Asamblea de circuitopa mushoq programan

Jehovallam chaskinan llapan alabanzata. ¿Imanöraq alabashwan? ¿Imanirtaq wakinkunapaq alläpa sasa Jehovata alabayänampaq? ¿Ima bendicionkunataraq chaskiyan kë witsancho Diosta adoraqkuna? Kë llapan tapukïkunatam yaskenqa, 2008 watapaq asamblea de circuito. Tïtulonmi kanqa: “Llapanta rurashun Diosta alabanapaqnö” (1 Cor. 10:31). Mä rikärishun imash shuyarämantsik kë ishkë hunaq atska espiritual kaq yachakïcho.

Superintendente de distrito Yachatsikunapaq Diospa Escuelanta dirigirpis, kë discursokunatam ruranqa: “¿Imanir-raq Diosta alabashwan?”, “Shumaq rurashun Diosnintsik mañamanqantsikta”, y Discursopita Yachakunapaqnam kanqa “¿Pikunaraq Diosta kanan alabayan?”, y ushanan discursochönam yachakushun, “Llapantsik hinantin Patsachö Diosta alabashun”. Hina superintendente de circuitonam kima discursokunata qonqa: “Kushishqa rikätsikushun Jehovata alabanqantsikta”, “Shumaq wiyakurishun circuitocho wananqantsikta” y “Imëpis ‘rasumpa kaqcho patsakashqa këkäshun’”, kë discursoqa kanqa 2 Pedro 1:12 textopitam. Hina yachakurishunmi imanir “Precursor kë Diosta alabanqanta”. Programachöqa kanqa ishkë shumaq simposiokunam. Punta kaq simposiopa tïtulonmi kanqa “Llapan kawënintsikchö Diosta alabashun”, y 1 Corintios 10:31 nenqantam alleq käyitsimäshun. Ishkë kaq simposionam kanqa, “Alli servishun Jehovata alabanapaq”, kë discursochömi yachakushun tukïnöpa Jehovata servikanqantsikta. Domingonam shumaq yachakushun La Ataläyapita y Examinando las Escrituras diariamente nishqampitawan. Hina kanqam bautizakïpis mushoqkunapaq.

Atska nunakunam Diosta reqita munayantsu. Manam ni yarpakachäyanllapistsu Jehová alläpa hatun kanqanman (Juan 5:44). Noqantsikqa musyantsiknam ‘Diospa alabanzampaqno llapanta ruranantsikta’. Kanampitana alistakushun, tsënöpa ishkan hunaq asambleapita alli yachakunapaq.