Bibliapita yachakuykaqkunata yanapë alli amïguta akrayänampaq

Bibliapita yachëkätsinqantsik nunakuna Jehoväwan alli amïgu kayänampaqqa, alli amïgukunatam akrayänan (Sl 15:1, 4). Alli amïgukunaqa alli kaqkunata rurayänampaqmi yanapanqa (Pr 13:20; lff 48 kaq yachakunëkipaq).

Mana alli amïgunkunata dejayänampaq Bibliapita yachakuykaqkunata yanaparninqa pacienciayoqmi kanantsik. Pëkunapaqqa manam fäciltsu kanqa amïgunkunata dejë. Tsëmi Bibliapita yachëkätsinqantsik nunaman yarpachakurqa mensäjita mandanantsik, qayanantsik o juk rätu watukaq ëwanantsik. Bibliapita yachakuykaqkunataqa, cambiukunata rurayanqanmannömi wawqi panikunawan imallatapis mikunapaq o parlakunapaq invitashwan. Tsëmi yanapanqa alli amïgukunata tariyänampaq y kushishqa kayänampaq (Mr 10:29, 30). Qampis kushikunkim Jehovä Diosta mas nunakuna sirwiyaptin.

BIBLIAPITA YACHAKUYKAQKUNATAM YANAPANANTSIK: AMÏGUTA ALLI AKRAYÄNAMPAQ NEQ VIDEUTA RIKÄRIR, KË TAPUKUYKUNATA CONTESTË:

• ¿Pikunatan mana alli amïgukunaqa kayanman? (1Co 15:33).

• ¿Imatatan Rösaqa Jehoväpa testïgunkunapaq pensarqan?

• ¿Imanötan Rïtaqa Rösata yanaparqan alli amïgukunata tarinampaq?