Imanötaq estudiatsikushwan “Dios Yayapa kuyakïnin” librowan
1. ¿Imapaqtaq rurayämushqa “Dios Yayapa kuyakïnin” librota?
1 ¡“Diospa santu espïritunmi yanapamantsik” tëmayoq Hatun Asamblëachö, imanö kushikïpaqmi chaskerqantsik “Dios Yayapa kuyakïninchö imëpis kawakuyë” librota! Tsë asamblëachö niyämonqannöpis, kë librotaqa manam Bibliapa principal yachatsikïninkunata musyanallapaqtsu rurayämushqa, antis Diospa mandakïninkunata reqinapaq y kuyanapaqmi. Manam wayin wayin ëwar yachatsikunapaqtsu.
2. ¿Pikunatataq kë mushoq librowan yachatsishun y imanötaq yachatsishun?
2 Huk estudiante Yachatsikun librota ushariptenqa, kë mushoq librowannam yachatsishun. Yarpäshun, manam llapan nunakunatsu igual yachakuyan, tsëmi yachakuyanqanmannölla yachatsinantsik. Tsënö kaptimpis estudiantekuna alli yachakuyänantam rikänëki. Y atska librokunatana estudiashqa këkar reunionkunaman mana shamuptin, y Bibliapita yachakonqannö kawëta mana munaptenqa, itsa kë librowan manana yachatsishwannatsu.
3. ¿Imataraq rurashwan Adoremos librowanna pitapis yachëkätsirnenqa?
3 Adoremos nishqan librowan pitapis yachatsir ushëkarnaqa, allichi hukllana usharkatsinkiman, y tsëqa “Dios Yayapa kuyakïnin” librota kikinllana leinampaqmi nirinkiman. Mana tsënö kaptenqa, allichi kë mushoq librowan qallanampita ushananyaq yacharatsinkiman. Yachatsikun librowan ruranqantsiknöpis, kikintsiknam rikänantsik apéndice nishqampita yachatsinapaq o mana yachatsinapaqpis.
4. ¿Imatataq ruranantsik Yachatsikun o “Dios Yayapa kuyakïnin” librokunata manaraq ushar huk estudiante bautizakuptin?
4 Yachatsikun y “Dios Yayapa kuyakïnin” librokunata manaraq usharnin huk estudiante bautizakuriptenqa, “Dios Yayapa kuyakïnin” libropita yachatsirnin ushatsinantsikraqmi. Y tsë mushoq librota manaraq ushar bautizakuptimpis, yupashwanmi yachatsenqantsik hörata, revisïtata y huk estudiota. Yanaqaq publicadorpis yupanmanmi höranta.
5. Wayin wayin yachatsikïman manana yarqoqta, ¿imanötaq yanapashwan “Dios Yayapa kuyakïnin” librowan?
5 Wayin wayin yachatsikïman manana yarqoqta yanapanëkipaq mëqan ancianopis nishurnikeqa, itsa nishunki “Dios Yayapa kuyakïnin” libropa wakin capïtulonllata yachatsinëkipaq. Yachatsirnenqa, manam alläpa tiempochötsu ushatsinëki. ¡Kë librota chaskinqantsikqa alläpa kushikïpaqmi! Y “Dios Yayapa cuyacuyninchö” imëpis kawakunapaqmi kë mushoq librotaqa rurayämushqa (Judas 21, Señor Jesucristopa Alli Willacuynin Conchucos Quechua-Norte).