¿Alli yanaqitsuraq kä?

1. ¿Imanirtaq alläpa alli yachatsikïman yanaqiyoq yarqï?

¹ Huk kutim 70 qateqninkunata “ishquepayan” Jesus yachatsikoq kacharqan (Luc. 10:1). Tsënöpam ishkaqyan kar yanapanakuyarqan y kallpata qonakuyarqan. Noqantsikpis huk publicadorwan yachatsikïman yarqur, ¿imatataq rurashwan yanapanapaq?

2. Yanaqintsik pitapis parlapanqan hora, ¿imanirtaq shumaq wiyashwan, y imanötaq tsëta rurashwan?

² Alli wiyashun. Yanaqiki yachatsikïkanqanta shumaq wiyë (Sant. 1:19). Huk textota leiptinqa Bibliëkichömi qampis leir qatinëki. Mëqampis parlëkaqta rikë. Yanaqiki parlanqanta alli bueno wiyaptikiqa, wayiyoq nunapis tsënöllam ruranqa.

3. ¿Imëraq yanaqintsikta yanapashwan?

³ Musyanantsikmi imë parlanapaqpis. Yanaqintsik parlaptinqa upällallam wiyantsik, y tsëta rurarmi respetakoq kanqantsikta rikätsikushun (Rom. 12:10). Tsëmi yanaqintsiklla parlapänanta haqinantsik. Pero imatapis yachëkätsinqanta qonqëkur o imatapis tapuyaptin mana contestëta yachar yanapanëkipaq nishuptikiqa, tsë tëmallapita parlarmi yanapanëki. Y pë yachëkätsinqannöllam parlapänëki (Pro. 16:23; Ecl. 3:1, 7). Tsënöpam yanapakunki yanaqiki yachëkätsinqan claro quedarinampaq (1 Cor. 14:8).

4. ¿Imataq yanapamäshun yachatsikur kushishqa kanapaq?

⁴ Ishkëpayan yarqoq Jesuspa 70 qateqninkunaqa, yachatsikïpita ‘allapa cushishqam cutiyämorqan’ (Luc. 10:17). Noqantsikpis alli wiyaq kar y yanaqintsik yanapanata wananqan hora parlarqa, kushishqam yachatsikunqantsikpita kutiramushun.