¿Alistapakuykankiku Jesus wanunqanta yarpänapaq?

Ichikllachöna Jesus wanunanna kaptinmi, Pascua fiestata apostolninkunawan celebrëta munarqan. Tsëmi, imëpis tsë Pascua fiestata yarparnin rurayänampaq nirqan. Y Pëdrutawan Juantam tsë Pascua fiestapaq alistapakuyänampaq nirqan (Lü 22:7-13; qaranchö dibüjutawan rikäri). Tsënöllam noqantsikpis 27 de marzuchö Jesus wanunqanta yarpänapaq alistapakunantsik. Tsë junaqpaqqa tiempuwanmi ashiyänan pï yachatsikamunampaq kaqta, pikuna tanta rurayänampaq kaqta y pï vïnuta apamunampaq kaqta y maskunata. Y noqantsikqa, ¿imatatan rurashwan tsë junaqpaq listu këkänapaq?

Jesus wanunqanta yarpäna semänapaq rakishqa textukunata leyishun. Tsëpaqqa, cada junaqpaq alistayämunqan textukunata leyishun. Y leyi Llapan junaqkuna Bibliapita yachakunapaq neq follëtuta, Diospa Palabrampita yachakunapaq yanapakïkuna neq follëtuchö Jesus “Patsachö kawanqan ultimu semäna” neqta, y 2020 wata abril killa Reunionchö yachakunapaq neq höjata. Noqantsikrëkur Jesus wanunqanta familiëkiwan mas yachakuyta munarqa, Índice de las publicaciones Watch Tower neqta y Guía de estudio para los testigos de Jehová neqtam leyita puëdinki.

Invitakushun. Llapan nunakunata Jesus Wanunqanta Yarpänapaq Reunionman invitëta procurashun. ¿Pikunatatan invitanantsik? Bibliapita yachatsinapaq watukanqantsikkunata, unë yachatsinqantsikkunata, familiantsikkunata y llapan reqinqantsikkunatam. Creikoqkunata rikaq wawqikunaqa reunionkunaman manana shamoq wawqi panikunatam invitayänan. Y pillapis karuchö täraptinqa, Jesus Wanunqanta Yarpänapaq reunion tsë markapa mëninchö y imë höra kanampaq kaqtaqa tarishun jw.org päginachömi. Tsëpaqqa ëwë, REQIYÄMË ninqanman y “Jesus wanunqanta yarpänapaq reunion” ninqanman.

¿Ima maskunatatan rurashwan?