Alli yachatsikoq kë: negociukuna kanqan sitiuchö

¿Imanirtaq alläpa precisan? Cäsi llapan nunakunam atska hörakunapa trabajayan, tsëmi alläpa alli kanman Diospa Gobiernumpita willakïta trabajayanqankunaman chätsinantsik. Höraqa negociukunachö yachatsikï alläpa allim yarqun, porqui nunakunatam cäsi imëpis tarintsik, clientinkuna kanqantsikta pensarmi, tsëchö trabajaqkunaqa alli chaskimantsik. Negociukunachö yachatsikï alli yarqunampaqqa, publicadorkunaqa alli yachaq, vistikïninkunachö y altsapäkïninkunachöpis juk alli ejemplum kayänan (2 Cor. 6:3). Negociukuna kanqan territoriuchö ëka kuti y pikuna yachatsikuyänampaq kaqtaqa yachatsikunqantsikta rikaq anciänum alli rikänan.

¿Imanötaq rurashwan?

Ichik tiempullachö yacharatsinëkipaq kaqta alistë. Juk trabajadorwan alläpa tiempu parlaptikiqa, itsa yapëchöqa chaskikunqanatsu.
Alläpa nunakuna mana kayanqan höra watukë, itsa trabajar qallayanqan hörakuna.
Puntataqa encargäduwan shumaqlla parlëta procurë. Itsa kënö ninkiman: “Trabajayanqan sitiukunachömi nunakunata raslla watukëkäyä, porqui tsënöpam pëkunata tarita puëdiyä”. Tsëpitana rikäratsi juk tratäduta, juk revistata o juk publicacionta karpis. Manam allitsu kanman donacionnintsikkunata imanö qonqantsikta willanantsik, peru tapumashqaqa willarishwanmi, manam munantsiktsu rantikoqkunatawan pantamänantsikta.
Encargädu alli tratakoq kaptinqa, permïsuta mañakuri wakin trabajadorkunawampis raslla parlarinëkipaq. Wakin negociukunachöqa itsa alli kanman publicacionnintsikkunata sälankunachö jaqita puëdinqantsikta tapukurinqantsik.
Alli tantiyaq kë. Pipis clientinwan parlëkaptin o ocupädu këkaptinqa, shuyärinqantsikmi mas alliqa kanqa.

Entëru killachö këta rurëta procurë:

Negociukuna kanqan sitiuchö yachatsikurninqa, allim kanman Familiachö Diosta Adorana Hörachö tsëpaq yachakuyanqëkiqa.