Alli Yachaq Maestrono rurashun Enseña librota inshirnin
1. ¿Imanötaq Jesús yachatsikorqan?
1 Jesús Alli Yachaq Maestrom, imëpis yachatsikoq shumaqlla y käyipaqnolla. Wiyaqninkunata shumaq käyitsinampaqqa, horaqa puntatam ima pensayanqantapis tapoq (Mat. 17:24-27). Diospa Palabran nenqantam rikätseq (Mat. 26:31; Mar. 7:6). Manam discipulonkunata qallanampita atskatatsu yachatseq, musyaqmi ichikllapa ichikllapa yachakuyänanta (Juan 16:12). Hina yachatsirnin segurom këta munaq kayikäyanqanta y creiyanqantapis (Mat. 13:51). Tsëman pensëkurmi Enseña librota rurayashqa, Jesusno wakinkunata yachatsinapaq.
2. ¿Imanötaq cada capitulopa qallanancho tapukïninkunata inshishwan?
2 Qallanancho tapukikuna: Estudiantewan huk capitulopita yachakuyänekipaqqa, alläpa precisom titulopa hawancho tapukikunata rikätsineki. Estudiante más musyëta munanampaqqa, tapukïninkunallata leirïki o tsëcho tapukïkunapita käyinqanta ichikllacho contestaramutsun. Manam llapan parlamonqampitatsu yachatsineki ni llapan mana alli nenqampitatsu käyitsineki. Parlamonqampita agredeciki y estudiar qallëkuye. Tse tapukikunata contestamonqanmi, yanapashunki rikänekipaq imacho más yachatsinekipaqpis.
3. ¿Imanötaq huk estudio käyipaqnolla kanman?
3 Texto biblicokuna: Estudioqa Biblia nenqampitam kanman (Heb. 4:12). Tsëno kaptimpis, manam llapan textokunatatsu leishun. Creenciantsikpaq textokuna parlaqta alleq käyitsi. Wakin textokunataqa manam alläpa precisotsu leineki. Enseña libroqa fácil-llam rasumpa kaqpita yachatsikun; tsëmi fácil käyipaqnolla yachatsineki. Más precison kaqkunata käyitsi, y alläpaqa parlëtsu huk informacionkunata inshirnin.
4. ¿Imanötaq musyashun estudio hora tiempota rakinapaq apéndice nishqampita yachatsinapaq?
4 Apéndice: Chunka chusku temakunawanmi apéndice nishqan yanapan wakin capitulokunata. Estudiocho kë temakunapita yachatsinekipaqqa qammi rikäneki. Wakin temakunapaqqa itsa estudianteta animankiman kikinlla leinampaq apéndice nishqanta, yachakikanqampita käyiptin y creiptinnaqa. Jesús, Mesías kanqanta estudiante creiptenqa, manachi alläpa precisonatsu kanman apéndice “Jesucristo, el Mesías prometido” nishqampita yachatsineki, capítulo 4 “¿Quién es Jesucristo?” temapita yachatsikïkarqa. Huk capitulokunachoqa itsa preciso kanqa, estudio hora tiempota rakirïkur apéndice nishqampita ichikllatapis yacharatsinantsik.
5. Apéndice nishqampita yachatsirnenqa, ¿imanötaq rurashwan?
5 Apéndice nishqampita yachatsirnenqa puntallapitanam alistaneki tapukïninkunata llapan parrafokunapaq, libropa tapukïninkunatano. O, estudianteta mana käyeqtano rikarqa, itsa estudiekar huk minutokunata rakirinkiman, apéndice nishqampita yachakuriyänekipaq. Tsënopam rikanki estudiante kikinlla leinqanta, käyinqanta o mana käyinqantapis.
6. ¿Imanöraq inshishwan cada capitulopa ushanancho recuadrota?
6 Yarpänapaq recuadro: Cada capítulo ushananchömi tarintsik huk recuadrota, tsechömi qallanan capitulopa tapukïninkunata llapantano contestan. Tsëcho nenqankunatam inshinkiman, tse capitulopita más precison kaqkunata yarpätsinekipaq. Wakin publicadorkunaqa tariyashqa alläpa alli kanqantam estudiantekunawan tse respuestankuna lei, y itsa tsëcho texto biblicokunatapis. Tsepitam estudianteta niyan parlayämunampaq imanomi tse textokuna yanapan tsëcho respuestakunata. Tsënopam yachatsikoq musyanqa, tse capitulopa más preciso yachatsikïninkunata y texto bíblico nenqanta, käyenqanta y creinqantapis. Hina estudiante yachakonqam Biblia inshita, rasumpa kaqta wakinkunata yachatsinampaq.
7. ¿Imanöraq inshishwan Enseña librota willapäkinintsikta cumplinapaq?
7 Yachatsikiwan shumaq cumplinapaqqa y bautismoman chätsinapaqqa, Jesús yachatsikonqannomi yachatsikunantsik (Mat. 28:19, 20). Enseña librom yanapamäshun tsëno ruranapaq. Rasumpa kaqpita, claro, shumaq y käyipaqnolla nunakunata alleq yachatsinekipaqqa, kë librota inshi.