Yarpënintsikta cuidashun
1. ¿Imataq tëman kanqa 2013 sirwina wata ishkë junaq kaq asamblëapa, y imachötaq yanapamäshun?
1 Jesusqa qateqninkunata yachatsirqan llapan shonqunkunawan, voluntadninkunawan y yarpëninkunawan Jehoväta kuyayänampaqmi (Mat. 22:37, 38, NTCN). Kanan watapaq kaq asamblëaqa rurakämushqa llapanchö alli nuna o runa kanantsikrëkur yanapamänantsikpaqmi. Mëraq yarpäyanki jatun kaq asamblëapa tëmanqa “Shonquntsikta cuidashun” ninampaq kaqta willakayämunqanta. 2013 sirwina wata juk junaq asamblëapa tëmanqa “Concienciantsikta cuidashun” ninqam, y qateqnin killachö qallaq ishkë junaq kaq asamblëapa tëmannam, “Yarpënintsikta cuidashun” ninqa, y Mateo 22:37 (NTCN) textopitam kanqa. Kë ishkë junaq kaq asamblëaqa yanapamäshun, Jehoväpa rikëninchö alli kanantsikrëkur yarpënintsik imanö këkanqanta rikänapaqmi.
2. ¿Ima tapukïkunapa respuestankunatataq yachakushun?
2 ¿Imakunapitataq yachakushun? Ishkë junaq kaq asamblea ushariptinqa precisaq kaq yachatsikïkunata yarpëtam munashun. Tsëmi alläpa precisan qateqninchö tapukïkunapa respuestanta anotanantsik.
• ¿Imatataq rurashwan kanan witsan nunakunanö mana pensanapaq?
• ¿Imanötaq yanapashwan paqaschö cuenta këkaq nunakunata?
• ¿Imanö yarpëyoqtaq kanantsik?
• ¿Imachötaq yanapamantsik yachakunqantsikkunaman yarpakachanqantsik?
• ¿Imatataq ruranantsik alli pensëyoq kanantsikrëkur Jehová yanapamänantsikpaq?
• ¿Imakunatataq rurayänan ollqukuna, warmikuna, teytakuna y wamrakuna familiachö kushishqa kayänampaq?
• ¿Imata rurartaq listo këkäshun Jehoväpa junaqnimpaq?
• ¿Imatataq ruranantsik cabal nuna kanantsikpaq?
• ¿Ima allikunatataq tariyan yachakuyanqanta ruraqkuna?
3. ¿Imanirtaq precisan asamblëaman ishkan junaq ëwanantsik, wiyakunantsik y yachakunqantsikta ruranantsik?
3 Satanasqa munan mana alli yarpëyoq kanatam, y tukïtam rurëkan tsëta logranampaq (2 Cor. 11:3, NTCN). Tsëmi yarpënintsikta cuidanantsik, pensënintsikkunata dominanantsik, Cristupa yarpëninyoq këta procuranantsik y mana alli nunakunapanö yarpënintsik mana kanampaq cuidakunantsik (1 Cor. 2:16). Shonqupita patsë kallpachakushun tsë asamblëachö ishkan junaq kanantsikpaq y shumaq wiyakunantsikpaq. Tsëchö yachatsikayämunqankunata ruranqantsikmi yanapamäshun cabal nuna karnin Diospita yachatsikïchö alli trabajanantsikpaq (1 Ped. 1:13).