Jehovapa alli këninkunata llapan nunakunata willapäye
1. ¿Imanirtaq Jehovapa alli këninkunata parlëta munantsik?
1 “Qampam Jehová, hatun kë y kallpayoq kë y shumaq kë y alli kë [...]; qamllapa kaptin llapan cielocho y patsacho kaqpis.” (1 Cró. 29:11.) Jehovata kuyanqantsik y agradecikonqantsikmi yanapamäshun, ‘ampipita shumaq aktsinman qayamaqnintsikpa alli këninkunata willapäkunapaq’ (1 Ped. 2:9). Alli Diosnintsikpita parlëtaqa manam haqita puedentsiktsu. Marzo, abril y mayo killakunachomi, alli tiempo kapamäshun Jehovapa alli këninkunata willapäkunapaq.
2. ¿Ima shumaq campañataq kanqa Conmemoracionpita willakunapaq, y pikunataq willapäkuyanman?
2 Conmemoracionpita willakunapaq shumaq campaña: Lunes 2 de abril killam rikätsikushun Jehovapa alli këninkunata, Señorpa Cenanta yarparnin. Kë alläpa preciso celebracionpaqqa, 17 de marzopita 2 de abrilyaqmi repartishun hinantin Patsapa huk shumaq invitacionta. Llapëkikunatam animayaq kë preciso willapäkicho puriyänekipaq. Këqa shumaq tiempom kanqa mushoq estudiantekuna Biblia nenqanta cumpliyaptenqa, willapäkur qallayänampaq. Wambrëki o estudianteki Biblia nenqanta rurëkayaptenqa parle ancianokunawan, willapäkur qallayänampaq.
3. ¿Imataraq nishwan nunakunata Conmemoracionman invitarnin?
3 Kë campañaqa kanqa, “¡Liberacionnintsikqa këllachonam!” nishqan asamblea de distritopaq campaña kanqannöllam. Llapan congregacionkunam chaskiyanqa atska invitacionkunata, cada publicadormi chaskenqa 50 invitacionta, y precursorkunanam 150 invitacionkunata. Kënollam ninkiman: “Këmi invitacionniki kë wata alläpa preciso celebracionpaq. Ewkamunki, shuyaräyashqekim. Más musyëta munarqa, kë invitacionta leirinki”. Huk nunapa tapukïninkuna kaptenqa, tiempota raki contestanekipaq. Señorpa Cenampaq shumaq käyitsikunekipaqqa inshi Enseña librota, página 206 apéndice nishqampita. Ushanan semanakunachoqa tseraq yarqamushqa revistakunatawanmi ofrecikushun kë invitacionta. Apuntë llapan wiyakoq nunakunapa shutinta, mëcho täranqantapis, y arreglokunata rurë yapë kutinëkipaq.
4. ¿Imanötaq Conmemoracionpaq shumaq invitacionkunata entregashun?
4 Kallpachakushun kë shumaq invitacionta kikin wayiyoqpa makincho haqinapaq. Apuntë wayicho mana tarinqekikunata tsepita kutinëkipaq. Kë invitacionkuna congregacioncho atska kaptenqa, Conmemoración semanam haqiyankiman wayinkunacho mana tarirnimpis, pero ama puntallapitanaqa. Hinamampis yapë kutinqantsikkunata y Biblia estudianqantsik nunakunatam entregashun huk invitacionnin, hina invitashunmi llapan familiantsikkunata, junto uryanqantsikkunata, vecinontsikkunata y wakin reqishqantsikkunatapis.
5. ¿Imanirtaq kanampita patse arreglokunata rurashwan precursor auxiliar kanapaq?
5 Precursor auxiliar: ¿Kallpachakunkimanku Jehovapa alli këninkunata willapäkunekipaq marzo, abril y mayo killakunacho precursor auxiliar karnin? Precursor kanëkipaqqa itsa cada hunaq rurënikikunacho arreglokunata ruraneki (Efe. 5:15-17). Jehovapita más willapäkunekipaq kallpachakurqa, más kushikitam y atska bendicionkunatam chaskinki (Pro. 10:22). Conmemoración tiempo këllachona kaptinmi, kanampita patse arreglokunata rurëkanantsik (Pro. 21:5).
6. ¿Imatataq yachakuntsik huk pani 90 watayoq precursora auxiliarno qanyan wata sirvenqampita?
6 Qanyan watam, huk pani 90 watayoq precursor auxiliar karqan. Pëmi këno nerqan: “Huertacho wëtakuna murï gustamaptimpis y murunäna kaptimpis, yarparqämi más preciso kaqta puntaman churanapaq. Diospa Reinonta puntaman chureta munarninmi decidirqa marzo killacho precursora auxiliar kanapaq”. Kallpachakonqampita, ¿bendicionta chaskirqantsuraq? Pëmi nin: “Congregacionpa más ladoncho kanqatam mäku, y tsëmi Jehovapa lädonman más wititsimashqa”. ¿Imata puntaman churëkanqantsikta rikashwantsuraq, y kë panino arreglokunata rurashwantsuraq?
7. ¿Alläpa sasaku precursor auxiliar kë?
7 Precursor auxiliar karnin, cincuenta horas rurëqa manachi alläpa sasatsu kanman. Oracionta rurarïkur rikë cada hunaq ruranqekikunata, y huk horarioman qellqe. Rurënikikunataqa kikikim alleq reqinki. Qeshyapäkurqa y unëno manana kallpëki kaptenqa, itsa cada hunaq ishke horakunallapis willapäkoq yarqunkiman. Llapan hunaq uryarqa o escuelaman ewarqa, itsa precursor auxiliar kankiman ampikunapa o semana ushanankuna yarqurnin.
8. ¿Imataq yanaparqan huk matrimoniota precursor auxiliar kayänampaq?
8 Atskaqmi precursor auxiliar kayashqa familiantin. Pasaq watakunam huk matrimonio precursor auxiliar këta mana puedeyanqanta creiyaq, alläpa rurëninkuna kaptin. ¿Imatataq rurayarqan? Pëkunam këno willakuyan: “Jehovatam mañakuyarqa yanapayämanampaq, unëpita precursor auxiliar këta munayanqäman chayänapaq”. Alleq arreglokunata rurarïkurmi precursor këman chäyarqan. Hina niyanmi: “Alläpa shumaqmi karqan. Kushishqam atska bendicionkunata chaskiyarqa. ¿Imataraq qamkunata niyaqman? Kallpachakuye precursor auxiliar kayänekipaq. Noqakuna precursor këman chäyarqomi, qamkunapis puedeyankimanmi”.
9. ¿Imapaqtaq parlayankiman yapë kaq estudio de familiacho?
9 ¿Imanirtaq parlayankitsu yapë kaq estudio de familiacho imanöpapis más willapäkuyanekipaq shamoq killakunacho? Familiacho llapankuna mana precursor auxiliar këta puedernimpis, itsa wayicho hukllëllapis llapan yanapayaptenqa precursor kanman. Këta mana rurëta puederqa, itsa llapan familia kallpachakunman kë killakunacho más willapäkoq yarquyänampaq.
10. Conmemoración witsankuna precursor auxiliar këta munanqantsikta, ¿imanirtaq wakinkunawan parlashwan?
10 Llapantsik yanapanakushun: Kushikïqa muyakunmi. Precursor auxiliar këta munanqëkita parle. Itsa wakinkunapis precursor këta munayanqa. Hinamampis punta precursor auxiliar kaqkunam, itsa willapäyashunki imano ruranekipaqpis munanqëkita cumplinekipaq (Pro. 15:22). Precursor auxiliar këta puederqa, ¿imanirtaq huk publicadorta invitankitsu qampano rurëninkuna kaqta, kë shumaq willapäkiman yarquyänekipaq?
11. ¿Imanötaq ancianokuna shamoq killakunacho precursor auxiliar kayänampaq wakinkunata animayanman?
11 Atskaq ancianokunam arreglokunata rurayan precursor auxiliar kayänampaq kë shumaq willapäkicho (Heb. 13:7). Këno rurayanqanqa congregacionta animanqam. Ancianokunapis shumaq parlakïninkunawan animayanmi precursor kayänampaq. Wakinkunaqa necesitayan shumaq kuyakipa parlapäriyanantam o alli consejokunatam precursor auxiliar kayänampaq. Superintendente de servicio itsa arreglokunata ruranqa serviciopaq más reunionkuna kanampaq, tsenopa llapankuna willapäkiman yarquyänampaq uryapita o escuelapita yarquriyaptimpis. Hina rikanqam llapankunapa atska publicacionninkuna y territorionkuna kanampaqpis. Willapäkunapaq reunionkunataqa, cada semanam willakayämonqa.
12. ¿Imataraq rurankiman precursor auxiliar këta mana puederqa?
12 Precursor auxiliar këta mana puedernimpis, wakinkunata animankimanmi y Jehovata mañakunkimanmi pëkunapaq (Pro. 25:11; Col. 4:12). Itsa arreglokunata rurankiman semanacho huk hunaq más yarqunekipaq, o más horakuna pëkunawan willapäkoq yarqunekipaqpis.
13. ¿Perú markacho eka precursor auxiliar kanantataq shuyarantsik? ¿Imataraq congregacionniki ruranman tsëta logranampaq?
13 Abril killacho, ¿eka precursor auxiliar kanantataq shuyarantsik? Pasaq watam Perú markantsikcho karqan 13.733 precursor auxiliarkuna enero killapaq. Tsëmi kë watapaq abril killacho shuyarantsik 10.000 precursor auxiliarkuna kananta. Puedentsikmi këta logreta congregacionnintsikcho cada qanchis publicadorkunapita, hukllëllapis precursor këman chaptin. Rasumpam, wakin congregacionkunachoqa más atskaq publicadorkunam precursor auxiliar këman chäyanqa. Casi llapan congregacionkunam këta logreta puedeyanqa. Pensë imanöraq congregacionnikicho kushikuyanqa llapankuna junto willapäkoq yarqurnin.
14. ¿Imanirtaq abril alli killa precursor auxiliar kanapaq?
14 ¿Imanirtaq abril alli killa precursor auxiliar kanapaq? Qallanan killalla Conmemoración kaptinmi, alli tiempo kapamäshun Conmemoracionman shamoqkunata yapë visitanapaq. Revistakunatam ofrecishun y, wiyaqkunaman yapë kutirnenqa ofrecishun Shuyaran folletota estudio biblicokunata qallanapaq. Tsëmi abril killa precursor auxiliar karnenqa, alli tiempo kapamäshun estudio biblicokunata qallanapaq. Hinamampis abril killachoqa pitsqa domingom kan, y ishke hunaqmi fiestatapis rurayan, tsëmi uryarpis o escuelaman ewarnimpis más fácil kanqa precursor auxiliar kanapaq.
15. ¿Imanirtaq Conmemoración witsan chämuptin, rikashwan alläpa urgente tiempo kanqanta willapäkunapaq?
15 Cada wata Conmemoración pasariptinmi, rikantsik këllachöna kë mundopa ushakënin kanqanta. Hatun Diosnintsikpita nuna mayintsikta willapänapaqqa, ichik tiempollanam kapamantsik (1 Cor. 7:29). Kë Conmemoración witsan pasariptenqa manam imëpis kutimonqanatsu kë shumaq tiemponoqa, cielocho Papanintsik Jehovata alabanapaq. Kananllapitana arreglokunata rurashun marzo, abril y mayo killakunacho Jehovapa alli këninkunata willapäkunapaq.
[4 kaq päginachö recuadru]
¿Abril killacho kapamashwantsuraq 10.000 precursor auxiliarkuna?
◼ Imatapis puntaman churanqekikunata rikë
◼ Jehovapaq rurëta munayanqekikunata familiacho parlayë
◼ Wakin wawqi panikunawan parle imano ruranekipaqpis