Mushoq revistata o mëqan follëtotapis qaranëkipaq nï

Wakin killakunaqa punta visïtallachö estudio biblicota qallanarëkur Yachatsikun librota qokunapaqmi “Willakïkuna” nishqanchö nimantsik, pero parlapanqantsik nunapa tsë libron kapuptin y estudiëta mana munaptinqa, mushoq revistata o mëqan follëtotapis qonapaqmi animamantsik. ¿Musyankiku imanir?

Follëtokunawan mushoq revistakunaqa tukï tëmakunapitam yachatsikun, tsëmi yanapakun tsë publicacionkunata nunakuna leita más munayänampaq. Tsëmi yachatsikoq yarqurninqa maletinnikichö tsë revistakunata y follëtokunata apëta qonqanëkitsu. Mushoq revistakuna mana kapushuptikiqa congregacionchö mañakuri. Yachatsikun librota katseq pero estudiëta mana munaq nunata tarirqa, revistakunata o follëtokunata rikäratsir, pëpaqnö kaqta akrakunampaq niri. Nïkurna huk hunaq kutinëkipaq niri. Kutin kutin watukaptikiqa itsa Bibliapita yachakur qallëkunman.