Precursor kë

Diosta mas sirwinapaq churapakarqa, kallpantsikta y tiempuntsiktam kë ushanan tiempukunachö alli provechashun (1Co 9:26; Ef 5:15, 16). Familiachö Diosta adorayanqëki höra, 1 septiembripita 2023 mushoq watachö Diosta maslla sirwiyänëkipaq familiëkikunawan parlayë. Jehoväta mañakurir, kë Reunionchö yachakunapaq höjachö Diosta maslla sirwiyänëkipaq imakunata rurayänëkipaq kaqta yachakuyë (Snt 1:5).

¿Manatsuraq familiëkichö mëqëkillapis precursor kayänëkipaq patsäratsiyankiman? Y precursor kar hörëkikunata mana cumplinëkipaq kaqta mantsarqa, tsëpa pasashqa precursorkunawan parlë (Pr 15:22). Familiachö Diosta adorayanqëki höra, capaz juk precursor imanö hörankunata cumplinqanta tapuriyankiman, y imë hörakuna yachatsikuyänëkipaq kaqta qellqayë. Y unë precursor kashqa karqa, ¿imanirtan yapë precursor kanëkipaq churapakankitsu? Capaz kananqa puëdinkina.

¿Manatsuraq precursor auxiliar juk killapa o mas killakunapa mëqëkillapis kayankiman? Kallpëki pishiptinqa, cada junaq puëdinqëkimannö Diospita yachatsikunëkipaq churapakë. Y trabajaptiki o escuëlachö kaptiki tiempuyki alläpa mana kaptinqa, ushanan semänakuna o feriädukuna precursor auxiliar kanëkipaq kallpachakuy. Calendariuchö ima killakuna precursor auxiliar kanëkipaq kaqta marquë, y imë hörakuna Diospita yachatsikunëkipaq kaqtapis qellqë (Pr 21:5).

VALIENTI KAYË, PRECURSORKUNA NEQ VIDEUTA RIKÄRIR, KËTA CONTESTË:

• Jehoväqa, ¿imanötan pani Aamandta cuidarqan?, ¿imatatan tsëpita yachakuntsik?