¿Tardekunapa yachatsikïta puëdishwantsuraq?
1. Juk libro ninqannöpis, ¿imë hörakunataq Pablu yachatsikoq?
1 Juk libro willakunqannöpis, apóstol Pabluqa “las cuatro de la tardepita ampinqanyaq[shi]” wayin wayin yachatsikoq (Daily Life in Bible Times). Tsë hörakuna yachatsikunqanta alleq mana musyarpis, “alli willaquita willa[cunan]recur” imëkatapis ruranampaq listo këkanqantaqa clärom musyantsik (1 Cor. 9:19-23). Mëraq tiemponta alli rakeq nunakuna wayinkunachö kayanqan hora yachatsikunampaq.
2. ¿Imanirtaq tardekunapa yachatsikï más alli?
2 Më tsëchömi publicadorkunaqa qoyakunapa o wäraykunapa wayin wayin yachatsikuyan. Pero ¿tsë hörakunaku nunakuna wayinkunachö más pärayan? Juk precursormi kënö nin: “Junaqpaqa manam nunakunata tarïllatsu, pero ampipam sïqa”. Ampipaqa nunakuna masmi wiyakuyan. Jina ollqukunatapis masmi tarintsik. Allitanö rikarqa, tardekunapa yachatsikï kanampaqmi anciänokuna patsätsiyanman o kamakätsiyanman.
3. ¿Imanötaq alli juicioyoq kanqantsikta rikätsikuntsik ampikunapa yachatsikurnin?
3 Alli jucioyoq kashun. Ampikunapa yachatsikurqa alli jucioyoq kanqantsiktam rikätsikunantsik. Këllaman pensarishun, höraqa capaz mikïkäyanqan hora o ima precisaqchöpis këkäyanqan hora chärishwan, tsëqa más rätunta kutinantsikpaqmi nirishwan. Ampiraqchö karqa, rikämänantsik kaqllaman churakäshun, y raslla willashun pï kanqantsikta y imarëkur watukëkanqantsikta. Jina alläpam precisan ishkaq ishkaq o grüpowan paqta purinantsik, aktsiyoq cällekunatam ashinantsik y manam yëkunantsiktsu tsunyaq sitiokunamanqa. Manam allitsu kanman alläpa paqas hora wayikunaman chëqa, capaz wayiyoqkunaqa punukuyänampaqna alistakïkäyanman (2 Cor. 6:3). Jinamampis, peligroso sitiokunachöqa manaraq ampiptin yachatsikïmi más alli (Prov. 22:3).
4. ¿Imanirtaq tardekunapa yachatsikïqa más alli?
4 Imanir alli kanqan. Nunakunata wayinkunachö tarir y yachatsirqa más kushishqam sientekuntsik. Más atskaq nunakunata yachatsirqa, mëtsikaqtam yanapashun rasumpa kaqta reqiyänampaq y salvakuyänampaq (1 Tim. 2:3, 4). Tsëqa, ¿puëdishwantsuraq tiempontsikta rakita tardekunapa yachatsikunantsikpaq?