DIOS MUNANQANNÖ KAWANAPAQ
Alli portakoq kanqantsiktam wayin wayin yachatsikur rikätsikunantsik
Jehoväta sirweqkunaqa ‘actuacionman yarqoqkuna’ cuentam nunakunapaq kantsik (1Co 4:9). Tsëmi, yachatsikunqantsik höra wayinkunapa ventänankunapa rikapämashqa o wayi rurinkunapita wiyarapämashqaqa espantakushwantsu. Wakinkunanäqa wayinkunachömi juk cämarata katsiyan, tsënöpa parlanqantsikta wiyamänantsikpaq o imatapis ruranqantsikta rikapämanantsikpaq. Qateqnin kaq yachatsikïkunata cuentaman churashun wayin wayin yachatsikunqantsik höra (2Co 6:3).
PORTAKÏNINTSIK (Flp 1:27)
Ruri wayinkunamanqa ama qawapäshuntsu. Punkunkunachö këkarqa ama mikïkäshuntsu, celularpaqa parlëkäshuntsu ni mensäjikunataqa apëkätsishuntsu.
PARLAKÏNINTSIK (Ef 4:29)
Yarqayämunanta shuyarëkarqa manam juk cösaskunapaq parlar kakïkashwantsu. Wakin publicadorkunaqa yanaqinkunawan parlakïkäyänampa rantinmi, imanö yachatsikuyänampaq kaqman yarpachakïkäyan.