Llapan tiempopitapis más hatun willapäki
Jehovapa testigonkunaqa, pachak (100) watapitapis masnam alli noticiapita willapäkur purikantsik (1 Cor. 9:23). Llapan tiempopitapis hinantin Patsaman Diospita willapäki chashqa kaptinmi, kananqa atska pachak idiomakunachö wiyakïkäyan y más de doscientos treinta nacionkunamannam charqontsik (Mat. 24:14). ¿Imanirtaq alläpa alli willapäkunan? ¿Imanöpataq hinantin Patsapa willapäkïkantsik?
Los testigos de Jehová: organizados para predicar las buenas nuevas nishqan videom, yanapamäshun hinantin Patsapa imanöpis willapäkonqantsikta musyanapaq. Videota rikärerqa kë tapukïkunata contestëta tïrë: (1) ¿Imanötan organizäyan y dirigiyan willapäkïnintsikta? (2) ¿Imanötan yanapakuyan departamentos de Redacción, Servicios de Traducción, Arte y Servicios de Audio y Video nishqankuna willapäkunapaq? (3) ¿Imapaqtan tsëtsika publicacionkunata ruratsiyämun, y imanirtaq haqipuntsik llapan nunakunata? (Juan 17:3.) (4) ¿Ëka publicacionkunatataq watachö rurayämun? (5) ¿Imachötaq yanapakushqa Bibliapita rurayämonqan publicacionkuna? (Heb. 4:12.) (6) ¿Imatataq rurëkäyämun mana rikaq y mana wiyaq nunakunata yanapanapaq? (7) ¿Ima qellëwantaq tsëtsika gastokunata pagakuntsik? (8) ¿Imanötaq yanapamantsik Servicios de Información sobre Hospitales, el Departamento de Servicio y el Departamento de Asambleas nishqanchö trabajayanqan? (9) ¿Imanötaq yanapashorqonki video, shumaqpa rikänëkipaq (a) Jehovapa markan willapäkunapaq rurëkämonqanta? (b) hinantin Patsapa Betelchö uryaqkunata? (c) superintendentekunapaq y misionerokunapaq shumaq rurayashqan escuelakunata? (d) cada wäray texto biblicopita shumaq yachakonqëkita, y congregacionchö llapan reunionkunapaq preparakunëkita? (e) reunionkunaman ëwar alli yachakonqëkita? (f) kë Patsa shumaq paraïsoman tikranampaq kaqta? (Isa. 11:9.) (g) kanan cosëchachö yanapakïkanqëkita? (Juan 4:35.)
¿Imaraq niyashqa kastëkikuna, reqinakushqëkikuna, Diospita yachakïta munaqkuna, y Bibliata yachakïkaqkuna videota rikärir? ¿Imanirtaq wakinkunatawan rikätsinkitsu kë hunaqkunachö, y alli noticiapita willapärinkitsu?— (Mat. 28:19, 20.)