Jatun asamblëapaq invitakï

Cada watam, Diospa atska yachatsikïninkunata chaskintsik, tsëtam jatun asamblëakunachö kushishqa wiyakuntsik. Wakinkunapis noqantsiknölla kushishqa tsë asamblëachö kayänantam munantsik, tsëmi llapankunata invitëta tïrashun (Sl 34:8). Congregacionta rikaq anciänukunam invitacionta llapankunaman imanö chätsinapaq kaqta patsätsiyämunqa.

CUENTACHÖ KATSINAPAQ KAQKUNA

• ¿Imëtaq jatun asamblëä kanqa?

• ¿Imëtaq congregacionnïchö invitacionkunata qarakur qallayäshaq?

• ¿Imë hörataq yachatsikoq yarqunapaq reunion rurakanqa?

• ¿Imakunata ruranäpaqtaq kë precisaq rurëchö churapakarqö?

• ¿Pikunatataq invitashaq?

¿IMANÖTAQ INVITAKUSHWAN?

Saludarirmi kënö nirinkiman:

“Kë invitaciontam entëru Patsachö nunakunaman chëkätsiyä juk precisaq reunionpaq. Mëchö, imë junaq y imë höra kanampaq kaqtaqa këchömi willakïkan, tsëchö kayänëkitam munayä”.

¿IMANÖTAQ YACHAKÏ MUNËNINTA MIRATSISHWAN?

Llapan nunakunatam jatun asamblëamanqa invitëta munantsik, tsënö kaptimpis, mas yachakï munaqkunata yanapanapaqmi listu këkashwan.

Y Täpakoq revistataqa invitaciontawan juntum semäna ushëkunachö jaqipïta puëdinki.