Llapan nunakunata Diospita yachatsinapaq

Israelïtakunata Jehovä yanapanqannöllam, kanan witsampis Jehoväqa sirweqninkunata yanapëkan. Llapan nacion Betelkunachö y congregacionkunachömi ima idiömachö karpis, Diospita yachatsikuyänampaq shumaq patsätsipakuyan (Rev 14:6, 7).

Juk idiöma parlaq nunakunata Diospita yachatsinëkipaq, ¿juk idiöma parlëta yachakunëkipaq pensarqunkiku? Juk idiömata yachakunëkipaq tiempuyki mana kaptinqa, JW Language aplicacionchö juk ishkë palabrakunallatapis yachakuri nunakunata Diospita yachatsinëkipaq. Tsënö yachatsikurninqa Diospa unë sirweqninkunanömi kushishqa sientikunki (Hch 2:7-11).

JEHOVÄPA AMÏGUN KË: JUK IDIÖMACHÖ YACHATSIKUY NEQ VIDEUTA RIKÄRIR, KË TAPUKUYKUNATA CONTESTË:

• 

  Juk idiöma parlaqkunata Diospita yachatsinapaqqa, ¿imanötan JW Languageta utilizashwan?

• 

  ¿Ima yanapakuykunatan JW Language aplicacionchöqa kan?

• 

  ¿Markantsikchöqa ima idiömatatan parlayan?

• Juk idiömata parlaq nuna Diospita yachakuyta munaptinqa, ¿imatatan rurashwan? (od-S päg. 100 pärrk. 39-41).