Huk hunaqlla kaq asambleapa mushoq programan

2008 watapaq huk hunaqlla kaq asambleapa tïtulonqa kanqa, “Noqantsikmi mitu kantsik y Jehovanam Mituwan Uryaq” (Isa. 64:8). Bibliapa willapäkïninta chaskenqantsikmi käyikïnintsikta miratsenqa, tsëqa kuyashunmi Mituwan Uryaq Hatun Jehovapa yachëninta, justicianta, kallpanta y kuyakïninta.

Superintendente de circuitopa discursonmi kanqa, “Mitupita alli rurashqa väsonö kashun willapäkïcho”, yachatsikamonqam imëpitapis más atska nunakuna rasumpa kaqta yachakurnin bendicionkunata chaskikäyanqanta y nuna mayinkunatapis kushishqa willapëkäyanqanta. “Allikunaman yarpakachëqa tsapämantsikmi” neq discursonam, yanapamäshun Jehová nenqankunaman yarpakachänapaq. Sucursal kachamonqan discursaqnam käyitsikamonqa këkunapita: “Mana alli ruraq mundoman ama tumakäshuntsu” y, “Taqllar taqllarmi Jehová mitutanö shumaq tumatsimantsik”. Teytakunapaq y jövenkunapaqmi shumaq discursokuna kanqa, “Jövenkunaqa alläpa valeqmi kayan Jehovapaq” y, “Teytakuna wambrankunata imanö yachatsiyänampaq”. Demostracionkunawan entrevistakunanam, musyatsimäshun publicadorkuna willapäkïcho alli yarqapukuyanqanta. Diosman dedicakurnin bautizakïta munaqkunaqa tiempopitam parlayanman congregacionnimpa superintendente presidentenwan. Hina, ama qonqashuntsu La Atalayantsik apëta.

Mituwan Uryaq Jehovaqa, llapan munanqantam ruran. Noqantsikpitanam tumakätsimänantsikpaqqa. Jehovapa yachatsikïninta wiyakoqkunaqa y kë yanapakïkunata chaskikoqkunaqa, manka ruraqpa moldincho mitunnömi kayanqa, y shumaq alliyätsenqanyaqmi tumatsenqa. Jehová munanqannö tumakarqa, autoridadyoq kënintam alabëkäshun y atska bendicionkunatam chaskishun.