Mushoq follëtowan yachatsikunapaq campaña
1. ¿Ima follëtowantaq noviembrechö yachatsikushun, y imanir?
1 ¿Yarpankiku ‘¡Mäkoq mäkoqlla këkäyë!’ nishqan pasaq wata Hatun Asambleachö mushoq follëtota chaskinqantsikta? Tsë follëtopa tïtulonqa La Biblia y su mensaje ninmi. Y noviembre killachömi hinantin Patsachö tsë follëtota llapan nunakunata haqipur purishun. ¿Imachöraq markantsikchö nunakunata yanapanqa? Pï më nunakuna, y masqa Cristuman mana creeq religionyoq kaqkunam, Biblia yachatsikunqanta allillaqa musyayantsu. Y 3 kaq päginanchö ninqannömi kë follëtoqa nunakunata yanapanqa, Biblia ‘imakunata yachatsikunqanta rikar’ más yachakïta munayänampaq.
2. ¿Imanötaq mushoq follëtowan yachatsikushwan?
2 Kënö nirmi parlapankiman: “Kë texto ninqampaq imatapis pensanqëkitam musyëta munä [lei 2 Timoteu 3:16]. Pï mëmi kë leiramunqäpaq rasunmi niyan, pero wakin nunakunaqa, Biblia alli libro kanqanllatam pensayan. Qamqa, ¿ima ninkitaq Bibliapaq? [Shuyäri contestashunëkita.] Ima religionpita kashqapis, kikintsik Bibliapita yachakunantsikqa precisanmi [leirapï 3 kaq päginachö tïtulopa hawanchö këkaqta]. Kë folleto Bibliapita shumaq yachatsikunqanta leir leirmi cuentata qokurinki, Bibliapa llapan yachatsikïninqa hukllëlla kanqanta”.
3. Territoriochö Cristuman mana creeq religionyoq nunakuna kayaptinqa, ¿imanötaq yacharatsishwan?
3 Hina territoriochö Cristuman mana creeq religionyoq nunakuna kayaptinqa, kënöpis yacharatsinkimanmi: “Ima ninkitaq kë alläpa shumaq libro ninqampaq [Salmo 37:11 textota leirapï]. ¿Kë texto ninqan cumplikäriptin Patsa imanö tikrarinantataq pensanki? [Shuyäri contestashunëkita.] Kë leirinqantsikqa rikätsikun tukïläya religionyoq y costumbreyoq nunakunapis, kushitsikoq willakïkunata y shamoq tiempopaq yachatsikïkunata Bibliachö tarita puëdeyanqantam”. 3 kaq päginapa qallanan kaq pärrafonta leirapï y follëton qori.
4. ¿Imanötaq estudio biblicota qallashwan mushoq follëtowan?
4 Estudiota qallanapaq. Watukaq kutirninmi pasaqchö parlapanqantsikpita yarpäratsishwan, nïkurnam parlanqantsikpita yachatsikoq päginata ashirir, hawanchö këkaq tapukïkunawan huk o ishkë pärrafokunata yacharatsishwan. O Yachatsikun librota haqipïta munarqa, follëtopa ushanan kaq päginanta leirapï y libron qori, nïkurna mëqan capïtulonta yachakïta munanqantapis tapuri, tsë akranqan kaqpita huk o ishkë pärrafokunata yacharatsi. ¡Llapantsik noviembre killa campäñachö alli yanapakïta tïrashun!