La Atalayachö kushikïpaq cambiokuna
1 Kë watata qallarinapaqmi congregacionkuna chaskiyarqan huk shumaq willakïta: enero 2008 killapitam, La Atalaya yarqamonqa ishkë clase, huk llapan nunakunapaq y hukninnam llapan cristiano kaqpaq. Itsa tapukushqantsik: “¿Imachötan hukläyayan kayanqa ishkan revistakuna? ¿Imakunachöraq más alli kanqa? ¿Imakunataraq musyatsimäshun?”
2 ¿Imachöraq hukläyayan kayanqa? Huk killata qallarinapaq yarqamoq revistam kanqa llapan nunakunapaq, y këtam yarparäyänan revista ruramoqkuna. Pullan killachö yarqamoq revistanam kanqa reunionllacho yachakunapaq y manam wayin wayin willapäkurpis apashunnatsu. Këkaq revistam yarqamonqa huk killampi yachakunapaq, hina kanqam huk tëmakunapis noqantsikpaqnö. Nunakunapaq kaq La Alayata leishqapis, hina shumaqmi leita munayanqa Bibliata mana respetaqkunapis. ¡Despertad! revistanam tukïläya nunakunapaq kanqa, ni imaman mana creeqkunapaq y hukläya religionyoq nunakunapaqpis.
3 ¿Imakunachöraq más alli kanqa? Reunioncho yachakunapaq revistachöqa, mananam käyitsikäyämonqanatsu “precursor” ima kanqanta, leeqkuna käyiyänampaq. Hinamampis, kë revistachöqa yarqamonqa alli yachatsikïkunam Jehovapa testigonkunapaq, y tsëraq yachakur kallpachakïkaqkunapaqpis. ¿Y huknin kaq revistaqa? Këpa tëmankunataqa rurayämushqa mana Testigokunapaqmi, tsëmi pëkunapis leita munayanqa noqantsikno kuchumpita qallëkur ushayanqanyaq. La Atalaya y ¡Despertad! revistakunallata huk killa ofrecikushqam, kapamäshun chusku semana imanö ofrecikïta yachakunapaq.
4 ¿Imakunataraq musyatsimäshun? Llapan nunakunapaq La Atalaya yarqamoqqa, atska allikunatam musyatsimäshun. Wakin tïtulokunam shumaq käyiyänampaqnölla yachatsenqa Bibliapa alëru yachatsikïninkunata. Wakinkunachönam familiakunapaq Bibliapita shumaq willapäki yarqamonqa. Hina jovenkuna más alli ashïkuryan yachakuyänampaqmi yarqamonqa. Hinamampis llapan yarqamoq revistachömi, huk título yarqamonqa textokunayoq Jehovata más alli reqinapaq.
5 Jehovatam mañakuntsik kë cambiokunata bendecimunampaq. Munayämi La Atalaya y ¡Despertad! revistakuna, alli noticiakunata apayänanta wiyakï munaq nunakunaman (Mat. 10:11).