¿Imakunachöraq yanapamäshun Libropita Yachakunapaq reunión?
1. ¿Ima allikunataraq yachatsimantsik semanacho pitsqa reunionkuna?
1 Semanacho pitsqa reunionkunaqa huk-läyayanmi kayan. Tsënö karnimpis llapan reunionkunam alläpa alli kayan, tsëchömi ‘huknin hukninwampis yanapanakuntsik kuyanakunapaq, allikunata ruranapaqpis’ (Heb. 10:24, 25). ¿Ima allikunachöraq yanapamantsik Libropita Yachakunapaq reunión?
2. ¿Imachötaq yanapakun wallkaqllayan ëllukanqantsik?
2 Jehovapa kaqcho winë. Wakin reunionkunapitaqa, Libropita Yachakunapaq reuniontaqa rurantsik wallkaqllam, tsëmi yanapamantsik shumaq reqinakunapaq, y Jehovapa kaqcho alli winanapaq (Pro. 18:4). ¿Kallpachakushqantsiktsuraq tsëchö kaqkunata reqinapaq, y willapäkunapaqpis pushëkantsikku? Hina Libropita Yachakunapaq reunionqa yanapanmi dirigeqta, tukï pasëkäyanqanta musyanampaq y llapanta hukllëllapayan yanapanampaq (Pro. 27:23).
3. Libropita Yachakunapaq reunión, ¿imanirtaq alli, comentanapaq y Bibliapita yachakïkaqkuna shayämunampaq?
3 ¿Noqantsikwan Bibliapita yachakïkaqkunata invitarqontsikku, Libropita Yachakunapaq reunionman? Wakin reunionkunaman ewëta mantsakoqkunaqa, itsa, kë ichik reunioncho alläpaqa penqakuyanqatsu, huk wayillachö kaptin. Wallkaqlla karmi, mantsakuyanqatsu jövenkuna y tsëraq yachakïkaqkunapis parlakarayämunampaq. Hinamampis, wallkaqlla ëllukarmi comentariontsikwan Jehovata más alabantsik (Sal. 111:1).
4. ¿Hina imachötaq yanapamantsik Libropita Yachakunapaq reunión?
4 Libropita Yachakunapaq reuniontaqa rurayämun llapan markëkipanömi. Täranqantsikpa grupoman ewanapaq mana nimashqapis, itsa Ëllukäna Wayipitapis más këllachöna këkanman. Hina, reunión rurana wayichöqa ëllukashwanmi willapäkoq yarqunapaqpis.
5. ¿Imanöraq Libropita Yachakunapaq reunión dirigeq wawqi yanapamashwan alli willapäkunapaq?
5 Willapäkunapaq yanapakï. Libropita Yachakunapaq reunionta dirigeq wawqim, yanapamäshun willapäkoq llapantsik yarqunapaq y kushishqa purinapaq. Tsëmi pëqa kallpachakun reunionman ewaqkunata yanapanampaq, llapancho alli yachatsikuyänampaq. Alli käyirinapaq, wiyaqkunaman kutinan sasa kaptenqa, pëwan parlashun. Itsa alli willapäkoq publicadorwan churamashwan. Hinamampis, Libropita Yachakunapaq reunionta dirigeq wawqi alli yachatsikonqanta wiyakorqa, alli yachatsikoqmi tikrashun (1 Cor. 4:17).
6. ¿Imanir-raq kallpachakushwan kë reunionpita alli yachakunapaq?
6 Libropita Yachakunapaq reunionqa, Diospa rasumpa bendicionninmi. Kuyakurnin reunionta qaramanqantsikmi, yanapamantsik sasa kawëkunacho alleq tsarakunapaq (Sal. 26:12).