Tapukïkuna kaq

◼ Juk pani wayi punkuchö estudiu biblicuta dirigiptin juk wawqi yanaqaptinqa, ¿peqanta tsapäkunmantsuraq?

Patsakashqa estudiu biblicuta juk pani dirigiptin juk wawqi yanaqaptinqa peqantam tsapäkunman (1 Cor. 11:3-10). 2002 wata 15 de juliu La Atalaya revistapa 27 kaq päginanchömi kënö nin: “Yachatsikï patsakashqana kaptinmi, tsë estudiu biblicuta dirigeqqa yachatsita qallan, tsënöpam tsë estudiuqa congregacionchö yachatsikuyanqannö tikrarin. Juk bautisakushqa pani estudiu biblicuta dirigiptin juk bautisakushqa wawqi yanaqaptinqa, peqanta tsapänanmi”. Tsënöllam ruranan wayi rurichö, wayi punkuchö o mëchö estudiu biblicuta dirigirnimpis.

Peru ¿estudiu biblicu manaraq patsakashqa kaptinqa? Tsënö kaptinqa manam precisantsu peqanta tsapänan, jina tsënöllam estudiu biblicuta imanö rurana kanqanta yachatsinampaq wayiyoqman kutirnimpis o estudiuta diriginapaq publicacionwan juk ishkë pärrafukunata yachatsirnimpis. Wayi punkuchö atska kuti watukarninraq ichikllapa ichikllapa estudiu biblicu patsakaptinmi, panikunaqa alleqraq tantiyayänan peqankunata imë tsapäkuyänampaq kaqta.