¿Imanötaq revistakunawan yachatsikushwan?

Täpakoq 1 de junio

Tsëllaraq huk desgracia pasanqampaq parlapärirnin, kënö niri: “Imëllapis tapukushqankiku, ¿imanirtaq hipakïkuna pasananta Dios haqirin nishpa?”. Shuyäri contestashunëkita. Tsëpita Salmo 10:1 ninqanta leirir, usharinëkipaqna kënö niri: “Kë Täpakoq revistachömi Diosnintsik tukï desgraciakunata ushakätsimunampaq y imata ruramunampaq kaqtapis yachatsimantsik”.

¡Despertad! Junio

“Iglesiakunaqa bautizatsikuyanqanta, casatsikuyanqanta y wanushqakunapaq misata rurayanqantapis cobrakuyanmi. ¿Tsë rurayanqan qampaq alliku? [Shuyäri contestashunëkita.] Qateqninkunata Jesus ima mandanqantapis kë textochö rikärishun [lei Mateo 10:7, 8b]. ¿Kë textochöqa rurayanqëkipita cobrakuyë nintsuraq? Kë revistam tsëpaq parlan.” Revistapa 22 kaq päginanta rikäratsi.

Täpakoq 1 de julio

“Unëqa iglesiakuna hutsapaq alläpam parlëkuyaq, pero kananqa mananam parlayannatsu. ¿Imanir-raq tsëqa pasëkan? ¿Noqantsikpis tsënöllatsuraq rurashwan? [Shuyäri contestashunëkita. Tsëpita leiri Romanos 5:12.] Kë revistachömi hutsapaq Biblia ima ninqantapis tarinki.”

¡Despertad! Julio

“Kanan witsë qellë tarinanqa pï mëtapis yarpakachätsinllam. Mana trabäjoyoq kaqmi trabajo taripaq pasëpa yarparäkun, y trabäjoyoq kaqnam trabäjonta mana oqranampaq yarparäkun. ¿Bibliachö kënö ninqan yanapamashwantsuraq? [Leiri Mateo 6:34. Tsëpitana shuyäri contestashunëkita.] Kë revistam yachatsimantsik qellënintsikta inshinapaq y alläpa mana yarparäkunapaqpis.”