Los testigos de Jehová: una historia de fe viva. Parte 2: Dejan brillar su luz
Wawqi Rutherfordwan yanaqinkuna 1919 watachö carcelpita yarqarayämuptinqa, juk jatun rurëninkunam Bibliata estudiaqkunapa karqan. Los testigos de Jehová: una historia de fe viva. Parte 2: Dejan brillar su luz nishqan DVD-mi rikätsikun chikishqa kayanqanta, ichikllapa ichikllapa Bibliata más entiendeyanqanta y tukï pasayanqankunawan markäkïninkuna o yärakuyninkuna más miranqanta (Pro. 4:18; Mal. 3:1-3; Juan 15:20). Tsë DVD-ta rikärir kë tapukïkunata contestari.
1) ¿Imanötaq Bibliata Estudiaqkuna alli willakïkunata musyatsikuyarqan? 2) ¿Imataq pasarqan 1931 y 1935 wata mana qonqëpaq asamblëakunachö? 3) ¿Ima precisaq yachatsikïtaq yarqamurqan 1939 wata 1 de noviembre kaq inglés idioma Täpakoqchö? 4) Willakaramï Madison Square Garden nishqan localchö “Gobierno y paz” tïtuloyoq discursota wawqi Rutherford rurëkaptin ima pasanqanta. 5) ¿Imanirtaq alläpa alli karqan “Paz... ¿será duradera?” nishqanta wawqi Knorr discursanqan? 6) ¿Imakunatataq 1942 watachö Jehoväpa testïgonkuna rurayarqan Diospita yachatsikïta më tsëman chätsiyänampaq? 7) Ima juiciokunamantaq Jehoväpa testïgonkuna chäyarqan Estados Unïdoschö, Canadächö y Greciachö. 8) ¿Imanötaq Galaad Escuela yanapakurqan alli willakïkuna më tsëman chänampaq? 9) ¿Ima precisaq rurëtataq Jehoväpa testïgonkuna 1946 watachö qallayarqan, y imanir? 10) ¿Imakunatataq Jehoväpa testïgonkuna rurayarqan portakïninkuna Dios munanqannö kanampaq? 11) Willakaramï Jehoväpa markanchö 1970 wata ima cambianqanta. 12) ¿Imanötaq kë DVD yanapashurqunki Jehová llapanta makinchö këkätsinqanman y markanchö këkanqëkiman markäkunëkipaq o yärakunaykipaq? 13) ¿Imanötaq kë DVD yanapashurqunki imëka sasakunapa o ajakunapa pasarpis alli willakïkunata kushishqa musyatsikunëkipaq? 14) ¿Imanöraq kë DVD-ta utilizankiman familiëkikunata, Bibliapita yachakïkaqkunata y wakin nunakunata yanapanëkipaq?
Cada junaq pasanqanmannömi Jehoväpa testïgonkuna rurayanqankunaqa recuerdochö quedan. ¿Noqantsik Diospita yachatsikïchö kallpachakunqantsikpis tsë recuerdochö quedëkantsuraq? Unë kaq cristiano mayintsikkuna rurayanqanta qatishun: ‘actsita atsicyätsishun’ (2 Cor. 4:6, NTCN).