Jesuspa Wanïnin Yarpëpaq especial campaña
1. ¿21 de marzo killapita qallëkur imataraq rurashun, y imanir?
1 Jueves 9 de abril de 2009 watachömi, më tsëchöpis ëllukäshun Diosnintsik alläpa kuyamarnintsik ruranqanta yarpänapaq (Rom. 5:6-8). Diospita yachakïta munaq atska millón nunakuna Jesuspa Wanïnin Yarpëman shayämunantam munëkantsik, tsëpaqmi hinantin Patsachö 21 de marzo killapita qallëkur huk especial invitacionta puritsishun.
2. ¿Imakunatataq yarpänantsik invitacionkunata haqipukur?
2 Kë yachatsikïkunata yarpë: Shumaq invitakï dibüjonkunawan, tapukïninkunawan y textonkunawan. Invitacionta rikäratsirmi kënö ninkiman: “Jueves 9 de abril noqakunawan Jesuspa Wanïninta Yarpärinapaqmi huk invitacionniki qampaq apamorqö”. Tsëpitana, leirapï tïtulonta y hawanchö këkaq tapukïkunata. Familiëkita y pï reqinakushqëkita pushamuptikipis kushishqam chaskiyashqëki ninëkim.
3. ¿Imataraq rurashwan invitanqantsik nunakuna shayämunampaq?
3 Markëki alläpa hatun kaptenqa, itsa ancianokuna niyäshunki wayikunachö mana pita tarirpis invitacionta haqipuyänëkipaq. Llapan semana ushëkunaqa, revistakunatawanmi invitacionta qokushun. Bibliapita yachakï munaqkunata, Bibliata estudiëkaqkunata, uryaq o aroq mayikikunata, escuëlachö estudiaq mayikikunata, vecïnïkikunata y wakin reqinakushqëkikunatapis invitankimanmi. Qanyan watam huk pani kima chunka (30) kastankunata invitarqan, tsëpitanam, kutin kutin yarpätsiparqan Jesuspa Wanïninta Yarpë alläpa precisaq kanqanta. ¡Imanöshi kushikïkunaq ishkë chunka pitsqa (25) ëwëkuyaptin! Tsëpitanash chuskoq kastankuna Bibliapita yachakur qallayänaq.
4. ¿Imatataq kanankunallapitana rurëkashwan y imanir?
4 Kanampitana alistakï: Marzo y abril killakunachöqa atskaq publicadorkuna allichi más yachatsikoq yarquyanman. Wambrëki o estudianteki Jehoväpa kaqchö allina karqa, allichi manaraq bautizakushqa publicadornö Jehoväta servir qallanman. Jehoväqa alläpa kuyamarnintsikmi Tsurinta kachamorqan y Jesuspis alläpa kuyamarnintsikmi wanorqan, y tsë Yarpëman alli invitakunapaqmi kanankunallapitana alistakïkänantsik (Juan 3:16; 15:13).