¿Listutsuraq këkanki illaqpita operayäshunëkita?

¿Imanirtan listu këkänantsik? Llapantsikmi illaqpita qeshyantsik o mana pensanqantsik höra hospitalman chärintsik. Tsëmi doctorkuna alli atiendimänapaqqa, imatapis ras o sas decidinantsik y tsëpaqqa listum këkänantsik. Tsëta rurarmi vïdantsikta y yawar asuntupaq Jehovä mandakunqanta respetanqantsikta rikätsikushun (Hch 15:28, 29).

¿Imanötan alistakushwan?

• Jehoväman mañakurir y alli pensëkurmi DPAa ninqan documentuta llenanantsik. Bautizakushqa kaqkunaqa publicacionkunata rikaq wawqitam tsë documentuta mañakuyänan, y papä kaqkunanam Tarjeta de identidad (ic) ninqan documentuta wamrankunapaq mañakuyänan.

• Juk warmi qeshyaq karqa Información para mujeres embarazadas (S-401) ninqan documentutam anciänukunata mañakunan, tsë documentuqa qeshyaq kar o qeshyakur hospitalman ëwanqanchö imata decidinampaqmi yanapanqa.

• Operayäshunëkipaq kaqta o hospitalchö quedakunëkipaq kaqta niyäshuptikiqa, puntallapitana anciänukunata willë y hospitalchö carguyoq kaqkunata willë juk Testïgu watukashunëkipaq kaqta.

¿Imanötan anciänukuna yanapakuyan? Pëkunaqa DPA ninqan documentuta qellqanëkipaqmi yanapayäshunki. Peru pëkunaqa manam imanö jampikunëkipaq kaqta o imata decidinëkipaq kaqta niyäshunkitsu (Ro 14:12; Gäl 6:5). Yawarta churayäshunëkipaq kaqta doctorkuna niyäshuptikiqa, congregacionchö këkaq anciänukunatam willanëki, pëkunanam Hospitalchö Yawarta Mana Churamänapaq Yanapakoq wawqikunata jinan höra willayanqa.

¿Imanötan Hospitalchö Yawarta Mana Churamänapaq Yanapakoqkuna yanapakuyan? Këchö yanapakoq wawqikunaqa, alli preparädum kayan doctorkunata y abogädukunata yawarta imanir mana churakunqantsikta entienditsiyänampaq. Pëkunaqa atiendishoqniki doctortam yawarta mana utilizarlla atiendiyäshunëkipaq kaqta niyanqa. Y tsëchö doctorkuna yawarta mana utilizarnin atiendishuynikita mana munayaptinqa, pëkunam yawarta mana utilizarlla atiendishunëkipaq juk doctorta ashiyämunqa.

¿IMATAN YANAPAMÄSHUN YAWARTA IMANÖ UTILIZÄNAPAQ KAQCHÖ ALLI DECIDINAPAQ? NEQ VIDEUTA RIKÄRIR, KË TAPUKUYTA CONTESTË:

• ¿Imakunatan yanapashunki yawarta mana churakunëkipaq?

  Your answer