Diospita yachatsikoq cristiänokunapaq yanapakïkuna
1. ¿Imataq 1938 watachö qallarqan, y imachötaq yanapakun?
1 Jehoväpa markanqa, 1938 watachömi asamblea de zona nishqanta o kanan witsan ishkë hunaq kaq asamblea nir reqinqantsikta rurar qallarqan, y tsëmanqa atska congregacionkunam ëwayaq. ¿Imapaqtaq karqan tsë asambleakunaqa? Enero de 1939 watachö (ingleschö) yarqamoq Informador nishqanmi (kanan witsan Diospita Yachatsikunaq nir reqinqantsik) kënö nirqan: “Kë asambleakunaqa, Gobiernompita yachatsikunampaq Jehová utilicëkanqan markanta yanapanampaqmi. Tsëchö yachatsikuyanqanqa, alläpam precisan rurayänampaq kaqta alli rurëta munaqkunata yanapanampaq”. Y 1938 watachö 58.000 yachatsikoqkunallapita 2009 watachö qanchis millonpitapis más kanqantsikta rikarmi cuentata qokuntsik, tsë asambleakunaqa, Diospita yachatsikoqkuna ‘rurayänampaq kaqta alli rurayänampaq’ yanapëkanqanta.
2. ¿Imakunatataq yachatsikayämunqa shamoq ishkë hunaq kaq asambleantsikchö?
2 Shamoq watapaq tema. Ishkë hunaq kaq asambleantsiktaqa alläpa kushishqam shuyarëkantsik y llapantsiktam shumaq yanaparamäshun, tsëqa septiembre killapita patsëmi qallanqa. Tëmanqa Juan 15:19 (NTCN) textopitam kanqa, y ‘manam cay mundupa munayllanta ruragtsu cayanqui’ ninqam. ¿Imakunapitaraq discursokunachö yachakushun? Säbadoqa, ¿imakunapitataq tsapämantsik llapan tiempontsikwan Jehoväta sirvenqantsik? neq discursopitam. Hina kimaman rakishqa discursokunapis kanqam, tsëkunaqa yanapamashun ‘achachïwan’, ‘lluta pulicoq warmiwan’, y ‘negosianticunawan’ mana takukänapaqmi. Y domingopis atskaman rakishqa discursokunam kanqa y tsëkunaqa yanapamäshun Jehoväta más kuyanapaq, y mundota mana kuyanapaqmi. Hina wakin discursokunaqa yanapamäshun forastërolla kanqantsikrëkur mundopa kaqwan mana takukänapaq y mundota vencinarëkur valorta tsarinapaqmi.
3. ¿Ima yanapakïkunatataq chaskishun ishkan hunaq asambleaman ëwarqa?
3 Yachatsikïman yarqïta qelanashqa panim, ishkë hunaq kaq asambleaman ëwarir, tiemponta shumaq rakinampaq, “yachatsikïman más yarqunampaq y mana yarqunanrëkur tukïnöpa tsapäkunqanta haqinampaq” asamblea yanapanqanta qellqarqan. Hina tsënöllam septiembre killapita qallaq ishkë hunaq kaq asambleantsikqa, mundopa rurëninta kuyanapa rantin, Jehoväta más kuyanapaq yanapamäshun (1 Juan 2:15-17). Kananllapitana alistakï ishkan hunaq ewanëkipaq, y Diospita alli yachatsikunapaq yanapakoq discursokunata shumaq wiyakunëkipaq.