Día especial asambleapa mushoq programan

Dios kallpata espíritu santunwan qoptinmi, punta kaq cristianukunaqa inshiyarqan llapan kayäponqanta alli noticiakunata apayänampaq más karu markakunamampis (Hech. 1:8; Col. 1:23). 2007 watapaq Día especial asambleapa programanmi, kepaq parlanqa: “allapa ocupadu kashun willapäkicho”, yanapamäshunmi apostolkunapa alli rurëninkunata qatinapaq (Hech. 18:5).

Rey Davidmi Diospa Palabrampaq keno nerqan: “Jehovapa yarpatsikïnenqa confianapaqmi, mana yachaqtapis yachaqmanmi tikratsin” (Sal. 19:7). 2007 watapaqmi, shumaq programata día especial asambleapaq rurayamushqa, kemi rikätsimashun Bibliata inshirnin “llapanta altsanapaq”, hina yanapamäshunmi alleq willapäkunapaq y yachatsikunapaq, mana pocu casu kanapaq Diospa Palabranta inshirnin (2 Tim. 3:16, 17). Kë mushoq programam rikätsimashun peligrukunapita witikunapaq y yanapamäshunmi Biblia nishqanno ruranapaq llapan kawënintsikcho. Hinamampis rikäshunmi imano yanapanapaq Biblia nishqanwan jovenkunata y tseraq yachakikaqkunata más winayänampaq Jehovata sirwirnin.

Llapan puedinqekita rurë qallanampita tse shumaq programacho kanekipaq, y alli shumaq wiyanekipaq. Qellqe kikikita yanapashunekipaq kaqkunata. Agradeciki yachatsimanqantsikpita y yarpätsimanqantsikpita, tsepita alleq pensë imano kawenikicho ruranekipaqpis.

Día especial asambleapa mushoq programanmi miratsenqa kuyakïnintsikta Jehovapa Palabranman, yarpätsimashunmi imano kallpawan y kuyakïwan Reinupita willapäkinintsikcho siguinapaq, y yachatsimäshunmi imano wakinkunata yanapanapaq tseno rurayänampaq. Tsemi decisionnintsik kanqa mana faltanapaq Ni Huk Jehovapa yachatsikïninman kë asambleacho (Isa. 30:20b, 21).