Juk territoriota katsinqëkiqa yanapashunkim
1. ¿Imataq qamllapaq juk territorioqa?
1 Congregacionnikipa atska territorion kaptinqa, quizá wayikipa lädonkunachö juk territoriota qoyäshunkiman. Tsëmi territoryïki kanqa. Organizados libropa 103 kaq päginanmi willakun, qamllapaq juk territorio kaptinqa yachatsikunqëki hörata más provechanëkipaq kaqta, jina ninmi yachatsikïchö yanapamänapaq juk publicadorkunata invitanapaqpis.
2. ¿Imanöraq territoryïkita utilizankiman grüpochö yachatsikïta yanapanëkipaq?
2 Grüpochö yachatsikïta yanapanapaq utilizäshun. Trabajanqëkipa lädonkunallachö juk territoriota qoyäshuptikiqa, almuerzo hora o trabäjopita yarqunqëki höram yachatsikïta puëdinkiman. Jina, tsëkunapa trabajaq juk publicadorkunatapis invitëta puëdinkim. Y wayiki lädonkunallachö juk territoriota qoyäshuptikiqa, familiëkiwanmi yachatsikoq tardekunapa yarqïta puëdinki. Claro, yachatsikoq yarqunapaq reunionman manana ëwarninqa, manaraq yachatsikur qallarninmi Jehoväta mañakunëki yanapashunëkipaq (Filip. 4:6). Jina alläpam precisan congregacionwan yarqunëkiqa. Y semana ushëkuna grüpïkita yanapanqëkiqa allipaqmi kanqa, porque tsë junaqkunachömi atskaq cristiänokuna yachatsikoq yarquyan.
3. ¿Ima allikunatataq tarinkiman qamllapaq juk territorio kaptinqa?
3 Alli kanqan. Juk territorio kapushuptikiqa musyankim mëchö yachatsikunëkipaq kaqta y puëdinqëki höram yarqïta puëdinki. Jinamampis, karuta manana ëwaptikim yachatsikunëkipaq más tiempo kapushunki. Këqa masmi yanapakunqa precursor auxiliar o regularkuna hörankunata más fácil-lla cumpliyänampaq. Jina tsë kinrëllachö yachatsikurninqa, llapan yachakïta munaqta tarinqëkikunaqa vecinïkikunallam kanqa y más fäcil-llam yapë kutinëkipaq y estudio biblicota qallanëkipaq kanqa. Höraqa, atska kutim territoryïkita yachatsikur ushanki anciänota manaraq entregarnin, jukkunana mañakuyänampaq. Wakinkunaqa niyashqa tsënö rurayanqan tsëchö täraqkunawan más reqinakuyänampaq yanapanqantam. Qamllapaq juk territorio kanqanqa, qamta y familiëkitam yanapashunki yachatsikïchö masta rurayänëkipaq (2 Tim. 4:5.)