Alli willakïninkuna follëtuta utilizäshun yachatsikunapaq
1. ¿Imanö rurashqataq Alli willakïninkuna follëtuqa?
1 Juliu killachö Diospita Yachatsikunapaq höjachö yachakunqantsiknöpis, nunakunata Diospita rasumpa kaqta yachatsinapaq juk alli herramientaqa Alli willakïninkuna follëtum. Tsëchöqa manam Biblia ninqan copiashqa yurintsu, tsënöpa estudiantikuna kikin Bibliachö leyiyänampaq. Cäsi llapan publicacionnintsikkunam leyeqkuna japallankunalla entiendiyänampaq rurashqa kayan, peru kë follëtuqa rurakashqa estudiantita juk publicador-raq yachatsinampaqmi. Tsëmi, pitapis kë follëtuta munatsirqa, Bibliapita yachakï imanö kanqanta rikätsinantsik, tsënöpam alli willakïpita yachakï alläpa shumaq kanqanta rikanqa (Mat. 13:44).
2. ¿Imanötaq punta visïtallachö Alli willakïninkuna follëtuta utilizashwan?
2 Punta visïtallachö: Itsa kënö ninkiman: “Noticiakunachö imëkata wiyarmi nunakunaqa shamoq tiempupaq alläpa yarpachakuyan. ¿Imëka mana allikuna altsakanqatsuraq? ¿Ima ninkitaq? [Shuyäri contestashunëkita.] ¿Musyarqëkiku shumaq kawakïta Biblia änikunqanta? Kë follëtum rikätsikun Biblia contestanqan tapukïkunata”. Follëtun qorir, ushanan päginachö tapukïkunapita mëqanllatapis akrarinampaq niri. Y akranqan yachatsikïpa punta kaq pärrafunta utilizar, rikäratsi estudiu biblicu imanö kanqanta. Jina rikäratsinkimanmi follëtuchö kikiki akranqëki tapukïta Biblia imanö contestanqanta. Tsë yachëkätsinqëkïpaqnö jw.org päginachö juk vidëu kaptinqa, yachatsikurnin utilicëta puëdinkim.
3. Willakaramï Alli willakïninkuna follëtuwan estudiu biblicuta imanö diriginapaq kaqta.
3 ¿Imanötaq utilizashwan estudiu biblicuta diriginapaq? 1) Nümeruyoq yanachö këkaq tapukïta leyirapï wiyëkäshoqniki imapita yachatsinëkipaq kaqta musyanampaq. 2) Tsëpitana, pärrafuta leyirapï. 3) Kinkisharëkaq textukunata Bibliachö leyirapï, tsënöpa wiyashoqniki yanachö këkaq tapukïpita Bibliawan contestashunëkipaq, y alli pensëkur mas tapukïkunatapis rurarï. 4) Juk tapukïpa ishkë o mas pärrafunkuna kaptinqa, 2 y 3 yachakurinqantsikta yapë rurari. Tapukïninta contestaq juk vidëu kaptinqa y manaraq rikätsishqa karqa, yachatsinqëki höram rikäratsinkiman. 5) Usharinëkipaqna tapukïta contestaramunampaq niri, tsëta rurarmi musyarinki entiendinqanta o mana entiendinqanta.
4. ¿Imaraq yanapamäshun kë follëtuta alli utilizänapaq?
4 Kë precisaq herramientawan yachakäshun y imëpis utilicëta procurashun. Manaraq estudiu dirigeq ëwar estudiantikiman pensë y follëtuchö këkaq textukuna imanö yanapanampaq kaqman yarpakachätsinëkipaqpis (Prov. 15:28; Hëch. 17:2, 3). Kë follëtuta alli utilizarninqa, rasumpa kaqta nunakunata yachatsinëkipaqmi mas utilicëta munanki.