Alli yachatsikoq kë: Diospa alli willakïninkuna follëtuwan estudiu biblicuta qallë punkunllachö
Imanirtaq alläpa precisan. Jesuspa discïpulun kayänampaq nunakunata yanapanapaqqa, alli yachatsikoqmi kanantsik (Mat. 28:19, 20). Llapan yanapakïkunata alli utilizarqa, llapantsikmi alli yachatsikoq këta puëdishun. Juk yanapakïqa Diospa alli willakïninkuna follëtum. Nunakunawan punkunkunachö parlarnin estudiu biblicuta qallanapaqmi kë follëtuta utilicëta puëdintsik.
Entëru killachö këta rurëta procurë:
Estudiu biblicuta qallëta munanëkipaq, yachakï munaqkunata tarinëkipaq y alli yachatsikoq kanëkipaq Jehoväta mañakï (Filip. 2:13).
Familiachö Diosta Adorana hörachö o japallëki yachakunqëki hörachö, yachatsikurnin imata ninëkipaq kaqta yachakï. Tsënöpam, mas següru parlanki y mas fäcil-llam punkunkunallachö estudiu biblicuta qallarinki.