Precisanmi invitakunantsik
1. ¿Imëtaq jatun asamblëapaq invitakur qallashun?
1 Amïguntsikunapaq o kastantsikkunapaq atskata y alli mikïta prepararninqa, allim kallpachakuntsik shumaq yarqunampaq y kushishqam invitarintsikpis. Tsënöllam jatun asamblëantsikpaqpis alleq kallpachakuyashqa y tukïta rurayashqa mikï cuenta Diospa yachatsikïninta alistayänampaq. Jatun asamblëantsikpaq kima semäna pishikaptinmi, nunakunata invitanantsikpaq Jehovä juk precisaq carguntsik qomäshun. ¿Imaraq yanapamäshun kushi kushilla invitakunapaq?
2. ¿Imataq yanapamäshun kë precisaq rurëchö mas yachatsikunapaq?
2 Asamblëantsikchö mikï cuenta Jehoväpa kaqta qomanqantsikta alläpa agradecikurninmi, noqantsikpis alläpa munashun kë precisaq rurëchö nunakunata invitëta (Is. 65:13, 14). Jina yarpänantsikmi kë asamblëakunaqa alläpa allipaq kanqanta (rikäri “Allillam yarqun” neq recuadruta). Itsachi invitanqantsikkunapitaqa wakinlla shayämunqa. Ëkaq shayämunan kaptimpis, kë precisaq rurëchö yanapakunqantsikqa Jehovätam alabanqa y nunakunapaq pë imata munanqantam rikätsikunqa (Sal. 145:3, 7; Apoc. 22:17).
3. ¿Imanötaq kë precisaq rurëchö yanapakushun?
3 Congregacionchö anciänukunam rikäyanqa imanö mas invitakuyänampaq kaqta, y wayinkunachö mana kayaptin invitacionta jaqiyänampaq o mana jaqiyänampaq o cällikunachö invitakuyänampaq kaqta. Semäna ushëkunaqa invitacionkunata revistakunawan juntum qarakuyanman allinö kaptinqa. Kë precisaq rurëchö llapan puëdinqantsikmannö invitakur usharirqa, alläpa kushishqam sientikushun Jehovä alistanqan yachatsikïman noqantsikwan juntu nunakuna yachakoq shayämunqampita.