¿Pikunataq Jehoväpa munëninta rurëkäyan? mushoq follëtota imanö utilizänapaq
Estudiantekuna Jehoväpa markanta reqiyänampaqmi rurakämushqa
1. ¿Imapaqtaq rurakämushqa Jehoväpa munënin mushoq follëtota?
1 Pasaq Jatun asamblëachömi ¿Pikunataq Jehoväpa munëninta rurëkäyan? follëtota chaskishqantsik. ¿Tsëwan yachatsikïkarqontsiknaku? Kë publicacionqa rurakämushqa Bibliata estudiëkaqkuna: 1) Diospa markanta más reqiyänampaq, 2) imanö trabajanqantsikta musyayänampaq y 3) imanö churanakushqa kanqantsikta rikäyänampaqmi. Kë follëtoqa juk päginallachömi juk yachatsikïpita rikätsikun, tsëmi cada estudiota usharishqa 5 o 10 minütollachö juk päginapita fäcil-lla yacharatsita puëdintsik.
2. Kë folleto imanö rurashqa këkanqampita willakarami.
2 Folleto imanö kanqan. Diospa markan imanö kanqantam kima yachatsikïkunachö rikätsikun y tsëtaqa tarintsik follëtopa ishkë kaq päginanchömi. Y 28 yachatsikïninkunam kan y tapukïwan rurashqam këkan, y yanachö subtïtulonkunanam respuestankuna. Kë follëtochöqa, 50 nacionkunapitapis masmi fötokuna kan y mëpita kanqantapis willakunmi, tsëmi rikätsikun më tsëman yachatsikï chëkanqanta. Atska yachatsikïkunachömi “Musyanëkipaq” neq recuadro kan y tsëqa estudiantekuna más yachakuyänampaqmi yanapanqa.
3. ¿Imanötaq kë mushoq follëtota estudiantekunawan yachakurishwan?
3 Imanö utilizänapaq. Tïtulopa tapukïninta rurar cada yachatsikïta qallë. Nïkurna pärrafokunata leiyanqëkimannö subtïtulokunapita parlë. Usharinëkipaqna, ushananchö këkaq tapukïkunata rurë. Juk yachatsikïpa enterontam leirita puëdiyanki o munarqa cada pärrafota leirirmi parlakuriyänkiman. Leiyänëkipaq kaq textokunata alli pensëkur akrë, fötokunata y “Musyanëkipaq” neq recuadrota yachatsikïta qonqëtsu. Más alliqa kanqa punta kaq yachatsikïpita qallëkur yachakuyanqëkim. Höraqa allim kanman yachakïta munayanqampita yacharatsinqantsik. Más tantearinapaq, asamblëantsikpaq ichikllana pishiptinqa 11 kaq yachatsikïpitam yacharatsishwan.
4. ¿Imanirtaq kushikuntsik kë mushoq publicacionta chaskishqa karnin?
4 Bibliapita pitapis yachëkätsirqa Teytantsik Jehoväta reqiyänampaqmi yanapëkantsik. Jina Diospa markanta reqiyänampaqpis yanapanantsikmi (Prov. 6:20). ¡Imanömi kushikuntsik tsëpaq kë mushoq publicación rurakämunqampitaqa!