¿Qué enseña realmente la Biblia? libropita yachakushun
1 2005 wata “Obediencia a Dios” nishqan hatun asambleachömi, castellanochö ¿Qué enseña realmente la Biblia? librota kushishqa chaskerqantsik. Kë librowanna wayin wayin yachatsikunantsik kaptin y nunakunatapis tsëllawanna estudio biblicota qonantsik kaptinmi, kë libropitaqa alleq yachakunantsik. Tsëpaqmi kananqa quechuachöna yachakushun Libropita Yachakunapaq reunionchö, 8 de septiembre 2008 watapita witsëpa.
2 Libropita Yachakunapaq reunionta dirigeqmi, yachatsikur qallamonqa tïtulopa hawanchö këkaq tapukïkunapita. Tsëpitanam yachakushun pärrafokunapita, hawanchö këkaq tapukïkunawan, y textokunapita leirirmi comentarishun. Yachakonqantsikta yarpärinapaqqa yanapamäshun capítulo ushanancho “Biblia yachatsikonqan” neq recuadrom, tsëchöqa capïtulopa qallananchö tapukïkunapa respuestantam tarishun. Kë libroqa manam ajatsu o sasatsu, shumaqmi yachatsimantsik, tsëmi llapan tapukayämonqanchö mëraq comentarita munashun.
3 Libropa apendicenchömi más yachatsikïkunata tarintsik, y Bibliapita yachakïkaqkuna más yachakïta munayaptin yachatsinapaqmi këkan. Höraqa apendicepita yachakushun Libropita Yachakunapaq reunionchömi. Reunionchö leeq wawqim, tsë reunionpaq kaq apendiceta llapanta leimonqa. Leinampaq alläpa atska kaptenqa, wallkallaman rakirirmi leimonqa. Apendicepaqa manam tapukïninkuna kantsu, tsëmi dirigimoq wawqi más yachakunantsikpaq kaqta tapukamonqa.
4 Libropita Yachakunapaq reunionchöqa manam unëtsu kë libropita yachakushun. Pero, manam Bibliapita yachakïkaqkunawan igualtsu llapanwan yachakunantsik, wakinkunaqa manam Bibliapita alläpa yachayantsu o wakinkunanam paqwë yachayantsu (Hech. 26:28, 29). Y pëkunataqa allim yachatsinantsik Bibliata leitsirnin, y dibujokunata rikätsirnin. Llapan semänakuna Libropita Yachakunapaq reunionman mana faltëllata ëwë, y llapanchöpis Rasumpëpaqa, ¿imatataq Biblia yachatsikun? librochö yachakonqëkita parlakurïta tïrë.