Israel markam Jehoväta qonqëkurqan

Judächö y Jerusalenchö orgullösu y mana wiyakoq këninkunata jaqiyänampaq kaqta rikätsikunampaqmi Jehoväqa Jeremïasta cargun qorqan, y tsë rurananqa manam fäciltsu karqan.

Lïnupita rurashqa wachukutam Jeremïasqa rantirqan

13:1, 2

• Tseqllanman wachukuta churakunqanmi rikätsikurqan Jehoväwan Israel marka amïgu kayanqanta.

Eufratis mayumanmi Jeremïasqa wachukuta aparqan

13:3-5

• Qatsashqa jatun qaqaman wachukuta pakëkurmi Jeremïasqa Jerusalenman kutirqan.

Eufratismanmi Jeremïasqa wachukuta asheq ëwarqan

13:6, 7

• Lïnupita rurashqa wachukuqa ismushqanam karqan.

Jeremïas ruranampaq kaqta ushariptinmi, Jehoväqa willarqan tsë ruranqa ima ninan kanqanta

13:8-11

• Jeremïas ruranqan mana precisaqnö këkaptimpis, nunakunapa shonqunkunaman Jehovä chëta munanqanchömi tsë ruranqan yanapakurqan.