¿Imanirtaq invitarintsiktsu?

Mëtsika congregacionkunachömi wakin publicadorkunaqa alläpa qeshyarnin o edäyashqa karnin yachatsikoq yarqïta puëdiyantsu (2 Cor. 4:16). Congregacionnintsikchö tsënö kaptinqa, ¿imanirtaq estudiantintsikman yanaqäramänapaq invitarintsiktsu? Publicador wayimpita yarqïta mana puëdiptinqa, ¿imanirtaq estudiantita wayinman invitarintsiktsu? Höraqa itsa qeshyëkaq publicadorta invitarishwan wallka wayikuna kaqllachö yachatsikunapaq o juk ishkë yachakïta munaqkunam kutinapaq. Edäyashqakunaqa yachatsikïchö experienciayoqmi kayan, tsëmi pëkunawan yachatsikurqa noqantsikpis yachakïta puëdintsik (Rom. 1:12). Tsënö këkaq cristiänu mayintsikkunata kuyanqantsikpita y animanqantsikpita Jehovä bendicimänapaq kaqtaqa segürum këkantsik (Prov. 19:17; 1 Juan 3:17, 18).