Los testigos de Jehová: organizados para predicar las buenas nuevas
Jehoväpa testïgonkunaqa huk pachak watapita masnam shumaq patsëkatsir alli noticiata willakur purikantsik. Llapan tiempopitapis más hinantin Patsaman Diospa yachatsikïninta chätsishqantsik kaptinmi, kananqa mëtsika pachak idiömakunachö y doscientos treinta nacionkunapitapis maschö wiyakïkäyan (Mat. 24:14). ¿Imanirtaq tsëta ruranantsik precisan? ¿Imanirtaq hinantin Patsachö rurëta puëdentsik? Los testigos de Jehová: organizados para predicar las buenas nuevas nishqan vidëochömi kë tapukïkunapa respuestankunaqa këkan, tsëchömi rikätsikun mëtsika nacionkunachö imanö yachatsikïkanqantsikkunata. Tsë vidëota rikärirnin, kë tapukïkunata contestëta tïrë.
¿Imanötaq tsë video yanapashurqunki 1) Jehoväpa markan alli willakïkunata më tsëman chätsinanrëkur alli kallpachakïkanqanta más valoranëkipaq? (2 Tim. 4:2.) 2) tukï nación Betel wayikunachö yanapakoqkuna rurayanqanta más valoranëkipaq? 3) misionërokunapaq y superintendentekunapaq escuëlakunapita más musyanëkipaq y valoranëkipaq? (2 Tim. 2:2.) 4) llapan hunaqkunapaq textota lei y llapan semänakuna reunionkunapaq preparakï alläpa precisanqanta rikänëkipaq? (Hech. 17:11.) 5) llapan reunionkunaman ëwë alläpa alli kanqanta yarpänëkipaq? (Heb. 10:24, 25.) 6) kë Patsa huk paraíso tikrariptin tukï bendicionkunata chaskinapaq kaqta yarpänëkipaq? (Isa. 11:9.) 7) kanan witsan ëllupakïchö yanapakunqëkipita kushishqa kanëkipaq? (Juan 4:35.)
Kë vidëoqa alläpa shumaqmi yanapamantsik Jehoväpa testïgonkunapita más musyëta munaq nunakunata, tukï nacionkunachö imanö yachatsikunqantsikta rikätsinapaq. 8) ¿Bibliapita yachëkätsinqantsikkunata, familiantsikkunata o reqishqantsikkunata imë rikätsina más alli kanqantataq pensanki? 9) ¿Ima niyashqataq rikätsinqëki nunakuna?
Kanan tiempochö Jehová llapan rurëkanqanman pensëqa yanapamantsik salmo qellqaqnö ninapaqmi, pëqa kënömi nirqan: “Imëkakunatam kikiki rurarqunki, Diosllä Jehová, hina tukïtam shumaq rurarqunki y pensarqunki noqakunapaq; qamnöqa manam huk kantsu” (Sal. 40:5). Wakinkunatapis kë vidëowan yanapashun Jehoväta y markanta más reqir shonqupita patsë respetayänampaq.