Semänachö reunión jukläyana kanqa

3 de septiembre semänapita qallëkurmi, Bibliapita Yachakunapaq reunionqa 25 minütosnatsu kanqa, sinöqa 30 minütosnam. Yachatsikur qallamoqmi juk minütochö yarpätsikamunqa pasaqnin semänachö yachakunqantsikpita. Diospa Gobiernompita Yachatsikunapaq reunionpis manam 35 minütosnatsu kanqa, sinöqa 30 minütosllanam. Willakïkunaqa mananam kanqanatsu. Kanampita witsëpaqa, precisaq willakïkunata willakamunqa Diospa Gobiernompita Yachatsikunapaq reunionta qallaq kaqmi. Casi imëpis willakïkunaqa wallkallam kanqa, y höraqa manam kanqapistsu, porque manam willakayämunqanatsu tsë reunionchö yachatsikayämunampaq kaqta. Jina mëchö yachatsikunapaq kaqta, pitsapakï pita tocanqanta y salüdokunatapis manam willakayämunqanatsu (km 10/08 pág. 1 párr. 4). Juk jatun willakï kaptinqa, tsë reunionchö yachatsikoqkunatam puntallapitana willayänan wallka tiempollachöna rurayänampaq.