Los testigos de Jehová: una historia de fe viva. Parte 1: Salen de la oscuridad
Bibliachöqa rasun kaqtam igualatsin aktsitawan, y paqastanam ulikïtawan o llullakuytawan (Sal. 43:3; Isa. 5:20). Satanás Ëvata ulipanqan o llullapangan witsampitam, nunakuna o runakuna paqaschönöna kawar qallëkuyarqan. Y kanan witsampis entero Patsachö nunakunam tsënölla kakïkäyan (Apo. 12:9). Los testigos de Jehová: una historia de fe viva. Parte 1: Salen de la oscuridad nishqan DVD-mi willakun Diospita rasun kaq yachatsikï imanö aktsir qallanqanta (Isa. 60:1, 2). Tsë DVD-ta rikärir kë tapukïkunata contestari.
1) ¿Imanötaq apostolkuna wanuriyaptin Diospa yachatsikïninkuna paqaschönö tikrarirqan? 2) 1100 watapita witsëpa, ¿ima pasanqankunataq nunakunata o runacunata yanaparqan Iglesia mana rasun kaqta yachatsikïkanqanta cuentata qokuyänampaq? 3) ¿Pikunataq kayarqan Henry Grew y George Storrs? 4) ¿Ima pasanqankunataq Charles Russell-ta alläpa llakitsirqan? 5) ¿Imanötaq Russell, papänin y wakin reqinakushqankuna Bibliata estudiayaq? ¿Imatataq cuentata qokuyarqan? 6) ¿Imanötaq Rüssellwan Bibliata estudiaqkuna Nelson Barbour-pa grüponman takukäyarqan? ¿Imanirtaq tiempo pasariptinqa rakikäkuriyarqan? 7) ¿1879 watachö ima pasanqantaq yanapakurqan Diospa yachatsikïnin atsikyar qallamunampaq? 8) Tsë witsampita qallëkur, ¿imatataq Bibliata estudiaqkuna rurayarqan alli willakïkunata më tsëman chätsiyänampaq? 9) ¿1914 watachö ima pasanantataq shuyarëkäyarqan Bibliata estudiaqkuna? 10) ¿Ima sasa o ajacunapatag Bibliata estudiaqkuna pasayarqan Russell wanuriptin? 11) ¿Imatataq Bibliata estudiaqkuna rurayarqan Rutherfordwan yanapaqninkuna carcelpita yarquriyaptin? 12) ¿Imanötaq kë DVD yanapashurqunki Diospa markanta más kuyanëkipaq? 13) ¿Imanötaq kë DVD yanapashurqunki imëka sasakunapa o ajacunapa pasarpis Diospita kushi kushilla yachatsikunëkipaq? 14) ¿Imanöraq kë DVD-wan yanapankiman familiëkita, Bibliapita yachëkätsinqëkikunata y juk nunakunatapis?
¡Bibliata punta estudiaqkunaqa Diospa kaqchö Shumaq qarëtam dejapamarquntsik! Diospa yachatsikïnin paqaschönö këkaq mundochö kawëkarpis, pëkunaqa mana mantsakurmi kushi kushi aktsita puritsiyarqan. Pëkunanölla rurarmi noqantsikpis ‘actsicho cuenta’ imëpis purishun (Efe. 5:8).