¿Kapushunkiku kikikipaq huk territorio?
1. ¿Imataq kikintsikpaq huk territorioqa?
1 Kikikipa huk territorioqa, qamta territorio qoyäshunqekim. Tse territorio amanullacho kaptenqa más rasllam chärinki willapäkunekipaq, hapallëki o huk publicadorwampis. Allapa allim congregacionwan willapäkoq yarqunantsik, pero kikintsikpaq huk territoriontsik kapamashqaqa, yanapamäshunmi huk kutikunachopis willapäkunapaq y llapan tse territoriocho täraqkunaman chänapaq, keqa allim congregacionpa atska territorionkuna kaptinnaqa (Hech. 10:42).
2. ¿Ima allitataq tarintsik huk territorio kikintsikpaq kaptenqa?
2 ¿Imanirtaq allapa alli?: Wakin wawqikunaqa almorcë hora o trabajonkuna ushariptinmi, shumaq horata tariyashqa willapäkuyanampaq tse kikinkunapa amanu territorionkunacho. Wakinkunaqa shumaqmi kushikuyan llapan familianwan vecinonkunata willapaq ewarnin, huk hörano manaraq Estudio de Libro de Congregación qallaptin. Tseno rurayanqanchomi, revisitakunata y estudiokunatapis tariyashqa amanukunallacho y tsenopam allapa tiempota perdiyannatsu y manam allapa utiyannatsu, hinamampis qellëta allapa gastayannatsu. Más atskatam ichiklla tiempocho rurëta puedentsik, tsemi wakin wawqikunaqa precursor auxiliar o regular ketapis puedeyan. Hinamampis kikintsikpa territoriontsikcho trabajashqaqa, masmi tsecho täraq nunakunata reqishun y manam mantsamäshuntsu. Tsemi musyashun imano pekunapa problemankunapaqno presentacionnintsikta tumatsinapaq, tsenopa shonqunkunayaq chänapaq.
3. ¿Imanötaq karqan huk precursora kikimpaq territoriota akranqancho?
3 Huk precursoratam huk superintendente de circuito nerqan kikimpaq huk territorion akranampaq, pëmi keno nin: “Nimanqantam rurarqa, y tsepita ichik tiempollachonam más alli reqinakorqa territoriocho kaqkunawan. Hinamampis, visitakonqa horakunatam pekunapaqno tumatserqa. ¿Ima allitataq tarerqan? Puntataqa kima chunka pitsqa revisitakunatam rurarqa huk killacho, pero kananqa rurä puwaq chunkapitapis mastam y kapaman qanchis estudio biblicokunam”.
4. ¿Imanötaq kikikipaq huk territoriota tarinkiman y imanötaq llapanta ushankiman?
4 Imanötaq tarishwan: Kikikipaq huk territoriota munarqa, parle siervo de territorios nishqanwan. Huk publicadortapis invitë pewan willapäkunekipaq. Apuntë huk registro nishqanman wayicho mana kaqkunata y tse territoriota usheta tïre chusku killallacho. Tse tiempollacho ushanan sasa kaptenqa, yanapakita mañë superintendente de Estudio de Libro de Congregación nishqan wawqita o wakin publicadorkunatapis. Chusku killa cumpliriptin y llapanta usharirnam entreganeki tse territoriota, o yapëpis mañakunkimanmi. Pero ama allapa tiempoqa quedakitsu tse territoriowan, kutitsinekim tse killakuna ushariptenqa, tsenopam wakinkunapis tse territoriota mañakuyanqa. Congregacionpa mana allapa territorion kaptenqa y kikikipaq territoriota akreta mana puederqa, tseqa mañankimanmi superintendente de estudio de libro nishqan wawqita, huk territoriopa wakin wayinllatapis willapäkoq ewanekipaq.
5. ¿Imataq allapa preciso kë willapäkinintsikta cumplinapaq?
5 “Hinantin patsacho willapäkinintsikqa” allapa hatunmi (Mat. 24:14). Tsemi, alleq parlanantsik territorio entregamanqantsik wawqiwan. Congregacionwan willapäkonqantsik y kikintsikpa territoriontsikcho willapäkonqantsikmi yanapamashun más atskaq nunakunaman chänapaq.