ALLI YACHATSIKUNAPAQ | DIOSPITA YACHATSIKUNQËKI HÖRA
Bibliapita yachakuykaqkunata yanapë reunionkunaman ëwayänampaq
Reunionkunachöqa Jehovätam alabantsik (Sl 22:22). Y reunionkunaman llapan ëwaqkunaqa kushishqam kayan y mëtsika bendicionkunatam chaskiyan (Sl 65:4). Bibliapita yachakuykaqkunapis reunionkunaman ëwarqa, mas rasmi Jehoväta sirwiyänampaq decidiyanqa.
Bibliapita yachëkätsinqëki nunata o warmitaqa, ¿imanötan yanapankiman reunionkunaman ëwanampaq? Reunionkunaman ëwanampaqqa imëpis invitëkänëkillam. ¿Imanötaq reunionnïkuna? neq videuta rikäratsirnin, reunionkuna imanö yanapakunqanta yachatsï (lff 10 kaq yachakunëkipaq). Reunionkunachö imakunata yachakunqëkita o imakunata shamoq semäna yachatsikayämunampaq kaqta niri. Y reunionkunachö yachakunqantsik libruta o revistata makyë o JW Library® aplicacionchö “Reuniones” neqta rikäratsi. Mas alliqa kanman kikiki reunionkunaman apanqëkim. Ëwar qallëkuptinqa kushikunkim yanapanqëkipita (1Co 14:24, 25).
BIBLIAPITA YACHAKUYKAQKUNATAM YANAPANANTSIK: REUNIONKUNAMAN ËWAYÄNAMPAQ NEQ VIDEUTA RIKÄRIR, KË TAPUKUYKUNATA CONTESTË:
¿Imanötan Rïtaqa Rösata reunionman invitarqan?
¿Imanirtan kushikuntsik Bibliapita yachakuykaqkuna reunionman ëwayaptin?
“Diosqa rasumpam qamkunachö këkan”.
¿Imatatan Rösaqa nirqan reunionman ëwarir?