Conmemoracionpaq yarpätsikïkuna

Kë wata Conmemoracionqa kanqa lunes 2 de abrilmi. Këkunatam ancianokuna rikäyänan:

◼ Yarpäyänëkim reunionpa höranta churarnin, tantatawan vinotaqa manam pasatsiyänëkitsu manaraq Inti heqaptenqa.

◼ Llapantam willayänëki, discursaqtapis, imë hora y mëcho Conmemoración kanampaq.

◼ Tsë celebracionpaqnömi tantawan vinopis listo kanan (Rikäriki La Atalaya 15 de febrero de 2003, págs. 14, 15).

◼ Manaraq reunión qallaptinmi, Ëllukäna Wayiman churayänëki plätokunata y cöpakunata, mantelwan shumaq tsapashqa mesaman.

◼ Puntallapitanam Ëllukäna Wayita alleq limpiayänëki o huk wayitapis inshiyänëkipaq kaqta.

◼ Acomodadorkunata y tantatawan vïnota pasatseqkunatapis puntallapitanam akrayänëki, y käyitsiyänëkim imanö rurayänampaq, y shumaq vestikushqa y altsakushqa shayämunampaqpis.

◼ Qeshyarnin ungidokuna reunionman shamïta mana puedeyaptenqa, tiempowan arreglokunata rurayë ungidokunata serviyänëkipaq tantatawan vïnota.

◼ Ishkë o más congregacionkuna hukllëlla Ëllukana Wayita inshiyaptenqa, shumaqmi parlayänëki imë horapis reunionta rurayänëkipaq, tsënöpa punkucho, Ëllukana Wayipa nöpancho y carro cuadrakunanchöpis mana kichkipänakuyänëkipaq.