Huk hunaqlla asambleapa mushoq progräman

2009 watapaq huk hunaqlla asambleapa tëmanqa kanqa: “Diospa yachatsikïninta cumplïta tïrë” Colosenses 4:17 textopita. Kë textochö nenqantaqa, cristianokuna manam ichikllapaqqa churantsiktsu: tsëmi Jesus ruranqantanölla cumplïta munantsik (Juan 17:4). Apóstol Pablupis yachatsikunampaq churakanqantam cumplerqan, pë ruranqantawanmi qatinantsik (Hech. 20:24).

Superintendente de circuitom willakamonqa publicadorkuna yachatsikuyänanrëkur tukï pasayanqampita. Nïkurnam “Yachakïta munaqkunata yanapashun” discursochö, yachatsimäshun ‘wiñë cawe munaqcunata’ yanapanapaq (Hech. 13:48). Visitakoq discursantem puntata yachatsimäshun 2 Corintios 6:1-10 textokunata hukllëllapayan, “Diospa sirveqnin kanqantsiktam rikätsikuntsik” discursochö, y tardepanam “Yachatsikïnintsikta alläpa kuyashun” tëmapita yachatsimäshun. Hina kë discursokunapis kanqam yanapamänantsikpaq: “Yashqakuna y jövenkunapis kushishqam yachatsikuyan”, y “Yachatsikïta cumpleq jövenkuna”. Dedicakushqakuna, huk hunaq o ishkë hunaq kaq asambleachö bautizakïta munarqa, superintendente presidentetam puntallapitana willayänan. Llapan asambleakunachömi hatun o ichik kaqchöpis La Atalaya revistapita yachakuntsik. Tsëmi, mana qonqëllata apanantsik revistata kë asambleaman.

Yachatsikunapaqmi Jehovaqa mandamarqontsik, tsëmi cumplïta munarqa manam ni ima rurëta, ni ima munëtapis puntamanqa churanantsiktsu. Kë huk hunaqlla asambleapa progrämanmi yanapamäshun Diospita yachatsikïta mana haqinapaq, y imanö rurëkanqantsiktapis rikänapaq, tsënöpa mandamanqantsikta alli cumplinapaq.