Cancionkunaqa yanapamantsikmi

JW Broadcastingchö yarqamoq cancionkunapitaqa, ¿mëqantataq mas wiyanki? Kë videuyoq müsicaqa imakunapa pasanqantsiktam rikätsikun. Cada killa jukläya jukläyata yachatsimashqa y shumaq wiyakaptinmi, imëpis wiyarita munantsik. Kë videuyoq müsicakunaqa manam shumaq wiyanallapaqtsu.

Kë cancionkunaqa yanapamantsik kushishqa kawakunapaq y Diosnintsikta alli sirwinapaqmi. Y yachatsikunmi shumaq chaskinakur, juknölla, valienti, kuyakoq, markäkïyoq o yärakoq y alli amïgu kanapaq. Y yanapakunmi Jehoväta jaqeqkuna pëman kutiyänampaq, perdonanakunapaq, mana jaqikoq kanapaq, y imëkanöpa Jehoväta sirwinapaq. Y celularnintsikllata mana rikaräkunapaqpis yanapakunmi. Kë videuyoq müsicata wiyarqa, ¿imatataq yachakurqunki?

ICHIKLLANAM SHUYÄRISHUN NEQ VIDEUYOQ MÜSICATA RIKÄRIR, KËKUNATA CONTESTARIYË:

• Edäna wawqiwan warminqa, ¿Diosnintsik imata änikunqanmantaq pensëkäyan? (Ge 12:3).

• Jehoväpa änikuyninkunaman markäkunapaq o yärakunapaqqa, ¿imataraq rurashwan?

• ¿Pikunata yapë rikänapaqtaq Jehoväqa änimantsik?

• Sufrimientukunapa pasashqaqa, ¿imanötaq Diospa änikuyninkunaman yarpëqa yanapamantsik? (Ro 8:25).