La Biblia y su mensaje nishqan follëtowanqa kënöpis yachatsikushwanmi
Markantsikchö Jesucristuman mana creeq religionyoq nunakunaqa manam alleqllaqa Bibliata reqiyantsu. Wakin Testïgokuna tsë nunakunata Yachatsikun libropita yachatsirmi, La Biblia y su mensaje nishqan follëtowampis yachatsiyashqa, tsënöpa Biblia yachatsikunqanta más alleq musyayänampaq. Tantearinapaq, huk wawqim Yachatsikun libropa 3 kaq capïtulonta yachatsikurnin, La Biblia y su mensaje nishqan follëtopa 1 kaq capïtulompitapis yachatsin. Y tsëpita patsëmi cada estudiota usharirnin follëtopitawan yachakuriyan. ¿Bibliapita ichiklla o ni imatapis mana musyaqwanku estudiëkanki? Nunakuna ‘salbacuyänampaq’ yanapë Diospita yachatsirnin, y Yachatsikun librowan yachatsikïkarninqa, La Biblia y su mensaje nishqan follëtowampis yachatsi (2 Tim. 3:15).