¿Pikunatataq invitanantsik?

Jesus wanunqanta yarpäna reunionpaqqa, cada watam llapan nunakunata invitëta procurantsik. Tsëmanqa atska mana reqishqantsik nunakunam shayämun. Peru reqinqantsikkunatapis invitanantsikmi. Pëkunaqa reqimarnintsikmi masqa shayämunqa (yb08-S päg. 11 pärr. 3; päg. 14 pärr. 1). Tsëqa, ¿pikunatataq invitanantsik?

• Familiantsikta.

• Trabajaq y estudiaq mayintsikkunata.

• Vecïnuntsikkunata.

• Bibliapita yachakunapaq watukëkanqantsik nunakunata o unëpana mana watukanqantsikkunata.

Reunionman unëpana mana shamoq wawqi panikunatam anciänukuna invitayänan. Karuchö täraq reqinakunqantsikkunata invitëta munarqa, puntataqa musyapakunantsik täräyanqan sitiuchö, Jesus wanunqanta yarpäna reunion imë höra rurakänampaq kaqtam. Tsëpaqa yëkuri jw.org internet päginaman y lapiri REQIYÄMË neqchö, tsëchömi tarinki “Jesus wanunqanta yarpänapaq reunion” neqta. Tsë junaq chämunqanyaqqa yarparëkäshun pikunata mas invitanapaq kaqman.