Jesus Wanunqanta Yarpëpaq alistakushun

33 wata 13 de nisan ampim (paqasmi), Jesusqa musyarqanna wanunampaq ichikllana pishikanqanta, y amïgunkunawan juntu tsë ampillana kanampaq kaqta. Tsë kutillanam pascuata pëkunawan celebranan karqan, tsëpitaqa Señorpa Cënanwanmi trukarinan karqan. Alläpa precisaq celebracion kaptinmi alleqraq alistayänan karqan, tsëmi mandarqan Pëdrutawan Juanta tsëta rurayänampaq (Lüc. 22:7-13). Tsëpita patsëmi, alläpa precisan cristiänukunaqa Jesus Wanunqanta Yarpë ampipaq puntallapitana alistakunantsik (Lüc. 22:19, NM). Viernis 3 de abril Jesus Wanunqanta Yarpë manaraq chämuptin, imakunata ruranapaq kaqta rikärishun.

¿Imatataq anciänukuna rurayänan?

Yachatsikuyänan wayita o juk localta alquilayänan kaptinqa alleqmi rikäyänan atska asientukuna y aktsi kananta, y alläpa mana wichqaraqta. Jina puntallapitanam patsätsiyänan mëchö rurayänampaq kaq sitiuta shumaq limpiayänampaq.
Juk alli discursaqta, reunionta qallatseq wawqita y vïnupaqwan tantapaq mañakoq wawqikunatam akrayänan.
Tsë sitiullachö ishkëpita mas reunionta rurayaptinqa, imë hörachö tsë reunionkuna kanampaq kaqta, mëpa yëkuyänampaq o yarquyänampaq kaqta y cärrukuna cuadrakuyänantam alleq rikäyänan.
Tantawan vïnuta pasatsiyänampaq wawqikunata y acomodadorkunatam akrayänan.
Tantawan vïnu alli kananta, plätukuna, cöpakuna y juk mantel kanampaqmi alleq rikäyänan.

¿Imatataq rurayanman congregacionchö publicadorkuna?

Alleqmi kallpachakunantsik Jesus Wanunqanta Yarpëpaq invitakïta.
Juk listatam ruranantsik Bibliata estudiëkaqkunata, familiantsikkunata, trabajaq o estudiaq mayintsikkunata o reqinakushqantsikkunata invitanapaq.
Jesus Wanunqanta Yarpë semänapaq akrashqa textukunatam leyinantsik y leyinqantsikmanmi yarpachakunantsik.
Jesus Wanunqanta Yarpëman shamoqkunatam shumaq chaskinantsik.