptinmi
alläpa cölerä.+
54 Mëchö kawaptïpis* noqapaqqa,
alläpa shumaq cancionkunanömi mandamientuykikunaqa.
55 Teyta Jehovä leynikita cumplita munarmi,+
paqaspapis jutikita yarparä.
56 Tsëtam imëpis rurarqö,
noqaqa yachatsimanqëkitam cäsukü.
ח [jet]
59 Imanö kawakunqämanmi yarpachakurqö,
tsënöpa leynikikuna ninqannö yapë kawakunäpaq.+
60 Mandamientuykikunataqa rasmi o sasmi cumplï.+
62 Pullan paqasmi sharkü qamta agradecikunaqpaq,+
qamqa allim juzganki.
y mandakunqëkita cäsukoqkunawanmi amïgu kä.+
64 Teyta Jehovä, alläpa kuyakoq kanqëkiqa kë patsachö imëkata ruranqëkichömi rikakun.+
Mandamientuykikunata yachëkatsimë.
ט [tet]
65 Teyta Jehovä, sirweqnikim kallä,
änikunqëkinömi* rikämarqunki.
66 Mandamientuykikunamanqa confiakümi.
Alli juiciuyoq kanäpaq yanapëkamë y yachaqta tikrëkatsimë.+
67 Unëqa cuentata mana qokurmi jutsata* ruraq* kä y alläpam sufreq kä,
peru kananqa palabrëki ninqannömi kawakü.+
69 Orgullösukunaqa ulikurkurmi o llullakurkurmi tumpayäman,*
peru noqaqa yachatsimanqëkitam llapan shonqüwan cäsukü.
72 Leynikita musyatsikunqëkiqa, noqapaqqa alläpa allim,+
örupita y pläta metalpita rurashqa mëtsika qëllëpitapis mas allim.+
י [yod]
73 Makikiwan ruramarmi kamamarqëki.
Mandamientuykita entiendinäpaq yachëkatsillämë.+
77 Mana wanunäpaq o wañunäpaq llakipëkallämë.*+
Noqaqa leynikita alläpam kuyä.+
78 Orgullösukunaqa, mana imanëkaptïmi* imëkata rurayäman,
penqakushqa ushayätsun.
Noqaqa yachatsimanqëkimanmi alli pensashaq.*+
79 Respetayäshoqnikikuna*
y leynikita musyaqkunaqa noqaman kutiyämutsun.
כ [kaf]
81 Palabrëkimanmi confiakü,
¡salvamänëkitam alläpa munëkullä!+
82 Palabrëki cumplikänantaqa rikëtanam munëkü.+
“¿Imëraq shoqamanki?” nirmi pensä.+
83 Qoyëwan o qoshniwan tsakishqa qara porongunömi kallä.
Peru mandamientuykikunataqa manam qonqätsu.+
84 ¿Imëyaqraq shuyaräshaq?
Chikimar qatikachämaqkunataqa, ¿imëraq juzgar castiganki?+
85 Orgullösukuna y leynikita mana cäsukoqkunam,
ishkinäta munar patsata uchkuyan.
86 Mandamientuykikunaqa llapampis confiakuypaqmi.
Mana imanëkaptïmi chikimaqkunaqa qatikachäyäman, yanapëkallämë.+
87 Cäsim wanutsiyämashqa o wañutsiyämashqa,
peru noqaqa mandakunqëkitam cäsukurqö.
88 Qamqa alläpa kuyakoqmi kanki, mana wanunäpaq salvëkallämë.
Mandamanqëki leykunatam cäsukushaq.
ל [lämed]
89 Teyta Jehovä, imanömi ciëlupis ushakantsu,
tsënöllam palabrëkipis ushakanqatsu.+
90 Änikunqëkitaqa imëpis cumplinkim.+
Kë patsataqa rurarqunki mana ushakänampaqmi.+
91 Qam mandakuptikim llapan kamanqëkipis kananyaq këkan.
Llapampis qamtam sirwiyäshunki.
92 Leynikita mana kuyarqa,
unënachi sufrir wanuküman o wañuküman karqan.+
93 Yachatsimanqëkitaqa manam qonqashaqtsu.
Tsëta cäsukushqa karmi kananyaq kawëkä.+
94 Noqaqa qampam kallä, salvëkallämë.+
Yachatsimanqëkikunatam cäsukurqö.+
95 Chikimaq nunaqa wanutsimänampaqmi shuyarëkäman,
peru noqaqa leynikikunatam llapanta cäsukü.
96 Rikarqömi imëkapis alli rurashqa kanqanta,
peru mandamientuykim tsëpitapis mas alliqa.
מ [mem]
97 ¡Leynikitaqa alläpam+ kuyä!
Imë hörapis tsëllamanmi pensëkä.*+
98 Mandamientuykiqa alläpam yanapaman,
tsëmi chikimaqkunapitapis mas yachaq kä.+
100 Mandakunqëkikunatam cäsukü,
tsëmi mayor nunakunapitapis mas alli portakü.
101 Palabrëki ninqannö kawakurmi,
mana allitaqa rurëta munätsu.+
102 Qam yachatsimashqa kaptikim,
mandamientuykikunataqa imëpis cumplï.
103 Palabrëkiqa alläpa shumaqmi.
Abëjapa mielnimpitapis masran mishkin.+
נ [nun]
106 Leynikikunaqa llapampis allillam,
cumplinäpaqmi änikurqö y cumplishaqmi.
107 Imëka mana allikunapa pasarmi alläpa sufrikä.+
Teyta Jehovä, änikunqëkinö* salvëkamë mana wanunäpaq o wañunäpaq.+
108 Teyta Jehovä, llapan shonqüwan alabanqaqta+ wiyëkallämë.
Leynikikunatapis yachëkatsillämë.+
109 Imë hörapis peligruchömi këkä,
peru leynikitaqa manam qonqätsu.+
110 Mana alli nunakunaqa ishkinäpaqmi trampata churayämun,
peru noqaqa mandamanqëkitam cäsukü.+
111 Leynikikunaqa imëpis mana ushakaq herenciä cuentam,
tsëwanmi kushishqa imëpis kakü.+
112 Mandamientuykikunataqa imëpis cumplishaqmi,
wanukunqäyaqmi o wañukunqäyaqmi cumplishaq.
ס [sämekh]
115 Noqaqa, Diosnï mandakunqankunatam cumplita munä,
mana alli nunakuna ama witipäyämëtsu.+
Llakishqa* mana quedanäpaq shuyaranqä cumplikëkullätsun.+
117 Teyta Dios, salvëkallämë.+
Tsënöpam imëpis mandamientuykikunata cumplishaq.+
118 Mandamientuykikunata mana cäsukoq nunakunataqa, qamqa manam cäsunkitsu.+
Tsë nunakunaqa alläpam ulikuyan o llullakuyan y pïmëtam engañayan.
119 Mana alli nunakunataqa basüratanömi jitarinki,+
tsëmi noqaqa leynikita kuyä.
120 Qamta mantsarnikim karkaryëkä,
leynikita mana kaqpaq churëtaqa alläpam mantsä.
ע [ayin]
121 Noqaqa alli kaqtam rurarqö y justiciatam rurarqö.
Sufritsimëta munaq nunakunapa makinchöqa ama dejamëtsu.
122 Sirwishoqnikim kallä, yanapamänëkipaq änïkallämë.
Ama orgullösukunaqa sufritsiyämätsuntsu.
123 Salvamänëkita munar+ alläpa rikachakamuptïmi, nawïpis rikannatsu.
Änikunqëkita* cumplinëkipaq kaqtam shuyarëkä.+
124 Alläpa kuyakoq kanqëkita musyanäpaq yanapëkamë.+
Mandamientuykikunata yachëkatsillämë.+
125 Sirwishoqnikim kallä,
leynikikunata entiendinäpaq yanapëkamë.+
126 Teyta Jehovä, nunakunaqa manam leynikita cäsukuyashqatsu,
tsëmi castiganëki junaq chämushqana.+
127 Noqaqa örupitapis masmi mandamientuykita kuyä,
alli kaq örupitapis mas.+
פ [pe]
129 Leynikikuna alläpa shumaq kaptinmi
noqaqa cäsukü.
131 Yakunëpanöran y mallaqëpanöran,
mandamientuykikunata yachakuyta munëkü.+
133 Alli kawakunäpaq palabrëkiwan yachëkatsimë,
mana alli munënïkuna vencimänanta ama permitïkullëtsu.+
134 Sufritsimaq nunakunapita salvëkallämë.
Tsëqa yachatsimanqëkita cäsukurmi kawakushaq.
135 Teyta Dios, qamqa kuyakoqmi kanki.+
Sirweqnikim kallä, mandamientuykikunata yachëkatsimë.
136 Nunakunaqa manam leynikita cumpliyantsu.
Tsëta rikar waqaptïmi weqïpis mayu* yakunöraq ëwan.+
צ [sadë]
138 Leynikikunaqa alli kaqllam
y confiakuypaqmi.
139 Qamta kuyanqaqqa, ninanöran shonqüchö rawran o lunyan.+
Chikimaqkunaqa manam palabrëkita cäsukuyashqatsu.
141 Mana kaqllam kallä y despreciayämanmi,+
peru yachatsimanqëkitaqa manam qonqarqötsu.
143 Llakikurpis y imëka mana allikunapa pasarpis,
mandamientuykitaqa kuyëkällam.
144 Leynikikunaqa llapampis allillam y manam ushakantsu.
Entiendinäpaq yanapëkamë,+ tsënöpam kawëkäshaqraq.
ק [qof]
145 Llapan shonqüwanmi qayakëkämü, wiyëkallämë Teyta Jehovä.
Mandamientuykitaqa cäsukushaqmi.
146 Salvëkamänëkipaqmi qamman mañakëkämü,
leynikikunataqa cäsukushaqmi.
147 Patsapis manaraq waraptin sharkurmi, yanapëkamänëkipaq waqar rogakamü.+
Änikunqëki cumplikänantam shuyarä.
149 Teyta Jehovä, qamqa alläpa kuyakoqmi kanki, parlapanqaqta wiyëkallämë.+
Allita ruraqmi kanki, ama wanunäta o wañunäta permitïkuytsu.
150 Penqakuypaq mana allita ruraq nunakunaqa chëkäyämunnam,
pëkunaqa manam imanöpapis leynikita cäsukuyantsu.
151 Teyta Jehovä lädüchömi këkanki.+
Llapan mandamientuykiqa rasumpa kaqllam.+
152 Tsëtaqa unënam leynikichö yachakurqä.
Imëpis mana ushakänampaqmi rurarqunki.+
ר [resh]
153 Teyta Dios, leynikitaqa manam qonqätsu.
Rikëkallämë, alläpam sufrikä, salvëkallämë.+
155 Mana alli nunakunaqa, manam ichikllapis mandamientuykita musyëta munayashqatsu,
tsëmi salvankitsu.+
156 Teyta Jehovä, qamqa alläpa llakipäkoqmi* kanki.+
Alli ruraqmi kanki, ama wanunäta o wañunäta permitïkuytsu.
157 Chikimar qatikachämaqkunaqa mëtsikaqmi kayan,+
tsënö kaptimpis noqaqa leynikikunatam cäsukü.
158 Engañakoq nunakunata rikarqa melanämi.
Pëkunaqa palabrëki ninqanta manam cäsukuyantsu.+
159 ¡Yachatsimanqëkitaqa alläpam kuyëkullä!
Teyta Jehovä, qamqa alläpa kuyakoqmi kanki, wanuypita salvëkamë.+
160 Teyta Dios, palabrëkiqa llapampis rasumpa kaqllam.+
Leynikikunaqa llapampis allillam y manam imëpis ushakanqatsu.
ש [sin o shin]
161 Mandakoqkunaqa ima mana allitapis mana rurëkaptïmi qatikachäyäman.+
Peru noqaqa palabrëkitam alläpa respetä.+
162 Palabrëkiman pensarqa,
imëka väleq cösaskunata tarikushqanömi alläpa kushikü.+
164 Leynikikuna alli kaptinmi,
cada junaq qanchis kuti alabaq.
166 Teyta Jehovä, salvamänëkitam shuyarä
y mandakunqëkikunatam cäsukü.
167 Leynikikunataqa cäsukümi,
y llapan shonqüwanmi kuyä.+
168 Mandakunqëkikunata y leynikikunatam cäsukü,
qamqa ima ruranqätapis rikëkankim.+
ת [taw]
169 Teyta Jehovä, yanapëkamänëkipaq rogakur qayakallämuptï wiyëkallämë.+
Alli entiendeq kanäpaq palabrëkiwan yachëkatsimë.+
170 Rogakur mañakamuptï wiyëkallämë.
Änikunqëkinö* salvëkallämë.
171 Qammi mandamientuykikunata yachatsimanki,
tsëmi kushishqa alabashqëki.+
172 Mandamientuykikunaqa alli kaqllam,
tsëmi palabrëkipita cantar alabashqëki.+
174 Teyta Jehovä, salvëkamänëkitaqa alläpam munä,
y leynikitapis alläpam kuyä.+
175 Ama permitïkullëtsu wanunäta o wañunäta, tsënöpam alabashqëki.+
Juzgar ninqëkikuna yanapamänampaq entiendïkatsimë.
176 Teyta Dios, oqrakashqa üshanömi këkä,+
shamur ashïkallämë.
Mandamientuykikunataqa manam qonqarqötsu.+
Jerusalenman witsëkar cantayanqan.*
2 Teyta Jehovä, ulikoq o llullakoq nunakunapita
y engañakoq nunakunapita salvëkallämë.
4 Puëdeq soldädupa alli afilashqa flëchanwan,+
y shanshëkaq o shankëkaq retämapa carbonninwanmi castigashunki.+
6 Tranquïlu kawakuyta mana gustaqkunawanqa,
atska tiempupanam juntu këkä.+
7 Noqaqa pïmëpis tranquïlu kawakunantam munä,
peru tsëpaq parlaptïqa, pëkunaqa guërra rurëllatam masqa munayan.
Jerusalenman witsëkar cantayanqan.
121 Jirkakunaman rikachakurmi,+
“¿piraq yanapamanqa?” nir pensä.
2 Ciëluta y patsata kamaq Teyta Jehovämi,
noqataqa yanapaman.+
4 Israelta cuidaqqa manam pununartsu këkanqa,
ni manam punukanqatsu.+
5 Teyta Jehovämi cuidëkäshunki.
Teyta Jehoväqa wäninömi o llantuynömi tsapäshunki,+ y derëcha läduykichömi këkan.+
8 Kanampitaqa Teyta Jehovämi imëyaqpis
y imata ruraptikipis* cuidashunki.
Jerusalenman witsëkar cantayanqan. David qellqanqan salmus.
122 “Aku, Teyta Jehoväpa wayinta ëwashun” niyämaptinqa,
alläpam kushikurqä.+
2 Kananqa Jerusalen marka,
punkuykipa yëkamurmi rurichöna këkäyä.+
4 Tsë markamanmi witsäyashqa,
Teyta Jehoväta* sirweq Israelpa kastankuna.
Tsëmanqa ëwayashqa,
ley mandakunqannö Teyta Jehoväpa jutinta agradecikuyänampaqmi.+
5 Tsëmanmi churayarqan juzgayänampaq jamakuyänan sïllakunata.+
Davidpa kastankuna juzgar jamakuyänan sïllakunata.+
6 Jerusalenta imapis mana pasanampaq Teyta Diosman mañakuyë.+
Jerusalen, qamta kuyayäshoqnikikunaqa allim kawakuyanqa.
7 Murällëkipita* rurimanqa alli kawakuyätsun,
alli rurashqa törrikipita rurimanqa, imatapis mana mantsar kawakuyätsun.
8 Familiäkunata y amïgükunata kuyarmi kënö nishaq:
“Jerusalen, qamchö kawaq nunakuna alli kawakuyätsun”.
9 Diosnïkuna Teyta Jehoväpa wayinta kuyarmi,+
alli kanëkita munar imëkatapis qampaq ruramushaq.
Jerusalenman witsëkar cantayanqan.
123 Ciëluchö mandakur jamarëkaq Teyta Dios,
qammanmi rikarämü.+
2 Imanömi sirwipakoq nuna, patronnimpa makinta rikaran
y sirwipakoq warmi patrönampa makinta rikaran,
tsënöllam noqakunapis yanapayämänëkita munar+ Teyta Jehovä qamman rikaräyämü.+
3 Yanapëkayämë Teyta Jehovä, yanapëkayämë,
despreciayämaptin mananam aguantayänatsu.+
4 Kikinkunallaman confiakoqkuna noqakunapita burlakuyaptin
y orgullösukuna despreciayämaptin, manam aguantayänatsu.
Jerusalenman witsëkar cantayanqan. David qellqanqan salmus.
124 “Teyta Jehovä mana yanapamashqantsik kaptinqa...”.+
Israelïtakuna kënö niyätsun:
2 “Teyta Jehovä mana yanapamashqantsik kaptinqa,+
nunakuna atacamarnintsikchi,+
3 alläpa cölerar+ wanutsimashwan karqan,+
4 imëkata apakoq yakunöchi ushakätsimashwan karqan,
mayu* yakunöchi ushakätsimashwan karqan,+
5 mëtsika yakunöchi pitu piturkur apakamashwan karqan.
6 Teyta Jehovä alabashqa këkullätsun.
Pëmi tsapämarquntsik chikimaqnintsikkuna mikukoq chukaru animalnö këkäyaptimpis.
7 Pishqu tsareqpa trampampita,+ pishqu qeshpeqnömi qeshpimurquntsik.
Trampa rachiriptinmi ëwakamurquntsik.+
8 Noqantsiktaqa, ciëluta y patsata kamaqmi yanapamantsik,
pëpa jutinqa Jehovämi”.+
Jerusalenman witsëkar cantayanqan.
125 Teyta Jehoväman confiakoqkunaqa,+ Sion jirkanömi kayan.
Sion jirkataqa manam imapis kuyutsintsu y manam imëpis ushakanqatsu.+
2 Imanömi Jerusalen markapa entëru lädumpa jirkakuna kan,+
tsënömi Teyta Jehoväqa,
kanampis y imëyaqpis sirweqninkunapa entëru lädunchö këkanqa.+
3 Mana alli nunakunaqa, mananam alli nunakunata gobernayanqanatsu.+
Pëkuna gobernayaptinqa, alli nunakunam mana allikunata rurar qallëkuyanman.+
5 Mana allikunata rurar qallaqkunataqa,
mana allikunata ruraqkunatawan juntum Teyta Jehovä ushakätsinqa.+
Israelchö alli kawakuyë.
Jerusalenman witsëkar cantayanqan.
126 Mëtsë nacionchö esclävu këkanqantsikpita Teyta Jehovä Sionman+ kutitsimashqaqa,
suëñuykanqantsiktam pensarqantsik.
2 Tsë witsanqa alläpa kushishqam karqantsik, y kushikurmi qayëkacharqantsik.+
Tsë witsanmi mëtsë nacionpita nunakunaqa,
“imëkatam Jehoväqa pëkunapaq rurashqa” niyarqan.+
3 Teyta Jehoväqa, imëkatam noqantsikpaq ruramushqa,+
tsëmi alläpa kushishqa këkantsik.
4 Teyta Jehovä, alläpa tamyaptin Nëguebman yaku ëwaqtanöraq,
mëtsë nacionchö esclävu këkaq sirwishoqnikikunata kutïkatsillämuy.
5 Waqar waqar murukoqkunaqa,
alläpa kushishqam qayëkachar cosechayanqa.
6 Murun apakurkur waqar waqarpis yarqoq kaqqa,
manöjun mellqashqanam+
qayëkachar kushishqa kutimunqa.+
Jerusalenman witsëkar cantayanqan. Salomon qellqanqan salmus.
127 Teyta Jehovä wayita mana ruraptinqa,
wayi ruraqkuna alli trabajayanqampis manam imapaq välintsu.+
Teyta Jehovä markata mana defendiptinqa,+
tsë markata cuidëkar waräyanqampis manam imapaq välintsu.
2 Teyta Dios mana bendiciyäshuptikiqa,
manam imapaqpis sirwintsu tempränu shärikuyanqëki, paqasyaq riyëkar o rikchëkar quedayanqëki,
o mikuyta tariyänëkipaq alli trabajayanqëkipis.
Sirweqninkunataqa Teyta Diosmi cuidan y alli punuyänampaqmi yanapan.+
3 Wamrakunaqa Teyta Jehovä qaramanqantsik herenciam kayan.+
Awmi, wamrakunaqa Teyta Diospa bendicionninmi kayan.+
5 Flëcha puritsinanchö atska flëchayoq* nunaqa, kushishqam kawakun.+
Manam penqakushqa purinqatsu.*
Pëkunanam chikeqninkunawampis markapa punkunchö parlayanqa.*
Jerusalenman witsëkar cantayanqan.
2 Alli trabajarnin tarinqëkikunatam mikunki,
kushishqam kawakunki y imëkayoqmi kanki.+
3 Wayikichö warmikiqa, alli wayoq üvasnömi atska wamrayoq kanqa,+
y tsurikikunam entëru lädupa tseqllimushqa olïvusnö mësëkichö jamaräyämunqa.
5 Teyta Jehovämi Sion jirkapita bendicishunki.
Kawëkarqa Jerusalen markatam imëkayoq kanqanta rikanki,+
6 y willkëkikunatapis rikankim.
Israelchö alli kawakuyë.
Jerusalenman witsëkar cantayanqan.
129 “Jövin kanqäpitam kutin kutin atacayämashqa...”.+
Kananqa israelïtakuna kënö niyätsun:
2 “Jövin kanqäpitam kutin kutin atacayämashqa.+
Peru manam venciyämashqatsu.+
5 Penqakushqam quedayanqa,
Sionta chikeqkunaqa penqakushqam qeshpir ëwakuyanqa.+
6 Pëkunaqa wayi jananchö winaq mana alli qoranömi* kayanqa.
Manaraqpis rachiyaptinmi tsakir ushakäyanqa.
7 Cosechaq ëwaqqa, manam juk aptëllatapis cosechanqatsu,
manam ni juk aptë manöjullatapis tarinqatsu.
8 Tsëpa pasaqkunaqa manam ni mëqampis kënö niyanqatsu:
“Teyta Jehovä bendicïkuyäshuy,
bendicïkuyäshunëkipaqmi Teyta Jehoväman mañakayämushaq”.
Jerusalenman witsëkar cantayanqan.
130 Alläpa yarpachakurmi qayakëkämü Teyta Jehovä.+
2 Wiyëkallämë Teyta Jehovä,
yanapamänëkipaq rogakamuptï wiyëkallämë.
3 Teyta Jehovä,* qamqa manam llapan pantayanqäkunata mana qonqanëkipaq apuntartsu* këkanki,
tsëta ruraptikiqa, manachi ni jukllëllapis kawëkäyämantsu Teyta Jehovä.+
5 Noqaqa, Teyta Jehovä änikunqantam shuyarëkä,
llapan shonqüwanmi shuyarëkä,
palabranmampis confiakümi.
6 Teyta Jehovä yanapamänantaqa alläpam shuyëkä,+
markata cuidaqkuna, patsa warämoqta shuyaräyanqampitapis masmi shuyëkä.+
Awmi, patsa warämunqanta shuyaräyanqampitapis masmi shuyëkä.
7 Israelïtakuna Jehoväta shuyarar këkäyätsun,
Teyta Jehoväqa alläpa kuyakoqmi+
y salvamänapaqpis alläpa poderösum.
8 Israelïtakunatam llapan jutsata* rurayanqampita perdonanqa.
Jerusalenman witsëkar cantayanqan. David qellqanqan salmus.
131 Teyta Jehovä, noqaqa manam imëpis orgullösutsu karqö,
y manam wakimpita mas alli kanqäta imëpis pensarqötsu.+
Tarita mana puëdinqä cösaskunamanqa manam yarparäkütsu.+
Wasqishqa wamra imatapis mana shuyaranqannömi kushishqa këkä.
3 Kanampita imëyaqpis,
Teyta Jehoväta Israel shuyarätsun.+
Jerusalenman witsëkar cantayanqan.
132 Teyta Jehovä, ama Davidta qonqëkullëtsu,
llapan sufrinqanta yarpëkullë.+
2 Teyta Jehovä, qammi Jacobpa poderösu Diosnin kanki,
David änishunqëkita ama qonqëkullëtsu. Kënö nirmi änishurqëki:+
3 “Manam wayïman yëkushaqtsu,+
ni cämäman patsäkushaqtsu,
4 manam punukäshaqtsu,
ni manam ichikllapis qemtsishaqtsu o qepillashaqtsu,
5 Teyta Jehoväpaq juk sitiuta tarinqäyaq,
Jacobpa poderösu Diosnimpaq shumaq wayin ruranqäyaq”.+
7 Wayinman yëkushun,+
chakin jarukunan bancaman qonqurikushun,+
8 Teyta Jehovä, jamanëki wayikiman shamuykullë.+
Poderösu Sagrädu Cäjëkipis këchö kallätsun.+
9 Sacerdötikikuna justiciata rurayanqanqa, vistiräyanqan röpanö cläru rikakutsun,
y mana dejayäshoqnikikunaqa kushishqa qayëkachäyätsun.
10 Sirwishoqniki Davidta kuyar,
akranqëki nunata yanapëkullë.+
11 Teyta Jehovämi Davidta änirqan,
y pëqa äninqanta cumplinqam.
Kënö nirmi änirqan:
“Juk kastëkitam churashaq qampa rantikichö gobernanampaq.+
12 Ruranqä acuerduta
y mandakunqäta tsurikikuna cumpliyaptinqa,+
pëkunapa tsurinkunapis qam jamakunqëkiman jamëkurmi gobernayanqa”.+
13 Teyta Jehoväqa, täkunampaqmi* Sion jirkata akrashqa.+
Kënömi nirqan:+
14 “Noqaqa këchömi këta munä,+
tsëmi kë sitiuqa imëyaqpis jamanäpaq kanqa y këchömi imëyaqpis kashaq.
15 Noqa bendiciptïmi mikuyänampaq mëtsika mikuy kanqa,
y waktsakunapis pacha juntam mikuyanqa.+
16 Sacerdötinkunatam salvashaq.*+
Mana dejaq nunakunaqa kushikurmi qayëkachäyanqa.+
17 Davidtam yanapashaq mas puëdeq kanampaq.
Noqam patsätsirqö akrashqäpa kastankuna imëyaqpis gobernayänampaq.+
Jerusalenman witsëkar cantayanqan. David qellqanqan salmus.
2 Tsënö kawakuyanqanqa,
Aaronpa peqanman o umanman+ alli aceitita jicharkuyaptin, shapran*+ urëpa shutumoqnömi,
y mangannaq röpampa kunkanyaq chaqnömi.
Sionchömi Teyta Jehoväqa,
änikurqan imëyaqpis kawakuyänampaq.
Jerusalenman witsëkar cantayanqan.
134 Teyta Jehoväta sirweqkuna,
paqaskunapa Teyta Jehoväpa wayinchö+ yanapakoqkuna,
Teyta Jehoväta alabayë.+
3 Ciëluta y patsata kamaq Teyta Jehovä,
Sion jirkapita bendicïkulläshuy.
135 ¡Teyta Jehoväta* alabayë!
Teyta Jehoväpa jutinta alabayë.
Teyta Jehoväpa sirweqninkuna, pëta alabayë.+
2 Teyta Jehoväpa wayinchö sirweqkuna,
wayimpa patiunkunachö yanapakoqkuna, pëta alabayë.+
3 Teyta Jehoväqa* alläpa allim,+ Teyta Jehoväta alabayë,*
jutinta alabar cantayë, jutinqa alläpa shumaqmi.
5 Noqaqa allim musyä Teyta Jehoväqa poderösu kanqanta,
Teyta Diosnintsikqa wakin dioskunapitapis mas poderösum.+
6 Teyta Jehoväqa ciëluchö, patsachö,
lamarchö y lamar rurinchöpis llapan munanqantam ruran.+
7 Pëqa patsapa entëru kuchumpita pukutë witsänantam permitin.
8 Egiptuchöpis nunakunapa mayor tsurinkunata,
y animalninkunapa punta wawankunatam ushakätsirqan.+
11 Amorreukunapa+ gobernantin Sehon jutiyoq nunata,
Basanchö+ gobernaq Og jutiyoq nunata
y Canaanchö llapan gobernaqkunatam wanutsirqan.
12 Pëkunapa markankunatam,
sirweqnin israelïtakunata herenciankuna kanampaq entreguëkurqan.+
13 Teyta Dios, jutikiqa imëyaqpis Jehovämi kanqa.
Teyta Jehovä, ruranqëkikunataqa imëpis yarpäyanqam.+
15 Mëtsë nacionchö adorayanqan santukunaqa,
plätapita y örupita rurashqam kayan y nunallam rurashqa.+
16 Tsë santukunaqa, shimin kaptimpis manam parlayantsu,+
nawin kaptimpis manam rikäyantsu,
17 rinrin kaptimpis,
manam wiyayantsu ni manam shütayantsu.+
18 Santukunata ruraqkuna y tsë santukunaman confiakoqkunaqa,+
tsë santukunanömi imapaqpis mana väleq tikrayanqa.+
19 Israel nunakuna, Teyta Jehoväta alabayë.
Aaronpa kastankuna, Teyta Jehoväta alabayë.
20 Levïpa kastankuna, Teyta Jehoväta alabayë.+
Teyta Jehoväta respetaqkuna,* Teyta Jehoväta alabayë.
136 Teyta Jehoväqa alläpa allim, agradecikuyë.+
Pëqa imëpis alläpa kuyakoqllam këkan.+
2 Llapan dioskunapitapis mas poderösu Teyta Diosta agradecikuyë,+
pëqa imëpis alläpa kuyakoqmi këkan.
3 Gobernaqkunapa Gobernantinta agradecikuyë,
pëqa imëpis alläpa kuyakoqmi këkan.
5 Imëpis alläpa kuyakoq karmi,
yachaq kar ciëlutapis shumaqta rurarqan.+
6 Imëpis alläpa kuyakoq karmi,
tsaki patsatapis yaku jananman churarqan.+
7 Imëpis alläpa kuyakoq karmi,
jatusaq aktsikunata kamarqan.+
8 Imëpis alläpa kuyakoq karmi,
intita o rupayta kamarqan junaqpa atsikyänampaq.+
9 Imëpis alläpa kuyakoq karmi,
killata y estrëllakunata kamarqan paqaspa atsikyäyänampaq.+
10 Imëpis alläpa kuyakoq karmi,
Egiptuchö nunakunapa mayor tsurinkunata y animalninkunapa punta wawankunata wanutsirqan.+
11 Imëpis alläpa kuyakoq karmi,
israelïtakunata Egiptupita salvamurqan.+
12 Imëpis alläpa kuyakoq karmi,
alläpa poderösu kanqanta musyatsikur israelïtakunata salvamurqan.+
13 Imëpis alläpa kuyakoq karmi,
Puka lamarta ishkëman rakirqan.+
16 Imëpis alläpa kuyakoq karmi,
sirweqninkunata tsunyaq sitiupa pusharqan.+
17 Imëpis alläpa kuyakoq karmi,
puëdeq gobernantikunata vencirqan.+
18 Imëpis alläpa kuyakoq karmi,
puëdeq gobernantikunata wanutsirqan.
19 Imëpis alläpa kuyakoq karmi,
amorreukunapa gobernantin Sehon+ jutiyoq nunata wanutsirqan.
20 Imëpis alläpa kuyakoq karmi,
Basanchö gobernaq Og+ jutiyoq nunata wanutsirqan.
21 Imëpis alläpa kuyakoq karmi,
pëkunapa markankunata sirweqninkunata herenciankuna kanampaq entregarqan.+
22 Imëpis alläpa kuyakoq karmi,
sirweqnin israelïtakunata herencian entregarqan.
24 Imëpis alläpa kuyakoq karmi,
chikimaqnintsikkunapita kutin kutin salvamarqantsik.+
25 Imëpis alläpa kuyakoq karmi,
llapan kawaqkunata pacha juntata katsin.+
26 Ciëluchö këkaq Teyta Diosta agradecikuyë.
Pëqa imëpis alläpa kuyakoqllam këkan.
137 Babiloniachöqa+ mayukuna* kuchunchömi jamakoq kantsik,
tsëchömi Sion jirkapaq yarparkur waqaq kantsik.+
2 Arpantsiktapis+ älamu plantakunamanmi warkoq kantsik.
3 Tsëchömi esclävu katsimaqnintsikkuna pëkunapaq cantanantsikta munayarqan,+
noqantsikpita burlakoqkunam cantar kushitsinantsikta munayarqan.
Kënömi nimaq kantsik: “Sion jirkachö cantayanqëki cancionkunata cantayämuy”.
4 Juk nacionchö llakishqa këkarqa,
¿ima gänaswanraq Teyta Jehoväpaq cancionkunata cantashwan karqan?
5 Jerusalen marka, qamta qonqëkupteqqa
derëcha makïpis amana kuyutsunnatsu.+
6 Qamta mana yarpapteq
y juk cösaskunawan kushishqa kanqäpitapis
qamwan mas kushishqa mana kaptïqa,
mana parlanäpaq qallüpis paladarnïman laqakätsun.+
7 Teyta Jehovä, Jerusalen markata ushakätsiyanqan junaq
edomïtakuna niyanqanta yarpëkullë.
“Ushakätsiyë, llapanta ushakätsiyë. Cimientunyaq ushakätsiyë” niyarqanmi.+
8 Babilonia marka, ichikllachönam ushakanki.+
Noqakunata rurayämanqëkinöllam,
qamtapis ushakätsishunki y kushikunqam.+
David qellqanqan salmus.
138 Teyta Dios, llapan shonqüwanmi alabashqëki,+
wakin dioskunata despreciarmi
puntankunachöraq* cantar alabashqëki.
2 Sagrädu templuykiman rikëkurmi,
puntëkiman qonqurikamushaq,+
alläpa kuyakoq kaptiki y parlanqëkita cumpliptikim jutikita alabashaq.+
Qamqa änikunqëkita y jutikitapis mas reqishqatam tikratsirqunki.
4 Teyta Jehovä,+ llapan änikunqëkita musyarmi
patsachö llapan gobernantikuna alabayäshunki.
5 Teyta Jehoväqa alläpa poderösum,
tsëmi Teyta Jehovä llapan ruranqankunapita cantashaq.+
6 Teyta Jehoväqa, ciëluchö këkarpis humildikunataqa cuidanmi,+
peru orgullösukunataqa karullamanmi reqin.+
Chikimaqkunataqa castigankim.
8 Teyta Jehovä, llapan pensanqëkitam noqapaq ruramunki,
Teyta Jehovä, qamqa imëpis alläpa kuyakoqmi kanki.+
Ama qonqëkullëtsu akranqëki sirwishoqnikikunata.+
Cantaqkunata dirigeqpaq. David qellqanqan cancion.
139 Teyta Jehovä, qamqa allim reqimanki, imanö kanqätaqa llapantam musyanki.+
5 Qamqa cuidamarmi qepächö y puntächöpis këkanki,
y makikita hombrüman churarkamurmi cuidamanki.
6 Imanö kanqäta alli musyanqëkiqa alläpa espantakuypaqmi,
noqalläqa manam ichikllapis entiendillätsu.+
7 Teyta Dios, podernikipitaqa manam mëtapis qeshpita puëdïtsu,
mëta ëwaptïpis qamqa rikëkämankim.+
9 Karu islakunachö* kawakunäpaq,
mëtsëman juklla chäreq patsa waraq aktsinö ras o sas ëwakuptïpis,
10 makikiwanchi pushamankiman,
derëcha makikiwanchi yanapamankiman.+
11 “¡Ampipaqa o tsakëpaqa* manam rikämanqatsu!” niptïpis,
paqas këkarpis qampaqqa atsikyärinmanchi,
12 alläpa ampirpis o tsakarpis,*
qampaqqa junaqnöllam atsikyëkan,+
paqaspis y junaqpis qampaqqa igual-llam.+
14 Imanö ruramanqëkiqa alläpa espantakuypaqmi,+
llapan ruranqëkikunam alläpa shumaq,
tsëta alli musyarmi qamta alabaq.+
15 Mamänïpa pachanchö* imanö formakanqätam rikämurqëki,
mana ni pï rikänanchö tullükuna formakëkaqtam rikarqëki.+
16 Mamänïpa pachanchö formakar qallëkanqäta rikämurqëkim.
Manaraq formakar qallaptïmi, cuerpüpa llapanninkuna imanö formakänampaq
y ëka junaq formakänampaq kaqpis libruykichöna qellqarëkarqan.
18 Llapan yachanqëkita yupëta munaptïqa, lamar kuchunchö arënapitapis mas atskam kanman.+
Pununqäpita riyarkamurpis o rikcharkamurpis qamllamanran pensëkä.*+
19 Teyta Dios, imanöllaraq llapan mana alli nunakunata wanutsinkiman,+
tsëqa mananachi asesïnukuna lädüchö kayanmannatsu.
20 Manachi contrëki parlaqkuna kayanmannatsu.
Pëkunaqa chikiyäshunkim, jutikitapis mana respetarmi mana allipa utilizäyan.+
22 Pëkunataqa alläpam chikïkü,+
manam rikëtapis munätsu.
23 Teyta Dios, imanö kanqäta alli rikëkallämë y shonqüchö imanö kanqäta musyëkullë.+
Imakunapaq yarpachakunqäta musyanëkipaq alli rikëkallämë.+
24 Alli rikëkallämë, capaz shonqü munanqanta cäsur mana allikunatapis rurëkä,+
y imëyaqpis kawakuyman chätsikoq nänipa pushëkallämë.+
Cantaqkunata dirigeqpaq. David qellqanqan salmus.
140 Teyta Jehovä, mana alli nunakunapita salvëkallämë,
maqakoq nunakunapita defendïkallämë.+
2 Salvëkallämë mana allikunata rurëllaman pensaqkunapita+
y pelyallachö kakoqkunapita.
3 Pëkunaqa culebranömi qallunkunata alistayan.+
Y parlayanqanqa vïbora niyanqan culebrapa venënunnömi,+ imëka mana allikunaman chätsikun. (Sëlah).
4 Teyta Jehovä, mana alli nunakunapita tsapëkallämë,+
maqakoq nunakunapita defendïkallämë.
Pëkunaqa imëka mana allita rurayämänampaqmi willanakur këkäyan.
5 Orgullösukunaqa ishkinäpaqmi trampata churayämun,
purikunqä nänimanmi trampata churayämun.+
Waskawanmi trampata churayämun.+ (Sëlah).
6 Teyta Jehovämanmi kënö nir mañakü:
“Teyta Jehovä, qammi Diosnï kanki, yanapamänëkipaq rogakamuptï wiyëkallämë”.+
7 Teyta Jehovä, qammi Llapanta Gobernaq y poderösu kanki, qammi salvamaqnï kanki.
Qammi guërrachö mana ushakänäpaqpis tsapämanki.*+
8 Teyta Jehovä, mana alli nunakuna munayanqan rurakänantaqa ama permititsu, pensayanqanqa ama ni ichikllapis rurakätsuntsu.
Munayanqan rurakaptinqa orgullösum tikrakuriyanqa.+ (Sëlah).
9 Chikiyämaqkuna imëka mana allikunata rurayämanqan
y maldiciyämanqanqa kikinkunaman kutitsun.+
10 Shanshëkaq o shankëkaq carbon, janankunaman shikwatsun,+ ninaman jitarkuyätsun.
Yaku junta këkanqan hondu pözukunaman jitarkuyätsun+
y tsëpitaqa ama imëpis yarqayämutsuntsu.
11 Tumpakoq* nunapaqa, ama kushishqa kawanampaq wayimpis katsuntsu.+
Maqakoq nunakunaqa imëka mana allikunapa pasar ushakäyätsun.
12 Noqaqa allim musyä imëka sufrimientukunapa pasëkaqkunata Teyta Jehovä yanapanampaq kaqta.
Y waktsakunapaq justiciata ruranampaq kaqta.+
13 Teyta Dios alli ruraq nunakunaqa jutikitam alabayanqa,
alli ruraq nunakunaqa puntëkichömi imëpis këkäyanqa.+
David qellqanqan salmus.
141 Teyta Jehovä, qammanmi llapan shonqüwan rogakëkämü,+
jinan höra shamur yanapëkallämë,+
qayakëkämümi, wiyëkallämë.+
2 Teyta Dios, qamman mañakamunqäqa puntëkichö inciensunö kallätsun,+
makïta pallarkur* mañakamunqäpis gränupita rurashqa qarëkunata tardipa rupatsiyämunqannö kallätsun.+
3 Teyta Jehovä, llutanta mana parlanäpaq yanapëkallämë,
shimï mana vencimänampaq yanapëkallämë.+
4 Mana allikunata shonqü munananta ama permitïkullëtsu,+
mana alli nunakunawan juntakar mana allikunata ruranäta ama permitïkullëtsu.
Noqaqa manam ni imëpis pëkunawan juntakushaqtsu ni alli mikuyninkunata mikushaqtsu.
5 Rasumpa kuyamarmi, alli nunaqa astëkamanman.+
Qayapämanqanqa peqäman o umäman aceitita+ jichamoqnöchi kanman y kushishqachi chaskiküman.+
Tsë nuna desgraciakunapa pasaptinqa,
Teyta Diosmanchi yanapëkunampaq mañaküman.
6 Juezninkunata zanjaman jitarkuyaptimpis,
nunakunaqa parlanqäta wiyayashqam y shumaq kanqantam niyan.
8 Llapanta Gobernaq Teyta Jehovä, noqaqa qammanmi confiakamü.+
Qamtam ashirqoq tsapämänëkipaq,
ama wanunäta o wañunäta permitïkullëtsu.
9 Ishkinäpaq churayämunqan trampapita salvëkamë.
Waskawan trampata churamoq mana allita ruraq nunakunapita salvëkamë.
10 Mana alli nunakunaqa kikinkunallam churayanqan trampaman ishkiyanqa,+
peru noqaqa, trampankunapita sänum y librim yarqushaq.
Maskil.* David qellqanqan salmus. Këtaqa David mañakurqan machëchö këkarmi.+
142 Teyta Jehovämanmi qayakurqä yanapëkamänampaq,+
Teyta Jehovämanmi rogakurqä yanapëkamänampaq.
2 Alläpa yarpachakur
y alläpa llakikurmi Teyta Diosta llapanta willä.+
Mana alli nunakunaqa purinqä nänimanmi trampata churayämun.
4 Teyta Dios, derëcha kaq lädüman rikë,
manam mëtapis qeshpir ëwakuyta puëdïtsu.+
Noqapaqqa manam ni pï yarpachakuntsu.
5 Tsëmi Teyta Jehovä yanapëkamänëkipaq kënö mañakamü:
“Qamtam ashirqoq tsapämänëkipaq,+
kë patsachöqa qamllatam yanapëkamänëkipaq shuyaraq”.
6 Teyta Dios, manam imanö këtapis puëdïnatsu,
tsëmi yanapëkamänëkipaq qayakëkämü.
Chikimaqkunapita salvëkamë,+
pëkunaqa noqapitapis mas puëdeqmi kayan.
7 Teyta Dios, jutikita alabanäpaq librëkamë,
carcelashqanömi këkä.
Alli ruraq nunakuna lädüman shayämutsun,
qamqa noqawan alläpa allim kanki.
David qellqanqan salmus.
143 Teyta Jehovä, mañakamuptï wiyëkallämë.+
Yanapamänëkipaq rogakamuptï wiyëkallämë.
Qamqa llapan änikunqëkitam cumplinki y alli ruraqmi kanki, wiyëkallämë.
2 Teyta Dios, qamqa musyankim, llapä nunakunapis jutsa* ruraqlla kayanqäta,
tsëmi rogakallämü mana juzguëkamänëkipaq.+
3 Chikimaqkunam ashikäyäman,
pëkunaqa venciramarmi patsachö jarur ushayämashqa.
Imëka wanushqanömi, ampichönö o tsakëchönö* mëtsika tiempupa kawarqö.
5 Unë tiempuchö pasanqankunatam yarpä,+
ruranqëkikunamanmi alli pensä.
Makikiwan ruranqëkikunamanmi alli pensä.*
6 Makïta pallarkurmi* qamman mañakamü.
Tsakishqa allpa yakuta shuyaraqnömi qamta shuyarëkaq.+ (Sëlah).
7 Teyta Jehovä, jinan höra yanapëkallämë.+
8 Teyta Dios, qammanmi confiakamü,
tsëmi patsa waräriptinllana alläpa kuyakoq kanqëkita wiyëta munä.
Qammanmi imëpis mañakamü,
alli nänipa ëwanäpaq yanapëkamë.+
9 Chikimaqkunapita salvëkallämë Teyta Jehovä,
qamtam defendimänëkipaq imëpis ashï.+
10 Qammi Diosnï kanki,
munanqëkita ruranäpaq yachëkatsillämë.+
Qamqa alläpa allim kanki,
podernikiwan alli nänipa pushëkallämë.
11 Teyta Jehovä, jutiki alabashqa kanampaq, salvëkallämë.
Qamqa alli ruraqmi kanki, llapan sufrimientüpita salvëkamë.+
Sirweqnikim kallä, sufritsiyämaq nunakunata llapanta ushakäratsi.+
David qellqanqan salmus.
144 Teyta Jehoväqa, noqapaqqa tsapämaq qaqanömi,+ alabashqa katsun,
pëmi guërrachö pelyanäpaq makïtapis y dëdükunatapis yachatsin.+
2 Pëqa alläpam kuyaman, pëqa noqapaq alli següru markanömi,
pëmanmi imëkapita tsapämänampaq ëwä, pëmi salvaman, escüdunömi tsapäman
pëmanmi tsapämänampaq cörripa ëwä,+
pëmi mëtsë markachö nunakunatapis podernïman churamun.+
3 Teyta Jehovä, wanukoqlla nunakunaqa, ¿imanatan kayan pëkunapaq alläpa yarpachakunëkipaq?
Nunapa tsurinkunaqa, ¿imanatan kayan pëkunata cuidanëkipaq?+
5 Teyta Jehovä, bajamunëkipaq ciëluta patsaman doblakäratsimuy.+
Rupar qoyänampaq o qoshninampaq jirkakunata yatari.+
6 Chikimaqkuna mëtsëpa qeshpir ëwakuyänampaq, räyuta tillapyätsimuy,+
imanö këtapis mana puëdiyänampaq flëchëkiwan flëchëkuy.+
7 Altupita makikita makyamar salvëkallämë,
mëtsika yaku rurimpita sutarkallämë,
juk nacion nunakunapita salvëkallämë.+
8 Pëkunaqa ulikurkurmi o llullakurkurmi imëkata parlayäman,
mana kaqkunata jurarmi derëcha kaq makinkunata pallariyan.*
9 Teyta Dios, mushoq canciontam cantapashqëki,+
chunka cuerdayoq instrumentuta tocarmi cantar alabashqëki.
10 Chikeqninkunata venciyänampaq gobernantikunata yanapanqëkipitam cantapashqëki.+
Wanutsikoq espädapita Davidta salvanqëkipitam cantapashqëki.+
11 Juk nacion nunakunapita salvëkallämë,
pëkunaqa ulikurmi o llullakurmi imëkata parlayäman,
mana kaqkunata jurarmi derëcha kaq makinkunata pallariyan.*
12 Tsënö salvamaptikim ollqu tsurïkunaqa, alli tseqllimoq plantanöraq shumaq winëkuyanqa.
Warmi tsurïkunanam, palaciuta adornaq esquïnachö shumaq columnakunanöraq kayanqa.
13 Mikuy churakuyänächöpis, imëka mikuymi junta kanqa,
üshäkuna y cabräkunapis milpa y diez milpam mirayanqa.
14 Chichu wäkäkunapis, manam shulluyanqatsu.
Pläzäkunachöpis manam ni pï nuna llakikur waqanqatsu.
15 Tsënö kawakuyänampaq Teyta Dios bendicinqan nunakunaqa, kushishqam kayan.
Diosninkuna Teyta Jehovä kaptinmi, nunakunaqa kushishqa kawakuyan.+
Teyta Diosta David alabanqan.
א [äleph]
ב [beth]
ג [guïmel]
3 Teyta Jehoväqa alläpa poderösu Diosmi,
pëllam alabashqa kanan,+ alläpa puëdeq kanqantaqa manam entiendita puëdintsiktsu.+
ד [dälet]
4 Kanan witsan kawaq nunakuna y tsëpita kawaqkunam llapan ruranqëkikunata rikar alabayäshunki.
Pëkunam willakuyanqa, poderösu karnin llapan ruranqëkikunata.+
ה [he]
5 Pëkunam parlayanqa poderösu kanqëki mantsakëpaq kanqanta+
y noqanam llapan ruranqëkikuna alläpa shumaq kanqanman alli pensashaq.
ו [waw]
6 Pëkunam parlayanqa ruranqëkikuna espantakuypaq kanqanta
y noqanam alläpa poderösu kanqëkita willakushaq.
ז [zayin]
7 Pëkunam alli kanqëkita yarparkur alabayäshunki,+
justicia ruranqëkita yarparkurmi kushikur qayëkachäyanqa.+
ח [heth]
8 Teyta Jehoväqa alläpa allim, llakipäkoqmi* y pacienciayoqmi;*+
pëqa alläpa kuyakoqllam imëpis këkan.+
ט [teth]
9 Teyta Jehoväqa llapankunapaqmi alli.+
Llakipäkoq* kanqanqa llapan ruranqankunachömi rikakun.
י [yod]
10 Teyta Jehovä, llapan ruranqëkikunam alabayäshunki.+
Llapan shonqunwan sirwiyäshoqnikikunam alabayäshunki.+
כ [kaph]
11 Pëkunam alli gobernaq kaptiki, llapampis alli kanqanta willakuyanqa,+
y poderösu kanqëkitam parlayanqa.+
ל [lämed]
12 Tsënöpam nunakunaqa musyayanqa, poderösu kar llapan ruranqëkita,+
y gobernaptiki llapampis allilla kanqanta.+
מ [mem]
13 Qamllam imëyaqpis gobernanki,
kanampis y imëyaqpis qamllam llapan nunakunapa mandaqnin kanki.+
ס [sämekh]
14 Ishkinëkaqkunatam Teyta Jehoväqa mana ishkiyänampaq yanapëkan,+
y kallpannaq kaqkunatapis yanapëkanmi.+
ע [ayin]
15 Teyta Dios llapankunam yanapanëkita munar rikarëkäyäshunki,
y qamqa llapankunatam höranchö qaranki.+
פ [pe]
צ [sadë]
ק [qoph]
18 Teyta Jehoväqa, pëman llapan qayakoqkunapa lädunchömi këkan,+
llapan shonqunwan qayakoqkunapa lädunchö.+
ר [resh]
19 Llapan respetaqkuna* munayanqantaqa manam faltatsintsu.+
Yanapëkunampaq rogakuyaptimpis salvanmi.+
ש [shin]
20 Teyta Jehoväqa, llapan kuyaqninkunatam imëka mana allipita tsapan,+
peru mana alli nunakunataqa llapantam ushakätsin.+
ת [taw]
146 ¡Teyta Jehoväta* alabayë!+
Teyta Jehovätaqa llapan shonqüwanmi alabashaq.+
2 Kawëkarqa Teyta Diostam alabar cantapäshaq,
wanukunqäyaqmi o wañukunqäyaqmi Teyta Jehovätaqa alabashaq.*
3 Ama mandakoqkunaman ni pï nunakunamampis confiakuyëtsu.
Pëkunaqa manam salvayäshuynikita puëdiyantsu.+
5 Yanapëkunampaq Jacobpa Diosninman confiakoq nunaqa kushishqam kanqa,+
Teyta Jehovä yanapananta shuyaraq nunaqa kushishqam kanqa.+
6 Teyta Diosmi ciëluchö,
patsachö y lamarchö llapan kaqkunata kamashqa,
7 Teyta Diosmi, nuna mayinkuna sufritsiyanqan nunakunapaq justicia ruran,
y mallaqëkaqkunata mikuynin qaran.+
Teyta Jehoväqa prësu këkaqkunatam libran.+
8 Teyta Jehoväqa mana rikaqkunatam rikäyänampaq yanapan.+
9 Teyta Jehoväqa forastëru nunakunatam cuidan,
papäninnaqkunata y viudakunatapis defendinmi,+
peru mana alli nuna rurëta pensëkanqantaqa llapantam ushakätsin.+
10 Teyta Jehovämi imëyaqpis Gobernanti kanqa,+
Sion jirka, Diosnikim imëyaqpis Gobernanti kanqa.
¡Teyta Jehoväta* alabayë!
Teyta Diosnintsikta cantar alabëqa* alläpa shumaqmi.
Pëta alabëqa, ¡alläpa kushikuypaqmi y alläpa allim!+
2 Mëtsë nacionkunachö këkaq israelïtakunata kutitsimunampaqmi,+
Teyta Jehoväqa Jerusalen markata shärikätsin.+
3 Teyta Diosqa, shonqunkunachö alläpa llakishqa këkaqkunatam yanapëkan,
y herïdankunata vendaqnömi, nanatsikur këkaqkunata jampikan.
7 Agradecikur Teyta Jehoväpaq cantayë,
arpata tocar y cantar Teyta Diosnintsikta alabayë.
8 Ciëluchö pukutëta yuritseqta
y patsaman tamyatsimoqta,+
jirkakunachö imëka plantakunata winatseqta alabayë.+
9 Pëmi tukuyläya animalkunata pacha juntata katsin,+
y cuervu pishqupa wawankuna mallaqarnin waqayaptimpis mikunankunam qaran.+
12 Jerusalen marka, Teyta Jehoväta alabë,
Sion jirka, Teyta Diosnikita alabë.
13 Pëmi punkuykikunapa trancanta alli següruta katsin,
wamrëkikunata bendicin,
14 markëkikunachö alli kawakuyänëkipaq yanapayäshunki+
y mëtsika alli trïguwan bendiciyäshunki.+
15 Pëmi patsatapis mandan,
tsëmi ninqanqa mëtsëmampis ras o sas chärin.
17 Pakishqa tantata fäcil-lla maqtseqnömi runtu tamyatapis tamyatsimun+
y tsë alalaptinqa manam ni pï aguantantsu,+
18 pë mandakuptinmi tsullur ushakan
y vientutsimuptinmi+ yakupis ëwar qallëkun.
20 Teyta Diosqa, manam juk nacionkunachö täkoq* nunakunawanqa tsëta rurashqatsu.+
Tsëchö kawaqkunaqa manam ichikllatapis leyninkunata musyayantsu.
148 ¡Teyta Jehoväta* alabayë!
Ciëluchö këkaqkuna, Teyta Jehoväta alabayë.+
Mas altuchö këkaqkuna, Teyta Diosta alabayë.
2 Angelkuna+ y ciëluchö këkaq soldädukunapis pëta alabayë.+
3 Killa, inti o rupay y ciëluchö chipapaq estrëllakuna,
qamkunapis Teyta Diosta alabayë.+
4 Mas altu kaq ciëlukuna,
y ciëluchö këkaq pukutëkuna, Teyta Diosta alabayë.
5 Tsë llapankuna Teyta Jehoväpa jutinta alabayätsun,
pë mandakuptinmi llapan rurakarqan.+
6 Pëmi tsëchö imëyaqpis kayänampaq churashqa,+
tsëchö kayänampaq mandakunqanqa manam ni imëpis cambianqatsu.+
7 Patsachö kaqkunapis Teyta Jehoväta alabayë,
lamarchö jatusaq animalkuna y mëtsika yakukuna,
8 runtu, rashta,* yana pukutëkuna, räyukuna,
palabranta cäsukoq fuerti vientukuna,+
9 jatusaq jirkakuna, taksha jirkakuna,+
früta wayoq plantakuna, cedrukuna,+
10 chukaru animalkuna,+ llapan wätana animalkuna,
lätëpa pureq animalkuna, volaq* animalkuna,
11 gobernantikuna, mëtsë nacionchö täkoq* nunakuna,
mandakoqkuna, llapan juezkuna,+
12 jövinkuna, shipashkuna,* awkinkuna y wamrakuna,
llapëki juntu Teyta Diosta alabayë.
13 Tsë llapankuna Teyta Jehoväpa jutinta alabayätsun.
Pëpa jutinqa alläpa shumaqmi manam imawampis igualantsu.+
Patsachö y ciëluchöpis pëllam respetashqaqa.+
14 Llapan shonqunkunawan sirweq Israelpa tsurinkunatam, mas puëdeq kayänampaq yanapanqa.
Pëta mana qonqaq sirweqninkunatam,
mas kushishqa kayänampaq yanapanqa.
¡Teyta Jehoväta* alabayë!
149 ¡Teyta Jehoväta* alabayë!
Teyta Jehoväpaq mushoq cancionta cantayë.+
Llapan shonqunkunawan Teyta Diosta sirweq nunakuna juntarëkäyanqanchö alabayë.+
2 Teyta Diosllam Imëkatapis Kamaqqa, llapan ruranqankunapita Israel kushishqa katsun.+
Gobernantinkuna kanqampita, Sionpa wawankuna kushishqa kayätsun.
4 Teyta Jehoväqa sirweqninkunawanmi alläpa kushishqa këkan,+
alli shonquyoq nunakunatam alli kawakuyänampaq yanapan.+
5 Teyta Dios yanapanqampita alli shonquyoq nunakuna kushikuyätsun.
Cämankunachöpis kushikur cantayätsun.+
6 Teyta Diosta alabayänampaq cancionkunaqa shiminkunallachöna këkätsun.
Y ishkan lädupa fïluyoq espädata aptaräyätsun,
7 tsëwan mëtsë nacionchö täkoq* nunakunata ushakätsiyänampaq,
mëtsë markachö täkoq nunakunata castigayänampaq,
8 gobernantikunata
y mandakoqkunata cadenayänampaq,
9 y qellqarëkanqannö pëkunata ushakätsiyänampaq.+
Tsë llapan cumplikäriptinmi, llapan shonqunkunawan Teyta Diosta sirweq nunakunaqa alläpa kushikuyanqa.
¡Teyta Jehoväta* alabayë!
150 ¡Teyta Jehoväta* alabayë!+
Sagrädu sitiunchö Teyta Diosta alabayë.+
Ciëlu jawanchö* këkaqkuna alabëkuyë, pëkunam musyatsikuyan poderösu kanqanta.+
4 Panderëtata tocar y rondëpa* tushur alabayë.+
Cuerdayoq instrumentukunata+ y quënata* tocar alabayë.+
5 Platïllukunata chinyatsir alabayë,
platïllukunata fuertipa tocar alabayë.+
6 Llapan kawëkaqkuna, Teyta Jehoväta* alabayë.
Kënöpis niyanmi: pecädu.
O “jamakuntsu”.
Kënöpis niyanmi: pecäduta.
Kënöpis niyanmi: pecäduta.
O “Mesïaswan; Cristuwan”.
O “mandakuna fiërrupita värëkiwanmi”.
Hebreu idiömachöqa “mantsar” ninmi. Rikäri “Bibliachö palabrakunata entiendinapaq” neqta.
Hebreu idiömachöqa “mutsayë” ninmi.
O “alli kaqta ruraqkunapa nänimpitam”.
Rikäri “Bibliachö palabrakunata entiendinapaq” neqta.
Kënöpis niyanmi: ankupëkamë; kuyapëkamë.
Hebreu idiömachöqa “nunakunapa tsurinkuna” ninmi.
O “kuyayanki”.
Kënöpis niyanmi: pecäduta rurayëtsu.
O “noqakunawan kushishqa këkanqëkita rikäyäshaq”.
Rikäri “Bibliachö palabrakunata entiendinapaq” neqta.
Hebreu idiömachöqa “mantsarmi” ninmi. Rikäri “Bibliachö palabrakunata entiendinapaq” neqta.
Kënöpis niyanmi: pecäduta.
Kënöpis niyanmi: ankupëkallämë; kuyapëkallämë.
O “Sepultürachö këkarqa”. Rikäri “Bibliachö palabrakunata entiendinapaq” neqta.
O “tsapämänëkipaq”.
Kënöpis niyanmi: pecäduta.
Hebreu idiömachöqa “shonqun o riñonnin imanö kanqanta” ninmi.
Rikäri “Bibliachö palabrakunata entiendinapaq” neqta.
O capazchi “¡respetashqa kanqëkitaqa ciëluchöpis musyayanmi!”.
Kënöpis niyampis: chuchuykaq.
Hebreu idiömachöqa “deduykiwan ruranqëkitam” ninmi.
O “ciëluchö kawaqkunapita”.
Kënöpis niyanmi: päreq; vuëlaq.
Rikäri “Bibliachö palabrakunata entiendinapaq” neqta.
Hebreu idiömachöqa “jutinkuna” ninmi.
Kënöpis niyanmi: jachata.
Hebreu idiömachöqa “wanuypa punkumpitam sharkatsimarqëki” ninmi.
Kënöpis niyanmi: ankupëkallämë; kuyapëkallämë.
Hebreu idiömachöqa “Sionpa warmi wamrankuna” ninmi.
Rikäri “Bibliachö palabrakunata entiendinapaq” neqta.
O “Seolchömi”. Rikäri “Bibliachö palabrakunata entiendinapaq” neqchö “Seol” neqta.
O “montikunaman ratakuykur o tsinkëkur”.
Kënöpis niyanmi: joqarkur.
Kënöpis niyanmi: pecäduta.
O “allpapita rurashqa hornuchö”.
Hebreu idiömachöqa “cärëkita pakanki” ninmi.
Hebreu idiömachöqa “nawïta atsikyëkatsï” ninmi.
O “mana entiendeq”.
O “sufritsiyanqan nunakuna”.
Kënöpis niyanmi: täranqa; päranqa.
Hebreu idiömachöqa “mantsaq” ninmi. Rikäri “Bibliachö palabrakunata entiendinapaq” neqta.
Kënöpis niyanmi: pecädunnaq.
Hebreu idiömachöqa “miktam“ ninmi. Capazchi imamampis qellqashqa ninan. Rikäri “Bibliachö palabrakunata entiendinapaq” neqta.
Hebreu idiömachöqa “Teyta Jehovämi cöpä y tocamanqan kaq” ninmi.
O “shonqüllachö munanqäkunaman”. Hebreu idiömachöqa “riñon” ninmi.
O “Seolchö”. Rikäri “Bibliachö palabrakunata entiendinapaq” neqchö “Seol” neqta.
Hebreu idiömachöqa “uchkuta rikänanta” ninmi.
Hebreu idiömachöqa “Cärëkichö” ninmi.
O “rinrikita shimïman witïkatsimuy”.
Kënöpis niyanmi: ankupäkuyta; kuyapäkuyta.
Hebreu idiömachöqa “cärëkita rikä” ninmi.
Hebreu idiömachöqa “salvakoq waqra” ninmi. Rikäri “Bibliachö palabrakunata entiendinapaq” neqta.
O “Seolpis”. Rikäri “Bibliachö palabrakunata entiendinapaq” neqchö “Seol” neqta.
Kënöpis niyanmi: qopinchömi.
Kënöpis niyanmi: pärir; vuëlar.
Kënöpis niyanmi: Toldu.
Kënöpis niyanmi: mitu yakuta.
Kënöpis niyanmi: riu.
Hebreu idiömachöqa “limpiu” ninmi.
Kënöpis niyanmi: pecäduchi.
Kënöpis niyanmi: pecäduta.
O capazchi “upatukurmi”.
Hebreu idiömachöqa “chiwchi” ninmi.
Kënöpis niyanmi: tutapëchönö.
Hebreu idiömachöqa “Diospa näninqa allillam” ninmi.
O “chakï lutskakantsu”.
Hebreu idiömachöqa “upällatsishaq” ninmi.
Kënöpis niyanmi: tsoqpakur.
O “guërrakunachö ganatsirqunki”.
Kënöpis niyanmi: toldu.
Hebreu idiömachöqa “mantsëqa” ninmi. Rikäri “Bibliachö palabrakunata entiendinapaq” neqta.
O “pitapis juzgar castiganqanqa”.
Kënöpis niyanmi: pecäduta.
O “Rantimaqnï”.
Kënöpis niyanmi: joqarishun.
Kënöpis niyanmi: ichirkurquntsik.
Hebreu idiömachöqa “müsicata tocayämushaq y cantayämushaq” ninmi.
Tsënö nirqa, capazchi tocayanqan tönupaq parlëkan.
Kënöpis niyanmi: täraqkunapis; päraqkunapis.
Kënöpis niyanmi: qayaraqnömi.
Hebreu idiömachöqa “mantsaqkuna” ninmi. Rikäri “Bibliachö palabrakunata entiendinapaq” neqta.
Hebreu idiömachöqa “mantsashoqnikikuna” ninmi. Rikäri “Bibliachö palabrakunata entiendinapaq” neqta.
Hebreu idiömachöqa “allpaman” ninmi.
Kënöpis niyanmi: riukuna.
O “kawënïchö”. Tsënö nirqa, Jehoväpa kaweninpaqmi parlëkan.
Hebreu idiömachöqa “nänikita reqitsimë” ninmi.
Kënöpis niyanmi: ankupäkoq; kuyapäkoq.
O “unëpita”.
Kënöpis niyanmi: pecädu.
Kënöpis niyanmi: pecädu.
Kënöpis niyanmi: pecäduta.
Hebreu idiömachöqa “mantsaq” ninmi. Rikäri “Bibliachö palabrakunata entiendinapaq” neqta.
Hebreu idiömachöqa “mantsaqkunallam” ninmi. Rikäri “Bibliachö palabrakunata entiendinapaq” neqta.
Kënöpis niyanmi: pecädükunapita.
Kënöpis niyanmi: pecäduta.
Kënöpis niyanmi: paqaqnömi; mayllaqnömi.
Kënöpis niyanmi: täranqëki; päranqëki.
Kënöpis niyanmi: Pecäduta.
Hebreu idiömachöqa “rantïkallämë” ninmi.
Hebreu idiömachöqa “aktsï” ninmi.
Kënöpis niyanmi: toldu.
Hebreu idiömachöqa “cäräta ashimuy” ninmi.
Hebreu idiömachöqa “nänikita reqitsimë” ninmi.
Hebreu idiömachöqa “nänikipa pushamë” ninmi.
Kënöpis niyanmi: toldu.
Kënöpis niyanmi: joqarkur.
Kënöpis niyanmi: pecäduta.
Hebreu idiömachöqa “mëtsika yaku jananchö” ninmi.
Tsënö nirqa, capaz Lïbanuchö cordillërapaq parlëkan.
O “ciëluchö këkaq yaku jananchömi”.
O “Seolchö”. Rikäri “Bibliachö palabrakunata entiendinapaq” neqchö “Seol” neqta.
Hebreu idiömachöqa “cärëkita pakaptikiqa” ninmi.
Rikäri “Bibliachö palabrakunata entiendinapaq” neqta.
Kënöpis niyanmi: pecäduta.
O “Seolchö”. Rikäri “Bibliachö palabrakunata entiendinapaq” neqchö “Seol” neqta.
Hebreu idiömachöqa “mantsashoqnikikunata” ninmi. Rikäri “Bibliachö palabrakunata entiendinapaq” neqta.
Tsë palabra ima ninan kanqanqa manam musyëllatsu. Rikäri “Bibliachö palabrakunata entiendinapaq” neqta.
Kënöpis niyanmi: pecäduta.
Kënöpis niyanmi: pecädunnaqtana.
Kënöpis niyanmi: Pecädu.
Kënöpis niyanmi: Pecäduta.
Kënöpis niyanmi: pecädu ruranqäta.
O “juchu”.
Hebreu idiömachöqa “pëpa jamanin” ninmi.
Hebreu idiömachöqa “mantsaqkunatam” ninmi. Rikäri “Bibliachö palabrakunata entiendinapaq” neqta.
Hebreu idiömachöqa “mantsaqkunata” ninmi. Rikäri “Bibliachö palabrakunata entiendinapaq” neqta.
Hebreu idiömachöqa “mantsayë” ninmi. Rikäri “Bibliachö palabrakunata entiendinapaq” neqta.
Hebreu idiömachöqa “mantsayänëkipaqmi” ninmi. Rikäri “Bibliachö palabrakunata entiendinapaq” neqta.
O “broquelwan”. Tsëtaqa arcuwan flëchaqkunam utilizäyaq.
Kënöpis niyanmi: llutska.
O “Diospa contran churakashqakunam”.
O capazchi “juk tantapaq burlakuyarqan”.
O “alli pensashaq”.
O “kawëkaqta katsinki”.
O capazchi “mana allita rurakunki”.
Kënöpis niyanmi: ankupäkoq; kuyapäkoq.
Kënöpis niyanmi: pecädu.
Kënöpis niyanmi: pecäduta.
Kënöpis niyanmi: pecädutam.
O “jutsata ruranqaqa peqä o umä janantam montunakar pasashqa”.
Kënöpis niyanmi: llapiräman.
Kënöpis niyanmi: pecäduta.
O “shonqüchö llakikurmi”.
Kënöpis niyanmi: upa.
Kënöpis niyanmi: Jankatnam.
Kënöpis niyanmi: Pecäduta.
Rikäri “Bibliachö palabrakunata entiendinapaq” neqta.
Kënöpis niyanmi: Pecäduta ruranqäpita.
O “Yaku qayarëkaq o bunrurïkaq”.
Kënöpis niyanmi: ichirkurqä.
Kënöpis niyanmi: pecädunkunapita.
Hebreu idiömachöqa “Librupa röllunchömi” ninmi.
Kënöpis niyanmi: ankupëkallämë; kuyapëkallämë.
Kënöpis niyanmi: pecäduta.
Kënöpis niyanmi: pecäduta.
Hebreu idiömachöqa “alläpa mantsakëpaq” ninmi.
O “Amen, Amen”.
Tsë palabra ima ninan kanqanqa manam musyëllatsu. Rikäri “Bibliachö palabrakunata entiendinapaq” neqta.
O “china luychu”.
O “alläpa kuyakoq”.
Kënöpis niyanmi: toldu.
Tsë palabra ima ninan kanqanqa manam musyëllatsu. Rikäri “Bibliachö palabrakunata entiendinapaq” neqta.
Kënöpis niyanmi: joqarkur.
Kënöpis niyanmi: ichirkur.
Tsë palabra ima ninan kanqanqa manam musyëllatsu. Rikäri “Bibliachö palabrakunata entiendinapaq” neqta.
O “qellqaqkunapa plümannö”.
Tsë plantaqa, pukutaq o mushkoq plantam.
Marfilqa elefantipa cormillunmi karqan.
Hebreu idiömachöqa “Tïrupa warmi wamrankuna” ninmi.
O capazchi “shumaq bordashqa ropashqatam”.
Kënöpis niyanmi: rium.
Kënöpis niyanmi: täraqkunata; päraqkunata.
Kënöpis niyanmi: toldu.
O capaz “escüdunkunata”.
O “üshapa waqranta”.
Kënöpis niyanmi: täraq; päraq.
Hebreu idiömachöqa “proverbiu” ninmi.
Kënöpis niyanmi: toldu.
O “Seolchö”. Rikäri “Bibliachö palabrakunata entiendinapaq” neqchö “Seol” neqta.
O “Seolchömi”. Tsëqa wanushqakuna pamparäyanqan sitium. Rikäri “Bibliachö palabrakunata entiendinapaq” neqchö “Seol” neqta.
O “Seolpita”. Tsëqa wanushqakuna pamparäyanqan sitium. Rikäri “Bibliachö palabrakunata entiendinapaq” neqchö “Seol” neqta.
Hebreu idiömachöqa “inti o rupay yarqamunan y jeqanan” ninmi.
Kënöpis niyanmi: necesitätsu.
Kënöpis niyanmi: pecäduta.
Kënöpis niyanmi: Ankupämar; Kuyapämar.
Kënöpis niyanmi: pecädu.
Kënöpis niyanmi: paqaqnö; mayllaqnö.
Kënöpis niyanmi: pecädupita.
Kënöpis niyanmi: Pecädu.
Kënöpis niyanmi: pecäduta.
Kënöpis niyanmi: pecäduyoqllanam.
Hebreu idiömachöqa “shonqüchö yachëkatsimë” ninmi.
Kënöpis niyanmi: Pecädüpita.
Kënöpis niyanmi: rapinö; jankanö.
Hebreu idiömachöqa “lapir ushanqëki tullükunapis” ninmi.
Kënöpis niyanmi: Pecäduta.
Hebreu idiömachöqa “jutsäta borrëkullë” ninmi.
Kënöpis niyanmi: Pecädu.
Kënöpis niyanmi: pecäduta.
Kënöpis niyanmi: pecäduta.
Kënöpis niyanmi: ankupëkullë; kuyapëkullë.
Tsë palabra ima ninan kanqanqa manam musyëllatsu. Rikäri “Bibliachö palabrakunata entiendinapaq” neqta.
Tsë palabra ima ninan kanqanqa manam musyëllatsu. Rikäri “Bibliachö palabrakunata entiendinapaq” neqta.
O “upa”.
Capazchi “imapis mana mantsakëkätsiptin”.
O “atacayäshoqniki”.
Tsë palabra ima ninan kanqanqa manam musyëllatsu. Rikäri “Bibliachö palabrakunata entiendinapaq” neqta.
Kënöpis niyanmi: ankupäkoq; kuyapäkoq.
Hebreu idiömachöqa “upällaratsi” ninmi.
Tsë palabra ima ninan kanqanqa manam musyëllatsu. Rikäri “Bibliachö palabrakunata entiendinapaq” neqta.
Kënöpis niyanmi: ankupämänëkipaq; kuyapämänëkipaq.
Kënöpis niyanmi: pärirchi; vuëlarchi.
O “parlayanqan idiömata entiendinakuyätsuntsu”.
O “Seolman pampayätsun”. Rikäri “Bibliachö palabrakunata entiendinapaq” neqchö “Seol” neqta.
Tsënö nirqa, punta amïgunpaqmi parlëkan, 13 y 14 versïculuchö niqampaq.
Hebreu idiömachöqa “parlakunqanqa mantekïllanömi” ninmi.
Hebreu idiömachöqa “parlakunqanqa aceitishqanömi” ninmi.
O “müsicata tocamushaq”.
O “mallwa leonkunanömi”.
Kënöpis niyanmi: kachillwankunata; aqlinkunata.
Kënöpis niyanmi: laqatu.
Kënöpis niyanmi: pecädutapis.
Kënöpis niyanmi: ankupar; kuyapar.
Kënöpis niyanmi: pecäduta.
O “qampaqmi müsicata tocamushaq”.
O capazchi “musyatsirqunki”.
O capaz “sagrädu sitiunchö”.
O “ruri pampatapis”.
Hebreu idiömachöqa “alli segurashqa marka” ninmi.
Kënöpis niyanmi: paqakunä; mayllakunä.
O capazchi “alli segurashqa markaman”.
Kënöpis niyanmi: täräshaq; pärashaq.
Hebreu idiömachöqa “mantsaqkunapa” ninmi. Rikäri “Bibliachö palabrakunata entiendinapaq” neqta.
Hebreu idiömachöqa “almä” ninmi. Rikäri “Bibliachö palabrakunata entiendinapaq” neqta.
Kënöpis niyanmi: joqarkurmi.
Kënöpis niyanmi: achkurëkämanki.
O “Atoq niraq chacal animalkuna”.
Kënöpis niyanmi: Pecäduta.
O “inti o rupay yarqamunampita jeqananyaq”.
Kënöpis niyanmi: täraq; päraq.
Hebreu idiömachöqa “kushikun” ninmi.
Kënöpis niyanmi: riuta.
Kënöpis niyanmi: Wera.
Kënöpis niyanmi: orqu cabrata.
Hebreu idiömachöqa “mantsaqkuna” ninmi. Rikäri “Bibliachö palabrakunata entiendinapaq” neqta.
Hebreu idiömachöqa “mantsayanqa” ninmi. Rikäri “Bibliachö palabrakunata entiendinapaq” neqta.
O “müsicata tocayë”.
O capazchi “pukutë jananchö”.
Hebreu idiömachöqa “Jäh” ninmi. “Jäh” neq palabraqa wallka letrallachö Jehoväpa jutinmi.
Hebreu idiömachöqa “juez” ninmi.
Hebreu idiömachöqa “puntanta ëwarqëki” ninmi.
Kënöpis niyanmi: toldu.
Kënöpis niyanmi: ankuparnin; kuyaparnin.
Kënöpis niyanmi: necesitäyanqankunawan.
O capazchi “Üsha corralkuna”.
O “Zalmon jirkata rashtëkoqnö o rapïkoqnö karqan”.
Kënöpis niyanmi: täränampaq; päranampaq.
Hebreu idiömachöqa “10 kuti 1.000 y mëtsika 1.000” ninmi.
Hebreu idiömachöqa “Jäh” ninmi. “Jäh” neq palabraqa wallka letrallachö Jehoväpa jutinmi.
Kënöpis niyanmi: pecädu.
O “lapir wanuratsinqam”.
O capazchi “jarur ushayänampaqmi”.
O capazchi “gobernanti mandanqan nunakuna shayämunqa”.
O “müsicata tocayë”.
Kënöpis niyanmi: pecäduta.
Kënöpis niyanmi: pecäduta.
Kënöpis niyanmi: necesitanqä.
O “uchku”.
Kënöpis niyanmi: ankupäkoqmi; kuyapäkoqmi.
Kënöpis niyanmi: Ankupäyämänanta; Kuyapäyämänanta.
Kënöpis niyanmi: Ankupäyämänampa; Kuyapäyämänampa.
Hebreu idiömachöqa “tseqllan” ninmi.
O “Murällayoq campamentunkunapis”.
Kënöpis niyanmi: toldu.
Kënöpis niyanmi: Pecäduta.
O “Imëyaqpis kawayänampaq jutinkuna apuntaranqan librupita”.
Capazchi, Davidqa awkinna karqan kë salmuta qellqanqan witsanqa.
O “rantimarqunki”.
O “pensashaq”.
Hebreu idiömachöqa “pë” ninmi. Tsënö nirqa Salomon gobernanampaq kaqtam parlëkan.
O “engañaqkunatapis”.
Hebreu idiömachöqa “mantsayäshoqnikikunataqa” ninmi. Rikäri “Bibliachö palabrakunata entiendinapaq” neqta.
Kënöpis niyanmi: riupita.
Kënöpis niyanmi: täraqkunam; päraqkunam.
Kënöpis niyanmi: ankupanqa; kuyapanqa.
O “Amen, amen”.
Kënöpis niyanmi: Wera.
O “Kapoqyoq kayaptinmi”.
Kënöpis niyanmi: pecäduta.
Hebreu idiömachöqa “desprecianki” ninmi.
O “majanta engañaq nunakunanö dejariyäshoqnikikunataqa”.
Tsë palabra ima ninan kanqanqa manam musyëllatsu. Rikäri “Bibliachö palabrakunata entiendinapaq” neqta.
Kënöpis niyanmi: täranqëki; päranqëki.
Rikäri “Bibliachö palabrakunata entiendinapaq” neqta.
Kënöpis niyanmi: riutam.
O “mana entiendikoq”.
Kënöpis niyanmi: tutapanqanchöqa.
O “mana entiendikoq”.
Kënöpis niyanmi: täran; päran.
Hebreu idiömachöqa “mantsar” ninmi. Rikäri “Bibliachö palabrakunata entiendinapaq” neqta.
Kënöpis niyanmi: joqarkur.
O “müsicata tocamunqätam”.
Kënöpis niyanmi: ankupämantsiknatsu; kuyapämantsiknatsu.
Hebreu idiömachöqa “Jäh” ninmi. “Jäh” neq palabraqa wallka letrallachö Jehoväpa jutinmi.
O “wayoq patsa”.
Kënöpis niyanmi: pullannimpam.
Tsë palabra ima ninan kanqanqa manam musyëllatsu. Rikäri “Bibliachö palabrakunata entiendinapaq” neqta.
Kënöpis niyanmi: riunöraq.
Kënöpis niyanmi: pecäduta.
Kënöpis niyanmi: riutanöraq.
O “angelkunapa mikunanta shikwatsimurqan”.
Kënöpis niyanmi: toldu.
Kënöpis niyanmi: pecäduta.
Kënöpis niyanmi: ankuparqanmi; kuyaparqanmi.
Kënöpis niyanmi: pecädu.
Kënöpis niyanmi: riuta.
Kënöpis niyanmi: lachakkunata; säpukunata.
Kënöpis niyanmi: churqapikunata.
Capazchi, “alläpa fuerti fiebriwan”.
Kënöpis niyanmi: toldu.
O “sagrädu”.
Kënöpis niyanmi: täraq; päraq.
Kënöpis niyanmi: toldu.
O “Herenciankuna”.
O “ollquwan manaraq oqllanakushqa”.
Kënöpis niyanmi: jankatmi.
Kënöpis niyanmi: pecäduta.
Kënöpis niyanmi: ankupëkayämë; kuyapëkayämë.
Kënöpis niyanmi: pecäduta.
O cazpachi “chowpinchö o pullanninchö”.
Kënöpis niyanmi: ankupäyämar; kuyapäyämar.
Kënöpis niyanmi: ankupäyämar; kuyapäyämar.
Kënöpis niyanmi: jawankunaqa; chapankunaqa; sipinkunaqa.
Kënöpis niyanmi: riuyaq.
Kënöpis niyanmi: laqmatsirqunki.
O “jabalïkunam”.
O “rämantapis”.
Kënöpis niyanmi: achkuy.
Kënöpis niyanmi: ankupäyämar; kuyapäyämar.
Rikäri “Bibliachö palabrakunata entiendinapaq” neqta.
Kënöpis niyanmi: tinkoq killa; pampa killa; juntana këkaq killa.
Kënöpis niyanmi: salvayämurqaq.
Kënöpis niyanmi: salvayarqaq.
Kënöpis niyanmi: parlapäyarqaq.
Meribä jutiqa, “pleytuy o discuti” ninanmi.
Kënöpis niyanmi: salvayämurqaq.
O “Dioskunanö”. Hebreu idiömachöqa “Dioskuna” ninmi.
Pëkunaqa versïculu 1 ninqan dioskunam kayan.
Kënöpis niyanmi: tutapëchö.
Hebreu idiömachöqa “noqa Teyta Dios” ninmi.
O “dioskunam”. Hebreu idiömachöqa “dioskunam” ninmi.
Kënöpis niyanmi: ichirkur.
O “acuerduta rurayashqa”.
Kënöpis niyanmi: täranqan; päranqan.
O “raströjutanö”.
Rikäri “Bibliachö palabrakunata entiendinapaq” neqta.
Kënöpis niyanmi: toldu.
O “alläpam kuyëkü”.
O “bacä (bekja) montikuna kanqan pampakunatapis”.
O capazchi “yachatseqnin bendicirin”.
O capazchi “escüdükunata rikëkamuy Teyta Dios”.
Kënöpis niyanmi: pecädunkunatam.
O “juntëkayämë”.
O “kallpayoqta tikratsiyämanki”.
Hebreu idiömachöqa “mantsaqkunata” ninmi. Rikäri “Bibliachö palabrakunata entiendinapaq” neqta.
Hebreu idiömachöqa “nänikita reqitsimë” ninmi.
O “alli shonquta qaramë y ama rakikashqa shunqutaqa qaramëtsu”.
O “Sepultürapaqna”. Rikäri “Bibliachö palabrakunata entiendinapaq” neqta.
Kënöpis niyanmi: ankupäkoq; kuyapäkoq.
Kënöpis niyanmi: ankupäkoq; kuyapäkoq.
Kënöpis niyanmi: toldu.
Kënöpis niyanmi: Jiruruypa.
Tsë palabra ima ninan kanqanqa manam musyëllatsu. Rikäri “Bibliachö palabrakunata entiendinapaq” neqta.
Kënöpis niyanmi: Tutapaq.
Kënöpis niyanmi: joqarkurmi.
Kënöpis niyanmi: Tutapëchönö.
Kënöpis niyanmi: tutapëchö.
Tsë palabra ima ninan kanqanqa manam musyëllatsu. Rikäri “Bibliachö palabrakunata entiendinapaq” neqta.
Hebreu idiömachöqa “gobernar täkunan” ninmi.
O “angelkuna”.
O “angelkuna”.
O “angelkunaqa”.
O “angelkunaqa”.
O “angelkunapaq”.
Hebreu idiömachöqa “Jäh” ninmi. “Jäh” neq palabraqa wallka letrallachö Jehoväpa jutinmi.
Tsënö nirqa, capazchi Egiptupaq parlëkan.
Kënöpis niyanmi: joqarirëkan.
Hebreu idiömachöqa “cärëki atsikyaptin” ninmi.
Kënöpis niyanmi: achkuräshaq.
Kënöpis niyanmi: riukunachöpis.
Kënöpis niyanmi: pecäduta.
Hebreu idiömachöqa “imëpis rasumpa kaqllata willakoq” ninmi.
O “ratakuyänan o tsinkakuyänan wayinkunatapis”.
Kënöpis niyanmi: laqmatsirqunkim.
O “Seolmanmi”. Rikäri “Bibliachö palabrakunata entiendinapaq” neqchö “Seol” neqta.
O “Amen, amen”.
O capazchi “alli següru sitiunö”.
O “paqaspa juk o ishkë höra pasareqnöllam pasarin”.
Kënöpis niyanmi: Pecäduta.
Hebreu idiömachöqa “junaqnïkunata yupëta yachatsiyämë” ninmi.
Kënöpis niyanmi: ankupëkayämë; kuyapëkayämë.
O “müsicata tocar jutikita”.
Kënöpis niyanmi: jachanö.
O “Yuraq aqtsayoqna”.
O “muruna chakratapis”.
Kënöpis niyanmi: riukunam.
Hebreu idiömachöqa “Jäh” ninmi. “Jäh” neq palabraqa wallka letrallachö Jehoväpa jutinmi.
Hebreu idiömachöqa “Jäh” ninmi. “Jäh” neq palabraqa wallka letrallachö Jehoväpa jutinmi.
O “juezkunawanqa”. Hebreu idiömachöqa “mandakur jamakunan” ninmi.
Meribä jutiqa “pleytuy o discuti” ninanmi.
Masä jutiqa, “pruëbaman churë” ninanmi. Rikäri “Masllata musyanapaq” neqchö A2 kaqta.
Hebreu idiömachöqa “pruëbaman churayämarqan” ninmi.
O “jurarqä”.
O “adorayë”.
O “muruna chakrakunaqa”.
O “shamushqa”.
O “abëjapa cërannömi”.
O “adorayë”.
Hebreu idiömachöqa “warmi wawankuna” ninmi.
O “vencinampaq yanapashqa”.
O “vencinqantaqa”.
O “müsicata tocayë”.
O “müsicata tocayë”.
O “muruna chakrakunapis”.
Kënöpis niyanmi: Riukunapis.
O “shamushqa”.
O “muruna chakrakunachö”.
O capazchi “chowpinchö”.
Kënöpis niyanmi: Ichirëkaq.
Kënöpis niyanmi: Pecäduta.
O “qampaqmi Teyta Jehovä müsicata tocamushaq”.
Kënöpis niyanmi: ankupëkunki; kuyapëkunki.
Hebreu idiömachöqa “mantsayanqa” ninmi. Rikäri “Bibliachö palabrakunata entiendinapaq” neqta.
Hebreu idiömachöqa “Jäh” ninmi. “Jäh” neq palabraqa wallka letrallachö Jehoväpa jutinmi.
Kënöpis niyanmi: pecäduta.
Kënöpis niyanmi: ankupäshunki; kuyapäshunki.
Kënöpis niyanmi: ankatanömi; pichakatanömi.
Kënöpis niyanmi: ankupäkoq; kuyapäkoq.
Kënöpis niyanmi: pecäduta.
Hebreu idiömachöqa “mantsaqninkunapaqqa” ninmi. Rikäri “Bibliachö palabrakunata entiendinapaq” neqta.
Kënöpis niyanmi: pecäduntsiktapis.
Kënöpis niyanmi: ankupan; kuyapan.
Hebreu idiömachöqa “mantsaqninkunatapis” ninmi. Rikäri “Bibliachö palabrakunata entiendinapaq” neqta.
Hebreu idiömachöqa “mantsaqninkunata” ninmi. Rikäri “Bibliachö palabrakunata entiendinapaq” neqta.
Hebreu idiömachöqa “almä alabanqa” ninmi. Rikäri “Bibliachö palabrakunata entiendinapaq” neqta.
Hebreu idiömachöqa “Leviatan” ninmi. Rikäri “Bibliachö palabrakunata entiendinapaq” neqta.
Kënöpis niyanmi: ichirkun.
O “müsicata tocarnin”.
Kënöpis niyanmi: Pecäduta.
Hebreu idiömachöqa “almä alabanqa” ninmi. Rikäri “Bibliachö palabrakunata entiendinapaq” neqta.
Hebreu idiömachöqa “Jäh” ninmi. “Jäh” neq palabraqa wallka letrallachö Jehoväpa jutinmi.
O “müsicata tocar alabayë”.
Hebreu idiömachöqa “asheqkuna” ninmi.
Hebreu idiömachöqa “ashiyë” ninmi.
Hebreu idiömachöqa “tantata warkukuyänan qerutam pakirqan” ninmi. Tsënö nirqa, capazchi tantata warkuyänan qerupaq parlëkan.
Capazchi, egipciukunapaq parlëkan.
Kënöpis niyanmi: tutapëman.
Capazchi Moisespaqwan Aaronpaq parlëkan.
Kënöpis niyanmi: lachakkuna; säpukuna.
O “ninata mandamurqan”.
Kënöpis niyanmi: churqapikunaqa.
Kënöpis niyanmi: jankatmi.
Kënöpis niyanmi: riunöraq.
Hebreu idiömachöqa “Jäh” ninmi. “Jäh” neq palabraqa wallka letrallachö Jehoväpa jutinmi.
Hebreu idiömachöqa “Jäh” ninmi. “Jäh” neq palabraqa wallka letrallachö Jehoväpa jutinmi.
Kënöpis niyanmi: pecäduta.
O “consejananta”.
Kënöpis niyanmi: Toldu.
Kënöpis niyanmi: pecäduta.
Hebreu idiömachöqa “pleytuy o discuti” ninmi.
O “qowanta o runanta jukwan engañaq warminö traicionarmi”.
Kënöpis niyanmi: pecäduta.
Kënöpis niyanmi: ankupaq; kuyapaq.
Kënöpis niyanmi: ankupäyaq; kuyapäyaq.
O “Amen”.
Hebreu idiömachöqa “Jäh” ninmi. “Jäh” neq palabraqa wallka letrallachö Jehoväpa jutinmi.
Kënöpis niyanmi: pecäduta.
Kënöpis niyanmi: joqarkun.
Kënöpis niyanmi: riukunatam.
O “mëtsika yakuyoq qochakunata”.
O “müsicata tocamushaq”.
Hebreu idiömachöqa “wiyëkamë” ninmi.
O capazchi “sagrädu sitiupitam”.
O “ruri pampatapis”.
Hebreu idiömachöqa “alli segurashqa marka” ninmi.
Kënöpis niyanmi: paqakunä; mayllakunä.
Kënöpis niyanmi: pecädu.
O “trampata churayäputsun”.
O “kuyatsuntsu”.
Kënöpis niyanmi: ankupäyätsuntsu; kuyapäyätsuntsu.
O “imëkampis ushakätsun”.
Kënöpis niyanmi: pecäduta.
Kënöpis niyanmi: ankupäkuyta; kuyapäkuyta.
Kënöpis niyanmi: churqapinömi.
Kënöpis niyanmi: qopinman.
Kënöpis niyanmi: joqarkamunqa.
O “dominanëkipaq”.
O “vencinki”.
Kënöpis niyanmi: shullanöraq; shushalnöraq; shushanöraq.
O “Mëtsë”.
Kënöpis niyanmi: joqarkur.
Hebreu idiömachöqa “Jäh” ninmi. “Jäh” neq palabraqa wallka letrallachö Jehoväpa jutinmi.
Kënöpis niyanmi: ankupäkoqmi; kuyapäkoqmi.
Hebreu idiömachöqa “Mantsaqkunatam” ninmi. Rikäri “Bibliachö palabrakunata entiendinapaq” neqta.
Hebreu idiömachöqa “mantsarmi” ninmi. Rikäri “Bibliachö palabrakunata entiendinapaq” neqta.
Hebreu idiömachöqa “Jäh” ninmi. “Jäh” neq palabraqa wallka letrallachö Jehoväpa jutinmi.
Hebreu idiömachöqa “mantsaq” ninmi. Rikäri “Bibliachö palabrakunata entiendinapaq” neqta.
Kënöpis niyanmi: ankupäkoq; kuyapäkoq.
Kënöpis niyanmi: ankupar; kuyapar.
Hebreu idiömachöqa “Jäh” ninmi. “Jäh” neq palabraqa wallka letrallachö Jehoväpa jutinmi.
Hebreu idiömachöqa “Jäh” ninmi. “Jäh” neq palabraqa wallka letrallachö Jehoväpa jutinmi.
Kënöpis niyanmi: riupis.
Hebreu idiömachöqa “mantsaqkuna” ninmi. Rikäri “Bibliachö palabrakunata entiendinapaq” neqta.
Hebreu idiömachöqa “mantsaqninkunatam” ninmi. Rikäri “Bibliachö palabrakunata entiendinapaq” neqta.
Hebreu idiömachöqa “jatuntapis ichiktapis” ninmi.
Hebreu idiömachöqa “Jäh” ninmi. “Jäh” neq palabraqa wallka letrallachö Jehoväpa jutinmi.
Hebreu idiömachöqa “Jäh” ninmi. “Jäh” neq palabraqa wallka letrallachö Jehoväpa jutinmi.
Hebreu idiömachöqa “Jäh” ninmi. “Jäh” neq palabraqa wallka letrallachö Jehoväpa jutinmi.
O “wiyamänampaq muchkimuntinmi o umpumuptinmi”.
Kënöpis niyanmi: ankupäkoqmi; kuyapäkoqmi.
Hebreu idiömachöqa “Jäh” ninmi. “Jäh” neq palabraqa wallka letrallachö Jehoväpa jutinmi.
Hebreu idiömachöqa “Jäh” ninmi. “Jäh” neq palabraqa wallka letrallachö Jehoväpa jutinmi.
Hebreu idiömachöqa “mantsaqkuna” ninmi. Rikäri “Bibliachö palabrakunata entiendinapaq” neqta.
Hebreu idiömachöqa “Jäh” ninmi. “Jäh” neq palabraqa wallka letrallachö Jehoväpa jutinmi.
Hebreu idiömachöqa “Jäh” ninmi. “Jäh” neq palabraqa wallka letrallachö Jehoväpa jutinmi.
O “jatun”.
O capazchi “yanapamaqkunawan juntu këkan”.
O capazchi “tanqarkamarqëki”.
Hebreu idiömachöqa “Jäh” ninmi. “Jäh” neq palabraqa wallka letrallachö Jehoväpa jutinmi.
Kënöpis niyanmi: toldu.
Kënöpis niyanmi: joqarëkan.
Hebreu idiömachöqa “Jäh” ninmi. “Jäh” neq palabraqa wallka letrallachö Jehoväpa jutinmi.
Hebreu idiömachöqa “Jäh” ninmi. “Jäh” neq palabraqa wallka letrallachö Jehoväpa jutinmi.
Hebreu idiömachöqa “Jäh” ninmi. “Jäh” neq palabraqa wallka letrallachö Jehoväpa jutinmi.
Kënöpis niyanmi: Pecäduta.
Hebreu idiömachöqa “juzganqëkiqa” ninmi.
Kënöpis niyanmi: Pecäduman.
O “Yachatsimanqëkitam alli yachakushaq”.
Kënöpis niyanmi: ankupämar; kuyapämar.
O “yarpätsikuynikikunatam”.
O “mandamientuykikunapitam alli yachakü”.
O “Parlanqëkinö”.
O “parlanqëkinö”.
O capazchi “shonqüchö imëpis confiakunäpaq”.
O “parlanqëkita”.
O capazchi “respetayäshoqnikikunapaq ruranqëkinö”.
O “parlanqëkinö”.
Kënöpis niyanmi: joqarkur.
O “Mandakunqëkikunapitam alli yachakushaq”.
O “forastërunö mëchö kawaptïpis”.
Hebreu idiömachöqa “Mantsayäshoqnikikunawan” ninmi. Rikäri “Bibliachö palabrakunata entiendinapaq” neqta.
O “parlanqëkinömi”.
Kënöpis niyanmi: pecäduta.
O “pantar jutsata ruraq”.
Kënöpis niyanmi: acusayäman.
Kënöpis niyanmi: ankupäkuyta; kuyapäkuyta.
Kënöpis niyanmi: pecäduta.
Hebreu idiömachöqa “mantsayäshoqnikikunaqa” ninmi. Rikäri “Bibliachö palabrakunata entiendinapaq” neqta.
O “parlanqëkinö”.
Kënöpis niyanmi: ankupëkallämë; kuyapëkallämë.
O “ulikurkurmi o llullakurkurmi”.
O “yachatsimanqëkitam alli yachakushaq”.
Hebreu idiömachöqa “Mantsayäshoqnikikuna” ninmi. Rikäri “Bibliachö palabrakunata entiendinapaq” neqta.
O “Tsëtaqa llapan junaqkunam alli yachakü”.
O “yachakü”.
O “chiwchinömi”.
O “parlanqëkinö”.
O “jukta jukta kuyaqkunataqa”.
O “parlanqëkinö”.
O “Penqakushqa”.
O “Parlanqëkita”.
Kënöpis niyanmi: ankupëkallämë; kuyapëkallämë.
Hebreu idiömachöqa “jutikita kuyaqkunapaq mandakunqëkinö” ninmi.
Kënöpis niyanmi: riu.
O “ninachö limpiuyätsishqa”.
O “yachakü”.
O “parlanqëkinö”.
Kënöpis niyanmi: ankupäkoqmi; kuyapäkoqmi.
O “Parlanqëkinö”.
Hebreu idiömachöqa “witsëpa ëwarnin cantayanqan” ninmi.
Tsënö nirqa, Jehoväpaqmi parlëkan.
Kënöpis niyanmi: toldu.
Kënöpis niyanmi: tärarqö; pärarqö.
O “karkaryänëkita”.
Hebreu idiömachöqa “mëta ëwaptikipis y mëpita kutimuptikipis” ninmi.
Hebreu idiömachöqa “Jäh” ninmi. “Jäh” neq palabraqa wallka letrallachö Jehoväpa jutinmi.
O “Murälla waqtanchö këkaq juknin murällapita”.
Kënöpis niyanmi: riu.
O “atska wamrayoq”.
Capazchi papäkunapaq parlëkan.
Capazchi wamrakunapaq parlëkan.
Hebreu idiömachöqa “mantsaqkuna” ninmi. Rikäri “Bibliachö palabrakunata entiendinapaq” neqta.
Hebreu idiömachöqa “Mantsaq” ninmi. Rikäri “Bibliachö palabrakunata entiendinapaq” neqta.
Kënöpis niyanmi: Jarukuyaptin.
Hebreu idiömachöqa “mana alli nunakunapa waskantam roqushqa” ninmi.
Kënöpis niyanmi: jachanömi.
Hebreu idiömachöqa “Jäh” ninmi. “Jäh” neq palabraqa wallka letrallachö Jehoväpa jutinmi.
O “rikarartsu”.
Hebreu idiömachöqa “mantsayaq” ninmi. Rikäri “Bibliachö palabrakunata entiendinapaq” neqta.
Kënöpis niyanmi: pecäduta.
O capazchi, Sagrädu Cäjapaq parlëkan.
Kënöpis niyanmi: täränampaqmi; päranampaqmi.
O “Sacerdötinkunatam salvacionwan vistitsishaq”.
O “wëtanqam”.
Kënöpis niyanmi: shaprun.
Kënöpis niyanmi: shullanömi; shushalnömi; shushanömi.
Kënöpis niyanmi: joqariyanqëki.
Hebreu idiömachöqa “Jäh” ninmi. “Jäh” neq palabraqa wallka letrallachö Jehoväpa jutinmi.
Hebreu idiömachöqa “Jäh” ninmi. “Jäh” neq palabraqa wallka letrallachö Jehoväpa jutinmi.
O “Teyta Jehoväpaq müsicata tocayë”.
Hebreu idiömachöqa “Jäh” ninmi. “Jäh” neq palabraqa wallka letrallachö Jehoväpa jutinmi.
O capazchi “kichan”.
Kënöpis niyanmi: täraq; päraq.
Kënöpis niyanmi: ankupanqam; kuyapanqam.
Hebreu idiömachöqa “mantsaqkuna” ninmi. Rikäri “Bibliachö palabrakunata entiendinapaq” neqta.
Kënöpis niyanmi: täraqkunapita; päraqkunapita.
Hebreu idiömachöqa “Jäh” ninmi. “Jäh” neq palabraqa wallka letrallachö Jehoväpa jutinmi.
Kënöpis niyanmi: pullannimpa.
O “penqakushqa”.
Kënöpis niyanmi: riukuna.
Kënöpis niyanmi: täraq; päraq.
O capazchi “wakin dioskunata mana kaqpaq churar”.
O “Seolman”. Rikäri “Bibliachö palabrakunata entiendinapaq” neqchö “Seol” neqta.
O “lamarchö”.
Kënöpis niyanmi: Tutapëpaqa.
Kënöpis niyanmi: tutaparpis.
O capazchi “awamarqëki”.
Hebreu idiömachöqa “patsa rurinchö imanö awashqa kanqätam” ninmi.
O capazchi “yupëkällaraq”.
Hebreu idiömachöqa “peqäta o umäta tsapanki” ninmi.
Kënöpis niyanmi: Acusakoq.
Kënöpis niyanmi: joqarkur.
Kënöpis niyanmi: Jarukuyaptin.
O “Seol”. Rikäri “Bibliachö palabrakunata entiendinapaq” neqchö “Seol” neqta.
Tsë palabra ima ninan kanqanqa manam musyëllatsu. Rikäri “Bibliachö palabrakunata entiendinapaq” neqta.
Hebreu idiömachöqa “yarpämantsu” ninmi.
Kënöpis niyanmi: pecädu.
Kënöpis niyanmi: tutapëchönö.
Hebreu idiömachöqa “kallpäpis ishkirinnam” ninmi.
O “alli yachakü”.
Kënöpis niyanmi: joqarkurmi.
Hebreu idiömachöqa “upällatsi” ninmi.
Kënöpis niyanmi: joqariyan.
Kënöpis niyanmi: joqariyan.
Kënöpis niyanmi: ankupäkoqmi; kuyapäkoqmi.
O “raslla o saslla mana cölerakoqmi”.
Kënöpis niyanmi: Ankupäkoq; Kuyapäkoq.
Hebreu idiömachöqa “makikita kichanki” ninmi.
Hebreu idiömachöqa “mantsaqkuna” ninmi. Rikäri “Bibliachö palabrakunata entiendinapaq” neqta.
Hebreu idiömachöqa “shimï alabanqa” ninmi.
Hebreu idiömachöqa “Jäh” ninmi. “Jäh” neq palabraqa wallka letrallachö Jehoväpa jutinmi.
O “Jehoväpaq müsicata tocashaq”.
Kënöpis niyanmi: joqarkun.
Hebreu idiömachöqa “Jäh” ninmi. “Jäh” neq palabraqa wallka letrallachö Jehoväpa jutinmi.
Hebreu idiömachöqa “Jäh” ninmi. “Jäh” neq palabraqa wallka letrallachö Jehoväpa jutinmi.
O “Diosnintsikpaq müsicata toquëqa”.
Hebreu idiömachöqa “mantsayaptin” ninmi. Rikäri “Bibliachö palabrakunata entiendinapaq” neqta.
Kënöpis niyanmi: Rapitsimunqampis; Jankatsimunqampis.
Kënöpis niyanmi: täraq; päraq.
Hebreu idiömachöqa “Jäh” ninmi. “Jäh” neq palabraqa wallka letrallachö Jehoväpa jutinmi.
Hebreu idiömachöqa “Jäh” ninmi. “Jäh” neq palabraqa wallka letrallachö Jehoväpa jutinmi.
Kënöpis niyanmi: rapi; janka.
Kënöpis niyanmi: päreq; vuëlaq.
Kënöpis niyanmi: täraq; päraq.
Hebreu idiömachöqa “ollquwan manaraq oqllanakushqa” ninmi.
Hebreu idiömachöqa “Jäh” ninmi. “Jäh” neq palabraqa wallka letrallachö Jehoväpa jutinmi.
Hebreu idiömachöqa “Jäh” ninmi. “Jäh” neq palabraqa wallka letrallachö Jehoväpa jutinmi.
Kënöpis niyanmi: täraq; päraq.
Hebreu idiömachöqa “Jäh” ninmi. “Jäh” neq palabraqa wallka letrallachö Jehoväpa jutinmi.
Hebreu idiömachöqa “Jäh” ninmi. “Jäh” neq palabraqa wallka letrallachö Jehoväpa jutinmi.
Kënöpis niyanmi: qopinchö.
Kënöpis niyanmi: jiruruypa.
O “caramïlluta”.
Hebreu idiömachöqa “Jäh” ninmi. “Jäh” neq palabraqa wallka letrallachö Jehoväpa jutinmi.
O “¡Alelüya!”. Hebreu idiömachöqa “Jäh” ninmi. “Jäh” neq palabraqa wallka letrallachö Jehoväpa jutinmi.