Diospita yachatsikoq yarqunapaq reunionkunaqa yanapakunmi

Diospita yachatsikoq yarqunapaq reunionkunaqa wakin reunionkunanöllam. Tsë reunionkunaqa juknintsik juknintsik alli reqinakunapaq, kuyakoq kanapaq y alläpa alli kaq rurëkunata ruranapaqmi yanapakun (Heb 10:24, 25). Yachatsikoq yarqunapaq reunionqa 5 a 7 minütullachömi rurakänan, y tsë tiempullachömi mëchö y piwan yachatsikunapaq kaqta patsätsiyänan y Jehoväman mañakayämunan. Y congregacionwan reunion usharinqanllachö kaptinnäqa mas ichik tiempullanam kanan. Dirigeq kaqkunaqa allim preparakuyänan, tsënöpa wawqi panikuna imata yachatsikuyänampaq kaqta musyayänampaq. Y semänachö yarquyta mana puëdeq wawqi panikuna säbaduchö atskaq yarquyaptinqa, imanö yachatsikunapaq kaqta yachatsikuyanqanmi mas alliqa kanman. ¿Ima masraq yanapamashwan alli yachatsikunapaq? Tsë reunionchö këkunata yachatsikayämunqanmi:

• Reunionchö yachakunapaq höjantsikchö “Bibliapita yachatsikunapaq” neqwan imanö yachatsikunapaq kaqta.

• Tsëllaraq pasakunqankunapaq o noticiakunapaq parlar imanö yachatsikunapaq kaqta.

• Markantsikchö mana wiyëta munayaptin nunakunata imanö parlapänapaq kaqta.

• Diosman mana creeqkunata, mönupita o manakaqpita yurinqantsikta neqkunata, idiömantsikta mana parlaqkunata o juk religionyoq nunakunata imanö parlapänapaq kaqta.

• Jw.org päginata, JW Libraryta^® o Bibliata imanö utilizänapaq kaqta.

• Yachatsikunapaq dispunishqa kaqkunata imanö utilizänapaq kaqta.

• Celularwan, cartawan, carrïtukunawan y revistakunawan imanö yachatsikunapaq kaqta o estudiuta imanö diriginapaq kaqta.

• Alli cuidakunapaq, wiyakuyta munayänampaqnö yachatsikunapaq y respetakoq kanapaq.

• Mas alli leyinapaq y alli yachatsikunapaq follëtupita o tsëchö këkaq videupita.

• Yachatsikunqantsikchö yanaqämaqnintsik wawqita o panita imanö yanapanapaq kaqta.

• Juk textuwan imanö yachatsikunapaq kaqta o pillapis imanö alli yachatsikunqanta.