‘Miquinintsic örancho qaramantsic’
1. ¿Imanötaq yanapashurqunki pasaq huk hunaqlla kaq asamblea? Y, ¿imanötaq wakinkunata yanapashqa?
1 Huk hunaqlla kaq asambleaman ëwarirqa, “¡tsaq tsëtam wanëkarqantsik!” nintsikmi imëpis. Ushanan kaq discursokunata wiyakurir wakin wawqikuna y panikuna yachatsikïman más yarquyänampaq parlayanqantam huk superintendente de circuito willakurqan. Huknam, “imanö tiempokunachö kawëkanqantsikta y kawënintsikchö imata puntaman churëkanqantsikta rikänapaqmi yanapamarquntsik” nirqan. Y más huknam kënö nirqan: “Mëtsikaq publicadorkunam Diospita yachatsikïchö masta rurayänampaq yanapanqanta niyarqan”. Y qamtaqa, ¿imanötaq yanapashurqunki pasaq huk hunaqlla kaq asamblea?
2. ¿Imakunatataq shamoq huk hunaqlla kaq asambleachö yachakushun?
2 Shamoq wata asambleachö yachatsikayämunampaq kaqqa, imëka tiemponchö mikï cuentam noqantsikpaq kanqa. Tëmanqa Salmos 118:8,9 textopitam kanqa, y discursokunaqa rikätsimäshun sasa tiempokunachö Jehová imanö yanapamanqantsikta, Jehoväpa yanapakïninta wakinkunapis tariyänanrëkur imanö yanapanapaq kaqta, Jehoväpita yachakur wakinkunapaq machë cuenta kanantsikrëkur imakunata ruranapaq kaqta, Jehoväman markäkuyanqanta jövenkuna imanö rikätsikuyanqanta y Diospa markan imanir machë cuenta kanqantam.
3. ¿Imataraq rurashwan huk hunaqlla kaq asamblea alli yanapamänapaq?
3 ¿Imakunatataq rurashwan alli yanapamänapaq? Imë kanampaq kaqta willakarayämuptinlla, tsëchö kanëkipaq alistakï y Bibliapita yachëkätsinqëkikunata willë pëkunapis ëwayänampaq. Yarpë, ‘imata sufrirninpis tsaracoqcuna, y allapa allicunata Diospaq ruraqcunaqa’ kayan yachakuyanqanta mana qonqaqkunam (Luc. 8:15). Tsëmi llapan yachatsikayämunqanta shumaq wiyakunëki, y qellqanëkim precisaq kaq yachatsikïkunata, hina Diospita yachatsikïchö y kawënikichö yanapashunëkipaq kaqkunatapis qellqanëkim. Asamblea pasariptinna, yachakuyanqëkipita familiëkiwan shumaq parlayë y cada ünota imachö yanapayäshunëkipaq kaqta rikäyë.
4. ¿Imanirtaq kushishqa shuyarëkantsik shamoq huk hunaqlla kaq asambleantsikta?
4 Kë wata huk hunaqlla kaq asambleachö yachatsikuyänampaq kaqqa, imëka mishki y alli alimentakoq mikïnöpis, kuyakïwan y alli yanapakunampaq kaqman pensëkur alistashqam. Alli yachatsikunapaq ‘miquinintsic örancho qaramanqantsikta’ shumaq chaskikuyänëkipaq y tsëchö kayänëkirëkur kallpachakuyanqëkichö Jehová bendecïkuyäshï (Mat. 24:45).